#ولادت_امام_محمد_باقر_علیه_السلام 🌹#مدح_ترکی ✍شاعر:محمدرضا محمدی (ناعم) مرحباپیک سعادتدی گلور عرشیدن قاصد رحمتدی گلور گلشنه روح طراوتدی گلور عاشقه مژده جنتدی گلور پنجمین نورهدایتدی گلور گوهربحرشرافتدی گلور نازل اولدی یره گویدن برکات مقدم باقره گودرصلوات ☘☘☘ شکراولالطف حق داداره پایهٔ مرحمتِ غفّاره نجه گل بذل الیوب گلزاره یتیشوب رحمت حق احراره مرحبامصطفوی رخساره دئمه یوسفدی گلوب بازاره باقرون حسنی ائده ر،یوسفی مات مقدم باقره گودرصلوات ☘☘☘☘ بوگلن گوهرنادردی گلور سرورکل مفاخردی گلور عادل وصابروناصردی گلور زیب محراب ومنابردی گلور آیت قدرت قادردی گلور مرحباحضرت باقردی گلور آنکه معنای ثبوت است وثبات مقدم باقره گوندرصلوات ☘☘☘☘ ماه بطحادی تجلایه گلوب ملکوت اهلی تماشایه گلوب تهنیت وئرمگه مولایه گلوب اهل حاجت ده تمنایه گلوب نه فقط مکتبه پیرایه گلوب کربلادشتینه سرمایه گلوب حسنینون نوه سی روح حیات مقدم باقره گوندرصلوات ☘☘☘☘☘ آیت رحمت رحمان باقر نوهٔ شاه شهیدان باقر قلعه دینه نگهبان باقر فوق اندیشه انسان باقر علمی دریای خروشان،باقر اُدبا ملکینه سلطان باقــر قدمی قاصدخیروبرکات مقدم باقره گوندرصلوات ☘☘☘☘☘ شب میلادی گلوب دللره شور عرش وفرش اهلی تاپوب حال غرور بورویوب عالمی آوای سرور باقرون سینه سی گنجینهٔ نور روزمحشراولاجاق دشمنی کور آدی محشرده بیزه رمزعبور "ناعمه"حشریده مفتاح نجات مقدم باقره گوندرصلوات ایتا↙️ کانال↙️↙️ Eitaa.com/navayehzakerin2 ابرگروه↙️↙️ #ابرگروه_نوای_ذاکرین https://eitaa.com/joinchat/954466766C8b9b885ce9

﷽ #مدح_ترکی #امام_هادی_علیه_السلام #سروده_رقیه_سعیدی_کیمیا ـ ـ ـ ــــــــ⊰𑁍⊱ــــــــ ـ ـ ـ آدی چـــراغ هــــدایتدی حضرت هادی یُولی مســـیر ســعادتدی حضرت هادی ولایتین صدفینده اونومجی نور هُدیٰ بهـالی گوهـــر عصمتدی حضرت هادی علوم و حکمته عاشق وفالی تشنه لره صــفالی زمـــزم رحمتدی حضرت هادی زیارت اهلینــه یازدی کتاب "جامعه" نی کتـــابی منبع حکمتـــدی حضرت هادی بیاندا نطقی رسادی علی نین اوغلی علی کلامی رســــم بلاغتـــدی حضرت هادی گؤزلدی صحن و سراسی آچیبدی خوان کرم امیـــر بحـــر ســخاوتدی حضرت هادی توسل ایلَه بو باب المراده سن بو گئجه حریمــی درگه حاجتــدی حضرت هادی پناهــسیز ضعفانین اَلین دوتان آقادی مرامی اصــل مــروّتدی حضرت هادی آدی علی دی علی جدی تک غریب اولدی نصیبی حــجرهٔ غربتــدی حضرت هادی سالیبدی آخر ایاقدان امامی سوز جگر شهـــید زهر جهـــالتــدی حضرت هادی دؤشؤبدی یادینه لب تشنه جان وئرنده حسین دیلینـده ذکر مصیــبتدی حضرت هادی گَلَـــر بو تِزلیـگه مولانین انتقامین آلان امیـــدی آخــرِ غیبـــتدی حضرت هادی ـ ـ ـ ــــــــ⊰𑁍⊱ــــــــ ـ ـ ـ #رقیه_سعیدی_کیمیا ۱۴۰۳/۱۰/۱۴