آنا یا فاطمه گل زینبون احوالینه باخ حالات جناب زینب علیها سلام . #سبک_یارالی_جان_یارالی … #سبک_شهریاریمسن_آقا … #سبک_کربلا_منتظر_ماست … . مرحوم کاتب اردبیلی . آنا یا فاطمه گل زینبون احوالینه باخ بی پرستار قالوب بیر بلوک اطفالینه باخ . . وئرمدی دشمن حسین اوغلوا بیر جرعۀ آب جدّینون امّتینون ائتدیگی افعالینه باخ . . او حسینی که اونا دایه اولوب روح الامین تاپدی قونداقی ایله زینت اونون عرش برین ئولدوروب قویمادیلار دفن اولا باشسیز بدنین دویمویوب ویردیلار اود خیمۀ اجلالینه باخ . . حدّیدن کیچدی جفای سپه کوفه و شام قتل عام آل علی اولدی بو صحراده تمام عمده مقصودلرینه یتشوب قوم ظلام هندون اوغلی نجه نائل اولوب آمالینه باخ . . سوسوز اطفالون عطش طاقت و آرامین آلوب نالۀ وا عطشا زلزله آفاقه سالوب دفن سیز نعش شهیدان قوری یرلرده قالوب دشمنان آل اوزادوب غارت اموالینه باخ . . دستگیر ایلیوب آل اللهی اولاد زنا آت قباقینه سالوب گزدیری بیچون و چرا رحم قیلماز داخی قمچیله ویرار شمر دغا قمچی آلتندا بو بیچاره لرون حالینه باخ . . زادۀ سعد باخور نخوتیله لشگرینه آل سفیانون اولوب شیفته سیم و زرینه خارجی آدی قویوب عترت پیغمبرینه گور نه عالمدی بو ظالملرون اقوالینه باخ . . توکدیلر بیر نفرون اوسته اوتوز مین سپهی قرمزی قانیله رنگین ائلیوب قتلگهی اولدی غلطیده نچون کرب و بلا پادشهی بی حمیّت عربون زمرۀ قتّالینه باخ . . «کاتب» غمزده مدّتدی نوا خواندی بیزه ذکر ایدر دردیمیزی دیده سی گریاندی بیزه گنهی چوخدی ولی مرثیه گویاندی بیزه گل اونون حشر گونی نامۀ اعمالینه باخ . 🍂🍂🍂🍂🍂🍂🍂🍂🍂🍂🍂🍂

بو نه الدور، بو نه بارماق، بو نه پیکر یارالی 🏴🥀🥀🥀🥀🥀🏴 کوچ از کربلا زبانحال حضرت زینب (س) . #سبک_یارالی_جان_یارالی و … 4 سبک … #سبک_کربلا_منتظر_ماست #سبک_شهریاریمسن_آقا . ذاکر مراغه ای . بو نه الدور، بو نه بارماق، بو نه پیکر یارالی بو نه یئردور ،بو نه فرش و بو نه بستر یارالی . . نیه بیر بیله ویروب یاره سنه قوم دنی تیره باران ائلیوبلر یارالی بیر بدنی کیم سالوبدور باجون ئولسون یوزون اوستونده سنی باشیوی تشنه کسوب هانسی ستمگر یارالی . . گلشن فاطمیه گور نه اسوب باد خزان توکولوب تپراقا گل تک شهدا پیر و جوان قرمزی قانون ائدوب یو چولی بیر باغ جنان یاره لر گل بدنونده گله بنزر یارالی . . نجه رحم ایلمدی قاتلون ای میر حرم قویدی بو سینیه بیر بیله یارائیله قدم نه چکوبسن او زمان حالیوی قلباً بولرم سیندیروب سینه وی ظلمیله او کافر یارالی . . نه دئدون قانیوی بو قوم حسین بولدی حلال اوخ آتان ،یاره ویران بیربیره وئرمزدی مجال قولّاریم باغلیدی شامه گئدیرم دور یولاسال ایلیوبسن منی اطفالیوه رهبر یارالی . . چون آغیردور بو سفر جانیمه چوخ رعشه سالوب بیر کسیم یوخدی نه اکبر ،نه ابوالفضل قالوب باشدا یوخ معجریم اطرافیمی نامحرم آلوب قرمزی قانون اولوبدور منه معجر یارالی . . زینب ایلوردی او گل پیکره گوزیاشی نثار یتیشوب نازلی سکینه دئدی ای عمه زار بو کیمون نعشیدی شام اهلی ائدوبلر بئله خوار قتلگاه ایچره دوشوبدور بئله بی سر یارالی . . دئدی یاندیرما منیم قلبیمی ای کنز بلا بو آتان نعشیدی بو حاله سالوب اهل جفا ائشیدوب بو سوزی حسرتله چکوب وا أسفا اوزینی سالدی همان سینیه مضطر یارالی . . دئدی بابا منی بو وقتیده کیم قویدی یتیم نازیمی کیم چکه جاق ایمدی بو یولّاردا منیم او قدر قمچی ویروبلار گویروب گل بدنیم اولماسون سن بیزی یولّاردا دوگَللر یارالی . . کربلا ظلمی یتوبدور داخی اتمامه بابا بیر دانیشدیر منی آخر گئدیرم شامه بابا توکرم زلفیمی بو پیکر گلفامه بابا گون اذیّتدی سنه کولگه یئر ایستر یارالی . . بیرده بابا منی آغوشه اگر آلمیاسان ساغلیقون تک بو زمان بوینوما قول سالمیاسان ائدرم شیونیله محشری بو چولده عیان چکمرم ال نقدر وورسا بو لشکر یارالی . . ایلدی راز و نیاز اول یارالی پیکریله یاندیروب قلب حسینی بو شیرین دیللریله بالاسین باغرینا باسدی کسیلن اللریله گوره بیلموب اونی محرون و مکدّر یارالی . . امر ائدوب لشکره سعد اوغلی که وقت اولدی دورون شهدانون بدنیندن اُسرانی آیرون هانسی آیریلمیا ،تأخیر ائده قمچیله ویرون قالاجاق گون قباقیندا بو بدن لر یارالی . . توکولوب مقتله بیر عده قسی قلب و لعین دئدیلر ختم ائدون آخر ندی بو شیون و شین گئده لازمدی بو گون کوفیه اطفال حسین قوری یئرده بو بدنلر قالا یکسر یارالی . . آیریلوب اهل حرم اولدی هامی ناقه سوار قالدی بیر نازلی سکینه او بیاباندا فکار او یتیمی آتا نعشیندن ائدنموبله کنار اوخ ،قلج ،نیزه یئریندن ئوپوب ایگلر یارالی . . یتیشوب شمر ستمگر دئدی ای لشکریان چکیلون سیز بو یتیمی من آیورّام آتادان بولمورم نیلدی توضیحینه عاجزدی زبان ال گوتوردی بالادان سبط پیمبر یارالی . . گوردی بو حالی سکینه دئدی ای لشکر شام سیز گئدون من بو بیاباندا قالوم صبحیله شام گئتمرم شامه آتامدان هله من دویمامیشام منی تازه آلوب آغوشه بو سرور یارالی . . گرچه عاصیدی «کریمی» چوخ ائدوب جرم و گناه محشره الده کی غم دفتریدور توشهٔ راه گتوروبدور بو امیدیله بو درگاهه پناه اولاسان روز جزاده اونا یاور یارالی 🏴🥀🥀🥀🥀🥀🥀🥀🥀🥀🥀🏴

خروج از مدینه مجید قلعه بیگی ( فقیر خوئی ) یثربی ترک ایلیوب ختم رسالت گیدیرم الوداع ای گل گلزار نبوت گیدیرم بابا تقدیر قضا ائتدی منی خانه به دوش کوفیان ایلدیلر شهرینه دعوت گئدیرم بابا بو شهریده قالسام دوشجک دین خطره مصلحت بیله دی عازم اولورام بو سفره آلموشام هر جهتیندن بو مسافی نظره یغموشام عترت طاهانی پریشان گئدیرم بابا آلامه رضایم اولا هجران، گئدیرم بابا ترک ائلمقه یوخدی علاقم وطنی منی واردار ایلیوب گئتمه قه اشرار دنی دینی بازیچه ائدوب شامیده ملعون علنی ائتمَرم زادهٔ سفیانیله بیعت، گئدیرم کوفیان وئروب قول حمایت گئدیرم بولورم نامه یازانلار منه خائندی بابا قتلگه اولدی آتام حیدره او شهر دغا بولورم اوردا حسینون اولاجاخ ذبح قفا ویراجاخلار سن اؤپن حنجره نی نیزه لره اوت ویروب غارت ایللّر علوی خیمه لره باباجان گلدوم آلام رخصت، حسین گئتمه لیدی یوخ قِیتماخ بو سفردن، که نوه ن اؤلمه لیدی آلتی قارداش ایکی اوغلون داغینی گورمه لیدی فاطمه اوغلی باشین ظالمه اگمَز بولوسن الی گئتسه الینی ظالمه وئرمز بولوسن گئدیرم ریشه ی اسلامی ائدم مستحکم ایلیوم ظلم و فسادی یر اوزونن برهم دین و قرآن قالا پاینده، اؤله نامحرم بو سفر امر خدادی منه لازمدی بابا بیر زنازاده علی مُلکینه حاکمدی بابا ترک ائدوب قبر رسولی او سخا دریاسی بولدی الساعه یولون گوزلور اونون زهراسی چاغیروب گلدی کنارینده دوروب عباسی دیدی قارداش گئدیرم بیر گورم فاطمه نی گله جک خولی ایوینده گوره کول اوسته منی گیدیرم من ولی سن کرببلایه گلسن اؤلدورنده بالامی دشمن، هرایه گلسن نینواده آناجان سنده نوایه گلسن یری وادور گلسن اصغره لای لای دییه سن باش آچوب مویه کنان ایوای اوغول وای دییه سن بو جهان فانیدی بِل باغلاما دنیایه «فقیر» هانی «سعدی زمان» «ذهنی» هانی هاردا «حقیر» گوهر آل عبانی بو جهان ایتدی اسیر یدّی قارداش داغی گوردی او گل باغ فدک خنجر شمر الین کسدی، بِلین بوکدی فلک #سبک_کربلا_منتظر_ماست #سبک_شهریاریمسن_آقا #سبک_یارالی_جان_یارالی 🍃🍁🍃🍂🍁🍃🍂🍁🍃🍂🍁 کانال اشعار، روضه،نوحه زنجیر زنی محرم،اربعین واسرا به مدینه(مطالب عالی)👇 @rozevanoheayammoharramsoghandi