‍ ‍ ✔️احوالات حضرت علی اصغر(ع) نظم گلزاری ویردی بیر بیرینه اصغرین گتدی غنچانین یرینه قلب میداندادوردی رهبر عشق رهبر عشق باز لشکر عشق توتدی یوز قوم پست سفیانه لشکر زر پرست شیطانه دیدی شرم ایلیون پیمبردن اوتانون شهریار محشردن سیز نجه اهل دین وایمانسیز سیز نجه تابعان قرآنسیز عار اولا سیز تک اهل ایمانه عار اولاسیز کیمین مسلمان آند اولا احترام یرآنه پاک انسانه دوز مسلمانه سیزده گر ضره غیرت اولسیدی بش نفر باشرافت اولسیدی ابر غم باشه سایه سالمازدی دیلسیز اوغلوم بوحاله قالمازدی تیتریور سینم اوسته ال ایاقی اوتانون اوت ویرور سوسوز دوداقی آچون النقای غیرتین قانادین بالام اوچ گوندی داتمیب سودادین بوریوب ایسی تر گوزل یوزونی اورگی چرپنیر یوموب گوزونی باش آچوخ انبیا گلوب بوچوله بوبالا آزقالور عطشدن ئوله خطبه آتشین ثارالله دشمنه اثر ایلدی،ناگاه همهمه دوشدی قلب لشکرده قانلی خنجر لر اسدی الرده رحمه گلدی او رحمسیز امت آرادان گیتدی گوئیا نفرت گوردی تا ایش چاتوب بومرحلیه دوندی،سعد اوغلی باخدی حرملیه یعنی حرمله یتیش داده وقت حساسدور گل امداده بو سوسوز سیدین قوتار سوزونی اشکبار ایله قان دولان گوزونی اله آل عرصه گهده تیروکمان لشکر الدن گیدر توکولمسه قان اوخ گوتور اوچلار سیاقینده حرمله بالانی ویر آتاقوجاقنده سعی ایله دقتین فقط چوخ اولا ویردوقون اوخ سه شعبه بیر اوخ اولا بالانین تاوجودی اوتدا یانا اوچ طرفدن بوغازی پارچالانا سوزآچخ سوزدی یوخ دیلیمده توان من عف ایله یاامام زمان خطبه سین شه قوتارمامشدی هله حرمله ئوز کمانین آلدی،اله ساق دیزین ایدی چوخ مهارتیلن قویدی بیر اوخ کمانه دقتیلن اوخ نه اوخ شمعه عشقی سوندوردی اوخ نه اوخ نیزنین ایشین گوردی آشدی پر داغلی قلبه اوت قالادی خرداجا بیر بوغازی پارچالادی آغلاما دینمه بالا دینمینین وار دیننی گرک ای شیعه نالون عرشه چاتا بالااوخلانسا نیلیر گور آتا قسم الله گر او ماواده سینه داغدار مولاده دولماسیدی ولایتین امری اولماسیدی امامتین صبری پوزولاردی نظام یوم قیام مطمئنا ئولردی اوندا امام لای لای منیم وفالی بالام راحت اولدون یات آی یارالی بالام سویوخی بوش یازندا حکمته باخ آچ اورک گوزون بوقسمته باخ سودان ایتمه گلایه عالمده چون لیاقت یوخیدی علقمده اوغول یوزومی قویموشام سولان یوزوه حرکت ویرمه قان دولان گوزوه گوزوی باغلا گولمه ئوزئوزوه قویما دوشسون منیم گوزوم گوزوه سن گولن وقته چنکه گل مثلی آغلیرام من اوتاندقیمنان علی بورویوب قان کیمی وجودیمی غم کاش اولیدی یانمدا ایندی ننم گرچه عاشق یارانوب غصه چکوب غم یمگه ننم گلیدی ایکاش بورا لای لای دیمگه خیمیه ایستیرم گیدم گلمیر ئوزوم گدنمیرم حرمله هی باخوب گولور عرصه ده تاب ائدنمیرم قوی گنه خیمیه گئدیم حرمله نی گورمیرم #نظم گلزاری ویردی بیر بیرینه #علی_اصغر فایل صوتی👇👇👇