اَشون اَی شو بِموئه ... تو نِموئی دَس دَسِّ سو بِموئه ... تو نِموئی ماه که دیار نَیّه ، باتِمه اینی مِه چِشِّ خو بِموئه ... تو نِموئی دِواره این چَموشِ روزگار اَی شِلَنگِ لو بِموئه ... تو نِموئی بَبا باتِه اِما امّید دارِمّی امید هم بو بِموئه ... تو نِموئی نومِه رِه دِم هِدامی هِی چِلوسَر تا سَر ، چِلو بِموئه ... تو نِموئی جُمَه نِماشونا مِه چِش ، دَرِ پِه سِراب رِه او بِموئه ... تو نِموئی تیم رِه دِکاشتِمه ، دار بَیّه ، خوشه... عصای چو بِموئه ... تو نِموئی دِواره فصلِ سر ، چرخ هَیته بی تو بِهاره نو بِموئه ... تو نِموئی باتِمه خارآدِم بومِه تو بِرو مِه گَپ ، دِرو بِموئه تو نِموئی آسیه مرادپور (خاتون) #بقیةاللّه