▪️احوالات اربعین ✍بقلم کربلایی ابوالفضل فرهنگی جفا وظلم اعدادن نوایه زینبون گلدی اسارتدن قوتولدی کربلایه زینبون گلدی بوزاری سرفراز ایله --- باجون دور پیشواز ایله --- فلک بـو زار و نالانی قـولی باقلی دولاندیردی الیمدن آلدی دلبندین منی سندن اوتاندیردی کفن سیز دفن اولوب ویرانه ده دنیانی یاندیردی بالان ویرانه ده قالدی منایه زینبون گلدی بوزاری سرفراز ایله --- باجون دور پیشواز ایله --- گله لعـنت بودنـیایه سن اولدون زینـبون قالدی سنون عشقون حسین جان زینبی چولدن چوله سالدی عـدودن قانـیله رنگـین اولان پیـراهنـون آلدی گلوب نی تک نوایه نینوایه زینبون گلدی بوزاری سرفراز ایله --- باجون دور پیشواز ایله --- سنی دعوت ائدن کسـلر وفانین رشـته سین قیردی اورک آییـنه سین ظلم وجفا داشـیله سیـندیردی گلن دیل یاره سی ویردی گئدن دیل یاره سی ویردی همان زخم زباندان آه وایه زینبون گلدی بوزاری سرفراز ایله --- باجون دور پیشواز ایله

🎼سبک نوحه فوق👆👆 ✍بقلم کربلایی ابوالفضل فرهنگی 🎤#بانوای_حاج_علی_سیفی_افشار

شاماتی گزُوب دِیدِهء خُونبارِیلَه گلدِیم قَبر اوُستَه گلَن دَستِهء زَوّارِیلشه گلدِیم عالمَلرِی حَیرتده قُویُوب پایَهء صَبرُون زِینَب سَنَه قُربان نِیَه شِش گُوشَه دِی قَبرُون اوّل علی اَکبَر قانِینی قانُوَه قاتدُون باشسِیز بَدَنُون صُونرا باسُوب باغرِیوا یاتدُون بُو یاتماقِیلا بِیرَقِ اِسلامی اوُجاتدُون طُوبی آغاجِندان آسیلان خُوشَه دِی بُو قَبر بُولدُوم باجُون اوُلسُون نِیَه شِش گُوشَه دِی بُو قَبر هَر چَند گُلِ یاس قُویُولمُوش اُطاقُوندا بِیر گُلبُنِ نُو خِیزدَه وار دور قُوجاقُیندا قِرمِزی شُکُوفَه آچِیلُوب دور بُوداقِیندا قَبرُونَده نَهالانِ بِهشتی گُل آچُوب دور آرتُوق دِیمُورَم اَصغَرُوِون رَنگی قاچُوب دور باشُون بَدَنُون مَعجُزِهء شام و دِمِشقُون گُوستَردِی اَخا پُختِگی شِیوِهء مَشقُون اَمَا نَه بُیُوک مُعجُزَه دور وَحدَتِ عِشقُون بُو قَبرَه اِیکی نِورِ گِرانمایَه دُوشُوب دور شاخَه اِیکی اَمِا یِرَه بِیر سایَه دُوشُوب دور بُو مَرقَدَه وار حَسرَتی جَنّات نَعیمُون جَنّت باغنا دَرسِ وَفا وّیردِی حَریمُون خُوش حالِیوَه خُوش صُحبَت و خُوش خوُدِی نَدِیمُون باس باغریوا جانانُوِی زیبادِی جَوان دور عالَم گُورَه بُو قَبرِدَه گُلخانَه که جان دور قِیرخُوندی عَیالِمُون هامی قَبر اوُستَه گلُوردِی غَم خَستَه سی بیر دَستهء بَر جَستَه گلوردِی بُو دَستَه حُسینی لَره وابَستَه گلُوردِی مَندَه قارِیشُوب اوُنلارا قَبر اوُستُنَه گلدِیم اُمیدیمی هَر یِردَن اوُزُوب بیر سَنَه گلدِیم اِیکاش اوُلُوب تُپراق اوُلوب مَدَفَن اوُلِیدِیم پیراهَنِ گُل تَک سَنَه پیراهَن اوُلِیدِیم بیر سَن بُو مَزار اِیچرَه اوُلُوب بیر مَن اوُلِیدِیم اوّل سَرِ مُژُگانیلَه بیر قَبر قازِیدِیم باش داشنَه تارِیخِ رَهِ شامی یازِیدِیم اِی قَبرِ مُطَهَر نَه عَجَب رُوح فَزا سَن شَمعِ شَبِ وَصل و نَفَسِ صُبح صَفا سَن غَرقِ عَرَقِ پِیکَرِ شاهِ شُهدا سَن اُی عُودِ غَم آلودَ یانان عَطرُوَه قُربان اِی صَفحِهء قرآن یازِیلان سَطرَوَه قُربان اِی سایَهء حَق لُطفِ خدا کَعبُهء آمال اِی قُوّتِ دِل راحتِ جان شاهِدِ اِقبال اِی کَانِ کَرَم یات قُورِی تُپراقِدَه خُوشحال یاتِمِش سان اَگر صُورَتِ ظاهِر قُورِی یِردَه غَم یُوخ که یاتار گَنج و جَواهّر قُورِی یِردَه رُوحُون کِیمی وارستَه و آزادَه دِی قَبرُون قان آغلِیُوب آغلاتماقا آمادَه دِی قَبرُون باغِرِیندَه یاتان دِلبَرَه دِلدادَه دِی قَبرُون رِیحان خَطِیلَه کاتِبِ سَر مَشقِ حُسینی قَبر اوُسته یازُوب مَدرَسهء عِشقِ حُسینی اِی باغِ بِهِشتی گُل و گُلزارُوَه قُربان اِی غُنچِهء تَر عُقدَه گُشا خارُوَه قُربان اِی قَصرِ مُمَردَ دَر و دِیوارُوَه قُربان قارداشیمی آهِستَه چَک آغُوشُوَه اِی قَبر بِیر مُونِسی وار چَکمَه تَک آغُوشُوَه اِی قَبر هَر چَند عَزیز خاطِریُوَه بارِدی زِینَب دَرد اَهلی دِی چُون یارِ دِل آزارِدِی زِینَب دِیندِیر اوُنی آخَر سَنَه زَوّارِدِی زِینَب آغلار گُوزِی خَم قامَتی گِیسُوی سِفِیدِی تَرسِیم اِیدَر آق صَفحَه دَه اِیوانِ یَزِیدِی پَروانَه اَگر شَمعِ صِفَت شامِلَه خُوش دور عاشق نَفَسِ گَرم دِل آرامِلَه خُوش دور زِینَب دَه بُو دَرگاهِ فَلَک بامِلَه خُوش دور قُوی قَبرِ شَرِیفُوندَه مُجاوِر اوُلا باجَون دائم دُوشَنُوب قَبرُوَه زائر اوُلا باجُون یُوللِاندِی مَدِینَه یُولُونا قافِلَه قارداش اِیل گِیتدی گرَکَ مَندَه گِیدَم یُوخ گِلَه قارداش یُوخ کِیمسَه مَنیم دَردِیمی مَن تَک بُولَه قارداش آرامگهُون حَسرَتِیلَه تَر کِنی اِیتدِیم اَلله اوُزی عالِمدِی که گِیتدِیم نِجَه گِیتیدِیم ????: ???? ???? ??? https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #اربعین #روضه 🖋️مرحوم استاد هندی تبریزی

__________________ گلمیشم پای پیاده یاحسین دیداروه سن ننون زهرا جانی لطف ایله بو زواریوه قبریون قربانیم*******کربلا مهمانیم گلمیشم قبرین کنارینده دوینجا آغلیام قتلگاه یوز قویوب بو سینمی من داغلیام باشیمه قاره گرکدی بو عزاده باغلیام دردمندم باخ اوزون بو خسته دل بیماریوه قبریون قربانیم*******کربلا مهمانیم اربعین زواریم دردیم دواسی سنده دی عمرون زهرا جانی ذوق وصفاسی سنده دی بو گلن زائرلرین لطف و عطاسی سنده دی جان فدا اولسون سنین مولا گوزل درباریوه قبریون قربانیم********کربلا مهمانیم قومادون حری قاپوندان چیخدین استقبالینه قول قانادی سینمشیدی چک ال سن بالینه پر ویریب قوندی بهشته خوش اونون اقبالینه قوشدون آخر حری سن جاندان گیچن انصاریوه قبریون قربانیم ****کربلا مهمانیم گل منی حره باغیشلا گر چه عاصی بنده یم چوخ گناهیم واردی سندن یاحسین شرمنده یم من سنون عشقینله مولا بو جهاندا زنده یم نا امید ایتمه منی من نوکرم سرداریوه قبریون قربانیم کربلا مهمانیم باخسا گر عباس آقا عالملره ناز ایلرم قوش مثالی پر ویریب گوگلرده پرواز ایلرم قاتسا دوز اشعاریمه سو صحبتین باز ایلرم ایلرم بو جانیمی قربان سوسوز دلداریوه قبریون قربانیم **کربلا مهمانیم ای قلم سو صحبتین سالما اورکلر قان اولار هم رباب آغلار هم اصفرگوزلری گریان اولار نهر علقمدن آخان سو موج لو طوفان اولار سسلنر عباس احسن مرحبا ایثاریوه قبریون قربانیم *کربلامهمانیم ای اولان مشکل گشای اهل عالم اللری ناامید ایتمه امیدیله گلن زائرلری یازدی بو اشعاری آغلار گوزلریله(ماه پری ) تا که بلبللر نوا سالسین گوزل گلزاریوه قبریون قربانیم****کربلا مهمانیم ______________ ????: ???? ???? ??? https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr #اربعین #روضه #مداحی 🖋️استاد رضا ماه پری زنجانی

«زیارت اربعین» یانان اورک‌لره آه‌ونوا گلورنه‌گلور گئنه‌ده قافلهٔ کربلا گلور،نه گلور قناری‌لر نِئجه آزاد اولوبلا محبس‌دن ترانه‌ی‌غم اوخور جا به جا گلور نه گلور نِئچه قانادی سینان قوش‌دی آب‌ودانه گزور قدَر بلا یازیب حکمِ قضا گلور،نه ،گلور کبوتران حریم ایچره بیر هما گؤرونور یارالی شهپریلن پا به پا گلور،نه،گلور همایِ اوجِ شهامت چیخیب اسارت‌دن اولوبدی فوجِ ستم‌دن رها گلور نه گلور قلم رها اِئله بو استعاره تشبیهی گؤر ایندی فیضِ براتِ خدا گلور نه گلور قطارِعشق،گلور اربعین زیارتینه بیرعدّه بیکس و بی اقربا گلور نه گلور او کاروان‌کی اولوب آیلار آیریسی یِئنه‌ده دیارِعشقه طرف آشنا گلور نه گلور اولوبدی زینب کبریٰ امیرقافله‌سی زمینِ کرب و بلایه صفا گلور نه گلور اِئدیبدی طیِّ طریقت وصالِ یاره گؤره هامیسی عهدینه اِئتسین وفا گلور نه گلور بیری الینده نشانه صوجامینی گتیریر باشیندا واردی درین ماجرا گلور نه گلور بیری عمامه‌ی‌خونین بیری یانان معجر اورک‌ده واردی غمه ادّعا گلور نه گلور عمامه‌نی گتیرن وای اوغول دِئییورآغلور بیری دیلینده دئییور وا اَخا گلور نه گلور بیری دئیولَّه‌کی بیرقانلی پرچمی گتیریر نشانِ صاحب مشک و لوا گلور نه گلور کی،یعنی قارداش علمدار پرچمون گلدی بو پاره مشکووه تیرِ جفا گلور؟نه گلور؟ بیرینین الده نشان خیردا گاهواره‌سی وار دیلینده وِردِ زبان وای بالا گلور نه گلور دئییردی گل بالا گهواره‌وی گتیردی آنون بوغم‌ده ناله‌یه ارض و سما گلور نه گلور او ارمغانلار ایچینده چوخییدی گؤز داغی ولیک بیر سؤزه گؤزدن بکاء گلور نه گلور او بیر نشانه‌نی زهرا اؤزوْ بگنمیشدی نشان حضرت خیرالنّساء گلور نه گلور اوقانلی کؤینگی زینب آلیبدی اللردن مثالِ تحفه او کان وفا گلور نه گلور حسین مزارینه بیرطُرفَهْ ارمغان گتیریر امیرِعترتِ آلِ عبا گلور نه گلور سینیب اگرچه گلَنْ لشگرین جَناحِیني بَناتِ غم‌ زده‌ی‌ مصطفا گلور نه گلور او دؤرت‌مین‌اوخ توخانان کؤینگی خانم زینب باسیبدی باغرینا چوخ بی‌ریا گلور نه گلور یارالی قارداشینا گوئیا کفن گتیریر اورک‌ده چوخدو ساغالماز یارا گلورنه‌گلور دِئییرکی قارداش حسین زینبم وفالی باجین ساغالمییان یارام آلسین شفا گلور نه گلور قالاندا بیرنِئچه فرسخ مَطافِ عشّاقه نسیمِ عطرِ گلِ جانفزا گلور نه گلور دانیشدی اؤز اؤزونه ناگهان خانم زینب سؤاله ساجدِ آلِ کِساء گلور نه گلور بویوردی،عمّه نه احساس اوز وِئریبدی سنه جوابه شیرزن کربلا گلور نه گلور اوغول بو یِئر دییه‌سن کربلادی من بیلیرم بو سرزمینِ بلادن نوا گلور نه گلور بوسَسْ کِاَنَّ یارالی حسینیمین سسی‌دیر علاوه عطرِ بهشتِ خدا گلور نه گلور وفالی عمّه‌سینه تسلیت دئییب‌دی امام حرم‌لر آغلادی واحَسرتا گلور نه گلور آتیب‌دی مَحملین اوستن یِئره اؤزون زینب دیلینده کلمهٔ واغُربتا گلور نه گلور «ترابِ کرب‌وبلاده ابوتراب قیزی» «سوروندو یِئددی قدم شاهِ نُهْ قباب قیزی» دئییردی یاره‌لی قلبیم دؤنوبدو قانه حسین فدا بلالی‌جانیم سن یاتان مکانه حسین باجین دویونجا سنه آغلییانمییب، یارالی سَپَر گؤزوم یاشی سو آتشِ نهانه حسین اجازه صادر ائله زینبین دیله گلسین سن آغلاما ولی بو غملی داستانه حسین اسیرِ عشقین اولان زینبی قولی باغلی سالیب‌دی چؤللره بوگردش زمانه حسین سنین یولوندا مصیباته بیربه‌بیر دُؤزدوم وورولدی قولاریما چوب و تازیانه حسین هدف مقدّسی‌دی قویمادیم قانین باتسین کمالِ همّتیلن دؤزدوم امتحانه حسین گتیرمرَم دیله هردرد و محنتی قارداش اؤزون توجه ائله خسته،میهمانه حسین فقط،بونو دئییرم اینجیدیم شماتت‌دن اورک‌ده طعنه‌لی سؤزلر چکیر زبانه حسین ورودِ کوفه‌ده اَل چالدی اؤز کنیزلریم اوجالدی سینه‌ده‌کی آهیم آسمانه حسین او ساعتیم‌ده تلاوت اِئدیردین آیه‌ی‌کهف یارالی باشین اولوب داشلارا نشانه حسین دَگنده آننووا داش من‌ده باشیمی یاردیم بوتون حرم‌لرین آغلاشدی،یانه‌یانه‌حسین چکنده نظمه مصیبت‌لرین«قیزیل‌قلمین» یقین‌کی گؤزیاشی تبدیل اولوردی قانه حسین .التماس دعا. کتابِ سفیربیداری:اکبرستاری«قیزیل قلم» 🏴🌹🏴

اربعین مرثیه‌سی شعر و سس: «قیزیل‌قلم»

کانال اشعار حاج امیر نوری اردبیلی https://eitaa.com/nourihajamir/4430

‍ السلام ای شه بی قرینه دعوت ایله بیزی اربعینه وئربیزه توشه قانلارگلیب جوشه ای قبرشش گوشه      ابی عبدالله ای گل رضوان ای منبع ایمان ای قبر شش گوشه    ابی عبدالله غرق اله روحیمی عشق وصفایه دعوت ایله بیزی کرب وبلایه ثارالله ائتمیشم یاحسین من اراده کربلایه گلم پای پیاده ئولمسم گلم دیلده شرار غم الده قراپرچم موکب به موکب بوخیالیله غم قلبیمی داغلار بوگوزلریم  اغلار هرروزوهرشب بااخ بیزه چون باخارشهلر گدایه دعوت ایله بیزی کرب  وبلایه ثارالله ثارالله ثارالله #السلام_ای_شه_بی_قرینه

🌹بسم الله الرحمن الرحیم 🌹 🏴مراسم عزاداری وسینه زنی بمناسبت 🏴اربعین حسینی 🏴هیئت سینه زنان عاشقان قمربنی 🏴هاشم (ع)بومهن 🏴زمان شنبه ۱۴۰۳/۶/۳ 🏴ازساعت ۲۱الی ۲۳ ⏪پردیس فاز۸ بلوار امير کبیر خیابان ⏪ولیعصر خیابان حکیم نظامی ⏪طلوع ششم علامت تابلو ✳️قرائت قرآن و زیارت عاشورا ✳️توسط حاج نصرالله کاظمی ✳️وکربلای مرتضی پاشازاده 🏴🎤باحضور علما شعرا مداحان 🏴🎤ذاکرین خوش الحان حسینی 🏴🎤حاج کریم نوری 🏴🎤بانظامت حاج جليل غریب نواز 🏡بانی کربلایی رضا نوری 🏡 🍽ضمنا سفره احسان گسترده میباشد 🏴خاکپای تمام عاشقان اهلبیت (ع) 🏴خادمین هیئت سینه زنان عاشقان 🏴قمربنی هاشم علیهم‌السلام بومهن 👇👇👇👇👇👇👇👇👇👇 https://eitaa.com/joinchat/2923954444Ce5a98086ca👆👆👆👆👆👆👆👆👆👆 🌴🌴🌴🌴🌴🌴🌴🌴🌴

🏴نوحه اربعین حسینی سبک: یخیلوب عباسیم دور حسینیم شامه سنق محمل لرده گئدن خسته زینب دوباره گلدی یارالی غمخوارون بو غملی زوّارون چوخ ایستور یوز قویسون مزاره گلدی خبر آلسون قارداش نلر چکدیم سنسیز بلالی یوللاردا سلامت گلدیم آچیلوب قوللاریم‌ سنوبدی خوللاریم یتوب باشه آخر اسارت گلدیم خبر آلما نازلی رقیّوندن قارداش ئولوبدی اللرده خجالت گلدیم دوزولوبدی قزلار بو دوتقون اولدوزلار زیارت عشقیله قطاره گلدی بو سفرده قارداش چالشدیم هر یرده دانشدیم بی پرده اوجالدیم گلدیم هارا گئتدیم گُل تک جفای دشمندن ایراق قارداش سندن سارالدیم گلدیم تانیمازسان گورسون چخوب حددن دردیم اولوبدور خم قدّیم قوجالدیم گلدیم ائده دردین اظهار بو خونین سر زینب قرا معجر زینب نگاره گلدی بالالاره قارداش، کیم باخسا اوخشادار خرابه یرلرده سنق الماسه ئوزولوب اللردن علاج و تدبیری اولوب یوزلر نیلی باتوبلار یاسه بیری یوخدور چخسون اقلی پیشوازه بو غملی صحراده دئنن عباسه گئدوب اهل بیتین قولاقیندان قارداش ستمله یغمایه گوشواره گلدی یره آخر تختدن یزید بی دینی بو قاره معجرلن مردانه سالدیم تاج و تختین الدن آلوب ئوز شهرینده شهامتلن قارداش باشینه چالدیم بویانان القانه کوینگیوی آخر دیار غربتده اللردن آلدیم دور حسینیم زینب الی باشدا پوزقون گوزی یاشلی یورقون دیداره گلدی سنی گوردوم بیر گون دوشوبسن گوداله باشون یوخ پیکرده دشمن باخاردی بئله فکر ائتدیم من مظلوم ئولن قارداش گویدن بو گوداله داشلار یاغاردی من یتینجه داده اولان اولدی حسین بئلیم سندی بیردن باشیم آغاردی او چتین اثناده منیله شمر دون

اربعین حسینی بخش 2️⃣ نه بیلیم قبر ائوینی مسکن‌ائدوبسن یارالی نه بیلیم گولگه‌لی مأوایه گئدوبسن یارالی شکرلله گینه دفن اولماقا بختون یاریمیش باجون ئولسون نه‌گوزل گورملی‌قبرین واریمیش یوخ‌یوخ عذر ایستیم ای شبه رسول مدنی گوج گلوب غصه سالوب بحر خیالاته منی آیریلیق دردی خیالی ائلیوب غم ییورم منه باخ موسم وصلت هله گور نه دیورم کوفه‌ده ایلمیشیدی یارالی قلبیمی شاد سویلمیشدی‌منه دفن اولماقیوی زین‌العباد دئمیشیدی بو یره اهل قبیله توکولوب دفن اولاندا بدنون کهنه حصیره بوکولوب دوزدی‌شیرین اولار اهل‌دله طعم غم عشق ولی حیران ائلیوبدور منی بو عالم عشق بونه عالمدی سالور قلبی تب و تابه حسین بو نه عالمدی تاپیلمور کفن اربابه حسین سندن اولموشدی‌باجون قرخ‌گئجه گوندوز آرالی دانیشیم ایندی سنه هانسی ملالی یارالی هانسی‌غمدن دانیشیم‌که سنه تاثیر ائده چوخ یوخدی هرسوزده رقیه‌آدی اصلاً دادی یوخ گر چه هر لحظه رقیه آدی گلجک یانیام ولی بالدان بالامون آدینی شیرین سانیام عفو ایله زینبوی‌شرمی چکوب بنده حسین زجر ایدیبدی منی‌سنده بئله شرمنده حسین قافله‌مدن آرالی دوشدی گوزی یاشلی بالون وئردی‌جان گوشهٔ ویرانه‌ده اوچ‌یاشلی بالون واردی بیرنیسگیلی بیکس باجیوی یاندیراجاق هرزمان یادیمه دوشدوگجه الولاندیراجاق کیمده گوشواره گورن‌وقته باخاردی یوزومه هی تیکردی او قرا گوزلری آغلار گوزومه فوری من آگه اولاردیم اورگیندن کئچنه گویلی ایستردی دئمزدی نه ربابه نه منه تئز دییردیم گوزلیم شهریمیزه یول سالارام سنه گوشواره بالام جانی وطنده آلارام اودا سویلردی منیم فکریمه‌دای قالما بی‌بی مندن اوتری اوزوی زحمته‌چوخ سالما بی‌بی گورسالوبدی نه‌حالا ضربت سیلی یوزومی گوشواره گوزل ائتمز داخی نیلی یوزومی قلبیمون دردینه گوشواره چتین چاره قیلا احتیاجیم داخی نه گوهره وار نه قیزیلا ذره‌یوخ ارزشی فرش اولسا جواهر یولوما دستبند عمه یارشماز بو گویرمش قولوما گویلومی آلماقا آلما بی‌بی گوشواره منه آلسون‌آل شامیده بیر خیرداجا گهواره منه اوسا گهواره اگر اوستونه معجر سالارام گینه‌شیرین دیلیلن اصغره لای‌لای چالارام اوبشیک ایچره قویوب ترپدرم بوش بلگی بیر آز آغلار آچیلار غملی ربابین اورگی اینیدی‌قارداش یانیرام دلده‌کی نیسگللرینه بالامون قالمشام حسرتده شیرین دیللرینه بیلمدیم شامه کیمی او بالا یولداشدی منه یوخسا بیر چاره ائدردیم او جلای وطنه تاپمادیم چاره سه‌ساله بالاما غربتده بوشا چیخمیشدی الیم غائله‌ی غارتده بیری قالسیدی منه غارت اولان گوهردن دولانوب کوفه‌ده بازاریده بیر زرگردن بالامون فکرینه اوّلده قالاردیم قارداش اونا بیرخیرداجا گوشواره آلاردیم قارداش دوزدی تیر غمه اُول شهریده آماجیدیم دوزدی بیر معجره‌ده شامیده محتاجیدیم گئنه‌ده بیر زادا گلسیدی گمانیم والله قویمازیدیم آلیشا روح روانیم والله قویمازیدیم بالمون گل‌یوزی حسرتده سولا قویمازیدیم اورگیمده بو بویک نیسگیل اولا بیلمدیم دردینی ئوز مشکلوم ازبس چوخودی بیر زمان دردینی بیلدیم که‌علاجیم یوخودی شامین اهلی او قدر وئردی اذیت بالاما ئولدی آخرده وطن اولمادی قسمت بالاما 📝 حاج مهدی قلندری اردبیلی گوندرن محمدی