ای عمو ویر اذن میدان قاسمه کرب و بلاده #قاسمیه 🥀🌾▪️🥀🌾▪️🥀 #اجازه جهاد خواستن حضرت قاسم علیه السلام . رضوی زنجانی . ای عمو ویر اذن میدان قاسمه کرب و بلاده ایلسون جانین فدا تا حق یولوندا بو مناده طالب فیض شهادت اولموشام ایله عنایت . . ایستمور روحیم بدنده بیله عالمده یوبانسون قاسمی قویما عمو جان پیش زهراده اوتانسون عاشقم الله یولوندا قانه رخساریم بویانسون ویر اجازه شوقیلن من عزم ایدوم مولا جهاده . . اکبرین شوقیله گیتدی نوش ایدوب جام شهادت قسمت اولدی اول عزیزه گور نجه راه سعادت قویدی باشه شبهِ طاها فخریله تاج شفاعت قانه دوندی قلب زاریم اکبری گتدون عباده . . یوسف زهرا اولوبدی حضرت زهرایه مهمان پر ویروبدی مرغ روحی جنت الاعلایه الان ویر اجازه منده ایلوم جانیمی قرآنه قربان محضر جدّیم رسوله تئز گیدوم دار بقاده . . قاسمین الآن گورور سن بحر غمده غوطه ور سن دوغرانوب شهزاده اکبر غصّه لردن خم کمرسن چات ئوزون داده عمو جان سن ئوزون که داد گرسن تنگه گلدی سینه م الآن ای عمو دار فناده . . ویرمدی اوّلده رخصت قاسمه اول فخر عالم سسلدی گلمه فغانه اولما غرق غصّه و غم اکبرین داغی گورورسن قدّیمی الآن ایدوب خم سن هله صبر ائت عزیزیم نوجوان ای شاهزاده . . یادگار مجتبی اوُل قاسم اطهر سرشته نو گل گلزار زهرا فخر اولان باغ بهشته عاقبت الده گتوردی شهریاره بیر نوشته دست خط مجتبانی شه گوروب نوکدخداده . . مجتبانین دست خطین شاه آلوبدی اؤپدی اوّل آغلادی گلدی فغانه اول صفای قلب مرسل سویگلون عازمدی جنگه سسلدی قارداش حسن گل قاسمینده واردی گورّم جنگه بیر محکم اراده . . ای کرم ملکینده امجد، ای رسوله سبط ارشد ای کریم آل طاها، عالمه ای لطف سرمد زینت آغوش زهرا، دلبر محمود احمد گل گیدور اوغلون جهاده سال یولا بو نینواده . . گوهر کنز ولایت جلوه لندی مرکب اوسته عرض ایدوب بو غمده اولما شهریارا دلشکسته یوز قویوب قاسم جهاده آغلادی شاه خجسته شه پوزولدی کربلاده، مجتبی عرش خداده . . مثل عنقا آچدی شهپر قله ی ایثاره قاسم ماحصل دوردی مقابل لشگر کفّاره قاسم اوّل اجدادین معرّف قیلدی اؤل اشراره قاسم بو ئولومده گورمورم من، قاسمم غیر از سعاده . . سسلدی قاسم او دمده صف چکن ای جند شیطان کیمده وار جرئت بو چولده جنگه تک تک گلسون الآن تیغ برّانیمله اولسون قان ناپاکیله غلطان منتظردی قعر دوزخ سیز کیمی قوم عناده . . ازرق نادان ایدوبدی اوغلونا اولدم اشاره گیت اوغول سن بو جوان هاشمیله کارزاره چوخ تئز ئولدور سنّی آزدی قویما ورسون قلبه یاره ائت جدا باشین گتور، من یولّیوم ابن زیاده . . ازرقین اوّلکی اوغلی گلدی اولدی قانه غلطان جسمی ناپاکی دوشوبدی تپراق اوسته قالدی بی جان قالدى حیران قوم عدوان ازرقه تنگ اولدی میدان جسم ناپاک او شیطان صحنه ده قالدى آراده . . ازرقین اوچ اوغلی اولدی حمله ور اول بچه شیره هر اوچی مغلوب اولوبدی روزگاری اولدی تیره روبه پیر مزوّر بو نیرده قالدی خیره ائتدی آماده ئوزون تا جنگیده چاتسون مراده . . ناخرد حمله گتوردی قاسمه شمشیر الینده ناگهان گوردی قالوبدی مثل روبه شیر الینده یا نجه ظلمت قالار بیر شمس عالمیگر الینده قالدى مثل باب خیبر پنجه ی خیبر گشاده . . چکدی بیر الله اکبر نعره سی شهزاده اول دم مرتضائیله پیمبر مرحبا سسلندی باهم مجتبی دلبندی وردی ازرقه بیر ضربه محکم گوردولر تپراقلار اوسته نعش ازرقدی فتاده . . ویردی اما سعدین اوغلی حمله دستوری او ساعت قاسمه حمله گتوردی دین و ایمانسیز جماعت وردیلار یاره سارالدی نوگل باغ شفاعت لاله مثلی غرق اولوبدی مه لقا بحر دماده . . یاره اوستن یاره دگدی تپراقا قانی سوزولدی صورتی اولدی قیزیل قان قاش گوزونده قان دوزولدی سسلدی جانم عمو گل اللریم سندن اؤزولدی پکریمده چوخدی یاره سال منی بو یرده یاده . . عاقبت شهزاده قاسم دوشدی آتدان تپراق اوسته یاره لردن آخدی قانی تشنه لب مجروح و خسته عضویدن عضوی اولوبدی تیغ اعدادن گسسته مجتبی معناده امّا وای اوغول سسلر عزاده .

گل دادیمه ای خسرو خوبان عمو جان #قاسمیه 🥀▪️✨🥀▪️✨🥀 #استمدادحضرت قاسم ابن حسن علیه السلام مرحوم غلامعلی باقری الهام ( هوشی تبریری) گل دادیمه ای خسرو خوبان عمو جان یکسر آلوب اطرافیمی عدوان عمو جان . جان اوسته حسرت گوزلریم جانانی گوزلر جانیم گلن یولاّریوه قربان عموجان . . لطفون منه شامل ایا شاه حجاز ایت قربان عشقم صاحب هرامتیازایت بوصون نفس جانازیوی گل سرفرازایت جان مقد مینده ایلیوم قربان عموجان . . بیمارعشقم من ایا شاه ولایت بو بسترخون ایچره گل ایله عیادت بلکه ایدوم رخساریوی بیرده زیارت تسلیم ایدوم جانانه جان آسان عموجان . . گرچه بوصحراده عمومن تشنه کامم عشق عالمینده لیک مقضی المرامم شهزادیم گرچه سنه امّا غلامم خدمتده عفوایت اولسا گرنقصان عموجان . . دین اوسته گوزدن سربسرآفاقی آتدیم جانان یولوندا شوقیله القانه باتدیم قانه باتوب دلده اولان مقصوده چاتدیم گلدی حصوله مقصد جانان عموجان . . گوردوم که وارسنده بوگون بیرفکرنهضت آماده اولدوم ایلییم اسلامه خدمت نسبت بهم ایتدیم اودورسنله شراکت تحسینه اولدی شرکتیم شایان عموجان . . ای تخت ملک عزت وجاهه سلیمان گتدیم حضوره گرچه بیرتحفه قوری جان صد شکرکیم تحفم اولوب مقبول جانان اولدی سرورسینمه عنوان عموجان . . گرچه یتیمم ای عمو واردلده حسرت امید گاهیمسن منیم ای کان رأفت گل بویتیمین گویلون آل ایله حمایت آخرنفسده قیل منه احسان عموجان . . بیله بویورموش چون اوزی حیّ قدیمی چوخ اجری واردورشادایده هرکس یتیمی گل بویتیمه شامل ایت لطف عمیمی تا اجرویرسون خالق سبحان عموجان . . مقتول عشقم بیرنچه جلاد الینده قالدیم یارالی آهوتک صیِّاد الینده سولدی جمالیم صرصربیداد الینده اولدی گل باغ حسن خندان عموجان . . روح دیانت سوق ایدوب هرابتلایه سینم اودوراولدی سپرتیرجفایه غرق ایلدیم اوزجسمیمی بحربلایه یتسون کناره کشتی قرآن عموجان . . دیلدن زبس خرسندیدیم من وصل یاره یول سالدیم آخرده عمو کوی نگاره جانان یولوندا جسمیمه چوخ دگدی یاره اولدی وجودیم سربسرشان شان عموجان . . دوشدی توانا دن بوجسم ناتوانیم آزقالدی ترک جان ایده مرغ روا نیم ازبسکه سوتک آخدی بوصحراده قانیم بودشتی گلزارایلدی بوقان عموجان . . آفاقیده آمالیده هر بیر آنانین داماد ایده شوقیله اوز تازه جوانین باخ عکس آماله عموبو باغریقا نین طوی حجله گاهی اولدی بومیدان عموجان . . بیرنوحه خوانِ شاهِ عطشان اولدی بانی اسمی علی اکبر صبور چوسدوزانی قاسم دیلینجا یازدی (هوشی ) بو بیانی گل دادیمه ای خسرو خوبان عموجان

قاسم قیزیل قانه باتوب الآن عمو گل #قاسمیه 🏴🍁✨🏴🍁✨🏴 #استمداد حضرت قاسم علیه السلام رضوی زنجانی . قاسم قیزیل قانه باتوب الآن عمو گل زینت تاپوب قانیمله بو میدان عمو گل . . اوخ نیزه یکسر جسمینی ایلوبدی یاره شهپر ویرور روحی بو گون کوی نگاره ایستور گوره گل صورتین قاسم دوباره عشقینده قاسمدی سنه قربان عمو گل . . خورشید تک گل نور آلا مهتاب عموجان قاسم سنه نوکردی سن ارباب عموجان جسمیم یارادی اولموشام بی تاب عموجان ای سبط طاها آیت سبحان عمو گل . . تپراقلار اوسته یاره لی پیکر گلیبدی شمشیر الینده قتلیمه لشگر گلیبدی تئز گل آنام باشدا قرا معجر گلیبدی اولموش بو غمده گوزلری گریان عمو گل . . بو یاره لر عشقینده مولا جان عسلدی حتّی عسلدن آد گلور بو بیر مثلدی اونداندا شیرین تر، آنام باش اوسته گلدی سنده یوبانما ای شه دوران عمو گل . . گرچه آخار تپراقلار اوسته قان بدندن پروازه روح آماده دی الآن بدندن سن گلمه سن چیخماز ولی بو جان بدندن گل باشیم اوسته جان وئریم آسان عمو گل . . جان اوسته، بیماریندن ائت مولا عیادت بلکه قویام تئز باشیمه تاج سعادت ایله نظر من تئز ایچیم شهد شهادت اولدوم شهادت جامینه عطشان عمو گل . . گل جان وئرنده ائت نظر سرباز عشقه شهپر چالوم من سنده باخ پرواز عشقه پایان عمره باخما، باخ آغاز عشقه پایانه چاتسون تا بئله هجران عمو گل . . باشه سالوب قاره آنام آواره اولسا اوخ نیزه جسمیمدن دگیب مین یاره اولسا پیکر سنون عشقینده گر صد پاره اولسا بیر یول دئمم آخ، ای گُل جانان عمو گل . . قانیم آخور گل گور نئجه بو تپراق اوسته جسمیم یارا یکسر، اوزوم عطشان و خسته بیر قوش کیمی پوزقون پریشان پر شکسته صیّاد الینده قالمیشام الآن عمو گل . . بیرده او طاها بنزری من چوخ سووردیم حیدر مثالی اکبری من چوخ سووردیم الآن اولوب قان بستری من چوخ سووردیم اولدوم اونون تک قانیمه غلطان عمو گل . . بیر شاعر گمنامیوم یورموش زمانه دؤنموش اؤرک اطراف الیندن لخته قانه ای مجتبانون کنزینه درّ یگانه سن دئ اولاندا عمریمه پایان عمو گل

‍ آلدی باشین دیزی اوسته توکوب گوز یاشین یوزه سیلدی گوزون قانین اوبیرآز باخدی گوز گوزه سسلندی ماتمینده سر افکنده اولموشام بیر ایش گورنمورم سنه شرمنده اولموشام سسلینده دیدی سن گلماقادل مایل اولوب گلدیم اما ارادا دشمن اوغول حایل اولوب گلمیشم ایندی بوگلماق ولی بی حاصل اولوب او یارالی باشی قویدی دیزی اوسته او جوان بالا باشی امامین دیزی اوسته جان ویردی یاالله اقا بیر اخدی بالیا خدایا بو جوانین ننه سی بالا یولی گوزلور ایسته دی حمل ایلیه دلبرینی شاه زمن بوردا عذر ایستورم سندن اقا یابن الحسن نجه احواله قالار لشکر ارا اوغلی اولن سورنیدی ایاقی یرده اوزانمیشدی بدن امام او دوغرانان جنازه نی گتوردی خیمه لره جنازه نی قویدی علی اکبر جنازه سینین یاننا امام زمان اقا گذشت ایله امام بیر الین قویدی قاسم جنازه سینه بیر الین قویدی علی اکبر جنازه سینه یوزون دولاندیردی زینب باجی گل بالام اولدی اوغلی اولسه ننه نین غصه لری باشدان اشار اوغول هر کسین اولسه جوانی اونا قاره یاراشار اوغلی جوان ئولن ننه ایئتمیه ناله نینیه حقیدی سینه داغلیا اغلیا نوحه ایلیه #قاسمیه #روضه 🎤استاد حاج طالبی