زبانحال حضرت موسی بن جعفر(ع) مهدی قلندری گل آنا زهرا سسیمدن نالیه زندان گلور هرنفس چکدوکجه زنجیرین یریندن قان گلور گل منیم جان وئرمگیم زنداندا دشوار اولماسین باشیم اوسته شمع یاندیر محبسیم تار اولماسین باری سن گل زینب عمّم تک یاسیم خوار اولماسین بی کسم بغدادیده غربتده یالقیز قالمیشام جان وئرن حالیمده عمّم تک آدامسیز قالمیشام جنتی ترک ائت مکدّر حالیلن بغداده گل محبس مرطوبیده یاس دوتماقا آماده گل کنج زندانی ائله ماتمسرا فریاده گل گلمسون کیم باش آچار کیم سینه سین داغلار منه گلمسون کیم یاس دوتار کیم اوخشیار آغلار منه گل آنا اشکین عزاده باغلیان یوخدور منه باشیمون اوستونده سینه داغلیان یوخدور منه نه باجیم وار نه قیزیم وار آغلیان یوخدور منه گل یارالی قلبیمی آخر نفسده شاد ائله دام درد و غصه دن گویلوم قوشون آزاد ائله محبسه گلسون بو جان نقدیله پیشواز ایلرم مقدمون اوپمکله قلبیم عشقین ابراز ایلرم باشیمی دیز اوسته آلسون عالمه ناز ایلرم صادقم عشقیمده زینب جانینه اولسون قسم واردی نقصیم گر سنه حقّ القدم جان وئرمسم گل هرایه قول قنادی بسته ام یافاطمه کُنده و زنجیر الیندن خسته ام یافاطمه گوزلریم یولدا قالوب جان اوسته ام یافاطمه تنگدور زندان، غم و اشکه بورونّم آی ننه یوخسا من عطرون گلن سمته سورونّم آی ننه دهریده گزدیم پریشان اون بیر ایل زندانلاری سربلند ائتدیم جهاندا حق طلب انسانلاری چوخ تحمّل ایلدیم تهمت لری بهتانلاری ایستدیم اعلان ائدم عاشقلره آگاه اولون ایستدیم تا باغلیام احبابیمه دوزخ یولون ظلمه صبر ائتدیم که خفّت آل خاتم گورمسین پیروان مرتضی محشر گونی غم گورمسین دؤزمیشم هر محنته، شیعه جهنّم گورمسین شیعه لر محشر گونی مضطر دایانسا دؤزمرم پیروان مرتضی دوزخده یانسا دؤزمرم سِند ظالم اینجیدور امّا دئمور تقصیریمی ئولدوروبدور بوشلامور حتی قوری تصویریمی آچمیور ظالم اقلّاً بو آغیر زنجیریمی آچمیور تا سینه دن روحیم قوشی آسان چیخا بوینومون زنجیری قویمور حنجریمدن جان چیخا سسلیوم داده کیمی غربتده یوخدور بیر کسیم؟ گور چاغیرسامدا هارا بوردان چیخار آیا سسیم؟ اولدی قرخ پلّه یرین آلتی قرانلوق محبسیم ئوزگه لردن اوممارام سن وای دئسون بسدور منه سن باشیم اوسته گلوب لایلای دئسون بسدور منه لطف ائله گل تشنه لب سقا کیمی باش چک منه سن اباالفضلین باشین آلدون نجیکی دامنه ئوز عموم عباس تک جان اوسته محتاجم سنه جان چیخاندا ایستورم رخساروه باخسین گوزوم گل اونیلی‌صورتی گورسون صورا آخسون گوزوم حسرتم دیداروه سقای پاک انفاس تک وصلوون مشتاقی‌ام اول صاحب احساس تک گل منیمده باشیمی آغوشه آل عباس تک قوی اوجالسین عرشه باشیم چهره خندان جان وئریم قوی گولش حالینده سقا مثلی الآن جان وئریم #کاظمیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr 🏴🏴 استاد حاج مهدی قلندری اردبیلی

﷽ #مجلس_ختم_پدر #روضه #ترکی بو دنیانون وفاسی هیچ یوخومیش یامان گونی خوش گونلردن چوخومیش آباد ائله قبر ائوینی ای دل غافل هرقدر که آباد اولا ویراندی بودنیا آی یالان دنیا....امان امان آی بی وفا دنیا وفاسی یوخ بودنیانون یالاندی کهنه دنیا هله...هله قالاندی عاقبت باشلاری داشه چالان دنیادی به یاد مهربان آتا....قبر ائوینه سفره ائلین آتا اما بو رسمیدی آتا سفره گئدنده بالالارون چاغیرار سسلر آی بالاروم سیزی آللهه تاپشوردوم اما....امان او ساعتدن کی بالالار گله لربابانین تابوتین یاپوشا لار وای اولحظه دن کی بالالار گوره او سفری کی....بابا گئدیر....دای بو سفردن گلمیه جک به یاد بابای سفرکرده آتا ائوین چراغیدی ‌‌آتا ائوین دایاقیدی آتالارا حرمت ائدون بش اون گونون قوناقیدی آی آتاسی اولانلار گئدون دولانون آتایزون باشینا به یاد او ساعتی که بو مهربان بابا ائوده بالالارون چراغیدی چهل روزه به سر افسر ندارم...آمان آیروقدان ...‌فغان آیروقدان چهل روزه که تاج سرندارم....قرخ گون اولدی ائویمیزون چراغی سونوب....‌قرخ گوندی بابانین سسی گلمیر چهل روزه پدر رفته زدستم قرخ گوندی بابانین یئری ائوده بوش قالوب اما آتاسیز لیق چتین درد اولار الا کی قیزی اولسا قیزه گران درد اولار باباسی ئولسه بخصوص اگر قیز ائولر ائوینده اولسا آتا ائوینه گئدنده بیر آیری عالمیلن گئدر آتا ائوینه آخه مشکله دوشنده ائله دییر کاش بابام گلیدی....کاش قارداشیم گلیدی اورگیزی ائله بوردان دولاندوراجاقام کربلا چولونه اوزمانیکی عاشورا گونی قتل وغارت توکندی او غملی زینب آتا سی ئولن بالالاری اوغلی ئولن ننه لری ییقدی بیر یاری یانموش خیمیه بیر باخدی صولا بیر ساغا ائله بیردن سسلدی یا علی المرتضی آتا جان هاردا سان مشکلده قاموشام دئدی بیر قوشا بنزیرم بابا اوچانمورام سینیب پریم کیمه دئیوم بودردیمی که تا ائده دوا بابا لایلای بابا۲ قیز بابانی گوزل اوخشار #اوخشاما از زبان دختر👇👇 قیزیل گول دن اولدی...‌آچیلدی خرمن اولدی...آیرولوخ مندن اولمادی آی بابا آیرولوق سندن اولدی لایلای بابا۲ ای قبره نیسگیلی گئدن لایلای بابا۲ غم غصه لردن دینجلن لایلای بابا۲ سندن اوزولدی ال بابا بیرده یوخوما گل بابا #شعر پایان مجلس👇 عاقبت زین دارفانی پرکشیدم یاحسین عشق تو مهرعلی درسینه دارم یاحسین من دراین وادی غریبم جان زهرا مادرت هرشب جمعه گذرکن برمزارم یاحسین #ختم_خوانی https://eitaa.com/nabnohe1 لینک کانال نوحه‌های ناب آیدی مدیر کانال @nohekr

حسین(ع) بیر عمریدی من عاشق دربار حسینم فخریم بودی عالمده عزادار حسینم نه جنته نه قصره نه حوره هوسیم وار عالمده فقط عاشق رخسار حسینم زاهد داخی صبر ایله ، که کوثر سنون اولسون کوثر ندی من تشنه ی دیدار حسینم دنیا ائلیوب هر کسی بیر نوع گرفتار منده بو تمناده گرفتار حسینم دنیا هامی لقمان اولا بو دردیمه هیهات درمان اولا ،‌ چون دهرده بیمار حسینم من رند خراباتیه ، میخانه نه لازم تا عاکف خمخانه ی اسرار حسینم خمخانه نی ایچسم منه تاثیر ائلمز چون مخمور می ساغر گلنار حسینم هر کیم نه دئییر قوی دئسون آنجاق بونی بیلسون من نوکر اصحاب وفادار حسینم واله قالوب افکارینه افکار عمومی تک من دگیلم واله افکار حسینم ئولسمده عقیدم بودی باش ظالمه اگمم چون معتقد مکتب ایثار حسینم بیر چال تیکانام گول دگولم ، لیک شرفدن هم مشرب سرو و گل گلزار حسینم بیر عمر حسینون یئموشم دوز چورگیندن کسمز نظرین واقف کردار حسینم ایلر منه بو فخر ایکی دنیاده کفایت من خادم دربار علمدار حسینم قالماز داها نسگیل ئورگیمده بو جهاندا گورسم من بیچاره ده زوار حسینم (( شبخیز )) بو عالمده سلیمان اگر اولسام واضحدی گینه بنده ی دربار حسینم #حسینیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr

بانوای عبداللهی ====👆 😭😭😭😭😭😭 روضه حضرت زینب کبرا سلام الله علیها قوی دیوم هانسی بلادن جوش ادیب داشدیم حسین بار غم چیگنیمده غملر داغلارین آشدیم حسین بیر قدم یوخ مین قدم قبره یاخلاشدیم حسین قلبیمی یاندیردی بیر قلبی کبابین ئولماقی ئولماقیمی چوخ تئزه سالدی ربابین ئولماقی #زینبیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr

راحت یات ای زمانه ده دینجلمین ننه همسایه لر عیادتینه گلمین ننه گوز یاشین اهل یثربه سیلدیرمین ننه دردین ئولونجه حیدره بیلدیرمین ننه ای سینیه وصال گلون ساچمیان ننه قارداش یوزینه باغلی قاپی آچمیان ننه قارداشلاریم سولوبدی فراقونده آی ننه قارداش الیندن آلمیان عمرونده پای ننه آی زلفومی دویونجا یوووب هورمین ننه وای محسن آدلی قارداشیمی گورمین ننه آی ضرب سیلی طاقتین الدن آلان ننه دیواریلن قاپی آراسیندا قالان ننه اون سگز ایلده روحوی سیخدی زمان ننه زلفون آغــاردی قامتون اولدی کمان ننه #فاطمیه #ختم_خوانی https://eitaa.com/nabnohe1 لینک کانال نوحه‌های ناب آیدی مدیر کانال @nohekr ✅بقلم استاد فتح اللهی اردبیلی (شاکر)

#پندیات_ترکی در فراق مادر ابوالفضل عباسی معروفان الله ننم ئولدی ائویمون سؤندی چراغی گئتدی ئوزی صد حیف اولا بوش قالدی اتاقی عطری گلور اما گزورم یوخدی سراغی آثارینی گؤررم آنامین گؤز قاباقیندا گؤزیاشی توکوب آغلیارام بوش اتاقیندا آخر نغسی صاق صولونا بیر نظر ائتدی یومدی گؤزونی دار فنادن حذر ائتدی رخت سفرین باغلادی غملی سفر ائتدی قلبیم غم آلور من باخورام هر یئره الله دیداریمیزی قویدی فلک محشره الله بیر ذره ئورکده آنامین مهری کم اولماز عالمده ننه محنتی تک آیری غم اولماز دنیا منه یولداش اولا والله ننم اولماز هردم که گؤرردیم اونی روحیه تاپاردیم آخر ننه می حسرتیلن قبره آپاردیم تاب ائتمز آنا دردینه والله اوجا داغلار غمدن اریوب سیل سرشکین یوزه باغلار حقدور ئولوم اما ننه ئولسه اوغول آغلار شوقیله دییردی منه لایلای بالا لایلای آغلار گوزولن سسلورم ایندی ننم ایوای قاره گییرم جامه وصلت سویارام من فکر ایلمیون ذکر و نوادن دویارام م سولموش یوزومی قبرینه هر دم قویارام من اول لحظه ده احساس ائدرم دوردی دانیشدی کوسموشدی گؤروب گؤزیاشیمی منله باریشدی هر کس که الینده آنا تک نعمتی واردی نه چهره سی آشفته دی نه محنتی واردی هم شهرتی هم شوکتی هم عزتی واردی چون وار آناسی فصل خزان دا اونا یازدی هر گون ننه نین ئوپسه ایاقین گئنه آزدی #ختم_خوانی #فاطمیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr

زبانحال حضرت امام موسی کاظم (علیه السلام) هارداسان رضا جان کفن گتیر اینجیدیبدی غربت یورولموشام تازیانه آلتیندا اون بیر ایل چکمیشم مصیبت یورولموشام باش قویاندا توپراقه نیمه شب سجده اوسته تکبیریم آغلیور خسته روحیمون غملی حالینه پیکر زمینگیریم آغلیور بوینومون یارالارینا اوغول قوللاریمدا زنجیریم آغلیور ناخوشام ایاقدان سالوب منی سختیِ اسارت یورولموشام راضیم او قدری بلا چکم قلبیمه محندن وَرَم گله عاشقین گرک امتحانیده باشینه بلا مین رقم گله کاش منیمده جدّیم حسین کیمی باشیم اوسته زهرا ننم گله آغلیام دیَم آی جوان ننه یوخدی منده طاقت یورولموشام هر او شخصه غربتده وئرسه جان خوشدی گویده اولدوزلار آغلاشا اولماسا اناسی گرَک اونا سس قوشوب اوغولسوزلار آغلاشا آرزوی قلبیم بودور منه وای بابا دیوب قزلار آغلاشا چکمیشم او قدری بو باره ده محبسیمده حسرت یورولموشام من گرک اوغول ثابت ایلیم نقش ظالم آخر بَر آبیدور اولسا اهل تقوا بیلر بشر زَرق و برق دنیا سرابیدور سرگذشت حکّام سرنگون دوز یازیلسا یوز مین کتابیدور اهل ظلمه از بس بو قصّه نی ائتمیشم حکایت یورولموشام خشت خشت زندان گواهیدور اولمادیم موافق ستمگره شاهدیمدی فولادی میله لر قویمادیم محل سکۀ زره ئولدورون دئدیم من باش اگمرم خود پسند و خود کامه رهبره از بس ایلیوب ظلم ناروا ملّته حکومت یورولموشام دوزدی ال ایاقیمده روحیمی رشته رشته زنجیریم اینجیدور دلخوشام کی ظالم خلیفه نی قمچی آلتدا تکبیریم اینجیدور من قفسده بیر شیره اوخشورام اهلِ ظلمی تصویریم اینجیدور گرچه هرزه روباهیلر منه ایلیوب اهانت یورولموشام کربلاده آلدی اوغول باشین سینیه شهنشاه نینوا اوندا قانه غرقیدی بیر اوغول ایندی جان وئرور بیر غریب آتا ایسته سون سنی ایلیم دعا گَل بو رسمی نادیده دوت رضا سن بو دفعه آغوشه آل منی گورمیوب محبت یورولموشام وار یری آتا ئولسه گوزلرین یا قیزی و یا اوغلی باغلیا اوخشاما دیه ائل قبیله سی باشی اوسته دنیانی داغلیا چوخ چکوبدی هجران مصیبتین قویما غملی معصومم آغلیا آلمادیم جهازیووی دئنن ایلمه خجالت یورولموشام ای امام هفتم امیر عشق قلبیمی غمونده کباب ایله دلشکسته « غفاریم » آقا ئوز قاپوندا نوکر حصاب ائله شعریم اولسا مقبول محضرون ذره نی ئوزون آفتاب ائله دوت الیمدن الله بیلور کی چوخ چکمیشم مشقت یورولموشام شاعر : استادحاج حسین غفاری اردبیلی #کاظمیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr

قاشدی سرعتلن یاروب اوخلار ایاقین بیلمدی گوردی تیر و نشتری سرو و صنوبر کولگه سی یول گئدردی شوقیلن بیر جور که من فرض ایلورم چاتمازیدی اول قیزا آچسیدی گر پر کولگه سی گئتدی گئتدی تاپدی بیر باشسیز مطهر پیکری گوردی بیر عنقا یاتوب دورینده شهپر کولگه سی قانلی قول قالخوب که تا آلسین قزین آغوشینه سینه سینده نقش اولوب الله اکبر کولگه سی اگدی باشین تا اپه گل گل آچیلمیش سینه دن دوشدی قرمز گلشنه جانسیز کبوتر کولگه سی یولدی زلفین سویلدی یاندیم بابا یاندیم بابا داور آغلار حالوه ای حی داور کولگه سی سیلمرم سینون توزین بیر حالداسان چون ای شهید یارون اینجور سینوه دوشسه گل تر کولگه سی #رقیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr ✍ #استاد_شاهی_اردبیلی

روضه حضرت موسی بن جعفر(ع) گریز به دفن شهدا کربلا من بیر قوجا غریبم احوالیمی بولن یوخ ئولسم بوغربت ایچره بیر کیمسه دفن ایدن یوخ چوخلار غریب اولوبلر من تک غریب ئولن یوخ بو خسته گویول یا الله محبسده گلوب فریاده بیر کیمسه گلن یوخ یارب غیر از کرمون امداده نولوردی جان ویرن زماندا منه بیر آغلیان اولیدی بالام رضا گلیدی یارب گوزومی باغلیان اولدی وای غریبم(۴) اوغول رضا هایانداسان نفس دوشوب شماره گل یومور گوزون غریب آتان اوغول باشیندا قاره گل منه زندان گوشه سی اوغلوم اولدی تقدیر قیزیم معصومه فراقیندا اولموشام پیر یارالیدی هم ایاقیم هم بوینوم اوغلوم ایاقیمدا کونده بوینومدا واردی زنجیر (رضا جان)۴ نینوا اهلیئله بغدا اهلینون چوخ فرقی وار چون او چولده ساربان اولدی سلیمان اولمادی (آقا شیعه لرین سوزی بودی با) پر بهاء خلعتله سن گیتدون مزار پاکیوه سویدولار جسم حسینی دفنه امکان اولمادی بولمورم آتلار ایاقیندان دیوم یا نعلیدن شمر ظالمده نه سعد اوغلوندا وجدان اولمادی آه او ساعتدن ئولن ئولدی قالان اولدی اسیر ابن سعد امر ایتدی چکدی بیر منادی بینه جار وار یزیدین لشکریندن هر قدر مقتول اولان دفن ایدون تا قالماسون گونلر ایوینده زین هار حرون اقوامی یغشدی قبره قویدی جسمینی قالماسون تا یرده قانلی پیکری زارو نزار وای کمکسیزلیق الیندن نه یاماندور ای خدا اون نفر گلدی ایده جسم حسینی خاکسار بیر بدن که سینه سینده بسلمیشدی فاطمه نانجیب آتلار داغیتدی #کاظمیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr بانوای کربلایی سیامک رزمی تبریزی

✔️ حضرت موسی بن جعفر علیه السّلام گریز به حضرت رقیه سلام الله علیها بخش 1️⃣ ای شهریار مُلک جان وی یوسف زندان غم چرخ هدایتده یوزون شمسُ الضُّحی بدرُ الظُّلم ای آستان عزّتون مسجود سکّان فلک وی اسم پاکون ذکرینه رَطبُ اللّسان فوج مَلَک یمن وجودوندان سنون رشک سِماک اولموش سمک سنسن سبب گر ایلیوب دنیانی حق غرق نِعم ره پوی صحرای وفا سرگرم شور عشقسن سودایی عشق لقا محو حضور عشقسن مدهوش حُسن یار اولان موسای طور عشقسن حادث سن امّا سنده وار آثار اسرار قِدَم جان و دل اهل دله تعویذ اکبردور آدون هر قلبیده شور غمون، هر دلده ازبردور آدون باب الحوائج شهرتون موسی بن جعفردور آدون بو اسمیده مکتوم دور تفصیل معنای حِکَم سنسن هدایت اهلینه هادی عَلی وَجهِ السَّبیل عطشاندی فیض لعلیوه تسنیم و کوثر سلسبیل سنسن فروغ لطفیله ظلماتیده خضره دلیل سنسن کلیمه راهبر سنسن ویرن عیسایه دم چوگان عزمونده سنون گوی معلّق نُه طبق باب جلالون حلقه ی زرّینی ماه متّسق فیض وجودوندان یتوب دنیای امکانه نَسَق بو دستکاه محتشم لطفوندن اولموش منتظم سن هفت خطّ عزّته میر فلک خرگاهسن اورنگ مُلک عصمته فرمانرواسن شاهسن عکس صفات ایزدی مشکات نور اللهسن سنسن جهان خلقته کهفُ الوری غوت الامم تا خلقته تصمیم ایدوب خلّاص بی مانند و چون آفاقی پرشور ایلدی ترمی لفظ کاف و نون موج حجاب تیره دن مهر رخون اولدی برون آئینه ی ایجادیدن پاک ایلدی زنگ عدم سندندی هر آزاده لیق درک ایلسه اهل ولا امّا عجبدور که اوزون اولدون اسیر ابتلا اولدی نصیبون چرخیدن زنجیر و زندان بلا سالدی فشاره قلبیوی جور گروه بدشیم هر ظلم و هر بیداده سن دوزدون ره جانانیده پایانه ویردون عمریوی اندوه بی پایانیده یاد ایلدوقجا حالیوی ظلمتگه زندانیده تسخیر ایدر دل مُلکینی فوج ملال و درد و غم بام و در زندان غم شاهددی سوز و سازیوه هم آشنادور گوش جان بانگ بیان رازیوه مجذوبیدی مسحوریدی ذرّات کون آوازیوه سسلردون اول موقعده که یا ذَالمَعالی و الکرم چوخ امتنانیم وار خدا اولدی نصیبیم مدّعا حال رضا و سِلم ده عشّاقه نعمتدور بلا بو من بو زنجیر ستم بو گوشه ی زندان سرا نه نوع شکر ایلوم سنه ای خالق لوح و قلم زنجیر کین هرگز دیمم، طوق عبودیّتدی بو احباب آرا معمول اولان سررشته ی الفتدی بو جانیله هم آوازدور قلبیله هم صحبتدی بو بیجا دگول وار الفتیم هر حلقه سیله دمبدم من عرض حاجات ایلرم یاحق دیر هر دانه سی قلبیمده شور ایلر فزون جانبخش و روح افزا سسی بیر لحظه اولموب ترک ایده زندانیده من بی کسی همدمدی جسم و جانیله هر شامگاه و صبحدم یوخدور منه همراز اگر بسدور بو سنگین سلسله منله بیان راز ایدر آوای شورانگیزیله غربت غمیندن هر زمان دلتنگ اولوب گلسم دله باشلار تسلّای دله هر گونه آهنگ و نَغَم ادامه دارد ⬇️⬇️ #حضرت_کاظم #کاظمیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr ✍️ مرحوم عابد تبریزی ______________

✔️ حضرت موسی بن جعفر علیه السّلام گریز به حضرت رقیه سلام الله علیها بخش 2️⃣ بیر سبحه ی اخلاصدور لیل و نهار اذکارینه نظم تمامیله دوزوب دست قضا جان تارینه بیر یاخشی عنواندور منه یار اسمینون تکرارینه ذرّات جسمیم دل آچوب یاحق دیر چکدوقجا دم عاشق اولان بو رسمیدور بیر بزم خلوت آختارار دلداریله بیگانه سیز هنگام صحبت آختارار ابراز راز ایتماقلیقا جانانه فرصت آختارار خلوتسرای انسدور بو یر، نه زندان ستم بولمم هارا یتدی جفا ای شهریار انس و جان بالمرّه تاراج ایلدی قلبوندن آرام و توان ایلردون اوزگه طرزیله ذکر و مناجاتون بیان سویلردون ایلردی گوزون دامانیوی اشکیله یَم ظلمات بطن حوتیدن ای یونسی آزاد ایدن سِجن بلادن یوسفی آزاد ایدوب دلشاد ایدن هر عامله بیر لفظیله امکان ویروب ایجاد ایدن قورتار بو زنداندان منی یوخ دلده یارای اَلَم سیل بلا اولدی روان اقطاریدن ارکانیدن معموره ی صبر و سکون ویران اولوب بنیادیدن آگاهسن دویدون داخی جان و دلیله جانیدن دل مُلکینی هر سمتیدن دوتدی زبس افواج غم هر صحبتیم زندانیده بو اشک طوفان خیزدور شمع حریم خلوتیم آه شرار انگیزدور خون دلیله جام دل صبح و مسا لبریزدور عمر و حیاتیله اولوب اندوه و محنت ملتزم شام غم هجرانیده صبح لقانی گوزلرم جان برلبم اندوهیدن, آرام جانی گوزلرم مشتاق وصل دلبرم اوغلوم رضانی گوزلرم شوقیندن آز قالموش اولا بنیان هستی مخترم معصومه درد فرقتی ایلوب منی خونین جگر مرآت دلده آختارار گوز عکس حسنین هر نظر ایستر صبادن حالینی شوریده دل آلسون خبر افسوس بو زندانه یول تاپماز نسیم صبحدم قویموب وصالونله فلک یتسون قیزون آمالینه یاندوردی قلبین, جسمینی غرق ایتدی اشک آلینه شایسته دور بو یرده دل یانسون رقیّه حالینه تاپدی آتاسین اونداکی ایتموشدی طغیان بحر غم بزم لقایه تاپدی یول دویدی ولیکن جانیدن بو وصل بِالله سختدور مینلر غم هجرانیدن گوردی شهنشه مصرعی دریایه بنزر قانیدن توپراقلار اوسته گوئیا نقش غم اولموش مرتسم قان بسترینده نازیله سلطان انس و جان یاتوب موج شفقده گوئیا قرص مه رخشان یاتوب قان ایچره باشسیز جسمیله شاهنشه عطشان یاتوب چرخ معلّی دامنین بار غمی ایلوبدی خم آخدی سرشکی دامنه، اودلاندی دل، گلدی دله ویردی اجازه شوریله موج سرشک سائله سسلندی ای عشقی منه هر یولدا زاد و راحله قان اولدی قلبیم نطقه گل ای کشته ی قوم ظُلم بو آستان رحمته من بیر امیده گلموشم وصلون سراغین آلماقا هجران کشیده گلموشم مخیمده کی دیداریوه من بازدیده گلموشم دل سوزینی ایلر عیان بو یوزده کی گلرنگ نم ای نوح طوفان بلا وی عالمه فلک نجات ای تشنه لعلینده نهان مین چشمه ی آب حیات نعشونده قانلی یاره لر ایلور تجلّی چون بنات امّا شفق رنگ ایلیوب انوارینی سیّاله دم هجرون اگرچه تاب آلوب بو خاطر رنجوریدن امّا وصالون حسرتی گیتمز دل پرشوریدن تاپدیم دل ظلماتیده فرصت شب دیجوریدن تجدید دیدار ایتماقا بو وقتی بولدوم مغتنم #حضرت_کاظم #کاظمیه #حضرت_رقیه https://eitaa.com/nabnohe1 لینک کانال نوحه‌های ناب آیدی مدیر کانال @nohekr ✍️ مرحوم عابد تبریزی ______________