#حضرت_صغری_س
#مرحوم_استاد_حسینی_سعدی_زمان
زبان حال حضرت صغری' سلام الله علیها
ای صبا ویر اکبره مندن سلام، ایله سؤال
دِ باجوی قویدون ندن زولفون کیمی آشفته حال
بولموسن آیا سنه صغرا علاقه مندیدی
دردِ هجرونده خیالِ وصلیله خورسندیدی
حلقه ی زولفونده زنجیرِ بلا پابندیدی
ایلسون قطعِ علاقه تارِ زولفوندن محال
شمعِ عشقه طایرِ روحوم یانوب پروانه تک
حلقه حلقه مو به مو زولفون گزوبدور شانه تک
باغلانوب محکم کمندِ زولفووه دیوانه تک
ایلمز زنجیریدن دیوانه ی عشق انفصال
ای گول اوزلوم ایتمسم من ناقه ی امّیدی پی
فکرِ سِیرِ سنبل و گل ایلیم هیهات و هی
بندبندیمدن چیخار ناله سماواته چو نی
دلده وار چوخ سوز دیلیمده یوخ ولی تابِ مقال
کوکبِ بختیم مقامِ سعددن ایلوب نزول
مه یوزونده عقربِ زلفه ایده ایستر حلول
بو قرانِ نحسدن گوگلوم اولوب از بس ملول
دلخوشام عمروم گونی درک ایلسین حالِ زوال
آیریلان گوندن جمالوندان قالوب آغلار گوزوم
هر گیجم بیر ایل اولوب شامه دوندبدور گوندوزوم
آیریلیق قویموب قالا منده دوزوم، گولمز یوزوم
گورمسم گون تک جمالون ای مهِ برجِ کمال
گلشنِ عشقونده بلبل تک ایدن گوندن مقام
قیلدی فکرِ نرگسِ مستون منه عیشی حرام
فوجِ مژگانون کیمی ایتدی منه غم ازدحام
قدّیمی اگدی هلالی قاشلارون مثلِ هلال
قالبِ بی روحم اولموش جسمیدن روحوم جدا
وار حیاتیمدن نشان بیر اشکِ آل و بیر نوا
گر چکه تصویریمی دیواره نقّاشِ قضا
بیر نفر تشخیص ویرمز بو بدندور یا مثال
عالَمِ وصلون خیال ایتدوقجا دل هر آنیده
قامتون ایلور مجّسم دیده ی گریانیده
صورتِ وصلون گورنده خانه ی هجرانیده
هوش باشیمدن چیخور، ایلور منی محوِ جمال
بیر یانار اوددور اوره کده شعلهٔ سوزِ فراق
یاندیرار ایلر قرار و طاقتِ عشّاقی طاق
بو غمِ هجرانیله ئولّم قالام هیهات ساق
بیله کیم هجران دوتوب یوخ بیرده امّیدِ وصال
نیلدیم قارداش که بیله داشیمی آتدون منیم؟
درّ تک گوز یاشیمی مرجانیله قاتدون منیم
اشگیله دامانیمی بیر عمر ایسلاتدون منیم
قویدون آغلار گوزلی بو بیکس یتیمی ماه و سال
عالَمِ حیرتده نقّاشِ غمون شام و سحر
مه جمالون ایلوری مدّ نظرده جلوه گر
ایستورم تقریرایدم من چکمیشم سنسیز نلر
غم گلوگیر ایلوری ویرمور گوزوم یاشی مجال
سن گیدن گوندن قاپوم باغلاندی گیتدی عزّتیم
نه قاپومی وار آچان نه بیر نفر هم صحبتیم
شدّت ایلور گون به گون دردیم چتیندور صحّتیم
بو مرضدن قورتولام یوخ دلده هرگز احتمال
جان ویرردیم محضرِ وصلونده ای قرصِ قمر
بیله بولسیدیم وصاله آیریلیق واردور اگر
شامِ وصلون آفتابِ هجر ایدن گوندن سحر
مونسیمدور آه و ناله همدمیدور اشکِ آل
ناخوشام نه وار طبیبیم نه پرستاریم منیم
بو آغیر ایلدن یوخ ایندی ایوده دیّاریم منیم
وار دیمورسن بیر گوزی یوللاردا بیماریم منیم
شربتی خونِ جگردور همدمی فکر و خیال
یالقوز ایولرده گیجه گوندوز یوزی دیواریده
آغلارام یانّام اورکدن حسرتِ دیداریده
تاب اولار نقدر بیر دیلدن دوشن بیماریده
بیر اوزون مدّت غمِ هجریله ایتسون اشتغال
سن گلینجه گر منی درک ایلسه پیکِ اجل
کیم ایدر قارداش منیم تدفینیمه سنسیز عمل
لامحاله قیل قدم رنجه مزاریم اوسته گَل
روحومی شاد ائت قدوموندن جوانِ خوش خصالی (حسینی).
لینک کانال 👇👇👇👇
https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید
آیدی مدیر کانال @nohekr
#زبانحال_صغرا_س
سعدی زمان:
#حضرت_علی_اکبر_ع
#مرحوم_استاد_حسینی_سعدی_زمان
#در_بالین_حضرت_علی_اکبر_ع
از اشعارِ چاپ نشدهء مرحوم استاد سعدی زمان
گلمیشم ای گوزلریمده نور اوغول آچ گوزلرون
من غریبی قویما دل رنجور اوغول آچ گوزلرون
گوزلرون قربانیَم ای سروِ نازیم ایتمه ناز
آچگوزون نازیله یاتما ای جوانِ پاکباز
دور گیداق باهم یولون گوزلور خواتینِ حجاز
گر دگلوسن دورماقا مقدور ، اوغول آچ گوزلرون
سن گلنده لیلی ووروموشدی صفِ مژگانیله
زلفوه شانه ، سرشگِ چشمِ خون افشانیله
ئولدورر ایمدی یوزون آغشته گورسه قانیله
دولدورار دشتِ عراقی شور ، اوغول آچ گوزلرون
اگلشنده من اوتورمازدون یره ای با ادب
عادتون عکس ایتموسن ایمدی نولوب آیا سبب
من ایاق اوسته ، یاتوبسان سن علی یاللعجب
اولموسان بو شیوه دن سن دور ، اوغول آچ گوزلرون
شیشهء عمریم اولوب سنگِ جفائیله شکست
ایلیوب ویرانه گوگلومده خدنگِ غم نشست
ایله باری بیر نگاهیله سن ای آهوی مست
بو شکسته گوگلومی معمور اوغول آچ گوزلرون
هر او تیریکه کمانِ قومِ اعدادن گیچوب
ظاهرا" بو گُل کیمی صدپاره اعضادن گیچوب
باطنا" هر نوکِ پیکان قلبِ لیلادن گیچوب
قلبین ایلیوب خانهء زنبور اوغول آچ گوزلرون
چوخ آتانون بو جهاندا نوجوان اوغلی ئولر
من کیمی امّا هاچان آغلار یانار دشمن گولر
بیر خدا بیرده نجه یانّام باجیم زینب بولر
بیرده سن باخسان بولرسن ، دور ، اوغول آچ گوزلرون
وار سنه بیر پایه ده عشقیم که حیرانم اوزوم
سن منیم جسمیمده جانیمسن سنه جانم اوزوم
سن باتوبسان قانه گویا قانه غلطانم اوزوم
جامِ غمدن اولموشام مخمور اوغول آچ گوزلرون
نیزه و خنجر بنای مجلسِ شورا قوروب
قتلیوه فرمان یازوب نوکِ خدنگ امضا قویوب
زینبی زلفون کیمی آشفته بو طغرا قویوب
آغلادور دنیانی بو منشور اوغول آچ گوزلرون
باشیوه تیغیله بیر جدول چکوب قومِ کَفر
گوستروب بو جدولیله نصّ والشَقَّ القَمَر
تیغ و تیریله قویولموش نقطه و زیر و زبر
اولموسان قرآن کیمی مسطور اوغول آچ گوزلرون
چاک ایدوبدور صفحهء جسمون جراحاتِ خدنگ
صفحهء عالَم منه سنسیز اولوب زندانِ تنگ
واردی منظوریم ، سوزون سیلسون دلیمدن بیرده زنگ
قویما قالسون دلده بو منظور اوغول آچ گوزلرون
وار سنون باشونداکی یاره کیمی دلده یارام
سندن ئولسمده یقین آیریلمارام آهوی رام
کوفه و شام و حلبده نیزده سنله وارام
چکسه هر یان دشمنِ مغرور ، اوغول آچ گوزلرون
قلبیمی جسمون کیمی قانیله محشون ایلمه
زادهء لیلا ، منِ محزونی دلخون ایلمه
قان اولان گوز یاشیمه باخ قلبیمی خون ایلمه
حالیمی اشکیم ایدور مذکور ، اوغول آچ گوزلرون
ویرمَسن سس ، غصّه مرگ اولّام علی ، سس ویر منه
قویما گلسون نعشون اوسته بو اوغولسوز شیونه
ایلوری سعد اوغلی طعنه آغلادوقجا من سنه
اولما راضی من اولوم مقهور اوغول آچ گوزلرون
بیر اوزون مدّت (حسینی) چکدی زحمت روز و شب
خدمتینده اولدی عالی منصبیله منتخب
قویدی (سعدیّ زمان) آدین وار اوندا بیر سبب
من (حسینی) ایلرم مشهور اوغول آچ گوزلرون.
یا : من حسینی ایلرم محشور اوغول آچ گوزلرون.
زبانحال امام حسین (ع) در بالین حضرت علی اکبر (ع)
.
مرحوم حسینی سعدی زمان
.
ای منای کربلا قربانی گَلدیم آچ گوزون
جدیمه آئینه ی جسمانی گَلدیم آچ گوزون
.
.
مُشکیدن گُلدن فزوندور نکهت زلفون یوزون
لاله تک پر خون اولوبدور نرگس شهلا گوزون
چوخ علاقم وار سنه بو سرّه آگهسَن اوزون
من بو شهلا گوزلرون قربانی گَلدیم آچ گوزون
.
.
ای گُل نورسته ی گُلزار آل بوتُراب
بو امامت قوّه سیله قالمیوبدور منده تاب
بس نجه دوزسون بو غمده لیلی خانه خراب
ای غمی مجنون ایدن لیلانی گَلدیم آچ گوزون
.
.
تا سسون گَلدی اَلیمدن گیتدی تاب و اختیار
صورتیمده برملا گورسَندی حالِ احتضار
رحمیسیز جلّاد اَلینده اولموسان بُلدوم شکار
گورماقا بو دوغرانان اعضانی گَلدیم آچ گوزون
.
.
آسماندور یا بدن بو دوغرانان عَظم و لُحوم؟
گوز دولاندوردوقجا مرئی دور درخشنده نجوم
ایلیوب سنسیز منه دورت بیر طرفدن غم هجوم
ای ایدن تیره منه دنیانی گَلدیم آچ گوزون
.
.
زخم شمشیر و سِنان از بس گیچوب اندازه دن
💫حضرت علی اکبر(ع)💫
لیلا گورنده اکبرینون قانلی پیکرین
اوخشاردی گوئیا بو قراریله اکبرین
توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول
سنسیز منیم ایویم یخلوب عزّتیم گیدوب
دیجور تک اولوب گونوزوم تیره تار اوغول
دور و برونده عمّه لرون گورنه آغلاشور
آل رسوله محشر اولوب آشکار اوغول
آغلار باجون سکینه یانار وا اَخا دیَر
باخدوقجا قانلی نعشیوه زلفین یولار اوغول
قاندان دولوبدی نرگس مستون پیاله تک