کوفه شهرینده یاغور قان الله 🥀✨🍁🥀✨🍁🥀✨🍁 #زبان حال حضرت مسلم علیه السلام در کوفه #مرحوم تائب تبریزی . کوفه شهرینده یاغور قان الله دیوری ملتی قان قان الله ئولدوروللر قوناقی ائل لریندن اوزاقی . . دوتیوب گبرده بیله سیاقی قوؤا ایودن چاغیریلمیش قوناقی ئولدوره بیر وطنیندن اوزاقی ایلیه قانینه غلطان الله . . منله غم، من غم و دردیله وارام وار غم غربتیله دلده یارام دوندریم من هارا یوز واردی هارام قالمیشام واله و حیران الله . . قوم بی دانش و بی فوز و فلاح بولوری قانیمی عالمده مباح قانیمی توكماقا اللرده سلاح آختاروللار منی هر یان الله . . گورمیوب ایمدیه دین چشم فلک میزبان اوز قوناقین ترک ایده تک میزبان نه اولی کوفیلر تک نه اولار من کیمی مهمان الله . . بیر باشیمدور ولی مینلر مُحَنیم نه ائلیم واردی نه داده یتنیم یالقزام یوخ سسیمه سس ویرنیم گَزَرَم شهری هراسان الله . . واردی دردیم کیم ایدر درمانیمی قورتارار درد و بلادن جانیمی قانلیلار آختارور ایچسون قانیمی واردی چوخ قانیمه عطشان الله . . غم غربت یازیلوبدور آدیما دوشورى یثرب و بطحا یادیما ائل قبیلم هانی گلسون دادیما دؤنَه امّیده بو حرمان الله . . نقدر درد و بلایه دایانیم قان یاغان شهری نقدری دولانیم وار کیمیم سایه سینه دالدالانیم تاپوم أمنیّته امکان الله . . صبریمین خرمنی برباد اولدی آغلادیم دشمن دین شاد اولدی آشنالر دولانوب یاد اولدی بیله دور عادت دوران الله . . درد آلان اولسا گره دلدن آچار سوز آلان اولسا سوز اهلی سوز آچار لیک آدامسیزدان هامی خلق قاچار بی کسم حالی پریشان الله . . تنگدور عالم امکان گوزیمه آشنا یوخ قولاق آسسون سوزیمه همدمیم یوخ دانشوب اؤز اؤزیمه گیدرم هر یانا گریان الله . . وار نه حالیم نه ائلیم وار سئچسون آز قالور شمع حیاتیم گئچسون آختارور قانیمى قاتل ایچسون داده یت خالق سبحان الله . . صبر وادار ایلیوب صبره منی رام ایدوب هر ستم و جبره منی کیم ایدوب دفن قویار قبره منی کیم دوتار شام غریبان الله . . گر ئولم آغلیانیم یوخدی منیم سینه سین داغلیانیم یوخدی منیم گوزیمی باغلیانیم یوخدی منیم حسرتیله ویرَرَم جان الله . . تائبم غرقۀ دریای گناه نامه می جرم لر ایلوبدی سیاه دوندروب درگهوه روی پناه ایسترم نُسخۀ غفران الله .

دورای وفالی قارداش یورقون یارالی قارداش #عباسیه ✨▪️✨▪️✨▪️ #زبان حال امام معصوم علیه السلام در بالین برادر مرحوم تائب تبریزی . دورای وفالی قارداش یورقون یارالی قارداش یالقیز قالوب حسینون ائلدن آرالی قارداش آرخام ائلیم ابوالفضل سندی بئلیم ابوالفضل . . . گلدیم اؤپم یوزوندن بیر سوز آلام سوزوندن قارداش کمک لیق ایله تیری چکوم گوزوندن . . اهل جفا بیللّر اولموش قلم گُل اللر قارداش من آغلینده طعن ایلیوب گوللّر . . دللرده چوخدی سوزلر آغلار قالوبدی گوزلر سوجامی الده عطشان قزلار یولووی گوزلر . . باشون کناره آلدیم قلبه شراره سالدیم دور مرد با کفایت نامرد الینده قالدیم . . جسمون سراسر اوخدى ال پیکرینده یوخدی بو اللرین حسینین بوینوندا حقّی چوخدی . . ای جاندا چوخ یاراسی وار سانی یوخ یاراسی تقوی گلی آچوبدور آلنوندا اوخ یاراسی . . بیر امتحان ویروبسن كونه تکان ویروبسن بیر باخماقا فراته گوز ترجمان ویروبسن . . اوخ یاغدی صاق صولوندان سن چخمادون یولوندان بیر مشگ سو یولوندا گچدون ایکی قولوندان . . دردون منه غم اولدی صبر دلیم كم اولدی دوشدون بیله ایاقدان بو قامتیم خم اولدی . . آچ بیر گوزون یارالی سویله سوزون یارالی توپراق لارا بونوعی سورتمه یوزون یارالی . . داغ آتدی بو دلیمده یانّام آدون دلیمده سندن الیم اوزولدی قالدى الیم بلیمده . . وصفون بیانه گلمز سایدیقجا سانه گلمز سن تک وفالی قارداش بیرده جهانه گلمز . . قزلار مرامه چاتماز یاددان سنی چخماتماز یاتدون یارالی قزلار آسوده بیرده یاتماز . . كامه عدو چاتالّار وحشتلرین آتالّار راحت یاتانمین لر راحت اولوب یاتالّار . . دورغم له سینه داغلا اشگون عذاره باغلا من اوخشیوم سن اوخشا من آغلیوم سن آغلا . . وردیمدی قارداش ایوای وای یار و یولداش ایوای وای قارداشیم دینده سسللّه داغ داش ایوای . . تائب بیر ایله همّت بیر نامه قیل کتابت عبّاس دعوت ایتسون گیت قبرین ایت زیارت

بزم نگاره ایلدیلر چون ندا منی #ورود_کربلا 🌱✨▪️🌱✨▪️🌱✨▪️ #زبان حال امام حسین علیه السلام در ورود به کربلا مرحوم ذلیل تبریزی . بزم نگاره ایلدیلر چون ندا منی عشق اهلینه خدا ایلدی ناخدا منی . کشتی عشقه جمع ایلدیم اهل عشقی من ثابت قدم گوروب هامی اهل وفا منی . کوی وفاده کعبه نی گلدیم طواف ایدم سعی ایلیوب سالوب یولا سعی و صفا منی . بیگانه لر بو نوع گمان ایلیوبدیلر بی آشنا ایدوبدی بو گون آشنا منی . فتوا ویروبله قتلیم ایچون مفتیان شهر ئولدورماقا هجوم ایلسین اشقیا منی . گلدیم منایه اکبری قربان کسم گرک ایتدی حواله ئوزگه منایه منا منی . دوشدی قدر قباقه اولوب رهنمای غم گودال قتلگاهه یتوردی قضا منی . قانیم گرک ہو معرکه نی لاله زار ایده حق ایلیوبدی آینۀ حق نما منی . عاشق لر ایچره دفتر قتل قتیل ده روز ازل یازوبلا ذبیحاً قفا . ابن زیاد نامه یازوب سعدین اوغلونا ایتسونله سُمّ مرکبیله توتیا منی . بو کربلا هواسینین اوزگه هواسی وار معلوم دور هوایه ویرور بو هوا منی . یعنی کَسَلله باشیمی لب تشنه اشقیا اوندان وورار جداده هوایه هوا منی . چکمزله ال یارالی باشیمدان بو کوفیان تا سنگسار ایتمَسَه آل زنا منی . مشتاقدور ذلیل او ششگوشه قبریوه عباس خاطرینه گل ایله دعا منی

بابا خوش گلموسن ویرانسرایه قویمارام گیتسون ▪️▪️▪️✨▪️▪️▪️✨ #زبان حال حضرت رقیّه خاتون خطاب به رأس مطهر پدر . غلامحسین اشرفی و مرحوم سیّد حسین رجائی تبریزی . بابا خوش گلموسن ویرانسرایه قویمارام گیتسون یتور هر گونه غم بو مبتلایه قویمارام گیتسون . . او گوندن که وصالون ترک ایدوب آیریلموسان مندن گوروب بیک س عیالون ظلم بی اندازه دشمندن اولوب آخر خرابه مسکنیم آیریلمارام سندن داخی یوخ طاقتیم جور و جفایه قویمارام گیتسون . . بابا دین مبینه خدمتون گون تک نمایاندی کمند ظلمه دوشموش اهل بیتون دیده گریاندی تالاندى خیمه لر سندن صورا اود ووردیلار یاندی چیخوب دور دود آهیم تک سمایه قویمارام گیتسون . . بابا کیم کسدی باشون یاندوروب دور قلب زهرانی منی بو سنّده قویدی یتیمه ایتدی زندانی اسیر روم و دیلم تک دولاندوخ کوه و صحرانی فراقون توش ایدوب دور هر بلایه قویمارام گیتسون . . بابا یاتموشدوم ایمدی پر شکسته مرغ بسمل تک جمالون عالم رؤیاده گوردوم خوش قیزیل گل تک ایدردیم ناله دردیمدن او گل شاخنده بلبل تک ولی یأس اوز ویروب من بینوایه قویمارام گیتسون . . گیجه گوندوز توکردیم اشکیمی وصلون سراقیله گوروب رؤیاده قول آلدیم کمال اشتیاقیله قولوم دوشدی یره قالدوم گینه درد فراقیله دوشوب وصلون اله قیلّام گلایه قویمارام گیتسون . . او قَدری آغلادوم درده گتوردوم قلب زهرانی بی بیم زینب اویاندى باغرینا باسدی بو نالانی یزید بی حیا بولدی بو دردون وار نه درمانی باشون گوندردی باخ طرز دوایه قویمارام گیتسون . . گلوردون ایمدی که ویرانیه ای شاه بی لشکر نولوردی گلماقون بیر دم بولِیدی آل پیغمبر چخِیدی شورله پیشوازه بیر دسته قرا معجر دیِیدیم من عجب گلدون هرایه قویمارام گیتسون . . ولی صد حیف اولا بو گلماقوندان بی خبر قالدوم بولنموردوم ندور مطلب بی بیمدن من خبر آلدوم دیدی دور آغلاما گلدی بابان وصلون اله سالدوم یتیشدیم صون نفسده مدّعایه قویمارام گیتسون . . نَقَدری دلخوشام گوردوم سنی بو خسته حالیمده اُلوم آثاری هر لحظه نمایان دور جمالیمده شکسته اولماسون قلبون منیم طرز مقالیمده بابا سن سیز اسیرم اشقیایه قویمارام گیتسون . . عجب وقته منی یاد ایلدون ای خسرو محشر گلِیدی کاش بو لحظه سنیله قارداشیم اکبر او گل رخسارینی بیرده گورِیدیم بو دم آخر یاخون دور جان ویرم پیک خدایه قویمارام گیتسون . . «رجائی»، «اشرفی » دور چون سالان نظمه بو گفتاری او نصف اوّلین یازدى قالا دنیاده آثاری شریک فیض اولوب او سنده یازدون آخر اشعاری سوزون قورتار یتیشسون انتهایه قویمارام گیتسون .

اربعین زائریوخ حضرت ثاراللهه #اربعین 🏴🏴🥀🏴🏴🥀🏴🏴 #زبان حال زایران و خادمان اباعبدالله در زیارت اربعین… و گریز به شهادت حضرت رقیه #کربلایی رحیم شایان . اربعین زائریوخ حضرت ثاراللهه گئدیروخ نوکر دربست ابی عبداللهه فخریله خدمت ائداخ درگه شاهنشاهه دئیروخ باخ آقاجان بیزده دل بی تابه نقد جان بسلمیشوخ سن کیمی بیر اربابه . . خدمت ایتماق سیزه فرق ایلیری فرموللاریلان شانوز اعلی دی سیزین دنیوی مسووللاریلان ایشلیروخ حضرتوزه تک تک سلوللاریلان هل اتی سوره سی قرآندا سیزین شانیزده قدرت مطلقه لا یتناهی سیزده . . عاشقوخ بین حرم سینه ووروب آغلیاروخ سسلروخ ای وای حسین سینه میزی داغلیاروخ تاج عزتدی بو قاره که باشا باغلیاروخ نوکر خونجگروخ فخریدی نوکرلیقیمیز ظاهرا نوکروخ اما بودی سرور لیقیمیز . . کیم سنه خدمت ائده هر بیره مین لر وئره سن آغلیانلاریوه جنتده ئوزون یر وئره سن کرمون ویژه دی خادم لره بهتر وئره سن جاذبه ندن دی شهادت اولور احلی من عسل شمع جمعون ائدیب عالم لری پروانه مثل . . جان ویروبسن که قالا مکتب و قرآن زنده دین اسلام اولوب قانیویله. پاینده ثابت ایتدون که حسینیله بو دین ایمنده بذل جان شهره دی سیزلرده من الیل مبیت ایندی ده هر نه سیزین الده دی یحیی و یمیت . . قدم آتدوقجا دوشور یادیمه چون زینب زار اودی که طول مسیر اکثر گوزلر آغلار هره بیر نیتیله اولموش اونا تعزیه دار بیری اکمیش اورگینده گل ایمان بذری بیرینین واردی هر ایل حضرت زینب نذری . . خیمه گاهه گئدر هر ایل ائلیه نذرین ادا ائوین آباد خانم چوخلار اولوب کامروا کامینه چاتمادی آیا ندن اول خیردا بالا عالم آغلار او سه ساله بالانین نیسگیلینه دویمادی اهل حرم غصه لی شیرین دیلینه . . اگلشردی در ویرانه ده اول نازلی بالا انتظاردان یورولاردی ولی گلمزدی بابا باشلیاردی گئجه نی صبحه کیمی اوخشاماغا ئوزی غملی سوزی غملی هامونی داغلاردی در و دیوار خرابه حالینا آغلاردی . . باشینه گاه دوشردی علی اصغر هوسی دیسگینیب گاه دیردی گلوری زجر سسی روحینه زجر وئریردی او گیجه خاطره سی آز زماندا او بالا دوشموشدی بیر حاله شمر الیندن ائله دی تا دم آخر ناله . . او بالا ئولدی اونون مدفنی ده اوردا قالوب ایندی قبریندن اونون پرچم اسلام اوجالوب او صفالی حرمی باغ جناندان باج آلوب باخ بو گون عبرتیلن سن رقم اللهه آج ئولن طفل یتوب حشمت گردون جاهه . . ایندی که چاتمیش الیم جود و کرم دامنیوه آند ویررم سنی اول غصه لی پیراهنیوه یوم عاشورده کی خیمه پر شیونیوه انتهای کرمینله بیر عنایت ائده سن آغلیانلاریوه هر یرده شفاعت ائده سن . . گر چه شایاندی تخلص ولی شایان دگولم شانوزه لایق اولان پاک بیر انسان دگولم مور پستم که سزاوار سلیمان دگولم ولی سیز بیر نظره ذره نی خورشید ائده سیز گورمویوب چشم زمان کافری نومید ائده سیز .

#امام_حسین علیه السلام▪️✨ #عصر_عاشورا #زبان حال حضرت_زینب سلام الله علیها این‌ همه‌ راه‌ دویدم‌ ز پی‌ دلدارم به‌ امیدی‌ که‌ در این‌ دشت‌ برادر دارم کاش‌ می‌شد به‌کنار‌ بدنت‌ جان‌ بدهم فکر‌ همراهی‌ با شمر‌ دهد آزارم خیزونگذار که‌ ما را به‌ اسیری‌ ببرند منکه‌ از راهی‌ بازار شدن‌ بیزارم اسب‌ها پای‌خود از سینهٔ‌ او بردارید من هم‌ از این‌ تن‌ بی‌سرشده‌ سهمی‌ دارم یک‌ عبا داشتی‌ و خرج‌ علی‌اکبر شد با چه‌ از روی‌ زمین‌ جسم‌ تو را بردارم به‌ وداع‌ من و تو خیره‌ بُود چشم‌ رباب‌ خواندم‌ ازطرز‌ نگاهش‌ که‌ منم‌ دل‌ دارم #شاعر: #سعید_خرازی