#یازهرا 🎤#بانوای_حاج_علی_سیفی_افشار 🕌هیئت مسلم بن عقیل ع ۱۴۰/۹/۱۳ گلمیشم درگهووه دیلده نوا یازهرا حاجتیم واردی منیم ایله روا یازهرا نا امید اولماز امیدیله گلن درگهووزه آستانوزدی یقین باب رجا یازهرا شانه باخ سوره ی کوثر آدوا نازل اولوب کی یقین ذات مقّدسدن عطا یازهرا آند اولا عصمتووه گئتمرم آیری قاپیا گلمیشم منده کرملی قاپووا یازهرا بزم یاسون مَثَل روضه ی جنّتدی بیزه محفلوزدن یئتشر روحه صفا یازهرا چکدیگون محنتووی هرگجه یاده سالارام آغلارام محنتووه صبح ومسا یازهرا آندا وئرم سنی غربتده اولن زینبووه دوت الیمدن منیم ای گنج حیا یازهرا دوتمیشام دامنووی صدقیله مین حاجتیلن لطف ائله نوکرووی ایله دعا یازهرا امّت ختم رُسُل دوردی عِناد اوسته ندن اوت ویرا درگهووه اهل جفا یازهرا حیدرین اللرینی اهل شرر باغلادیلار چکدیلر مسجده بی جرم خطا یازهرا یاندیروب آتش کبریله امامت قاپوسین ائتمیوب ثانی خصومتدن اِبا یازهرا لعنت اولسون قاپووی یاندیران اهل ستمه چیخدی افسوس اولا بی مهر ووفا یازهرا نه گناه اوسته جفا ایلدیلر محسنووه ویردلار قلبووه ظلمیله یارا یازهرا باغلیا بیلمدیلر گر چی ولایت قاپوسین ائتدیلر حیدرووی غرق عزا یازهرا مفخر آل عبانین اورگین داغلادیلار چکدیلر جنّت الاعلایه قرا یازهرا غسلووی وئردی علی دفن ائلدی یاری گجه آغلادی غملرووه شیر خدا یازهرا قول قابیرقاسی سینان فاطمه م الدن گئتدی اولمادی دردووه عالمده دوا یازهر سنی قبره نجه تاپشیرسین علی فاطمه جان ای اولان بارگهی دار شفا یازهرا حیدرین همنفس وهمدمی الدن گئتدی فرقتوندن یاناجاق شاه و گدا یازهرا ✍بقلم کربلایی علی تیموری

السلام علیک یا فاطمه الزهرا سلام الله علیها ✍عبادی طارمی سبک👇🙏 ای منی آواره قویان گول  یوزینه  سیلی  دگن ننم وای  ننم وای قامتینی    غملر    اگن   ننم  وای   ننم  وای قامت  سروی   ننمین   بوکولدی   بوکولدی سینه سی مسماره دگیب سوکولدی سوکولدی سینه سینون قانی  یره  توکولدی توکولدی سسلدی    زینبله   حسن   ننم  وای ننم وای اهل جفا    بابینه   اود  ویریلار    ویردیلار رشته ی  حبی   شقیلر  قیردیلار   قیردیلار نامه ی    باغ   فدکی    جیردیلار جیردیلار اوده    غریبانه     اولن   ننم  وای   ننم وای قبره    علی    پیکرینی     قویاندا   قویاندا قالمادی    طاقت    شه    لامکاندا     مکاندا سسلر   علی   آدیوی   تک    قالاندا   قالاندا ظلمیله    قانیه    توکولن   ننم وای ننم وای یثربین    اهلی    گدوری    فاطمه    فاطمه ویردی    بوگون    شیونینه   خاتمه  خاتمه ایلیروخ      آدینی   بیز     زمزمه      زمزمه جور  و مکافاته   دوزن    ننم  وای ننم وای سولدی    علینین گولی  بو   جهاندا جهاندا یاندی      گلستان    نبی     خزاندا    خزاندا آغلادی   جن   و   ملک   اول  زماندا زماندا ای   گُل   بو  غملی چمن   ننم  وای ننم وای زینبیوون   حالی   اولوب  پریشان پریشان اشکی  آخیر   صورته  چون یتیمان یتیمان یوخدی   بو   یثربده  آنا  مسلمان   مسلمان قبره    غریبانه     گدن   ننم  وای  ننم  وای فاطمه  نون      منتقمی     العجل     العجل قلبیلری     غملر    آلیب   داده   گل داده گل سن سن    آقا   دادرس    هر  ملل   هر  ملل یوسفی    آواره    گزن   ننم  وای   ننم  وای  لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

بنام خدا احوالات مولاعلی ع بعد از شهادت حضرت زهرا س و... 🎶سبک پیشنهادی : یا فاطمه من عقدهٔ دل وا نکردم "" "" "" قورتاردی جان غم غصه دن غمدیده یاریم گئتدی الیمدن ای خدا صبر وقراریم اول باوفا همسنگریم نازلی نگاریم سیندی بئلیم بومحنت عظماده یارب گوندوز منه اولدی سیه چون نیمهٔ شب یافاطمه قوزاندی افلاکه فغانیم اولدی منیم محنت سرا دای دودمانیم "" "" "" " سندن سورا آهیم منیم آفاقی داغلار خوشلوق درین اعداء من نالانه باغلار اوغلانلاریملا قیزلاریم هئی منله آغلار گئتدون یارالی دنیادان من دل غمینم من ختم مرسل مصطفادن شرمگینم یافاطمه قوزاندی افلاکه فغانیم اولدی منیم محنت سرا دای دودمانیم " "" "" "" "" اوِل حلال ائیله منی ای دلستانیم تاکی چکیم راحت نفس آرام جانیم یاندیرماسین چوختر منی آه نهانیم مندن یئتیر چوخلی سلام سن مصطفایه فخر سماوات و زمین میر هدایه یا فاطمه قوزاندی افلاکه فغانیم اولدی منیم محنت سرا دای دودمانیم "" "" "" پیغمبره عرض ائیله عفو ائت مرتضانی سالدیم یارالی من یولا خیرالنسانی ائتدیم پریشان من عزیز مصطفانی ساخلامادیم یاخشی امانت دل فکارم جدونلا سندن عم قیزی من شرمسارم یافاطمه قوزاندی افلاکه فغانیم اولدی منیم محنت سرا دای دودمانیم "" "" "" "" " فاخر دعا ائیله در رحمت آچیلسین ظلم و جفانین ریشه سی دیبدن قازیلسین عدل علی تئزلیکجه هریانه داغیلسین ائتسین قیام دردانه ی آل پیمبر دولسون جهان عدل وعدالتله سراسر "" "" "" "" "" "" ✍شاعر : مسلم فرتوت فاخر •┈┈••✾✾••┈┈ #فاطمیه_۱۴۰۳ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🏴 ننم لایلای 🏴 ✍شاعر : علی عبدی مهربان ننم لایلای باغری قان ننم لایلای خوش گونه قالان حسرت ای جوان ننم لایلای قاره باغلیان لایلای سینه داغلیان لایلای صبح و شام اطاقیتده گیزلین آغلیان لایلای 🏴🏴🏴🏴🏴 قامتی کمان لایلای سینه سی یانان لایلای ضربتیله پهلوسی ظلمیله سینان لایلای ای ‌ اَنیس غم لایلای گل تک عمری کم لایلای نصف شب گئدن گیزلین قبرینه ننم لایلای 🏴🏴🏴🏴🏴 حق سوزون دییَن لایلای قلبی اینجییَن لایلای کوچه ده یوزی سیلی ثانیدن ییَن لایلای حقی غصب اولان لایلای گل کیمی سولان لایلای کوچه ده یوزی نیلی قان گوزه دولان لایلای 🏴🏴🏴🏴🏴 آز یوزی گولن لایلای محسنی ئولن لایلای تیر محنت و غملر قلبینی بولن لایلای زلفی آغاران لایلای عمری قوتاران لایلای چوخ اورگینون دردین قبره آپاران لایلای #حضرت_زهرا_سلام_الله_علیها #فاطمیه

▪️زبانحال مولا(ع) در سوگ حضرت زهرا(س) 🎼سبک:امشب به صحرا بی کفن جسم شهیدان است... قَبره یوزی نیلی گِئدن زهرای من زهرای من ای خانمانین تَرک ائدن زهرای من زهرای من ای زینبی  آغلار  قویان آز عمریده جاننان دویان یاتما  مزارونده   اویان منله مگر  بیگانه سن زهرای من زهرای من دور باخ پوزولمیش گلشنه آغلار  سولان  گُللر   سنه هر سوز باشی  ایوای نَنَه سَسلر حُسین سَسلر حَسن زهرای من زهرای من بیلمَم  دیوم   اَشراریدن یا  بو  در  و   دیواریدن چوخدورگِلَم  مِسماریدن بیلدیم نَدن گیدون کفن زهرای من زهرای من دوشدی یره گُل شاخه سی ایستکلیمون گلمور  سسی یوخدور علینون  بیر  کسی غُربتدی سن سیز بو  وطن زهرای من زهرای من آچدیم یانان  درگاهی من شاید دئدیم اولسون گَلن نَه وار گَلن،نَه وار گِئدن بَسدور منه بو حَد مِحن زهرای من زهرای من بو   نِسگیله  آغلار  علی گونلر کچیردوبسن ولی چادر نمازون   وَصلَه لی یاننام همین بو درده من زهرای من زهرای من زهرا حسینون خاطری ساخلا نظرده  (نادری) هم   مجتبای  ذاکری آمالیمیز  بیت الحَزن زهرای من زهرای من بانوای.کربلای.........فیاض 😔😔😔🖤🖤🖤🥀🥀🥀🥀🥀

با نوای جعفر مطلبی غمونده باغریم اولدی قان هارا گئدورسن آی ننه اماندی صبر ائله دایان هارا گئدورسن آی ننه بابام رسوله نور عین اورکلرین حبیبی سن جهاندا یوخ تایین آنا نجیب لرین نجیبی سن کیمه اذیتین دگیب که شهروون غریبی سن منه بو سری قیل بیان هارا گئدورسن آی ننه صغیر اوشاقلارین ندن بو نوعی گوزدن آتمیسان ائوین صفاسی یوخ داخی که گون مثالی باتمیسان نماز وقتدور اویان نه بی جواب یاتمیسان اویان عزیز جان اویان هارا گئدورسن آی ننه کیمه دئیوم اورک سوزون که یوخدی آشنا منه نئجه دوزوم بو سنّیده هجوم ائدیب بلا منه جهان محبت ائیله سه مگر اولار آنا منه منه عزیز و مهربان هارا گئدورسن آی ننه اجل آییردی تئز سنی بو عالمین وفاسی یوخ سن اولماسان داخی ائوین نواسی یوخ صفاسی یوخ ئولوم چتین دی هر ندن بو دردین هیچ دواسی بهارین اولدی تئز خزان هارا گئدورسن آی ننه دئدیم اجل وئره امان آناما خدمت ائیلیم اقلی فرصت اولمادی دویونجا صحبت ائیلیم کرگ اورک یاناندا من اوزومله خلوت ائیلیم حالیما یوخدی بیر یانان هارا گئدورسن آی ننه بابام اجازه وئرموری اوجادان آغلیام سنه که بلکه سس یئتیشمییه بو نصف شب ده دشمنه دویونجا اوخشیانمادیم گلیر بو غم گران منه خراب اولیدی بو جهان هارا گئدورسن آی ننه غریب ئولن عزیز آنام ائدیم باشا نچاره من نه وار ائوه اگلیب گئدن نه واردی تسلییت وئرن بابام علینی سیندیریب سپاه غصه و محن قولی شکسته قهرمان هارا گئدورسن آی ننه

دفن گوهر عفت نصف شب کنج بقیعده گنج عفت دفن اولور شمس الینده بیر وفالی ماه طلعت دفن اولور گون بولوط مثلی دولوب گوزدن توکور قانیاشینی آی یوزونده وار جفادن بیر علامت دفن اولور گون دوتولموش ائیلیور اولدوزلار افغان نصف شب قاره توپراق آلتدا گویا بدر عصمت دفن اولور نور چشم حضرت طاها دوشوب گوزدن ندن قول سینیق یوز نیلی پیکرده جراحت دفن اولور شیر حق ده قالمیوب دی شدت غمدن توان یاریلن گویا او دم شاه ولایت دفن اولور ظلمیله وسعتلی دنیانی زبس تنگ ائتدیلر بی وفا امت الیندن اولدی راحت دفن اولور آتش هجره یانیر پروانه نین سینمیش پری یار یاریندن چکیر ال مام عترت دفن اولور اذن یوخ تاریخ بوندان چوخ داخی وئرسین گواه عالم امکاندا بیر غملی حکایت دفن اولور بیر مصیبت خسته سی رنج و جفادن دینجلیر سیندیریب آیینه نی سنگ کدورت دفن اولور بیلیمرم ویرانه اولماز عالم امکان ندن قاره توپراقدا گل باغ رسالت دفن اولور بی وفا امت علینین ‌گلشنین سولدوردولار بو گئجه گل لرده کی حسن و لطافت‌ دفن‌اولور حقینی غصب ائتدیلر بیر کس طرفدار اولمادی ظلم اولان یئرده ائله عدل و عدالت دفن اولور عالمین مظلومه سین مظلوم عالم دفن ائدیر هر ایکی دلداده دیلده داغ حسرت دفن اولور بو جلالتده خانیم گلمز داخی بو عالمه اسوه ایثار ‌و الگوی عبادت دفن اولور دورت گولون دن آیریلیب باغ وفاده باغبان قامتی خم زلفی آغ بیر ماه صورت دفن الور فتنه ایامیدن بیر آن فراغت تاپمادی ائیلییه تا قبر ایوینده استراحت دفن اولور ساییله احسان ائدن تازه لباسین طوی گونی نصف شب گیزلنجه بیردریای رحمت دفن اولور بو سواله یوخ ندن بیر اهل دل وئرسین جواب دخت طاها نصف شب آیا نه علت دفن اولور وار یئری شیعه اولونجه ائیلسین اشکین روان گوهر خلقت زبس اولدی اذیت دفن اولور یاز قلم‌ محنت آغیردی گر چه ‌جسمی یاره دی قالمادی جسمی آراده تاپدی فرصت ، دفن اولور بیر یارالی شاهیدن واردور سراغیم پیکری بس توکولدی دوره دن سنگ عداوت دفن اولور نه لباسی وار بدنده، نه باشی، نه اللری هیچ بیلن یوخ بو یارالی هانسی ساعت دفن اولور کربلایه حضرت سجاد گلدی دیلده غم باخدی گورسون تا نئجه نعش امامت دفن اولور بیر حصیره بوکدی گول مثلی داغیلمیش پیکری هانسی بیر پیکرده بو قدری جراحت دفن اولور هاردا وار بیله یارالی هاردا وار بیله شهید پیکری قربان کیمی اولموشدی قسمت، دفن اولور عالمه ویردی تکان شاه شهیدین نهضتی گول بیتیر هر بیر مکاندا زخم حسرت دفن اولور یاندیرار ام البنینی حشره تک بو مسئله خردا قبر ایچره هاچان بیر سرو قامت دفن اولور هر زمان مال و مقامه توغلانوب خلق جهان خلقیده بیلمم هاچان بو کهنه عادت دفن الور #محمد_هوشمند #مدهوش @hushmand

#حضرت_زهرا حضرت زهرا سلام الله علیها حجة الاسلام سید بشیر حسینی یارب بو گئجه گول سارالارکن چمن آغلار یاس یاسه باتوب یاسمنیلن سمن آغلار صرصر یئلى یاز فصلى ائدیب بیر گولى پرپر پوزقوندو چمن بلبل اُوخور نسترن آغلار دورت بلبلى گول صاحبى آرام ائده بیلمیر بلبلرین احوالینه دشت و دمن آغلار آیا نه‏ روادى در و دیوار آراسیندا سالسینلا فشاره گولو پرپر گورن آغلار تا سیخدلا، شبنم گولون اوستن یئره دوشدى قانه بلشیب سود یئرینه قان ایچن آغلار فریاد او زماندان کی گولون صاحبى گوردو گول پرپر اولوب، فاطمیه بوالحسن آغلار بلبلره گلشن پوزولوب غربت اولوبدو بو رسمیدى غربتده غریبه وطن آغلار اول بیت کی جبریل امین نازل اولاردى داى کسدى ایاقین اودو بیت‏ الحزن آغلار هر بلبلى بیر گوشه‏ ده نى مثلى سیزیلدار امّا اوجادان بلبل شیرین سخن آغلار بئش سینّیده زینب باشینا قاره سالیبدى اوخشاتما دئییب اونلا حسین و حسن آغلار دورت خیردا بالا آغلادیلار آغلادى یئر گوى آخر آناسیزلاره آناسى ئولن آغلار گول صاحبى گلشنده گوله غسل ویریبدیر بلبلریلن بو گوله غسلین وئرن آغلار سسلندى گلین گول گئدیرى باغ و چمندن بیر یولدا گورون اوز گولوزو، غم چکن آغلار یئر گوى نئجه صبر ائیله‌دى اونلار گوروشنده سس گلدى کنار ائیله بولار هر زمن آغلار زهرانى ائلی کى آپاریبلار گیجه یارى بیت‏ الحزنى غم بورویوب انجمن آغلار یوخ چاره‏ سى آخرده گرک قبره قویولسون صبرى داغیلار یارى الیندن گئدن آغلار قیرخ قبر قازیب تا قالا گیزلینده مزارى بو نسگیله بیز سهلدى کی اهرمن آغلار بیلمم یارالى جسمى نئجه قبره قویولدى پهلوسى سینان جسمه بوکولموش کفن آغلار تا ایستدى قبره قویا بلبل گولى گوردو ظاهر اولوب اوندا ایکى ال گول اکن آغلار غم چکدى بشیرى پوزولان گلشن و باغه زهرایه یازار نوحه، قرا پیرهن آغلار

گئدیب الدن یاریم@ وفالی دلداریم حسینین اناسی @ یارالی زهرا جوانیدی اوولدی@ الیم اوسته پرپر منی قویدی تنها @ حیالی زهرا نقدر عمریم وار @آخار بو گوزدن یاش دوشر غملر یاده @جهانی داغلار ملکوتین اهلی @ دوتالّار بزم غم فلک ایلر شیون @ ملکلر آغلار چوخدی صبریم اما @ باخاندا اطفاله یانور غمنن جسمیم@ قراریم یوخدی آخی گوردی زینب@ آناسی زهرانی ولایت اوستونده @ وئرانلار چوخدی یاناندا درگاهیم @ گویه چیخدی آهیم هجوم ائتدی لشکر @ جفانی گوردوم اللریم باغلیدی @ اود ایچرینده زهرا مثال پروانه @ یانانی گوردوم سینه سینه مسماره@ توخاندی دلداریم بویاندی القانه @ قیامت اولدی پوزولوبدی گول تک @ یارالی اعضاسی سراسر مجبوبیم @ جراحت اولدی هر گلن بیر ضربه @ وئریب اول مظلومه قاپی آلتدا قالدی @ او قانلی پیکر محشر کبرانی @ گوروردوم اول لحظه دگنده زهرایه @ غلاف خنجر محسنیمده گئتدی @ الیمنن آی الله فدا اولدی دینه @ گلستان یاندی آچمیان بیر غنچه @ نییدی گناهی سولاندا من گوردوم@ جانیم اودلاندی دولانوردی زینب @ او غملی دردانه حسینین باشینه @ آز اولسون نیسکیل حسنین یادینده @ قضایای کوچه اونا تسکین ویرماخ@ اولوبدی مشکل اوز الیمنن قبره @ قویاندا زهرانی اولییدم کاش منده@ امیدیم گئتدی سپر اولدی دینه @ دوگولدی اللرده امید و دلداریم @ شهیدیم گئتدی درسبک یخیلیب عباسیم.. #عبادی_طارمی #فاطمیه_شهادت

شهادت حضرت فاطمه زهرا (س) عم اوغلی چوخ گول سارالار آغلاما خداحافظ بو سن بو ائو بو بالالار آغلاما خداحافظ بو ائوده هر درد و غمه سنده یانموسان منده یاتانمادیم چوخ گئجه لر سنده آغلادین منده خیال ایله بیر گولودوم سنده صولموسان منده چمنده چوخ گول سارالار آغلاما خداحافظ عم اوغلی یاننام بو غمه اولدی درگهون مقتل بو نیسگلون بسدی منه فضّیه دئدیم تئز گل منیم غمیم یوردی سنی قوی گئدیم بیر آز دینجل اگر چه دردون چوخالار آغلاما خداحافظ حسن بیلور کوچه غمین قویمادیم دیله سالسون او کوچه ده اولدی نلر روز محشره قالسون گرک گله مهدی بالام انتقامیمی آلسون او محسنون قانین آلا آغلاما خداحافظ او ناگران گوزلرووه گوزلریم فدا اولسون من آغلورام آغلاما سن قویما گوزلرون دولسون بالالاریم نازینی چک قویما گوللریم صولسون تک ائوده قومیا قالالار آغلاما خداحافظ اگر چه آز عمروم اولور نیسگلیم منیم چوخدی ئورکده هر درد و غمیم قلبیوی دَلَن اوخدی ئوزون منی قبره آپار قارداشیم منیم یوخدی بو غصه قلبون یارالار آغلاما خداحافظ گجیله وئر غسل منه دفن ائله گئجه یاری مزاریمی ایتگین ائله ای بلا گرفتاری مزاره قوی تئز گل ایوه قویما تک بالالاری یولووی گوزلر بالالار آغلاما خداحافظ

#در فراق مادر #زبانحال خانم زینب سلام الله علیها به سبک # ای گوزلریمین نوری ای قلبی دولان غملن مظلومه ننم لایلای مظلومه ننم لایلای *** دوربیرده دانیش منلن مظلومه ننم لایلای... ای باشی بلالی ای وای ننم وای.. .سینه سی یارالی ای وای ننم وای.... یاتمالی زمان دگول دورآنابئله یاتما ..زینبیوی آغلاتما--- اون دورت گجلیک آی تک زهرا آنا جان باتما.. قلبیمی قانا قاتما--- قلبیم یانوری بوندان آرتوق آناآغلاتما--- حسینیوی آغلاتما--- ای باشی بلالی ای وای ننم وای--- سینه سی یارالی ای وای ننم وای... اولمازدون آناراضی زینب سارالوب صولسون.. قلبی غمیلن دولسون --- راضی اولوسان ایندی زینب نه نه سیز قالسون... غمدن ساچینی یولسون-- من دویماموشام سندن.. محسنیوه آنداولسون.. ای باشی بلالی ای وای ننم وای--- سینه سی یارالی ای وای ننم وای.. دورباخگیلان حسینه --- گورحالی پریشاندی... قلبی آناجان قاندی-- قارداشیم حسن آغلور.. دییوراورگیم قاندی-- ای تئزقوجالان زهرا--- زینب سنه قرباندی--- ای باشی بلالی ایوای ننم وای -- سینه سی یارالی ای وای ننم وای... دورباخ باباماسویلور... زهرا منی تک قویما.. غمدن اورگیم اویما.. گوزیاشین الوراوخشور.. مندن بئله تئزدویما.. تئزرخت وفا سویما... دورگورسارالوب رنگی--- بوحاله رضااولما... تنها بابامی قویما... ای باشی بلالی ای وای ننم وای-- سینه سی یارالی ای وای ننم وای..

🏴زبانحال حضرت زینب (س) در شهادت مادر 🎼سبک : ای قلم سوزلرینده اثر یوخ عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی