#عشق_ازل #مدح_حضرت_علی_علیه_السلام عشق ازلین غیر علی دایه سی یوخدی هر دلده علی اولماسا پیرایه سی یوخدی بازار محبتده می عشق علیدور هرگز ایچه بولمز او کی سرمایه سی یوخدی دیوانهء مولاده اولار حبّ ولایت هیهات اولا دیوانه او کی مایه سی یوخدی کاخ دله بیر پایه دی چون عشق ولایت ویرانه دی اول دل که اونون پایه سی یوخدی قرآن باشا باش مدح علیدور بیری عَمَّ زاهد دیمه مولا آدینین آیه سی یوخدی ظلّ الله اَعظمدی علی کلّ ِ وجوده کافردی دییَن شیرخدا سایه سی یوخدی #شبگیر جهاندا کیم اولا منکر مولا بیر طفل بقردی که اونون دایه سی یوخدی اثری دیگر از رشحات قلم سحر انگیز استاد شبگیر تبریزی 💠نیسکیلی نوحه لر @niskilinohelar