.  مرحوم انور اردبیلی . حاجتون واردور اگر آل عبایه اول دخیل هر قدر اولسا حیاتون اولماسن افسرده دل . صاحب باب کرمدور هر بری صاحب عطا سائل در گهلرین سالمازلا هرگز بوش بولا . هر بریندن مطلب آلماق یوخدی سوز مقدور دور بش نفر باب الحوائج دهر ده مشهور دور . مطلبون وارایندی گل اخلاص قلبیله دیک دردلر درمانی بوبش نفردن ایستیک . اوّلی زهرادی بی همتا مقام صبریده گزلدوب سیلی دگن رخساری گزلین قبرده . ظلمیله صدمه یتشمش قامت دلجوسینه ایندیده فکر ایلورم قویمش الین پهلوسینه . دوّمی زینبدی زهرادن باش اولدی غملری بیلمورم من بیله دیلر غارت اولدی معجری . روز عاشورا چکلدی قلبنه داغلار اونون حضرت زهرا اوزی احوالنه آغلار اونون . سوّمی موسی بن جعفر دور امام خسته دل گوشه سردابنده زندانی اولدی اون بیرایل . جان ویرن وقته بویوردی حال پر تأثیریلن سیز منی دفن ایلیون بوینومدا که زنجیریلن . محبس مرطوبده سولدی وجودیم گلشنی ایستورم زهرا آنام زنجیریلن گورسون منی . چارمی عبّاسیدور شرمنده لیک جامین ایچوب کربلا دشتنده بر باشدان ایکی قولدان کچوب . ساغر آمالنی اهل عداوت سندیروب بلمورم دشمن قباقنده نجه قولسوز دوروب . پنجمین خونین گلو دل آچمیان بر صودامر ساخلیوب دورت مین یارا اوسته حسین لایلای دیر . غنچه وقتنده سولوب گل آچساداسو ایستمز حرمله چوخ قور خودوب دل آچساداسو ایستمز . گل بوغازینده او طفلون واربلورسوز بریارا بلمسوز امّا بوغازین اوخ بچوب هاردان هارا #توسل_به_پنج_باب_الحوائج