قیه (س) زبانحال حضرت زینب (ع) در شهادت حضرت رقیه(ع) (سبگ : ای قلبیمون قراری) ای   دشت   کربلانون  ،  زیبا   نگاری  لای لای اوغلی  ئولن   ربابین  ، دار   و   نداری لای لای یوللاردا آت دوشونده  از بس قاچوب یورولدون قربانون اولسون عمّون یورقون قناری لای لای ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه ایتمه   گلایه   مندن  ،  بوشدی    الیم    کفندن باشی   بلالی  عمّون ،  شرمنده   اولدی  سندن بیر دفعه  قسمت   اولسا ، گلسم  دوباره   شامه بیر   یاخشی گوشواره  ،  آللام   سنه     وطندن ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه کرب و بلایه گیتسم ، عباسه چوخ  سوزوم  وار دوزدورکی قالدی قولسوز ،  ئوز  عشقینه  وفادار اما   گرک   گلیدی ،   قیزلاره    باش    چکیدی گلسیدی   قمچی آلتدا ، ئولمزدی  خیردا  قیزلار ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه دیواره    یوز    قویاندا  ،  آخشاملار    آغلیاردون لای لای    علی  دئیدی  ،  دنیانی    داغلیاردون قالسیدی   یادگاری  ،   ششماهه  قارداشوندان مین   ائیل  او  یادگاری ، سینونده  ساخلیاردون ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه گنجینه     شرفده    ،   الماسه       اوخشیاردون بیر پاک و   با طراوت  ، احساسه   اوخشیاردون یالوارمادون  ئولونجک  ،  هئچ  رذل  و   نابکاره دریای    غیرتوندن   ،   عباسه      اوخشیاردون ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه هئچ   بیر  دَوا  ساغالتماز  ، بو قلبیمون یاراسین کیم گور  قویوبدی قبره ، ئوز قارداشی بالاسین ایکاش   ئولیدی   زینب ،  قازمیدی  بو   مزاری نعشیم   قالیدی   یِرده  ، دوتمیدیلار    عزاسین ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه آیدان  گوزل   اولاردون ، گول   زلفووه   تاخاندا دریایه   بنذریدون  ،  گوز    یاشلارون     آخاندا یوللاردا دیسکینردیم ،  فکریم  قوشی اوچاردی عینا    ننم  اولاردون ،  بیردن    دونوب   باخاندا ای  باغریقان   رقیه   آرام  جانه  رقیه دور دلبرون گلوبدی شیرین زبان رقیه ** استادحاج حسین غفاری اردبیلی https://eitaa.com/nabnohe1 لینک کانال نوحه‌های ناب آیدی مدیر کانال @nohekr #ای_دشت_کربلانون #غفاری #رقیه فایل صوتی👇👇👇 بانوای استاد حاج نادر جوادی اردبیلی