┄━═✿♡﷽♡✿═━┄
➖➖➖➖➖
بوش گوردی آناسی یرینی زینب کبرا #فاطمیه_اعظمی_تبریزی
➖➖➖➖➖
شهادت حضرت زهرا (س)
زبانحال حضرت زینب (س)
..
..
مرحوم اعظمی تبریزی
..
..
بوش گوردی آناسی یرینی زینب کبرا
آغلار گوزیله بیله خطاب ایلدی گویا
..
ایوای قویولان قبره یارالی آنام ایوای
گیزلینجه اولان دفنی بلالی آنام ایوای
..
درگاهی یانان قولارینی قمچی گویردن
سیلی دن اولان نیلی جمالی آنام ایوای
..
@naghmalar
آز عمریله دنیاده چکن چوخلی مصیبت
شاد اولمین عمرونده بلالی آنام ایوای
..
بیر کیمسیه درد و غمینی ایتمین اظهار
دردین آپاران قبره حیالی آنام ایوای
..
ظلمیله قولی سینه سی پهلوسی شکسته
عالم لرین حالین پوزان حالی آنام ایوای
..
صبح اولدوزی تک چخدون آنا گونکیمی باتدون
ذکریم اولار ایوده یری خالی آنام ایوای
..
@naghmalar
هجرینده قویان زینبی آغلار گجه گوندوز
قیر ایچره یاتان جسمی یارالی آنام ایوای
..
بیر عمر باتان واسه یانان نار فراقه
دل داغلی گوزی یاشلی عزالی آنام ایوای
..
بیر غنچه گلون پرپر ایدن خار جفاسی
ظلمیله دونن هجره وصالی آنام ایوای
..
محبوبۀ یزدان اوزی مظلومۀ دوران
دنیانی یاخان ناره ملالی آنام ایوای
#فاطمیه #فاطمیه_شهادت
.
@naghmalar
┄━═✿♡﷽♡✿═━┄
➖➖➖➖➖
من فاطمه یم معجریم اشکیله تر اولدی #فاطمیه_انور_اردبیلی
➖➖➖➖➖
زبانحال حضرت زهرا علیهاسلام
..
..
مرحوم انور اردبیلی
..
..
من فاطمه یم معجریم اشکیله تراولدی
آز عمریده چوخ محنته سینم سپر اولدی
..
..
من فاطمه یم دختر پیغمبر اسلام
حقّیمده بابام بضعة منی ایدوب اعلام
خلقتده هامی من کیمی خوش سیرت و خوشنام
حق دن کیمه یا منکیمی لطف و نظر اولدی
..
..
@naghmalar
من فاطمه یم سورۂ کوثردی جلالیم
هم کفو على واقف اسرار عوالیم
اون سگّیز ایلی حق دیدوم حق اولدى مقالیم
سادات بهشتی منیله مفتخر اولدی
..
..
من فاطمه یم ایلمیشم زنده حجابی
برنامۀ عمروم اولوب الله کتابی
تابعدی منه هر خانمون اولسا نقابی
عورتده حیا اولسا اگر معتبر اولدی
..
..
من فاطمه یم چهرۀ تقوا و عفافم
مرضیّه صفت کنز حقه گوهر صافم
داغلار چکلوبدور دلیمه قلبی شکافم
اون سگّیز ایل عمروم منیچون دردسر اولدی
@naghmalar
..
..
من فاطمه یم وحی ایوینون محرمی اولدوم
هر غمده اوغولسوز آقامون همدمی اولدوم
دنیادن آنام گیتدی اسیر غمی اولدوم
هر بیر گیجه عمروم ایله دوندی سحر اولدی
@naghmalar
┄━═✿♡﷽♡✿═━┄
➖➖➖➖➖
گیدن قبره سینه سی یاره فاطمه خداحافظ #فاطمیه_علیوی
➖➖➖➖➖
زبانحال امیرالمؤمنین علی(ع) در شهادت حضرت زهرا (س)
..
..
#سبک_خداحافظ_ای_آنام_باجی ... #سبک_شیرین_سوزوم_آیدین_اولدوزوم ... #سبک_عم_اوغلی_چوخ_گل_سارالار
..
@naghmalar
..
عُلیوی
..
..
گیدن قبره سینه سی یاره فاطمه خداحافظ
بالالارون قالدی آواره فاطمه خداحافظ
..
..
یوخوما گل فاطمه رفع محنت و ملال ایله
اوشاقلارین حالینی زهرا هرگئجه سوال ایله
ائویمده خوش گون گورنمدون حیدری حلال ایله
سینه سی یاره گونی قاره فاطمه خداحافظ
..
..
@naghmalar
ائویمده محزون دولانماقون یادیمه سالوب یانام
شرار محنت ده یانماقون یادیمه سالوب یانام
قاپی دالیندا دایانماقون یادیمه سالوب یانام
یانارام باخدوقجا مسماره فاطمه خداحافظ
..
..
ئولوم اولسون حیدره زهرا سینه سی یارا گتدون
علی نون عمرون بو دنیاده ایلدون قارا گتدون
قنادی سینمیش گورچینیم پر آچوب هارا گتدون
سخیلمیشدون اوتلی دیواره فاطمه خداحافظ
@naghmalar
..
..
اورک دردین آچمادون زهرا ایلدون نهان گتدون
بالالارون چوخ اوشاقدیلار قبره ناگران گتدون
بونا سوز یوخدی ئولوم حقدور سن ولی جوان گتدون
خزان تز گلدی بو گلزاره فاطمه خداحافظ
➖➖➖➖➖