دور طاعتوز خُسرانِ عشق الغرض بیر حمله سینده بو ایکی یورقون بالا قویمادی میداندا آخر بیر مُنظّم صف قالا گه آچوللار فاصله گاهی ویروللّر دال دالا سَسلنولر حافظ اوُل ای قادرِ صبحانِ عشق سَسلنوبلر عرصه تَنگ اولجاق بابا یا مُرتضی دستگیر اُولماق بیزه ذلّتدی سَن اُولما رضا دوشمُوشوک تنگهِ کَمند ایستور آتا دستِ قَضا زنده صید اوُلسا قبول اوُلماز بابا قربانِ عشق بیر قدَر دَعوا ایدوب سوزِ عَطش دَن یاندیلار هر یِره یوز قوی دولار دورت سَمتی دَن اوخ لاندیلار فاصله دوشدی آرایه تکلنوب دوغران دیلار قانه غَلطان اولدی تک تک گُوهرِ غلطانِ عشق گه بیری سَسلور حُسینی لبلرین دَن قان گلور گه بیری نیم خیز اولور گورسُون او سَس هاردان گلور ردّ ایدور بیر نیزه نی یوز ناوکِ پَرّان گلور سَسلنور اِمداده گل اِی خسروِ خوبانِ عشق شَه گلوب گوردی باتوب القانه خواهر زاده لر نقد جانی زاد راهِ عشق ایدوب آزاده لر سینهء شاهه اوجالدی عاقبت اُفتاده لر قان لاریلان اولدی امّا صحبتِ جریان عشق شَه گلینجه زینب امّا قوردی شُورا خیمه دَه قیزلارا بیر سوز بیُوردی اِیتدی غُوغا خیمه دَه سیز چیخون من اگلشیم خامُوش و تَنها خیمه دَه قارداشیم خِجلَت چَکر الدَن گِیدر دامانِ عشق اوّلاً سیزده منیم تک پیشوازه قاشمِیُون دوزمسه قلبوز قاچون سعی اِیلیون باش آشمیون سیز بیلون الله اوجادان اوخشیوب آغلاشمیون اولماسون دِلگیر و مَحزون شاهِ مَظلومانِ عشق ای ایدن درگاهینه گُلدستهء گردون رکوع وی مه و مهره اِیدن حکمِ غروب امرِ طلوع لطف قیل زوّارون امرین اِیله عبّاسَه رُجوع باغلانان یوللّاری آچسون فارسِ شَجعانِ عشق ????: ???? ???? ??? #زینبیه #مدح #روضه 🖋️مرحوم استاد منزوی اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

گرک اهل ولا عمرینجه عالمده بلا گورسون سوور خالق ولا اهلین بلایه مبتلا گورسون محبت اهلی بیگانه گرکدور عیش دنیادن اوزین اهل ولا ، لازمدی درده آشنا گورسون جلال و عزتندن ال گوتورسون راه جاناندا بقای جاودانی درک ایدوب ، عمرین فنا گورسون رموزات محبتده نکات عشقده دارا اولا هر کیمسه شایق ، کاملاً اهل وفا گورسون بصیرت دیده سین آچسین بلا صحراسینه باخسون مقام عشقده دارا اولان اهل ولا گورسون غلطدور سالک راه حقیقت ، ذکر ایدم آدین باخوب عشاق عالم راه عشقه رهنما گورسون آدی ام المصائب ، مخزن غم ، حضرت زینب اونون تک کیمدی اثبات محبتده جفا گورسون گورون وار بیر باجی ، قارداش یولوندا دار دنیاده نقدری محنت و غم یوز ویره نفسین رضا گورسون هامی غم بیر یانا غارتده اما اوزگه بیر غم وار نجه شمرین النده معجرین کان حیا گورسون سوروشدوم بیر نفر عالمدن اوضاع قیامتدن اشاره ویردی غارتدن ، گوز ایستر برملا گورسون دیمه غارت قیامتدن علامتدور ، نه سوزدور بو؟ او صغری دور بو کبری ، باخان وار مطلقا گورسون عیال مصطفایه مین قیامت اولدی غارتده مسلط اهل علم ایستر ، خبرده مبتدا گورسون النده تازیانه آلدی لشگر زینب اطرافین خبر ویر ای صبا گلسون قیزین خیرالنساء گورسون یوزی اوسته دوشوب غش ایلدی زینب او حالتده بو اوضاعی گلوب ایکاش ختم انبیا گورسون سکینه گوردی بو حالی ، پوزولدی حالی بی طاقت دئدی بو حالی یارب هاردادور شیر خدا گورسون باخوبدور اهل بیت عصمته سسلندی یا اختا روادور بیر نفر عورت بیله بیر ابتلا گورسون؟ رقیه دور ایاقه عمه مین سال باشنا قاره مبادا عصمت کبری جمالین اشقیا گورسون دوگولر عمه می ، آز قالدی ئولدورسونله کافرلر دئن یوخ اهل شام و کوفه آز ظلمی روا گورسون تاپولمور بیر نفر شمرین الیندن عمه می آلسون نجه بو خفتی بولمم عیال هل اتی گورسون گویردی قولاری ، چگنی ، یارالاردان آخار قانی هانی بیر رحم ایدن ؟ دورسون تدارک بیر دوا گورسون آغارمیش زلفینی اوز باشنون قانی خضاب ایتدی یاخوندور سرپرستین غرق خون ، آل عبا گورسون ئولنجه بو یارالار وای منه مرهم قبول ایتمز خبر ویر باجیسین گلسون عموم صاحب لوا گورسون دیسم زیبنده دور سس گلدی درگاه جلالتدن مقدردور حبیبم بیله غملی ماجرا گورسون چکون اما ابوالفضلین یارالی نعشنه پرده مبادا شمر النده باجیسین بی اقربا گورسون الی یوخدور دوروب شمرین الندن زینبی آلسون او غیرت کانی مشگلدور بو حالی برملا گورسون به حق عصمت زینب اوزون لطف ایله معبودا (حسینی) بو مرضدن بیرده عالمده شفا گورسون اورکده حسرتی واردور ازل گیتسون خراسانه اجل درک ایتممیش بیرده مقامین کربلا گورسون ????: ???? ???? ??? #زینبیه #روضه #شهادت 🖋️مرحوم استاد سیدرضا حسینی تبریزی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

خلقتین شاهکاری زینبدی عترتین نامداری زینبدی صبریله آلدی قلّۀ ظفری اُسوۀ پایداری زینبدی بهترین بندۀ خداوندین بهترین یادگاری زینبدی خلقتی فصل فصل اگر ائلسوک فصل سبز بهاری زینبدی اوخشاسا یاخشی نطق شمشیره خطبه نون ذوالفقاری زینبدی گوزی باغلی اوخ آتسا گر غیرت بوشا گیتمز شکاری زینبدی آنالار افتخاری زهرادی باجیلار افتخاری زینبدی نهضت عشقه افتتاح ایلین شرکت انحصاری زینبدی شمع و پروانه نون روایتینون راوی داغداری زینبدی ماردی ئولدورن ابوالفضلین خواهر باوقاری زینبدی دینیمون تاجداری حیدردی عشقیمین شهریاری زینبدی عفّت و عصمتین خزانه سینون شِمش خالص عیاری زینبدی سینمیان اقتداری زینبدی سیندیران ظلمکاری زینبدی پهلوانلار علینی سسلسلر قهرمانلار شعاری زینبدی مستشار رشید مکتبدی شیریدن صود اَموبدی زینبدی فاطمی زاده دور اصالتی وار اصلینون نسلینون وجاهتی وار حوزه عشقیده مدّرسدی مدرک محکم فضیلتی وار غیرت و همّت و شجاعتده اسداللهیلن رقابتی وار جانشین اولماقا حسین آقاما بیر فقط زینبین لیاقتی وار آلنین ئوپدی بویوردی پیغمبر عموسی حمزه تک صلابتی وار نهضت کربلانی ساخلاماقا شاه عطشانیدن وکالتی وار کاروان کاروان شرافتی وار آسمان آسمان نجابتی وار بیرگونی عالم تخیّلده طبعیمون گوردوم آیری حالتی وار آختارور زینبین مقاماتین مطلبی یازماقا حرارتی وار یوز دولاندیردیم آسمانه طرف گویده گوردوم شرف علامتی وار یازیلوب سینۀ سماواته غیرتین زینبه ارادتی وار دیدیم ای آسمان بو طنطنووین هانسی بیر شخصه چوخ شباهتی وار دیدی سال فکریوه حساب ایله سوزیمون مو به مو حقیقتی وار نه کی تک کوه و دشت و دریایه زینبین گویلره حکومتی وار مدحینون رشته سی مطوّلدی بیر توکی ماسوادن افضلدی عالمه صبر وتابی ئورگتدی روش انقلابی ئورگتدی رهبران شریف و آگاهه ظلمیدن اجتنابی ئورگتدی بشره بین عزّت و ذلّت بهترین انتخابی ئورگتدی یرده عرش خدانی آختارانا خانه بو ترابی ئورگتدی اکبرین ئوپدی مه لقا یوزینه تابشِ آفتابی ئورگتدی شانه ووردی رقیّه نون ساچینا عطر و بوی گلابی ئورگتدی آنادان اولجاقین ابوالفضله طیران عقابی ئورگتدی خیمه لر اود دوتاندا طوفانه رسم و راه ثوابی ئورگتدی یاتمیان یَللره بیاباندا لای لایِ ربابی ئورگتدی قمچیلر آلتدا جمع نسوانه راه حفظ حجابی ئورگتدی محمل اوستونده باش یاراندا خانم اهل عشقه خضابی ئورگتدی کوفه نون بی وفا خانملارینا آیه آیه کتابی ئورگتدی آیریلاندا حسیندن،ئوز گوزینه مشق درس سحابی ئورگتدی باخدی باخدی دالیجا سلطانین ایسلادوب اشک چشمی مژگانین دیدی صبر ایله ای وفا کانی بیر دانیشدیر بو خانه ویرانی دیمورم گیتمه بزم جانانه جان گزر چون وصال جانانی گُل کیمی گُل یوزون شکفته لنوب گورسنور سنده حال ربّانی اللّی بش ائیلدی گورممیشدی باجون سنده بو چهرۀ شکوفانی اوخشامورسان هئچ اوغلی دوغرانانا گورمورم حالت پریشانی زینبوندن بو نوعی آیریلما منی سیندیرما اولسا امکانی ضربانیم حسین حسین سسلور دوزه بیلمور باجون بو هجرانی حاضرم اود دوتوب یانوب کول اولام دوتا خاکستریم بیابانی حاضرم آغلیام قیامته جک گوز یاشیم غرق ایده بو صحرانی حاضرم اوخلانام قباقونده یووا قانیم بو قانلی میدانی سنی ویررم قسم شرافتووه ای وقارین یگانه سلطانی آیریلیقدان فقط دانیشما حسین هجرووین یوخدی منده درمانی هرنگاهون هزار معجزه دی ویر نشان معجزات موسانی منی شمشیر ایله الونده آپار دوغریوم رشته رشته اعدانی قویمارام اسکیله وقاروندن منی کم دوتما ذوالفقاروندن زینبون جبهه دن کنار اولماز خفّت و ذلّته دچار اولماز روح سرکش واریمدی اوّلدن روح سرکشده اختیار اولماز ولی امر ایلسون کی خیمه ده قال منه اجراسی ناگوار اولماز گرچه چوخ سختیدور اسیر اولماق ولی زینب اسیر عار اولماز سربدار اولماسا مجاهدلر آرمانلار پایدار اولماز دین اسلامی ساخلارام زنده زندگی یوخسا سازگار اولماز معجر آلتیندا اولماسا پنهان چهره پاکی آشکار اولماز خواب غفلت دوتوبدی دشمنووی قوردوقی خیمه استوار اولماز بیلمیوللر کی خشم اقیانوس بند و زنجیریلن مهار اولماز خنجر منطقیم چکیلسه اگر هئچ کسه فرصت فرار اولماز حرمله اللّی اوخ رها ایلسه زینبین غیرتی شکار اولماز مطمئن اول کی آل بوسفیان مرکب نصرته سوار اولماز زنده بادا مرام آزادی ذلّت انسانه افتخار اولماز اصغرین قانین آللام آی قارداش شهدا قانی استتار اولماز ????: ???? ???? ?? #زینبیه #روضه 🖋️استاد حاج حسین غفاری اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

بانوای عبداللهی ======👆 روضه حضرت ابوالفضل(ع) دئمدیم نهری گئدیب خیملره دوندرسن یا بیر مشکی سووا بیر گوز ایکی قول ویرسن عباس من اوخ آتان گر چوخودی قارداش مشکی آتیدون یره سن اولماسیدی سو اورک بیر بله چرپنمازیدی نه قولار کسیلردی نه بلیم سنمازیدی بلیم سیندی قارداش ای آی یارالی قارداش ای #عباسیه #روضه#مداحی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

‍ سسله دی خاک بقیع قوی یاتا غملر آناسی آیرلیق سالدی فلک قالدی ملر دورد بالاسی یارالی قوش کیمی وارسینه ده میسمار یاراسی وادی غمده کی بو دُرّ گران فاطمه دی آی بقیع ساخلا نهان قدی کمان فاطمه دی دخت طاهادی بقیع عالمه سروردی یاتیب زینت خانه و کاشانه ی حیدردی یاتیب یاخشی ساخلا یانیرام بیر گل پرپردی یاتیب بو همان سایه غمده سیخیلان فاطمه دی کوچه ده سیلی دگنده یخیلان فاطمه دی #فاطمیه #روضه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

زبانحال حضرت علی با خانم زهرا یتیشسه آفت اگرگلستانه زهراجان باخانداغم گتورر باغبانه زهراجان سارالدی‌گللرون‌ای‌غم‌کشیده‌بیرگوزون‌آچ دونوب صفالی بهارون خزانه زهراجان یتیملیقون توزی قوندی بالالارین یوزونه گلولله هرگجه گوندوز فغانه زهراجان حسنده سولدی حسینده سارالدی زینبده قولومی باغلادی قهر زمانه زهراجان نه نازینی چکن اولدی نه زلفینی داریان ایدرنه چاره پریشانه شانه زهراجان سنه نه جای مذّمت ایویندن ال چکدون یازیلمیوبدی وفابوجهانه زهراجان قوجاقلارام‌ئوز‌ایویمده‌همیشه دیزلریمی عذاره اشگیمی قیلّام روانه زهراجان نجه‌چیخوم‌قاپیا قتلگاهیدور قاپیمیز بروزحادثه جانستانه زهراجان گوزوم‌دوشورقاپوداهی اوقانلی مسماره چتیندی گوزقاباقیندا نشانه زهراجان حسینه‌بالش‌اولان‌سینون‌اولدی‌یاره سنون بویاندی ناوک مسمارقانه زهراجان جهانداسنسیزهله‌قورخورام که چوخ یاشیام اولام دچارغم بیکرانه زهراجان بیرعمرکه اولاسنسیز مگر نه لذّتی وار قفسدی یریوزی بوخسته جانه زهراجان #مرحوم‌ استاد منزوی #فاطمیه #روضه https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

‍ آمدن نعش علی اکبر (ع) به خیمه گاه سس دوشوب خیمه لره موکب شاهانه گلور نوجوان نعشی قوجاقنده یانا یانه گلور هر بالا قیز بولوب اوضاعی چکلدی رمقی گوردیلر باد ستملن داغلوب گول ورقی فی المثل پارچالیوب جسمنی گرگان شقی کربلا یوسفنون کوینگی کنعانه گلور نوجوانان بنی هاشم ایدور داد و فغان آغلیور ورد ایلیوب وا ولدا شاه جهان قاسمون آهی ثریّایه چیخوب ناله کنان الى قوینندا شه دینیله یان یانه گلور بولدی بو محنت عظمانی اول زینب زار خیمه دن اللری قوینوندا خانم اولدی کنار قارداشیم وای سولیوب قاچدی گوزى اشک نثار تسلیت وئرمگه سلطان لب عطشانه گلور دیدی قربانون اولوم آغلاما ای سرور دین قلبوی یاره لیوب دوزدی حسین فرقه ی کین اکبرون حقّه فدا دور ایلمه شور و انین نوجوانون یتشوب رتبه ی شایانه گلور اکبرون نعشنى قویدی یره سلطان جهان حرم اهلی آلوب اطرافین اونون ناله کنان سسلدی نازلی سکینه علی جان یاتما اویان دور باجوندور وورا کاکللریوه شانه گلور باخدی آغلار گوزیله گوردیکی یوخدور نفسی توکدی گوز یاشین عذاره اوجالوب زمزمه سی یتیشوب لیلیه اهل حرمون ناله سسی دئیدی غم نغمه سیدور بو من نالانه گلور عرض ایدوب قارداشنا زینب افسرده خیال باجی قربان سنه ای سرور گردون جلال دورما قارداش داخی آرترما غم و درد و ملال آغلوسان سن حرم آهولری افغانه گلور چرخ دون کامه یتوردى على اکبر آناسین ویر اجازه گتورم لیلنی گورسون بالاسین باغلاسون معجریله باشدا کی خنجر یاراسین ایندی لیلا غمی اخیامیده طغیانه گلور الغرض ویردى اجازه او شه عرش خدم گلدی لیلا یاننا ناله کنان اهل حرم گیردیلر قولتوقنا چون آتا بولموردی قدم شمع هجرانه یانا شوقیله پروانه گلور یتیشوب نعش على اکبره سست اولدی دیزی تیره شامه دولانوب نعشی گورنده گونوزی دیدی آچ گوزلریوی دیده گلوب لیلی اوزی باشوون اوسته آنوندور دئیمه بیگانه گلور شمع رخساروی کیم ظلمیله خاموش ایلدی کیم من غم زده نی بیله سیه پوش ایلدی هانسی ظالم سنی مرگیله هم آغوش ایلدی بو قدر یاره لر آخر نجه درمانه گلور من سنى بسله میشم نازیله سینمده بالا نه روادور گول سینم بیله یئر اوسته قالا بو قدر محنته تاب ایلر علی هانسی آنا بیرده دنیایه مگر سن کیمی دُردانه گلور نطقه گل منله دانش قلبیم ایوی قاندور علی آچ گوزون بیر باخشون دردیمه درماندور علی ساکت ایله اوره گیم گور نه هراساندور علی بیله وسعتده جهان لیلیه غم خانه گلور عمریم اولسا نقدر ناله و افغان ایدرم داغلانان قلبیمی هجرونده علی قان ایدرم آغلارام گوزلریمی تا سنه قربان ایدرم غم هجرانیله آخرده آنون جانه گلور ای اولان عالم آرا شبه رسول مدنی ای دوتان پرده صفت قانی او وجه الحسنی رقمه گتدی (( تقائی)) گنه بو سینه زنی لطفون هر ثانیه بو نوکر سلطانه گلور * #اکبریه #نوحه #روضه 🖋️مرحوم استاد حاج محمد تقایی اردبیلی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

﷽ #مجلس_ختم_پدر #روضه #ترکی بو دنیانون وفاسی هیچ یوخومیش یامان گونی خوش گونلردن چوخومیش آباد ائله قبر ائوینی ای دل غافل هرقدر که آباد اولا ویراندی بودنیا آی یالان دنیا....امان امان آی بی وفا دنیا وفاسی یوخ بودنیانون یالاندی کهنه دنیا هله...هله قالاندی عاقبت باشلاری داشه چالان دنیادی به یاد مهربان آتا....قبر ائوینه سفره ائلین آتا اما بو رسمیدی آتا سفره گئدنده بالالارون چاغیرار سسلر آی بالاروم سیزی آللهه تاپشوردوم اما....امان او ساعتدن کی بالالار گله لربابانین تابوتین یاپوشا لار وای اولحظه دن کی بالالار گوره او سفری کی....بابا گئدیر....دای بو سفردن گلمیه جک به یاد بابای سفرکرده آتا ائوین چراغیدی ‌‌آتا ائوین دایاقیدی آتالارا حرمت ائدون بش اون گونون قوناقیدی آی آتاسی اولانلار گئدون دولانون آتایزون باشینا به یاد او ساعتی که بو مهربان بابا ائوده بالالارون چراغیدی چهل روزه به سر افسر ندارم...آمان آیروقدان ...‌فغان آیروقدان چهل روزه که تاج سرندارم....قرخ گون اولدی ائویمیزون چراغی سونوب....‌قرخ گوندی بابانین سسی گلمیر چهل روزه پدر رفته زدستم قرخ گوندی بابانین یئری ائوده بوش قالوب اما آتاسیز لیق چتین درد اولار الا کی قیزی اولسا قیزه گران درد اولار باباسی ئولسه بخصوص اگر قیز ائولر ائوینده اولسا آتا ائوینه گئدنده بیر آیری عالمیلن گئدر آتا ائوینه آخه مشکله دوشنده ائله دییر کاش بابام گلیدی....کاش قارداشیم گلیدی اورگیزی ائله بوردان دولاندوراجاقام کربلا چولونه اوزمانیکی عاشورا گونی قتل وغارت توکندی او غملی زینب آتا سی ئولن بالالاری اوغلی ئولن ننه لری ییقدی بیر یاری یانموش خیمیه بیر باخدی صولا بیر ساغا ائله بیردن سسلدی یا علی المرتضی آتا جان هاردا سان مشکلده قاموشام دئدی بیر قوشا بنزیرم بابا اوچانمورام سینیب پریم کیمه دئیوم بودردیمی که تا ائده دوا بابا لایلای بابا۲ قیز بابانی گوزل اوخشار #اوخشاما از زبان دختر👇👇 قیزیل گول دن اولدی...‌آچیلدی خرمن اولدی...آیرولوخ مندن اولمادی آی بابا آیرولوق سندن اولدی لایلای بابا۲ ای قبره نیسگیلی گئدن لایلای بابا۲ غم غصه لردن دینجلن لایلای بابا۲ سندن اوزولدی ال بابا بیرده یوخوما گل بابا #شعر پایان مجلس👇 عاقبت زین دارفانی پرکشیدم یاحسین عشق تو مهرعلی درسینه دارم یاحسین من دراین وادی غریبم جان زهرا مادرت هرشب جمعه گذرکن برمزارم یاحسین #ختم خوانی #ختم_خوانی https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr

سینه زنی حضرت زهرا (س) 🌹🌹🌹🌹 ای سینه سین زمانه درده سالان ننم وای درد و بلا الینن تئز قوجالان ننم وای سالدی غم و فراقون زینبیوی عذابه باشیمه سالدی قاره توش اله دی عزایه بوش یریوی گورنده من گلرم نوایه هی دیرم قرارین غملر آلان ننم وای عمرون اولدی برهم منزلت و جلالی سینوین اولدی یاره حشره کیمین ملالی ظلملیه پشت درده یاره لی قوش مثالی شعله لرین ایچینده قاناد چالان ننم وای دست فلک صفای روحیوی الدن آلدی زندگیوین بولورین ظلمیله داشه چالدی آرزولارین تماما یاره اورکده قالدی دفتر آرزوسی باغلی قالان ننم وای #روضه یوزون قویاردی زهرانین قبرینه زهرا قاپیم باغلی قالوب بیر کس گلوب مندن خبر دوتمور قالوب غملر الینده مرتضی دامانی زهراجان سنه من آغلرام اما منه بیر آغلیان یوخدی یانور قلبیم گورنده کوینگینده قانی زهراجان بالالارون سنون آغلور یاتور من یاتمرام اما دوروب گلم بو گیزلین قبره من پنهانی زهراجان سنون قبرون منیم امید ایویمدی قیمتی چوخدی بویردن آلام عطر و وکهت یزدانی زهرا جان دیلر آغلاماق قلبی بوشالدار غصه و غمدن اما منیم قلبیم بوشالمور غصه دن بیر آنی زهرا جان اللهیم اللهیم اوت دوتدی درگاهیم آسمان قارالدی غروب ایتدی ماهیم دوره می آلدی ، اشقیا الله نیلسون تنها ، مرتضی الله الله یا الله #فاطميه https://eitaa.com/nabnohe1 لینک کانال نوحه‌های ناب آیدی مدیر کانال @nohekr با نوای استاد حاج سید محمد عاملي اردبیلی(تصویری👇👇👇👇👇👇👇👇)

روضه حضرت ابوالفضل العباس(ع) نهره ایاقین قویدی او دریای شرافت عطشان دوداقوندان گویه قالخوردی حرارت (یتیشدی علقمین کنارینا آقا سویی دولدوردی گتیردی سویون سرینلقین آقا یوزی احساس اله دی توکدی یره سویی ) نهره ایاقین قویدی او دریای شرافت عطشان دوداقوندان گویه قالخوردی حرارت یالواردی فراتین سویی اوپدی ال ایاقین ایسلاتمادی حتی اوسودان تشنه دوداقین عطشان لبیلن تا سویی ترک ایلدی سقا تشویشه دوشوب تیتردی ارکان ثریا ایسلاندی یر آنینداکی اودلی عرقیندن عشقین او شرافتلی مقدس ورقیندن تا یاندی ولی تشنلیقا دوزدی ابوالفضل فرهاد هوس بازین آدین پوزدی ابوالفضل مردانه ایکی قولدان ال اوزدی هله قالسون زیبا گوزی اولدوز کیمی سوزدی هله قالسون بزر شرفی عشقیله اکدی هله قالسون اوچ پر اوخی گوزدن نجه چکدی هله قالسون یاره بدنی لنگره دوشدی هله قالسون آتدان نجه قولسوز یره دوشدی هله قالسون باشدان ایاقا قامتی قانه بوروننده دشمنلر ایچینده یوزی اوسته سوروننده قان چشمه کوثر کیمی داشلاندی گوزوندن گوزلردن آخان قانیله بیر بیر یر اوزوندن بیگانه لرین ریشه سینی قازدی ابوالفضل عشقین سندین ئوز آدینا یازدی ابوالفضل گرچه او چولون ساقی ارزنده سی اولدی عطشان بالالارین ولی شرمنده سی اولدی بیر یول دیمه دی وای یارالی گوزلریم ایوای هی سسلدی لب تشنه قالان اصغریم ایوای افغانی اوجالدی فلکه یاره اورکدن گوز یاشلی گلایه اله دی چرخ فلکدن (ابوالفضلین اورگینین سوزودی، قولار قلم اولوب باشیندان آهن عمود دیوب ، گوزدن اوخ دیوب دیدی الله) هیچ من دیمیرم اوخ نیه دیدی گوزوم اوسته آیا نیه میداندا سوروندوم یوزوم اوسته هیچ من دیمیرم دیلده ربابین سوزی قالدی یولاردا ننم ام بنینین گوزی قالدی تنها بودی قلبیمده کی نیسکیلی گلایم بو ایسی هواده غم آلان خیمه سرایه هیچ من دیمیرم باد ملایم یتیشیدی نولاردی سو مشکیم اورا سالم یتیشیدی بیر عمده غمیم وار هامی غمدن منه باشدی بیر یول منه عمرونده رقیه آغیز آشدی #نهره_ایاقین_قویدی #عباسیه #روضه https://eitaa.com/nabnohe1 لینک کانال نوحه‌های ناب آیدی مدیر کانال @nohekr فایل صوتی👇👇👇 بانوای استاد حاج نادر جوادی اردبیلی

🎬تصویری ۴ #روضه شب شهادت حضرت امام هادی علیه السلام کربلایی طاهر قلندری اردبیلی جمعه ۱۴ دی ماه ۱۴۰۳ هیئت سینه زنان باب الحوایج حضرت علی اصغر( ع) با تصویربرداری سیمای بین‌الحرمین ┏━━ °•🍃🌸🍃•°━ https://eitaa.com/nabnohe1 لینک کانال نوحه‌های ناب آیدی مدیر کانال @nohekr ┗━━ °•🍃🌸🍃•°━━┛ #کلیپ

﷽ #مجلس_ختم_پدر #روضه #ترکی بو دنیانون وفاسی هیچ یوخومیش یامان گونی خوش گونلردن چوخومیش آباد ائله قبر ائوینی ای دل غافل هرقدر که آباد اولا ویراندی بودنیا آی یالان دنیا....امان امان آی بی وفا دنیا وفاسی یوخ بودنیانون یالاندی کهنه دنیا هله...هله قالاندی عاقبت باشلاری داشه چالان دنیادی به یاد مهربان آتا....قبر ائوینه سفره ائلین آتا اما بو رسمیدی آتا سفره گئدنده بالالارون چاغیرار سسلر آی بالاروم سیزی آللهه تاپشوردوم اما....امان او ساعتدن کی بالالار گله لربابانین تابوتین یاپوشا لار وای اولحظه دن کی بالالار گوره او سفری کی....بابا گئدیر....دای بو سفردن گلمیه جک به یاد بابای سفرکرده آتا ائوین چراغیدی ‌‌آتا ائوین دایاقیدی آتالارا حرمت ائدون بش اون گونون قوناقیدی آی آتاسی اولانلار گئدون دولانون آتایزون باشینا به یاد او ساعتی که بو مهربان بابا ائوده بالالارون چراغیدی چهل روزه به سر افسر ندارم...آمان آیروقدان ...‌فغان آیروقدان چهل روزه که تاج سرندارم....قرخ گون اولدی ائویمیزون چراغی سونوب....‌قرخ گوندی بابانین سسی گلمیر چهل روزه پدر رفته زدستم قرخ گوندی بابانین یئری ائوده بوش قالوب اما آتاسیز لیق چتین درد اولار الا کی قیزی اولسا قیزه گران درد اولار باباسی ئولسه بخصوص اگر قیز ائولر ائوینده اولسا آتا ائوینه گئدنده بیر آیری عالمیلن گئدر آتا ائوینه آخه مشکله دوشنده ائله دییر کاش بابام گلیدی....کاش قارداشیم گلیدی اورگیزی ائله بوردان دولاندوراجاقام کربلا چولونه اوزمانیکی عاشورا گونی قتل وغارت توکندی او غملی زینب آتا سی ئولن بالالاری اوغلی ئولن ننه لری ییقدی بیر یاری یانموش خیمیه بیر باخدی صولا بیر ساغا ائله بیردن سسلدی یا علی المرتضی آتا جان هاردا سان مشکلده قاموشام دئدی بیر قوشا بنزیرم بابا اوچانمورام سینیب پریم کیمه دئیوم بودردیمی که تا ائده دوا بابا لایلای بابا۲ قیز بابانی گوزل اوخشار #اوخشاما از زبان دختر👇👇 قیزیل گول دن اولدی...‌آچیلدی خرمن اولدی...آیرولوخ مندن اولمادی آی بابا آیرولوق سندن اولدی لایلای بابا۲ ای قبره نیسگیلی گئدن لایلای بابا۲ غم غصه لردن دینجلن لایلای بابا۲ سندن اوزولدی ال بابا بیرده یوخوما گل بابا #شعر پایان مجلس👇 عاقبت زین دارفانی پرکشیدم یاحسین عشق تو مهرعلی درسینه دارم یاحسین من دراین وادی غریبم جان زهرا مادرت هرشب جمعه گذرکن برمزارم یاحسین #ختم_خوانی https://eitaa.com/nabnohe1 لینک کانال نوحه‌های ناب آیدی مدیر کانال @nohekr