#آجرڪ‌الله_یابقیة‌الله ‍ #آشنایی بادستگاه شور درآمدسلمک گوشه رضوی قرچه👇👇 #وداع امام حسین(ع)_ زبانحال حضرت رقیه(س)   سن آت اوسته پای پیاده من نه قد‌ر قاچوم دایانیم بابا سنی عمّه‌مین جانی بیردایان باشیوا گلوم دوْلانیم بابا بویوْل اوسته ایستیر‌م اگلشیب سنه بیرجه درددل ایلییم ئؤلوم ایسته جانیمی قورتاروم داخی سنسیز عالمی نیلور‌م دیمه گوشواره‌می آلمیسان اوره‌گیم سینوبدی گیلیلییم نه قدر مصیبته تاب ائدیم نه قدر دؤزوم دایانیم بابا دایان ایندی قلب شریفیوی بویانقلی آهیله داغلا گئت دؤشنیم ایاقیوا ئؤلممیش باشیم اوسته اگلشیب آغلا گئت گئدیسن دالونجا باخانمورام ائله گؤزلریمی ده باغلا گئت گؤزی باغلی دوت الیمی اؤزون باشیوا دوروب دوْلانوم بابا باشیمی اوجاتمیشیدی منیم باباجان بوسایه‌ی رحمتون هامودان علاوه بوبیکسه واریدی همیشه محبّتون منه نسبت ایندی ندن بئله آزالیبدی لطف وْکرامتون بواَسفلی آیریلیقی مگر نئجه ایندی سهل سانیم بابا بویوْل اوسته من اوْتوروم بابا پوْزولان بوحالیوه آغلاییم باشوا و یا دوْلانوم سنین داغیلان جلالیوه آغلاییم منی آل قوجاقیوا یوز قوْیوم سارالان جمالیوه آغلاییم اوْلا سینن اوسته فدا سنه یوْرولان ضعیفه جانیم بابا وئر اجازه شمره گئدیم دییوم اور‌گیزده کینه‌نی ئؤلدورون نه یانون شراره‌ی دوزَخه نه ولیّ‌ ذوالمنی ئؤلدورون سنی گؤرسه‌دیم قوْشونا دئیوم بونی بوْشلیون منی ئؤلدورون علی‌اصغریم کیمی اوْخلانام سپه‌سن سمایه قانیم بابا سؤزومی قبول ائله هجر اوْدون بابا خسته قلبیمه وورما سن قوْی علیّ‌ اصغریله یاتوم منی آغلادوب بئله یوْرما سن گؤتور ال دعا ائله قوْی ئؤلوم منی اصغریمدهن آییرما سن دئمه‌سین هایاندا قالوب منیم گئجه لای‌لای چالانیم بابا بولوسن محبّت اسیر‌یم آتاسزلیغا دؤزه بولمور‌م منی سن سینوْندا بؤیوتموسن اتگوندان ال اوزه بولمور‌م سوْیونوب بوشامون اوزاق یوْلون من آیاق یالون گله بولمور‌م گولی خاره تاپشیریسان نئجه دایانیم بواوْدتدا یانیم بابا