آفاقه سالدی ولوله زینب نواسی #حسینیه #مصیبی_تبریزی « نوحه قتلگاه . مصیبی تبریزی . #سبک_ای_درد_بی_درمانلارا_درمان_اباالفضل … 10 سبک مشابه  . آفاقه سالدی ولوله زینب نواسی آتدان دوشنده توپراقا زهرا بالاسی . . داره چکوبلرکوفیان رکن صفانی آتدان سالوبلار یادگار مرتضانی آغلاتدیلار جناتیده خیرالنسانی گونلرقباقینده قالوب رحمت هماسی . . شمرین جفاسی عالمین قلبین دلوردی کروبیان گویلرده گوزیاشین الوردی اللر باشیندا خیمه دن زینب گلوردی نه طاقه چاتمیشدی اونون آه ونواسی . . جناتیدن زهراگلوب گودال عشقه روح الامین پر چکدی باخسون حال عشقه بوندان صورا وای زینبه وای آل عشقه آل علی نین باشلانوبدور ابتلاسی . . شمرین اسور اللر، الینده خنجرآغلور شیهه چکور آتلار سیزیلدور لشکر آغلور یئرلرده طوفاندی بو حاله گویلر آغلور گتدی بوگوندن گلشن عشقین صفاسی . . شمرین غلافیندن او دم کی چیخدی خنجر جنتده قلب مصطفانی سیخدی خنجر آل علی نین دودمانین ییخدی خنجر آز قالدی باشلانسون اونون گویلرده یاسی . . مقتلده اما ایش هارا باخ گور دایاندی زینب آتوبدی خنجره ال ، قلبی یاندی دوشدی کشاکش ، اللری قانه بویاندی جانلار او قانلی اللرون اولسون فداسی . . آچدی گوزون بو وقفه ده شاه دو عالم سویلوب؛باجی گئت خیمه گاهه باشلا ماتم مندن سنه اولماز داخی قارداش ، مسلّم ویران اولوبدور باجی قارداشلیق اساسی . . اخیامه زینب یوللاناندا اسدی یللر گویده دوتولدی گون قوپوب غوغای محشر اولدی ذبیحا من قفا دلبند حیدر تترندی گویلرده سماواتین بناسی . . یازیاز«مُصَیِّب» چولده کی باشسیزلار ایوای برج ولایتدن آخان اولدوزلار ایوای مخیمده کی السیزایاقسیز قیزلار ایوای چکدی عجب کلکین بو لوحه غم نماسی .▪️▪️▪️▪️▪️▪️▪️▪️▪️▪️▪️