مداحی میلادشعبانیه بانوای : کربلایی منوچهرحسن_زاده شاعر: مرتضی_اسکندری_زنجانی

میلاد امام حسین علیه السلام شاعر : مرتضی اسکندری(ساعد)زنجانی 👇🏾👇🏾👇🏾👇🏾👇🏾👇🏾👇🏾👇🏾👇🏾👇🏾 درخت دینه باغبان حسین دی رگ حسینی لرده قان حسین دی فقط نه یرده بلکه آسمان دا فروغ نور جاودان حسین دی باشیندا تاج اِنًماسی وار بهشتیدن باش کربلاسی وار حسیندی جانیم ، رگیمده قانیم ، آدیم نشانیم یا مولا عشقیم ، شاه کربلادی ذکری ، دردیمه دوادی شفیع محشر یا حسین حسین نورِ ، ذات لم یزلدی مردِ ، جبهه ی عملدی عزیز حیدر یا حسین حسین حسین دی جانیم ، رگیمده قانیم ، آدیم نشانیم یا مولا __________________________________ عزیز آل مصطفی حسین دی امیر کل ماسوا حسین دی آلوبدی درسین باکری لر اوندان شهید عشقه مقتدا حسین دی کیمون باشیندا حق رضاسی وار حسین کیمین زیبا آقاسی وار حسین دی شاهیم ، ایشیقلی ماهیم ، پناهگاهیم یا مولا آدی، سینم اوسته حکدی عشقی، دینیمه محکدی گل پیمبر یاحسین حسین راه ، عشقه مقتدادی شاهنشاه کربلا د ی عزیزمادر یا حسین حسین حسین دی شاهیم ، ایشیقلی ماهیم ، پناهگاهیم یا مولا __________________________________ حسین دی مرآت خدا پرستی یتوردی باشه نامه ی الستی تعجب ایتمه گر اولوبدی رایج جهان عشق ایچره حسین پرستی ره ِ وفاده امتحان ویروب درخت دینه تازه قان ویروب حسیندی پیریم ، مَهِ منیریم ، گوزل امیریم یا مولا شمعِ ، بزم عارفان دی جَدّ ، صاحب الزماندی خدایه مظهر یا حسین حسین دست ِ قدرت خدادی سروِ باغ مصطفا دی جهانه رهبر یا حسین حسین حسین دی پیریم ، مَهِ منیریم . گوزل امیریم یا مولا شاعر : مرتضی اسکندری(ساعد) زنجانی

🌿🌸🍃 🌸🍃 💐 میلاد شعبانیه حضرات امامان حسین علی اکبر و عباس علیه السلام ✍️ حاج اصغر فرشچی (عدلی تبریزی) شُکرلِل لَه که مَهِ رحمت وغُفران گلوب معصوم اون دورد اولماقا نیمۀ شعبان گلوب فیض حق دریا کیمی گلدی جوشه بو آیی شیعیان شاداندیلار عالمه دورت جان گلوب سوّم شعبانیده گوزآچوب سلطان عشق ثاری ثارالله اولان افسرشاهان گلوب مقدمیندن عرشیان شوره گلدی فرشیان فاطمه اوغلی حسین عالمه سلطان گلوب معدن جود وسخا مظهر ذات خدا دین حقّه ایلسون جاننی قربان گلوب قبلۀ حاجات عشق هم معین شاه عشق سروبستان علی صبرایدوب صوندان گلوب وه چه مولود قد بلند قول اوزون َانّی کورک خصم دینی یخماقا فارِس میدان گلوب بــوعـلـمدارشــه کــربــلاعـبـاس دور قُـُلـزُمِ قَـهـرِخـدا منبع احسان گـلوب سیّد سجّاد علی صاحـب نــورجــلی پنجم شعبانیده لطف ایدوب یزدان گلوب شاخۀ طوبای دین سروراهل یقین نورچشم شاه عشق ناطق قرآن گلوب گون کیمی ایتدی طلوع آَللها ایلر خضوع عابد معبود اولار بندۀ سبحان گلوب گوز آچوبدی عالمه او بیر شعبانیده بنزری پیغمبره بیر مه تابان گلوب نصف اولوب شعبان آیی گوزآچوب دنیا آیی مهدی صاحب زمان خسروخوبان گلوب واردی بُلبُلده شُعَف گلدی تا بیرگول گوره آشیانون ترک ایدوب جانب بستان گلوب ای صبا ایله خبرباش ویروب بوگول سحر نِکهتیندن گول چمن خرم و خندان گلوب بوآیی اَعظم سایاخ بیربیره تبریک دیاخ اوچ اِمام وبیروزیر فوق هرانسان گلوب ساقیا ویرجام مِی مُطربا چال سازونِی فارغ ایت هرهَمّیدن درد لره درمان گلوب آت باشوندان غملرون روشن اولسون گوزلرون عدلیلن بویریوزون ایلسون رضوان گلوب مست می ایت ساقیا حُبّ عشقیندن منی غارته گتدی دلیم تا مَه تابان گلوب نوری دنیایه دولوب گلشن دشمن سولوب گوزآچوبدی عالمه تا مَه رخشان گلوب مَه جَبین سورتوب یره ماه زهرانی گوروب جلوه سیندن مات اولوب یوسف کنعان گلوب شیعه نون قلبی تاپارعشق مهدیدن صفا قلب عالم فیض بخش معنی ایمان گلوب باقی الله و نوررمزحق مُلک وجود راز دار کاینات دلبر جانان گلوب گُول گُولِ باغ حَسن شاد خرم هرچمن کوراولا چشم حسود شافع عصیان گلوب ایلسون دین پرچمین یر یوزونده برقرار مُلک دینه وِرماقا هرزمان سامان گلوب بش یاشیندا امراولوب خلقیدن پنهان اولوب غیبتیندن حیف اولا چوخ غلط ادیان گلوب ظلمت شبده اولان کورخُفاش جهان گورسه طُغیان ایلمزافسرشاهان گلوب غم فلستینه یاغور چوخ مسلمانلارباخور اتحاّد اُولمورندن بوغمه کیوان گلوب قان توکوبدی اشقیا بُمب آتوبدی سامرا ظاهرا ویران اولوب گوئیا طوفان گلوب گه آتورلُبنانه بُمب اُولدورور پیروجوان هرآنا اوغلون گورورقانینه غلطان گلوب ویران اولدی چون یمن دولتین ایلوب سکوت بی شرف آل سعود قان توکورآسان گلوب ای اولان فَخرزَمَن عَجّل ای پورحسن بسدی غیبت گل گوراخ هجریوه پایان گلوب ای شهِ کُون ومکان مَلجاء خلق جهان مین نچه ایلدی رجب هی گیدوب شعبان گلوب گلمدون گوزیولدادی (عدلی) بلکه قالمادی اولمه میش ایستورگوره ختم بوهجران گلوب 🌿 🍃🌺 🍃🌺🍂

‍ سرود میلاد امام حسین_التماس دعا ــــــــــــ ای گوزومون ضیاسی ای ایویمین صفاسی آچ گوزووی باخ منه نازلی گوزون فداسی ای گوزل بالا _ دوداقلاریندان ئوپرم گا هوارده _من سنه لای لای دییرم جان حسین جان _ جان حسین جان ــــــــــــ شکر ایدرم خدایه خالق نه سمایه شمع هدا یاراتدی خانه ی مرتضایه ویردی سنی پای منه باشیمه سالدی سایه ای گوزل بالا _ دوداقلاریندان ئوپرم گا هوارده _من سنه لای لای دییرم جان حسین جان  _ جان حسین جان ــــــــــــــ سن منه روح و جانسان دلبر و دل +ستانسان نور دو عین طاها لاله ی گل+ستانسان روز جزاده اوغلوم شافع شیعیانسان ای گوزل بالا _ دوداقلاریندا ئوپرم گا هوارده  من سنه لای لای دییرم جان حسین جان _ جان حسین جان ـــــــــــــــــ ای مه برج عصمت کان وفا و غیرت روح و روان مادر مظهر استقامت ای الیمون عصاسی حق سنه ویردی عزت ای گوزل بالا_دوداقلاریندا ئوپرم گا هوارده _من سنه لای لای دییرم جان حسین جان _ جان حسین جان ــــــــــــ بو گل نازدانه جلوه ویروب جهانه درگهیوه حسینجان گلمیشوق عاشقانه شیعه لره کرم قیل ویرگینن عیدیانه ای گوزل بالا _ دوداقلاریندا ئوپرم گاهوارده_ من سنه لای لای دییرم جان حسین جان _جان حسین جان

آلله آلله آلله بونه صولتدی آلله آلله آلله بو نه هیبتدی باخ اوزون قولارینا گورنه قیامتدی آلله آلله آلله بو نه صورتدی آلله آلله آلله بو نه سیرتدی داغ کیمی سینه سی تبر اوجا قامتدی موبه مو حیدره بنزیر نئجه گور باابهتدی گوئیا ایستیر علم آلسین اله بو نه همتدی ایندیدن اذن نبرد ایسیتیر آلله بو نه جرٱتدی حاج مهدی رسولی

ولادت سقّای کربلا (با آهنگی لطیف و دلنشین) عبّاس عبّاس ، آقامین ای وزیری عبّاس عبّاس ، عشقیوین دیل اَسیری عبّاس عبّاس ، چوخدی قارداش جهاندا گورمَز عالَم ، سَنکیمی بینظیری ساقیِ دشتِ بلا / ولادتون مبارک گول آدیوا جان فدا / ولادتون مبارک عبّاس عبّاس ، مددی یا ابالفضل عبّاس عبّاس ، بیله گویچَک آی اولماز عبّاس عبّاس ، سنکیمی بیر پای اولماز عبّاس عبّاس ، ایوی آباد آناوین عالَمده چون ، سنه کیمسه تای اولماز ای دردلره مُعالج / ولادتون مبارک دِی یا باب الحوائج / ولادتون مبارک عبّاس عبّاس ، دیلده گیزلین سوزوم وار عبّاس عبّاس ، دوزدی قاره یوزوم وار عبّاس عبّاس ، اَلی بوش گیتمرم من احسان اِیتسَن ، کَرَمونده گوزوم وار گول آدیوی سَسلرَم/ ولادتون مبارک من قاپیوا نوکرَم / ولادتون مبارک عبّاس عبّاس ، حَرَمون با صفادی عبّاس عبّاس ، دیل سنه مُبتلادی عبّاس عبّاس ، گویلوم ایستیر زیارت دردیم چوخدی ، بیری کرب و بلادی صاحبِ مَشک و عَلَم / ولادتون مبارک ایسته دوباره گَلَم / ولادتون مبارک #عباس_عباس_آقامین_ای_وزیری #ابوالفضل_علیه_السلام #علمدار التماس دعای فرج الاحقر مهدی عبادی

میلادیه حضرت ابوالفضل العباس (ع) فیضی_اردبیلی ابالفضل گلدی دنیایه سووندی آل پیغمبر گلوب وَجده فَرَحلندی امیرالمؤمنین حیدر مبارکدی مبارکدی مبارکدی مبارکدی(۲) حسین آغوشینه آلدی دئدی آچ گوزلرون قارداش ابالفضل تا گوزین آچدی حسین توکدی یوزه گوزیاش اولوبلار قول بویون باهم ایکی قارداش٬ایکی یولداش چاتوب آمال و مقصوده ایکی دلدار٬ایکی دلبر مبارکدی مبارکدی مبارکدی مبارکدی(۲) گوروب بو صحنه نی زینب دئدی به به صفا گلدی حسینجان گوزلرون آیدین که یارِ با وَفا گلدی دیون دردی اولان گَلسون هامی درده دوا گلدی چالیندی دَف٬ویریلدی نِی دگوبدی بیربیره اللّر مبارکدی مبارکدی مبارکدی مبارکدی(۲) اونا لایلای چالور زینب دیور جانیم سنه قربان اوزرّیک یاندیرور تِزتز وان یّکاد اوخور هرآن جمالی آیدان آیدیندور اولوبدور عالَمه اعلان دوشنده مشکله هرکس ابالفضل آدینی سسلر مبارکدی مبارکدی مبارکدی مبارکدی

سرود شماره 50 نغمات خاکی ای گل گلزار حسین در شهوارحسین ای اولان یار حسین سیدالساجدین نور خدای ازلی خوش گلوبسن آقا حضرت زهرا گوزلی خوش گلوبسن آقا ای پسر خون خدا _ ایکی دنیایه آقا سوزی تسبیح ودعا _ سیدالساجدین نور خدای ازلی خوش گلوبسن آقا حضرت زهرا گوزلی گلوبسن آقا ای قاپیسی باب سخا _ ائله بایراملیق عطا سنه عالمدی گدا _ سیدالساجدین نور خدای ازلی خوش گلوبسن آقا حضرت زهرا گوزلی خوش گلوبسن آقا روز ولادتدی آقا _ الی بوش سالما یولا ائله بایراملیق عطا _ سیدالساجدین نور خدای ازلی خوش گلوبسن آقا حضرت زهرا گوزلی خوش گلوبسن آقا کیم قاپوا سائل اولور _ هدفه نایل اولور غمی تز زایل اولور _ سیدالساجدین نور خدای ازلی خوش گلوبسن آقا حضرت زهرا گوزلی خوش گلوبسن آقا