زهرا (س) کیمدی؟ . . حاج علیرضا امانی اردبیلی . سالان سکوته عقولی وقار زهرادی بو امتیازه دلیل اقتدار زهرادی . بطول طاهره شرح رموز خلقتدی محجبان فلک پرده دار زهرادی . حجاب وعفت وعصمت وقار و شان و شرف اگر قضاوت اولا ، ریزه خوار زهرادی . نقدری یازسا قلم لر نقدری اولسا عیان قسم قیامته ، یک از هزار زهرادی . جوابی واردی اگر، مدعی بیان ائتسین ندندی انس و ملک جان نثار زهرادی؟ . او کس کی تابع منشور عدل و غیرتدی مکاشفات جزاده ، کنار زهرادی . او کس کی دشمن اولوب اهل بیت طاهایه صف جزاده بیلر ، شرمسار زهرادی . علی یولوندا دئدی ئولمگ افتخاریمدی ایکی جهاندا بو آد ، افتخار زهرادی . قاپومدا یانسا دئدی ظلمه ائتمرم بیعت نظام ظالمه طغیان ، شعار زهرادی . مقام فاطمه عالمده شرح اولا ، هیهات قضا اسیر و قدر ، بی قرار زهرادی . او گوندی ، هر گون ائوینده ، چئخوب باتار دورد آی کی خط سیری لری در مدار زهرادی . عجب دگول کی علی کائناته سروردی گرکده سرور اولا ، یار یار زهرادی . وئرنده درس بلا ، زینبه بویوردی علی نییم واریمدی قیزیم ، اعتبار زهرادی . سنون رگونده اولان اقتدار حیدردی منیم الیمده اولان ذوالفقار زهرادی . بو بیر عبارتیمه دقت ائیله ای عارف اشاره اهلی بیلر ، شاهکار زهرادی . حسینه پرده به پرده رموزی ئورگتدی بساط کرب و بلا ... یادگار زهرادی . یازوردی نوحه قلم آلدی طاقتین بو سوز بو سوزده بیلدیم اودا سوگوار زهرادی . قسم خدایه سئنان گوشواره دن بیلدیم مدینه ده نیه گیزلین مزار زهرادی؟ . « امانیم » بو سؤاله جواب تاپمامیشام ندن همیشه خزان ، نو بهار زهرادی؟ . . #فاطمیه_مدح #فاطمیه_شهادت #سالان_سکوته_عقولی_وقار_زهرادی #امانی_اردبیلی #ترکی . @majmaozakerine