اوخشاما از زبان حضرت صغرا(س)به حضرت علی اکبر(ع) غریبلیگون چتین اولور آخشامی آخشاملار جالانور صبریمین جامی تاری بولور نه چکمیشم بایرامی عزیز گوندور دیدیم اورک دینجلر اکبریمنن منه بایراملخ گلر سالدون ولی سنده منی نظردن نه ئوزون نه نامه ن گلدی سفردن دالی قالدیم او گوردوگوم گونلردن غم آفتی وروب سارالدیم سولدوم ایراق اولسون منده قارداشسیز اولدوم آغلار منه داغ داشلار ای... گدیب باجی قارداشلار ای... بولمم هاچان الهی اکبر گلیب طوی باشلار (علی سن گدنن اله طوی اتاقوی تمیزلیرم سیلیرم سوپورورم آخی باجنین آرزوسیدی قارداش طویون گوره) هجرونده آغلارام من جهانی داغلارام من بوش قالان اتاقوین قاپوسون آی... هی آچوب باغلارام من #اکبریه #زبانحال_حضرت_صغری #زبانحال_صغرا_س https://eitaa.com/nabnohe1 لینک کانال نوحه‌های ناب آیدی مدیر کانال @nohekr بانوای استاد حاج جعفر ایمان نژاد اردبیلي

دل تو حرم مقیمه ارباب ما کریمه اونکه دلارو برده نوحه های سلیمه بارون بارون چشمامون گریون میخوام که بخونم نوحه براتون میخوام که ترکی بخونم میخوام از علی اکبر بخونم ماه ملک منظره باخ اکبره باخ اکبره باخ قدرت صورتگره باخ اکبره باخ اکبره باخ آیینه داور باخ اکبره باخ اکبره باخ کنز حیا گوهریدی گوهره ده جوهریدی لیلیه بال و پری دی عمه سینه چاکریدی عممیه باخ چاکره باخ اکبره باخ اکبره باخ یرده فقط شاه بودور گویده فقط ماه بودور ساق یدالله بودور حقه دسن راه بودور سیر الی الله بودور آینه داوره باخ اکبره باخ اکبره باخ قدرت صورتگره باخ ماه ملک منظره باخ اکبره باخ اکبره باخ اشبه پیغمبریدی یوسفادا تاج سریدی #اکبریه https://eitaa.com/nabnohe1 لینک کانال نوحه‌های ناب آیدی مدیر کانال @nohekr بانوای استاد حاج علیرضا اسفندیاری اردبیلی

روضه حضرت علی اکبر(ع) اوجادان آغلامارام اشکیمه عالم بویانا قورخورام یاتمیش اولا طایرِ روحون اویانا گَله لعنت منی اوز اوغلوما حسرت قویانا نوجوان داغی یاماندور علی قربانون اولوم بلبلم گُل سوزینی قویسالا مین ایل دیرم بال و پَردن توکولن گوگلومه بِسمل دیرم نقدر عجز ایدرم ، دیندیررم ، دل دیرم دیمیسن بو نه فغاندور علی قربانون اولوم #اکبریه https://eitaa.com/nabnohe1 لینک کانال نوحه‌های ناب آیدی مدیر کانال @nohekr بانوای حاج مهدی علیزاده تبریزی

‍ شجاعت حضرت علی اکبر(ع) نجه غافل سچه بیلمز ابداً خیر و شری موصلون وعده سینه طارق اولوب مست و جری گیتمگه رزمه اولوبدی متمایل نظری ولی ایکاش اولیدی او جواندان خبری تا بیلدی نوه ساقی کوثر کیمدی چالنوب طبل و دهل طارقه گتدی هیجان قالخدی زین اوسته ویریب مرکبینه بیر جولان نحس اولان آغزین آچوب نعره چکوبدی اوجادان یتیشوب خیمیه سس لیلینی ایتدی نگران یوز دوتوب زینبه سسلندی بو کافر کیمدی زینبین دامنینی دوتدی خانم دیده سی تر دیدی ای فاطمه نون نخلینه ارزنده ثمر الوی قوی سینمه گور نجه قلبیم تیترر اکبریم تکدی سیز الله ویرون عباسه خبر گوره میدانیده بو مرحبه بنذر کیمدی گیجه ده داده چاغیردوم گل نیلوفریمی دیدیم ای نازلی رقیّه اود آلوب پیکریمی گیت ابوالفضله دی تک قویما علی اکبریمی من اوتانّام آپار آت مقدمینه معجریمی معجره باخسا بیلر صاحب معجر کیمدی ترک ایله خیمه لیلانی قلم اکبره باخ روبرو رزمیده بیر اکبره باخ کافره باخ قبضه قابض الارواحیده دون اللره باخ گُرز زوبین و سنان و سپر و ششپره باخ گل گورک کیمدی سرافکنده مظفّر کیمدی گرمدور کوره آتشکده جنگ و جدل مستراً اولونور تیغ و سپر ردّ و بدل فکرلرده یارانوب خاطره جنگ جمل سیز تصور ایلیون طارقی میداندا هُبل من سیزه عرض ایلیوم حیدر دیگر کیمدی دست پرورده عباس حسینون گوزلی طارقی گوردی نجه تیغه طرف گیتدی الی ایله بیل کعبه ده حیدردی کی ووردی هُبلی شاهرگدن اونا بیر ضربه ایله ووردی علی کوفیلر ایلدیلر اکبری باور کیمدی ایکی اوغلی واریدی طارقون اول لشکرده آتانون لاشه مردارینی گورجک یرده جاهلیت قانی جوشلاندی بوتون رگلرده ایتدیلر حمله غرض غیضیله ال خنجرده گوره لر تا کی ویرن طارقه کیفر کیمدی گیچورم رزمگهون شرحینون عنوانیندن بیرینه بیچدی کفن خنجر عریانیندن بیرین اما نجه کی دوتدی گریبانیندن ایله ووردی یئره جان سبقت آلوب قانیندن الله الله دیدی لشکر بو غضنفر کیمدی صورا بیر قدری باخوبدور سپه کفّاره گوردی هیچ کیمدی توان یوخدی گله پیکاره باد پاییزی گوروبسوزکی اَسَر اشجاره حمله ور اولدی او نوعیله علی اشراره بیلمدی حیف اولا کی قاتل اصغر کیمدی کوفه نون هرزه روان لشکرینه ووردی ئوزین منقذون من دیمورم یاخچی بیلمر هامی سوزین اکبرین تار ایلدی گوزده ایشقلی گونوزین بیلمورم من نجه ووردی ولی قان دوتدی گوزین اندیرن بیلمدی کی باشینه خنجر کیمدی یوز دوتوب تلّه ویریب سرور بطحایه سلام اکبرین آلدی ادبلی سسینی شاه اَنام مرکبه اولدی سوار ایتدی رکاب اوسته قیام گورجگین اکبری بیردن دیدی عباسه امام مرکب اوستونده ووران ساق صولا لنگر کیمدی ایکی قارداش ایلیوب ترک خیم دیده سی تر اولدوزون باشینون اوسته یتیشوب شمس و قمر اکبرین باشین آلوب سینیه صراف گهر ئوپدی بیر قانلی گوزین بند دل پیغمبر دیدی آچ گوزلروی گور گلنلر کیمدی قاریشور گوز یاشیم آخدوقجا سنون گوز یاشوا سوزون اولسا دی گیدیم منده دیوم قارداشوا کیم ووروبدی گوزلیم غیضیله خنجر باشوا ایشلیوب خنجرینون یاره سی باشدان قاشوا اوغلی القانه بویانسین وورانی هر کیمدی https://eitaa.com/nabnohe1 لینک کانال نوحه‌های ناب آیدی مدیر کانال @nohekr ** #اکبریه استادحاج حسین غفاری اردبیلی

‍ خروج امام از مکه خبر شهادت مسلم (ع) و گریز به شهادت علی اکبر(ع) ‍ خروج امام از مکه خبر شهادت مسلم (ع) و گریز به شهادت علی اکبر(ع) ترک ائتدی کعبه نی شرف ماسوا حسین شوقیلن اولدی عازم دشت بلا حسین سِلم حقیله ما ملکیندن اوزوبدی ال یار ایستین بلایه دیویدور بلی حسین ایتدی قبول مجلس شور الستیده سرمایه سین کتابته ویرسون فدا حسین جان نقدی الده باشلادی پیمانینون یولین راهی اولوب دیار غمه بی ریا حسین هودج نشین ائدویدى بنات مکرّمین قیلدی حریم عصمتی بیر بیر دعا حسین فرمایش ایتدی بیزلره یثریدی گر وطن اوردان آلاردی عطر تن مصطفی حسین جبر زمانه باعث اولوب دودمانیدن مرغ قطا مثالی اولوبدور جدا حسین بو کاروان عشق که منزللری گزور بیهوده کوچ ویرمور اونا رهنما حسین آگاه اولون که آخریمز کربلالیدی اوردا وصال یاره چاتار مقتدا حسین تاب ایلیون مشقّت راهه دارخمیون آشفته اولماسون ئوره گوز ساغدی تا حسین طی ایتدی کاروان غرض ئوز پر بلا یولین نی تک ایدردی خلوت شبده نوا حسین تا منزل زروده یتوردی قطارینی درک ایتدی بیر مسافری میر هدا حسین فرمایش ایتدی کوفه لی سن سویلدی بلی بیت خدایه عازمم السّاعه یاحسین قیلدی سئوال وار نه خبر شهر کوفه ده عرض ایلدی مرارت بی منتها حسین گلمور یوزوم اولان سوزی واضح بیان ایدم آزرده ایلیم سنی ای پیشوا حسین باشون ساغ اولسون ایلدیلر مسلمی شهید نعشین وروب قناریه اهل جفا حسین مظلوم امام داغلی جگردن چکوب بیر آه شدّتله آغلادی بو غمه جابجا حسین فرمان ویروب دیدی گتورون مسلمون قیزین قیلسون اونی حدیث غمه آشنا حسین تئز گتدیلر قوجاقینه آلدى ئوپوب گوزین نازین چکوب دعا ایلدی هاکذا حسین ایتدى خدیجه سید الاحراریدن سئوال ای مقتدا مدبّر ارض و سما حسین علّت ندور که لطفوه چوخ شاملم دائی غم رمزی وار بو لطفیده یا اینکه لا حسین اولما ایویم یخلدی بابام گئتدی گلمدی اشرار کوفه قیلدی منی بینوا حسین باهم قوجاقلاشوبدی آی اولدوز ملشدیلر ایتدی او غملی منزلی بزم عزا حسین فرمایش ایلدی بو قدر آغلاما قیزیم بیلمز سنی رقیّه قیزیندان سَوا حسین عمروم نه قدری وار چکرم نازوی بالا اولماز محالیدور سوزینه بی وفا حسین چرخ فلک دولاندی نه چوخ اضطرابیلن عشقون قطاری مقصده چاتدی شتابیلن عترت چادرلارى قورولوب پر بلا یئره باخادیقجا غبطه ایلدی چشم سما یئره محرملرین کجاوه دن اندیردی تا حسین عطر جنان یایلدی او محنت فزا یئره نوبت چاتاندا محمل صدّیقه زینبه گوز یاشی جاری ایتدی ولیّ خدا یئره عبّاسی سسلیوب دیدی گل ای وفا سیر سن زینبی کجاوه دن اندیر اخا یئره من فاطمه نشانی باجیمدان خجالتم من باعثم او گلدی بو غصّه نما یئره سرعتله طی اولوبدی زمان چاتدی صبح عشق سجّاده سالدى پیر و جوان جانفدا یئره اکبر اذان ویرنده نمازه دایاندیلار آرتردی جلوه نغمه ی یا ربّنا یئره وقت شهادت اولدی گیندی هامی کفن آز قالدی خون عشق یاراتسون صفا یئره اوّل ئوز اوغلی اکبره قیلدی حسین خطاب قان جلوه سین اوغول ویر ئوزون ابتدا یئره قوى اکبر عشقه اکبریم اولسون فدا منیم ویرسون سنون رگونده که قان اعتلا یئره لیلا گولی امامینه لبّیک سویلدی روحی پر آچدی گوگلره بی اعتنا یئره الله اکبر عشقینه جانین ایدوب نثار جوشدی سوزولدی یاره لریندن دما یئره جاندان دوشنده مرشدینه ویردی بیر سلام دعوت ایدوب او حضرتی پر ابتلا یئره گلدی حسین جوان بالانون باشی اوستونه گوردی دوشوبدی قانینه غلطان بالا یئره جان جان دیدی سوروندی داغلمش گوله ساری یورقون بالا یانندا اوزاندی آتا یئره قربان اولوم دیدی بولنن آلنوا اوغول سن سیز توکولمیور نیه بس نُه سما یئره گورسه سنی بو حالدا اگر قدسیان على ایوای دئیر یارالی دوشوب مصطفی یئره باخدوقجا باشوه سالورام یاده بیر گونی محرابیده یخلمشیدی مرتضی یئره افسوس او قاره گوزلروی قان هوروب بالا سینسون او ال که یخدی سنی بو فنا یئره سینونده سینمش آینه نون نقشی وار على یا درّ نابیدور داغیدوب اشقیا یئره شیرازه سیز کتابه جنازون چوخ اوخشیور اوراق ایدوب سپوبلر اونی گوئیا یئره حمل ایتمگه بو دوغرانان اعضانی خیمیه یوخ آیری یول گرکدی سرم بیر عبا یئره صحن چمنده گول ئووقین باغبان یغار اولماز رضا ایاقلانا گول ناروا یئره من بلبل اولموشام گوزلیم بیر عبا گوله درد دلیم یایوبدی نوای عزا یئره https://eitaa.com/nabnohe1 لینک کانال نوحه‌های ناب آیدی مدیر کانال @nohekr ** #اکبریه استادسید تقی سیفی اردبیلی

آفرین    نطقوه   (( بیضا ))  ید   بیضا    ایلیوب https://eitaa.com/nabnohe1 لینک کانال نوحه‌های ناب آیدی مدیر کانال @nohekr ** #اکبریه استاد مرحوم میرزا صادق بیضا اردبیلی

ایله بیر غملی آنانین غمی تحریر اولماز https://eitaa.com/nabnohe1 لینک کانال نوحه‌های ناب آیدی مدیر کانال @nohekr *** #اکبریه مرحوم استادحاج مختار نخستین اردبیلی

ایکی اَلیله گوتوردی امام دل خسته آلوبدی پارچالانان باشینی دیزی اوسته سیلوبدی گوزلرینون قانینی اولوبدی ملول بویوردی آچ گوزون ای جدّیمون شبیهی اوغول سحر ستاره سی تک تیز غروبه یتدون اوغول قویوب غریب آتاوی تک بو چولده گیتدون اوغول شل اولسون اَلری کیم ووردی باشیوه شمشیر بو یاره نون ایدوری سوزی قلبیمه تاثیر گُل اوزلی تازه جوانیم آنان گوزیندن ایراق ایدوبله پیکریوی برگ گُل کیمی اوراق نه قَدر سسلدی دیندوردی سیّد الشّهداء جواب گَلمدی، بیر صیحه چکدی وا وَلَدا اوغول باشینی گوتوردی باسوب اورک باشنا سووومادی اورگی، شدّت اولدی گوز یاشنا باشین قویوب یره اشکیله دولدورب گوزینی اوغول جنازه سی اوسته سالوب او شه اوزینی یوزین قویوب یوزینه قان قاریشدی گوز یاشنا دیدی اوغول اولا توپراق بو عالمین باشنا غریب آتاندا عزیزیم نه تیز بیله دویدون اوزون گیدوب منی دشمنلر ایچره تک قویدون او قدری آغلادی، سس چکدی، ایلدی شیون باخوب او حالینه اودلاندی سنگدل دشمن گوروردولر اوغولون زخم جسمی قان ویروری باخان او حاله دیردی حسین جان ویروری اوغول یوزیندن ایدنده یوزین امام کنار ایدوب نظاره نه گوردوله قوم کینه شعار آتا محاسنین ایلوب خضاب اوغول قانی او حالی وار یری یاندورسا کون و امکانی بو شاهزاده حسینی حسینه سوگُلیدور شبیه ختم رسل گلشن وفا گُلیدور شاعر : مرحوم حسینی سعدی زمان #اکبریه https://eitaa.com/nabnohe1 لینک کانال نوحه‌های ناب آیدی مدیر کانال @nohekr

سویلوری معناده من عطشانِ آب کوثرم هانسی دینه معتقدسوز ای گروه کین شعار ایلدیم اتمام حجت شاهد اولسون داورم خیملردن آیرلاندان نیلدیم درک ائتمدوز قوی قضاوت ایلسین سیز قومه تیغ اخگرم بانی اولدی بو سوزه بیر حیدر آدلی نوحه خوان هر سوز اولدوقجا دییر من بو جوانه نوکرم «صادقی» عمرون بویی ال چکمه بو شهزاده دن مال دنیادن گله ائتمه دئمه بی یاورم افتخار ایله اولوبسان اهل بیتون مادحی سویله زینت تاپدی شهزاده آدیلن دفترم #اکبریه https://eitaa.com/nabnohe1 لینک کانال نوحه‌های ناب آیدی مدیر کانال @nohekr استاد حاج محمد رضا صادقی تبریزی(شیدا)

قوشون تا گوردی جنگه اکبرِ سیمین لقا گلدی قالوبلار شَکّده اکبردی بو یا مصطفی گلدی یتیشدی مرکزِ میدانه، ایتدی بیر رجز ایراد اولوندی نطقِ عالی سیندن، عالی پندلر ایفاد ایدوبدور امر بر معروف و نهی منکراتی یاد بو منظور اوسته بیر گمراه اولان بلکه یولا گلدی دیوب اوندان صورا من اکبرم ای قوم، اولون آگاه منیم جدّیم محمّددور، حبیبِ حق، رسول الله بابام دور مرتضی حیدر، ضمیرِ لفظِ من والاه اوئیکه صدره جامع، عالِم و شیرِ غزا گلدی علینون کفّی جَدّه مدور، ملیکه کلّ آفاقه همان زهرادی که پرتو سالوبدور طاقِ نُه طاقه عَموم دور مجتبی، میزانِ محکم، حق و انصافه حسین بن علیده، بابِ نسبتدن اَبا گلدی گورنده شهدِ نطقی، اهلِ کفره ویرمدی شیره ال آتدی فاتحِ خیبر، علی تک اوندا شمشیره شغالِ کورلر گویا اولوبلار روبرو شیره آت اوستوندن یره، باشسیز السیز اشقیا گلدی ترابِ تیریه سالدی او قدری پهلوان لاردان آلیندی رنگِ صورت، سالم اعضا قهرمان لاردان اولوندی کُشته دن پُشته، دوتولدی یول قاچانلاردان قدَر احسن دئدی، ابلاغِ تحسینه قضا گلدی او قدری قالمادی اَسسون هواده پرچمِ تسلیم او موقع سعدین اوغلی، نقشه ایلدی تنظیم مقرّر قیلدی لشکر، چار سمته اولدولار تقسیم مجهّز دورت طرفدن اوستونه اهلِ جفا گلدی او رزم آرا ایچون بو حمله لرده عرص تنگ اولدی قاریشدی بیر بیره دریای لشگر، سخت جنگ اولدی همین اثناده حیفا، توسنِ امّیدی لنگ اولدی الینده تیغ منقذ، ناگهان اول بی حیا گلدی ایله بیر ضربه ووردی، جسمینی سالدی تعادُلدن توانا سلب اولوب، ووردی گلن دشمن، مقابلدن او اندازه جراحت وارد اولدی، تا دوشوب دلدن ایراق لیلا گوزوندن، یاره اوستوندن یارا گلدی هوا ایسّسی، اوزی یورقون، گیدور قانی، بدن خسته آخوبدور نازنین باشی، دوشوب اوندا عقاب اوسته هیاهو قوپدی، مرکب رم یِدی، گیتدی نه آهسته لُجام آزاد، میدان ایچره باش قویدی هارا گلدی دولاندوردی نه اندازه، عقاب، اقطارِ میدانی گلن ووردی، گیدن ووردی، او رعنانی او زیبانی یخیلدی عاقبت توپراقلارا اولدی بو عنوانی بابا گَل اکبرون تاپ، باشینه گور نه بلا گلدی قیامتدور بلا صحراسی، مَملُوّ اضطراریله شهِ لب تشنه مشغول، اهلِ بیتِ دلفکاریله ایشتدی دادِ استمدادی، بولمم نه قراریله اوغول جان ویرماقین گورماقلیقا، مظلوم آتا، گلدی گلوب گوردی تَلئلو یاغدیران آیدان دوشوب سایه ز بسکه قان دوتوب اندامینی، گلمز یارا سایه بویوردی باخمادی قاتل، بیله زلفِ سمن سایه؟ سنی بو حاله سالدی، هانسی ظالم ابتدا گلدی قتیلِ عشق، امامین عطرین آلماقلیق دَلیلیله گوز آچدی عرض ایدوب، سیراب اولوندوم سلسبیلیله بویوردی سن علی گئت، منده گللم بو سبیلیله آنان اما اوغلسوز قالدی، دنیاسی قرا گلدی خیال ایتدی خیامه حمل اولا، اول قامتِ شمشاد بویوردی ای جوانانِ بنی هاشم ایدون امداد اولوب امرِ امام اجرا، جوانلار چکدیلر فریاد گریبان چاک، تک تک، دللرده وا اکبرا گلدی بویوردی سرورِ آزادگان، ای با وفا انصار خیامه حمل ایدون، قارداشوزی سیز، منده یوخ انجار گوروبلر چون جراحت چوخدی ، مشکل حمل اولا، ناچار کنارِ فرشِ غبرا اوسته آخر بیر عبا گلدی عباده حمل اولوندی سروِ طوفان دیده آخرده بسانِ یاسمن، گللر بوتون آشفته پژمرده بنی هاشم قاباق، دالدا، او سلطانِ جوان مُرده بو تشییعی گورنده نالیه اهلِ سما گلدی یتیشدی تا حریمِ خیمه گاهه، دل غمین موکب عزیزِ فاطمه فریاده گلدی، گل باجی زینب یوزوم لیلایه یوخدور، سن گَل آخر گور ندور مطلب دئ لیلایه سِنوب آئینهء احمد نما ، گلدی چادلاردا بو سس تا دوشدی، بولدی عترتِ طاهر بوتون گوزلر دولی، نعشِ علی اوسته اولوب حاضر ولی لیلا دایاندی گلمه دی حقّه اولوب (شاکر) دئدی صد شکر، حسینه نوجوان اوغلوم فدا گلدی #اکبریه #میلادیه_حضرت_علی_اکبر https://eitaa.com/nabnohe1 لینک کانال نوحه‌های ناب آیدی مدیر کانال @nohekr استاد فتح الهی (شاکر)اردبیلی

قلميم باشلادی نام حق سبحانيله قالب مثنويده يازدی بو عنوانيله دئديم ای رب جليل اکبره لايق نه يازيم اشبه حضرت پيغمبره لايق نه يازيم فوری ذهنمده بونوعی چکيلوب تصويره اکبرين جنگينی گتديم بورقم تحريره بکريله شبه پيمبريتشوب بيربيرينه ايله بيل مرحب وحيدريتشوب بيربيرينه فرصتی ايتمديلرفوت مبارزطلبان جنگ لفظ ائتدی ازل بکريله اکبر اوزمان اودئدی سويله گوروم تزمنه نام ونسبین فخريله شبه نبی سايدی اونا جد و ابین اوجسارتله دئدی لشکره سردارم من بوبيـوردی نوه حيــدر کرارم من اودئدي کيمدی آتان ذکر ائله باصوت جلي بو بيوردی آتامون آدی حسين ابن علی اودئدی بنده يزيد عشقنه خاطر خواهم بو دئدی فخر ائدورم شبه رسول اللهم اودئدی حب يزيد عشق ومراميمدی منيم بو دئدی فاطمه نون اوغلی اماميمدی منيم اودئدی شمر و سنان مثلی هواداريم وار بودئدی قاسم شهزاده کيمی ياريم وار اودئدی واربيرآقام غم گوني يولداشيمدی بودئدی واربير عموم ماه بنی هاشمدی اودئدی شاهنه ئوزجانين ائدن بذل منم بودئدی فخريله شاگردابوالفضل منم اويزيدين دئدي رفتاريني سرمشق ائلرم بو دئدی منده ابوالفضل عموما عشق ائلرم اودئدی سعی ائدرم کاسه صبرين جالارام بودئدی غيضه گلم پيکريوه اود قالارام اودئدی امر ائلسم لشکريم اطرافون آلار بو دئدی اصغرين آهی جانوا رعشه سالار اودئدی دقتيله باخ يوزومه بکرم من بودئدی دشمن سرسخت ابوبکرم من او دئدی مشکله سالام سني ای ماه لقا بودئدی مشکله دوشسم ديرم يازهرا اودئدی ايندي سنی ئولدوررم يا ئولرم بودئدی پيکريوی اورتادان الآن بولرم اودئدي واريری من سوزلريوه ايندي گولم بو دئدی گردنوی ورماسام اکبر دگولم بکره اکبر دئدی الآن اورگين قان ائدرم سنی بيرضربتيله وارد نيران ائدرم نحس انداموی شمشيريله منشق ائدرم اوجهنمده کی اجداديوه ملحق ائدرم بکريله شبه پيمبر او قدر جنگ ايلدی بکره آخرده علی عرصه گهی تنگ ايلدی باطل ائتدي اوجفا پيشه نون آينده سينی آخرين ضربتيله باغلادی پرونده سينی عطش افسوس او مولانی اياقدان سالدی بي حيا کوفه ليلر دورينی فورا آلدی مرکبيندن يره شام اهلی او مولانی سالوب اوخ وران نيزه ورانلار اونون اطرافين آلوب هرطرفدن آقانون يولاريني باغلاديلار خامس آل عبانون اورگين داغلاديلار گوزلريندن ايراق اولسون عموسی عباسين يخديلار اکبرينی دوغراديلار اعضاسين اونا خاطردی اوغول پيکرينی گورجک حسين ديزلری اسدی يخلدی ايلدی شيون وشين باخدی اطرافه گوروب توز بوريوب ميدانی بير طرفده بالاسی ترک ايليوب دنيانی آتا گلدی بالانون آلدي ديز اوسته باشنی دوغرانان پيکره باخدی الدی گوز ياشني گوزی ديجک بالانون ياره لنن گوز قاشنا دئدی سندن صورا دنيانون اوغول کول باشنا آچ بالا گوزلريوی گوزدن اوغول آتما منی ال چالور دوره ده دشمنلريم آغلاتما منی صورا يوز دوتدی علمداره دئدی ياريم گل دوغريوبلار بالامون جسمنی غمخواريم گل يری وار ايندی بو نحويله يازا (((فرهنگی)) آلدی مولا سسينی کرب وبلا سرهنگی گلدی ميدانه شريک اولدی حسينون ياسنا اکبرين پيکرينی يغدی عبا اورتاسنا ????: ???? ???? ??? #میلادیه_حضرت_علی_اکبر #اکبریه استاد ابوالفضل فرهنگی زنجانی https://eitaa.com/nabnohe1 لینک کانال نوحه‌های ناب آیدی مدیر کانال @nohekr

مدح حضرت علی اکبر علیه السلام کیم جسارت ایلیور،سن کیمی زیبادی علی حسنوی گورسه دیرماه دل آرادی علی قاش گوزون لعل لبون بیرده که زیباباخیشون زلفووین طره لری عین مسیحادی علی نازغمزه ایلیورسن آنووامن بیلورم باخیشوندان گورورم ماه هویدادی علی نه گوزلسن گوزلیم گوزلروه من قربان نفسون موج ورورعطریلی ریحاندی علی طفلیسن سنیده امائوزآدون اکبردی قول قانادچالماقون اوغلوم منه دنیادی علی ماه کنعاندی کانه بوگجه گویده گزور عاشقم یوسفیمه لیلی زلیخادی علی ماه تابان دولانورگون باشیناشوقیندن بابون امادولانورباشووه غوغادی علی گوشه چشمویلن باخ آنوواقیغاجی سن سنه خاطربوگجه هلهله برپادی علی "نادر"اشعروی یازمدح علی اکبردن چون که سیماسینه باخسون خودطاهادی علی شعرازنادرپناهی گرمی #اکبریه #میلادیه_حضرت_علی_اکبر https://eitaa.com/nabnohe1 لینک کانال نوحه‌های ناب آیدی مدیر کانال @nohekr