🌹سرود میلاد حضرت زینب(س) ✍بقلم استاد کربلایی رحیم شایان 🎼سبک: از صلابت نلت و ارتش و سپاه ما... ای ستاره آسمان علی خوش آمدی نور فاطمه در تو شد منجلی خوش آمدی نام نامیت همیشه زینت علی زنده شد ز همتت ولایت علی میلاد تو مبارک ای دخت زهرا میلاد تو مبارک ای ای دخت زهرا حجب فاطمه حلم مجتبی میوه دل و جان مصطفی تو روشنی بر شب تار ما تو مرهمی بر دل زار ما عید میلادت مبارک باد عید میلاد ت مبارک باد 🌹 ترکی ای گوزل آدی زینت مرتضی علی قیزی گوهر درخشان خیر النسا علی قیزی دینی ساخلیوب خانم شجاعتون سنون بیمه ایتدی شیعه نی اسارتون سنون میلادوندی مبارک ای دخت زهرا میلادوندی مبارک ای دخت زهرا دلبر بتول یاور رسول عاشق حسن خواهر حسین الستیدن عهده ایفا ایدن الهی بیر نقشی اجرا ایدن عید میلادون مبارک دی عید میلادون مبارک دی 🌹🌹🌹🌹🌹🌹 🌹میلادیه حضرت زینب سلام الله علیها ✍ بقلم استادکربلایی رحیم شایان ارومیه 🎼سبک :: استخاره کردم امشب قهرمان کوفه و شام ناجی قرآن وعترت یادگار خیر نسوان حامی دین و ولایت دلبر زهرا گلوبدی مفخر مولا گلوبدی عالمه زینت ویروبدی زینب کبری گلوبدی یا زینب یا زینب یازینب یازینب عالمه تا آچدی دیده فاطمه نور دو عینی خاندان عترت ایچره آختاروب تاپدی حسینی گوز گوزه تا که ساتاشدی گوزلرینون اولدی مستی خاطرینه دوشدی گویا عهد و پیمان الستی یا زینب یازینب یازینب یازینب امپراطور سخن دی بت شکن دی شیر زن دی زین ام و زین اب دی ظالمانی خوار ایدندی فخر نسوان جهان دی خطبه غراسی واردی آسمان فردور بو مولود شان استثناسی واردی یازینب یازینب یازینب یازینب 🌹🌹🌹🌹🌹🌹 🌹میلادیه حضرت زینب سلام الله علیها ✍بقلم استاد کربلایی رحیم شایان ارومیه مژده مژده گلدی زینب جهانه شهر یثرب بدل اولدی جنانه الله ویرمیش بونی پای مرتضایه حورا تبریک دیدی خیرالنسایه زینت نام علی زینب کبری گلوب دلبر و عشق حسن یاور زهرا گلوب میلادیندن مصطفی گلدی وجده حیدر ائتدی درگه حقه سجده آذین چکدی حور و غلمان بهشته زهرا گتدی عالمه بیر فرشته حافظ قرآن گلوب معنی ایمان گلوب یاور و دلداده شاه شهیدان گلوب نام پاکی نازل اولموش خدادن جاری اولدی چون لب مصطفی دن آچدی دیده آختاروب نور عینین آرام اولدی تا گوروبدی حسینین وارث خیرالنسا بنددل مرتضی گلدی امید حسین شیرزن کربلا ✨اَللّهُمَّ عَجِّل لِوَلیِّکَ الفَرَج✨

🟣 طول عمر مهم‌تر است یا عرض عمر؟! . . 🎙استاد عالی

‍ حضرت رقیه سلام الله علیها شاعر: استاد غفاری اردبیلی بانوای:مداح اهلبیت حاج سید روح الله پناهی ای بلبل شیرین سخن لایلای رقیه ویرانه ده مظلوم ئولن لایلای رقیه آدون قیزیم پاینده دی/سندن بیبون شرمنده دی ایوای رقیه/لایلای رقیه تپراقون اوسته یاتماای زهرانشانی سنسن عزیزیم زینبین آرام جانی قول باغلی اولدون شهرشامون قهرمانی ظالملری رسواائدن لایلای رقیه عشقون باشونداتاج اولار/عالم سنه محتاج اولار ایوای رقیه/لایلای رقیه اولدوزکیمی آخدون گجه ویرانسراده نسگیل اولاربومحنتون زین العباده قالدی سنون حسرت گوزون کرببلاده اولدی سنه غربت وطن لایلای رقیه دیداره دلبرگلمدی/قارداشون اکبرگلمدی ایوای رقیه /لایلای رقیه قالدی حسینیم قوملاراوسته پیرهنسیز کرببلاده نورچشمیم قالدی من سیز سنده گئدورسن وای منه قبره کفنسیز ئوزکوینگون اولدی کفن لایلای رقیه قلبیم سنه پیوسته دی/یات خرداجسمون خسته دی ایوای رقیه/لایلای رقیه مندن نه گوردون داشیمی آتدون عزیزیم اولدوزکیمی ویرانه ده باتدون عزیزیم کوسدون یاتان بختیم کیمی یاتدون عزیزیم قالدی چراغسیزانجمن لایلای رقیه قویدون منی دنیاده تک/دشمن ایچینده بی کمک ایوای رقیه/لایلای رقیه دوزدون فقط اوچ ایل قیزیم غم ماجراسین زینب بیبون چکدی ولی دنیابلاسین الله یتیمون مستجاب ایلردعاسین درگاه حقدن ایسته سن لایلای رقیه وئرسین منیم درمانیمی/غمدن قوتارسین جانیمی ایوای رقیه/لایلای رقیه

مداح اهلبیت حاج سید روح الله پناهی

نوحه حضرت ابوالفضل ع شاعر:مرحوم فرهادفکری اردبیلی بانوای:کربلایی منوچهرحسن زاده سینوبدی شهپریم - دوشوبدی اللریم هرایه گل اماندی قارداش گوزوم قانا بویاندی قارداش گل هارداسان هاردا- گوزوم قالوب یولدا سالوبلا شیروی کمنده یوخ ایندی قولاریم بدنده گل ایندی دلبریم - داغیلدی پیکریم عباندی محشریم سوزومدن وروبلا اوچ پر اوخ گوزومدن خجالتم سندن - ال اوز داخی مندن گتیرمه قیزلاری گلنده بو عرصه گاهه من ئولنده سولار گلون قارداش - سینار بلون قارداش منی گورنده توکمه قانیاش الون قالار بلونده قارداش گولر سنه دشمن - خجالت اوللام من ئولم بو حالی گورمیم کاش اوتورما باشیم اوسته قارداش آخور یوزه اشگیم - داغیلدی سو مشگیم بو غصه ده ایله سیخیلدیم یوز اوسته من یره یخیلدیم سو تک یره آخدیم - سو گتدی من باخدیم دیدیم الهی قالدی اصغر دوداقی تشنه دور سو ایستر دنن او جیرانه - او تشنه قربانه دونوب ره زمانه اوغلوم عمون بویاندی قانه اوغلوم گوزتلمه گلمز - شهید عشق ئولمز همیشه جاوداندی آدی شهید عشق و کربلادی #کربلایی_منوچهر_حسن_زاده #فرهاد_فکری_اردبیلی #به_یاد_داود_موذن_زاده #شادی_روح_سلیم_صلوات #پیشنهاد_دانلود #مداحان_اردبیل

نوحه علمدار کربلا سبک : ای گوزلریمون نوری.. گلدیم  یانووا   ایندی   قربانون  اولوم  عباس دور یاتما بئلیم سیندی  قربانون  اولوم عباس دردیمون  درمانی   لای لای  ابوالفضل گوزلرون قربانی لای لای ابوالفضل(2) ای  قانه   باتان  سرور   اکبرده   سنه   قربان گهواره ده   لب تشنه   اصغرده   سنه   قربان چوللرده   بو لشگر سیز   رهبر ده  سنه قربان دردیمون  درمانی   لای لای  ابوالفضل گوزلرون قربانی لای لای ابوالفضل(2) ای  یار  هواداریم  گوز  یولدا    قالوب    زینب ای غم گونی غم خواریم گوز یولدا قالوب زینب وای قولسوز علمداریم گوز  یولدا قالوب زینب دردیمون  درمانی   لای لای  ابوالفضل گوزلرون قربانی لای لای ابوالفضل(2) ای گوزلریمون  نوری قربان گوزیوه  قارداش بیر لحظه دانیش قربان شیرین سوزیوه قارداش یاخشی منی وابسته  ائتدون  اوزیوه  قارداش دردیمون  درمانی   لای لای  ابوالفضل گوزلرون قربانی لای لای ابوالفضل(2) قارداش   یولیوی گوزلر  بیر  عدّه  آدامسیزلار سقای لب عطشانیم یول اوسته دوروب قیزلار سن خیمه لره  گلسون  زینب  یاراوی   باغلار   دردیمون  درمانی   لای لای  ابوالفضل گوزلرون قربانی لای لای ابوالفضل(2) بو قورخولو صحراده  آرخام  ائلیم  آی قارداش والله کمکیم یوخدی سیندی بئلیم آی قارداش بو گوز لریوون  قانین  الان سیلیم آی قارداش دردیمون  درمانی   لای لای  ابوالفضل گوزلرون قربانی لای لای ابوالفضل(2) 🎼 اجرای سبک👇👇 #بانوای_حاج_علی_سیفی_افشار

نوحه حضرت علی اصغرع زبانحال مادر شاعر:کلامی زنجانی گوزلرون قربان ای راحت جانیم نیمه جان اوغلوم شش ماهه جیرانیم منده عطشان بالا لایلای گولوم لایلای سینه سوزانم بالا لایلای گولوم لایلای آغلیوب اوغلوم دنیانی آغلاتما آه سردونله زهرانی آغلاتما یات قوجاقیمده سقانی آغلاتما چوخ پریشانم بالا لایلای گلوم لایلای قوی اوغول دریا صحرالره آخسون یاندروب آهیم عالملری یاخسون میزبان ایچسون اما قوناق باخسون دیده گریانم بالا لایلای گلوم لایلای ایسته جان اما صود ایستمه مندن فاطمه جانی شرمندیم سندن آژ قالور یورقون روحیم چخا تندن مرغ بی جانم بالا لایلای گلوم لایلای آلتی آیدور من خو تاپمیشام سنلن ایله الفت بو یار فروتنلن یوخدی تقصیریم کوسه اوغول مندن گور نواخوانم بالا لایلای گلوم لایلای بیلمدیم دشمن سو یولارین باغلار حالیوی گورسه کیم سینه سین داغلار الده بوش مشگی سقا سنه آغلار من هراسانم بالا لایلای گلوم لایلای شاخه خشک اولسا گلدن گلاب اولماز باغبان آغلار قلبینده تاب اولماز عاشقون چوخدی هیچ کس رباب اولماز غرق طوفانم بالا لایلای گلوم لایلای

مداح اهلبیت حاج سید روح الله پناهی

یا رقیه (ع) ای نگهبان قاپیدا دور داخی گلمه قباقا / یورولوبدی بو رقیه دورا بیلمور ایاقا / باشی اول وضعیده وئرمزله سه ساله اوشاقا / سوز آچیلسا کیم اونا تسلیت الان وئره جاق /رحمسیز قلبی یزیدین گوروم آهیله دولا /گوندروب راس بریده که بالام ساکت اولا / هیچ دیمور، حیفیدی بو فاطمه ریحانی صولا / چوخ چتین مرحله دی جان دیمه آسان وئرجاق. / ائتمدی آه اسیران او نگهبانه اثر ،/ طبقی قویدی یره گیتدی سالوب قلبه شرر / اورتوگی گوتدی رقیه او باشا سالدی نظر / عاشقم من دئدی پاداشیمی جانان وئرجاق/ گل بابا یاخشی گلوبسن غربا محفلینه / اوجادی منزلتون باخ اسرا منزلینه / بالاوین گلمیه جاق شکوه حدیثی دلینه / دوزموشم غملره چون اجریمی سبحان وئر جاق / اوچ سوالیم وار ایا سبط رسول مدنی /اولا باشیوی کیم کسدی کیم ئولدوردی سنی / یوزوی کیم بویادی قانه یتیم ائتدی منی / بو جوابی منه کیم ای شه عطشان وئره جاق / جان یارالی بابا ایستکلی بابا خسته بابا / قانلی باشه وئره رم یر گوزومون اوسته بابا / نفسیم تنگه دوشوب قوی دیوم آهسته بابا / شستشو قانلی باشا دیده گریان وئره جاق.

باقری: ‍ عم اوغلی چوخ گول سارالار آغلاما خداحافظ بو سن بو ائو بو بالالار آغلاما خداحافظ بو ائوده هر درد و غمه سنده یانموسان منده یاتانمادیم چوخ گجه لر سنده آغلادین منده خیال ایله بیر گولودوق سنده سولموسان منده چمنده چوخ گول سارالار آغلاما خداحافظ عم اوغلی یانّام بو غمه اولدی درگهون مقتل بو نسگلون بسدی منه فضّیه دئدیم تئز گل منیم غمیم بسدی سنه قوی گئدیم بیر آز دینجل بو سن بو ائو بو بالالار آغلاما خداحافظ سنون بیله آغلاماقون قلبیمی ائله داغلور سنه باخور گول بالالار گوز یاشون یوزه باغلور گوزون یاشون توکمه بیله آغلاما حسین آغلور او آغلاسا دل یارالار آغلاما خداحافظ حسن بیلور کوچه غمون قویمادیم دیله سالسون او کوچه ده اولدی نلر روز محشره قالسون گرک گله مهدی بالام انتقامیمی آلسون گله حسین قانین آلا آغلاما خداحافظ اگر چه آز عمروم اولور نسگلیم منیم چوخدی ئورکده هر درد و غمیم قلبیوی دَلَن اوخدی ئوزون منی قبره آپار قارداشیم منیم یوخدی بو سن بو ائو بو بالالار آغلاما خداحافظ او ناگران گوزلرووه گوزلریم فدا اولسون من آغلورام آغلاما سن قویما گوزلرون دولسون بالالاریم نازینی چک قویما گوللریم سولسون تک ائوده قومیا قالالار آغلاما خداحافظ گجیله وئر غسل منه دفن ائله گجه یاری مزاریمی ایتگین ائله ای بلا گرفتاری مزاره قوی تئز گئت ایوه قویما تک بالالاری یولووی گوزلر بالالار آغلاما خداحافظ حسینیله زینبیمون غصه قلبینی داغلار حسینیم اللرده ئولر زینبیم باخار آغلار وئرنده جان گوزلرینی کیم حسینیمین باغلار عم اوغلی چوخ گول سارالار آغلاما خداحافظ

در وفات حضرت زهرا (س) آنا نعشینه دوشنوب حسین آنا وای دیوب حسن آغلادی کفن ایچره ایله سیزیلدادی باش اچیب اباالحسن اغلادی انا وای دیوب حین اغلادی ایکی شاهزاده‌ای خونجگر ایله گلدی شیونیله دیله ایکی اندلیب شکست ه. پر دیه سن گونوبدی سولان گله اولارین فغانی غم آرترور هامی بلبله گله سنبله یری وار دیم بو مصیبته گل و گلشن و چمن آغلادی حینینون ایلدی ناله سی کفن ایچره فاطمیه اثر آچیلوبدی بند کفن آچوب قولین اول بلا کش خون جگر ایله چکدی سینیه جان کیمی حسنینی توکدی سرشک‌تر خانمین او کشف کرامتین او جلالتین گورن آغلادی نه دلیله من ایلیم بیان نه ئمیش جلالت فاطمه سالوب اهل عالمی حیرته او جلال و شوکت فاطمه بونی بیر خدای جهان بلور که ندور شرافت فاطمه او شرافته او مصیبته ایدوب انجم انجمن آغلادی ایله بیر مجلله بیر خانم نه جهاندا کیمسه نشان ویروب ایله بیر جلالتی بیر کسه نه خدای کون و مکان ویروب بیله شان صاحبینه دیمه که بیر انی غصه امان ویروب النه کیمی آتا وای دیوب توکوب اشک دیده دن آغلادی او مقام و مرتبه صاحبی آتاسی خلاصه‌ای انبیا قولینی سالاردی گورن کیمی گوزی نوری فاطمه بویننا گهی سینه سین گه الین اوپوب//بالاما دیردی اوزوم فدا بو سوزی دینده گوردیلر او رسول ممتحن آغلادی بویوروردی سیز بیله بولمیون آتالیق محبتبن ایلرم بو محبت امر الهی دور من اونون اطاعتین ایلرم بیر علاوه مد نظر که بو بالامین مصیبتین ایلرم گترور ملال و مصیبته منی بو غم و محن آغلادور بو قدر مصیبت و غم چکن بو یقیندور عالمه گلمیوب آتادان سورا گئجه آغلیوب گونوز آغلیوب یوزی گولمیوب خبر صریحیدی بو خانم که شهید اولوب اوزی المیوب بدنینده صدمه ئیرین گوروب اوئیدی ابالحسن آغلادی بو خانم جوانه وفات ایدوب ایلیبدی ترک جهان جهان گیدوب او آز عمریله آغاروب ساچی بوکولوبدی قدی کمان گیدوب بدننده قمچیلرین یرین ایکی قولاریندا نشان گیدوب آتاسی بهشته گورن کیمی گویروب او گل بدن آغلادی ایلمشدی خاتم الانبیا اوزی امته بو وصیتی قویورام ایچوزده سیزون بوگون بو ایکی گرامی امانتی بریسی کلام مجیدیدی بریده همین بو اوز عترتی بو کلامی هر ایشیدن یانوب بو وصیتی ایدن آغلادی او وفاسیز امته باخ عجب عمل ایلدی بو وصیته توکولوب جفائیله اود وروب نجه گور او باب رسالته قیزی فاطمه دوتوب اودیانوب نه دیوم که دوشدی نه حالته او اسفلی حاله کناریدن نظر ایلین گورن آغلادی او حسینجانه نی حق گوروم اوزی پایدار ایده هر زمان واریدی{شهابیله}هر گئجه نچه یار هم دل و هم زبان سبب اولدی اوردا بو نوحیه او جوان سید نوحه خوان آناسی یقین نظر ایتدی کیم ایشیدن گورن بولن آغلادی اثر: مرحوم شهاب تبریزی

احوالات حضرت زهرا (س) ای سویگلی جانانیم اللرده ئولن زهرا قبره گیجه تابوتی گیزلینجه گیدن زهرا یاندون اریدون غمدن پروانه کیمین گیتدون گلشنده خزان ویرمیش ریحانه کیمین گیتدون بو شهریده سن قبره بیگانه کیمین گیتدون زندانون اولوب آخر گونلرده وطن زهرا قویدون منی آواره مقصوده ئوزون چاتدون آز اولدی گوزل عمرون صبح اولدوزی تک باتدون تپراقلارین آلتیندا نیلی یوزیلن یاتدون ایلر گونومی قاره بو درد و محن زهرا سن بیر گولودون مثلون عالمده دوبار اولماز سن عطریده هیچ گلشن خوش منظر و بار اولماز کیمدور دئیه بیر گولنن عالمده بهار اولماز مین فصل بهار اولدی طاهایه علن زهرا سننن صورا دنیاده واللهی پریم سیندی بیر ظلم ایلیوب ثانی رخشان گُهریم سیندی گوردوم سنی قان ایچره زهرا کمریم سیندی یوخ دردیمی دنیاده بیر کیمسه بیلن زهرا بو سینه ی سوزانی هجران اوخونا دلدون ای قدی کمان قبره سینونده یارا گلدون غم غصه دن آند اولسون ئوز جانوه دینجلدون یات قبریده آسوده ای غصه چکن زهرا حشره کیمی بو نسگیل یورقون سینمی داغلار گوز آلتی قیزون زینب مسماره باخار آغلار قویدون نه یامان یئرده زهرا قاپومی باغلار یوخ عرض تسلایه صد حیف گلن زهرا قان آغلارام اطفال بی یاره گوزوم دوشسه یا زینب مظلوم و خونباره گوزوم دوشسه ئوللم من اگر ایوده مسماره گوزوم دوشسه چاره م ندی بس نیلوم لطف ایله دینن زهرا بنذردی گوزل چهره اون دورت گیجه لیک ماهه تنگ اولدی فنا دنیا سن سیز اسداللهه سندن صورا حقیم وار دردیمی دیسم چاهه یخدی ایویمی قوم بی دین و فتن زهرا یاده سالارام دردون ای عشقیمه پروانه سن تک گله مظلومه هیهات بو دورانه ووردی یوزیوه ثانی بیر سیلی خصمانه مندن ایلدون پنهان رخساروی سن زهرا یوخ حیدرون عالمده بو زندگیه میلی غسلون ویریلن وقته اولمیشدی یوزون نیلی بیلدیم که ووروب ثانی گول صورتیوه سیلی سندن او زمان اولدوم خجلت زده من زهرا زهرا یوخوما بیر گل تجدید وصال ایله شرمنده عم اوغلوندان سن دفع ملال ایله ئوز حقّووی مولایه دنیاده حلال ایله سن سیز منه زنداندی هر باغ و چمن زهرا عزّت یولی عشقونده همّیشه فراز اولسون کیم وار منه دنیاده سن تک گول ناز اولسون سن ایله دعا عمروم سندن صورا آز اولسون سینمده گیدر قبره بو درد کُهن زهرا #فاطمیه مرحوم استادحاج فرهاد فکری اردبیلی