#صدای_زنگ_کاروان_درانه #اربعین_دلگویه_مازنی 🏴🥀🏴🥀🏴🥀🏴🥀 صـدای زنـگ کــاروان در اِنـه دواره جان سوی جانان در اِنه پرس جابرکه خواهر بمو ازشام حسینِ قبرِ زائـر بمـو از شام پرس جـابر کـه زینب داغداره چهـل روزه عــزا دار بــراره پرس جابر که این مهمان عزیزه بـرارسّـه ونـه دل ریـز ریـزه بنـال ای دل اَمـان از دل زینب خزون بَیّـه همه حـاصل زینب بَوین زینب چتی در شورو شینه ونـه نـاله فقـط جـانم حسـینه اگـه زینب شِه سینه نـاله دارنه غم فـراق هیجده لالـه دارنـه نا زینب خواخر چل روز پیشه نا که دیگه حسین دارنه همیشه حسین پِرس بَوین زینب بموعه بَوین خواخرِ جان به لب بموعه برار جان کاش که من نهیبوم عمّه چهل روز بدیـمه دنـیای غـمّه چهل روزه بـرار تـره نـدیـمه نَـدونّی چـه بــلاها بَکشــیمه بـلا مثـل وارش وارسّـه مه سر غم و غصه اَمـون نـداعه دیـگر برار تا مجلس شراب بَدیمه نامحرمون پیش کباب بهیمه باچوب خیزرون تِـه تکِ روشته نـانجیب مـره همونجه بکوشته برار چی بَهووم از شام وکوفه غم وغصه مه دل بزو شکوفه اگه وینّـی مـه سرِ مِی سفیده اثــر زخـم زبــونِ یــزیـده چتی دق نکنم در این بیابـون مـه دور و  ور دَنینه مـه عزیزون مه عباس اون با غیرت برار کو؟ بـرار زا اکـبر اون دل قرار کو؟ چی بَهووم بـرار مه دل کبابه خار خـبر نـدارمه از خـرابه از رقیه نپرس جواب ندارمه بغیر از این دل کباب ندارمه از کـربلا تا شام بـه هر بهونه طفلک تا گته بابا وره زونه چی بَوّم کـه مه سینه پرِ درده بـرار تـه نازنین دِتـر بـمرده برار جان شرح این غصه محاله مره بکوشته داغ تـه سه ساله کره بَوّم شه دل غم دارمه«مداح» شِه سینه غم عالم دارمه «مداح» 🏴🥀🏴🥀🏴🥀🏴🥀 #شعر_علی_اکبر_اسفندیار_مداح