راه شام . بهزاد قاسمی . نه غریبانه دی عمه بیزه بو غملی هوا نابلددور بو بیاباندا قطار اسرا . . قورخودان تیترور الیم ، هی یوزه گوز یاشیم آخور ویر منیلن ال اله ، آی بی بی قلبیم داریخور . . گوره حاشا بو فلک بیز کیمی بیر در به دری آلتی آیدور دولانور قافله میز شهریلری کربلادنده چتین اولدی بو شامون سفری گزیروک چوللری آواره وطندن آرالی گئدوروک شامه بی بی ، سن یارالی من یارالی . . بو وفاسیز فلکه قلبیده وار چوخلی سوزوم بئله بیر ظلمیلی دنیایه نه نوعیله دوزوم یومولور آند اولا زهرایه ایاقه اوسته گوزوم سنیمی آل نظره ، غملریمون حدینه باخ اللریم اوسته منیم قمچیلرین ردینه باخ . . ظلمتین پرده سی حایلدی گجه گوندوزومه دوه لر آغلیور عمه منیم آغلار گوزومه نه گناه ایلمیشم سیلی ویروبلار یوزومه حاضرم تا ویرا مین سیلی منه قوم ستم تکجه بیر یول قویالار کهف اوخیان لب دن اوپم . . دوتولار گویده بولوتلار کیمی سینم گجه لر قورولار دایره عشقیده ماتم گجه لر تیره توپراقلار اولار دردیمه درمان گجه لر او گچن گونلریمی من گینه یاده سالارام اوتوروب اصغریمه هر گجه لایلای چالارام . . عاشقانه آچارام خاطره لر دفتریمی سالارام یادیمه شهزاده علی اکبریمی نازیلن سینه سینون اوسته یاتان گونلریمی گه گولوب گه دانیشوب ئوز ئوزومه گه دولارام بعضا ال باشه آتوب زولفومی بیردن یولارام . . منه دشمن وئره گر گویده کی مهپاره لری ساغالار فکر ایلمه قلبیده دیل یاره لری ایستورم اکبر آلان خیرداجا گوشواره لری چون او گوشواره ئورک یاره سینه مرهم اولور قانه ده باتسا گینه اکبریمون عطری گلور . . خیردا قیزلار گجه لر رسمیدی بعضا اویانار یوخی گلمز گوزونه کاسه صبری جالانار اوتورار صبحه جک اولدوزلاری گویلرده سانار منده اولدوز یرینه بسلیورم غم سسینی سایارام صبحه کیمین قوللاریمون یاره سینی . . ناقه لر اوسته منی ساخلاماق انصاف دگول یر تیکانلیقدی گرگ خاریله یولداش اولا گل قوی گزوم پای پیاده بو چولی ، آغلاما گول بو محال امریدی شخصیتیمی غم دئیشه بابا وای دیلده گرک شامه جنازه م یئتیشه . . سن خیال ائتمه ئورک ملک سلیمانی گزور یا ملکلر دولانان جنت الاعلانی گزور کربلادندی گوزوم منزل ویرانی گزور علتی وار او یری گورمگه قلبیم تله سر چون بابام قول وئروب شامیده دیداره گله . . یوخ سوزوم ایندی منیم دردیله یا شیونیلن آلتی آیدور یولا یولداشلیق ائدورسن منیلن نچه سوز وار ئورگیمده دئیورم من سنیلن قلبیمون غملرینی سنله گینه بولملیم بئله فکر ائلیورم شامیده من ئولملیم . . منه ویرانه اگر حشره کیمین اولسا مکان جان وئرن یرده منیم قبریمی قاز ائتمه فغان سویله سجادیمه وئرسون باشیمون اوسته اذان قویمامیش قبره ، قسم وئرم آخان گوز یاشیوا یارلی پیکریمی عمه دولاندیر باشیوا . . چک اول اللروی قمچی دگن اللریمه آغلاما یوللارا حسرتله باخان گوزلریمه گلسه غساله یقین غسل ائلمز پیکریمه قالما آواره علاج ائت گل نیلوفریوه کفن آختارما بی بی ، بوک منی ئوز معجریوه . . یوزومه یرده کی توپراقی سپن وقته دی وای بو گوزل اوخشامانی وئر هامی عالملره پای یارلی قبره گئدن نازلی رقیم لایلای بو بلاکش بالا یوللاردا چوخ اینجیتدی سنی قویما شرمنده ئولم عمه حلال ایله منی . https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr . #سبک_یارالی_جان_یارالی... شهریاریمسن آقا.... #راه_شام 🌴🍃🌴🍃🌴 #بهزاد_قاسمی #ترکی 🌴🍃🌴🍃🌴🍃🌴🍃🍃🍃🌴🍃🌴

https://eitaa.com/joinchat/23134443Ca4d0824f74 لینک کانال نوحه‌های ناب لطفاً با لینک کانال نوحه‌های ناب کپی کنید آیدی مدیر کانال @nohekr مجلس ابن زیاد - راه شام فرهنگ خدائی بخش 1️⃣ نکهت گلزار عزت زینبون آدینده دی وسعت بانگ شهامت نای و فریادینده دی صولت خون ولایت قلب ناشادینده دی زینبه دیل باغلیان دنیاده عزتمند اولار جام عشقین باشینه کیم چکسه غیرتمند اولار گوز آچان گوندن شجاعت لحم و بنیانینده دی بیر خانم دور کی علینین غیرتی قانینده دی مرتضی تک آسمانلار تحت فرمانینده دی عرشیده دلبند زهرا نون اقامتگاهی وار یردن آرتوخ زینبون گویلرده خاطرخواهی وار روحی وسعتلی سما، خورشید مشکاتینده دی شیر پنجه اللرون تصویری مرآتینده دی جرات و جهد و جسارت زینبون ذاتینده دی خلق ائدن خلقینده فرصت یوخ دیئم من نیلیوب زینبی الله خلاصه ، قهرمان خلق ائلیوب هیبت سیمای حمزه ، غملی سیماسینده دور غرش نای ابالفضل ، صوت غراسینده دی ذوالفقارون قدرتی ، الفاظ گیراسینده دی زینبی الله نه تنها بیر دلاور خلق ائدوب هم دلاور ، هم هنرور ، هم سخنور خلق ائدوب انبیا افکاری یکسر مغز باهوشینده دی قادریت رتبه سی الان دا سر دوشینده دی جوشش آتشفشانلار خون پر جوشینده دی آخدی باشیندن دیور راوی نجه قان کوفه ده آند اولا خون حسینه قوپدی طوفان کوفه ده اسکتوا سسلندی قاچدی چهره لردن رنگلر تک نه اینکه ساکت اولدی خلق بی فرهنگیلر ناقه لر بوینوندا حتی دوشدی سسدن زنگ لر همهمه یاتدی سوزون حیدر کیمی روشن دیدی نیزه اوسته قانلی باشلار زینبه احسن دیدی ال چالوب غرا چکن اوباشی تحقیر ایلدی کوفه فرمانده لرین خوار و زمین گیر ایلدی در حقیقت کوفه شهرین گلدی تسخیر ایلدی تارک تاریخیده یازدی حسینیم زنده دی حشر اولونجا کربلانون پرچمی پاینده دی قلب ناپاک عبیداللهه دوشدی ولوله ایستیوردی زینبون بیر جور الیندن دینجله کاسه لیسان پلیدین سسلدی تهدیدیله ویردی فرمان کوفه ده آل علی چوخ قالماسون بوندان آرتوخ شهره پیغمبر قیزی اود سالماسون هیچ اسیره اوخشامور ، سردار نام آوردی بو تک باشا حس ایلورم من ، بیر قوی لشکردی بو تا دیل آچدی صحبته فکر ایلدیم حیدردی بو بنذیور سیل خروشانه ، قاباقین سد ائدون بو بلای خانمانسوزی باشیمدان رد ائدون تا خبر گلدی ابالفضل ئولدی من ذوق ایلدوم جشن پیروزی قوروب اجلالیمه شوق ایلدیم کوفه ده حس غرور و شوق مافوق ایلدیم بیلمیوردوم هیچ قاباقدا باشیمون غوغاسی وار بیلمیوردوم هیچ حسینون آیری بیر عباسی وار هیچ ایله بول کربلاده ئولمیوب قارداشلاری داشلیوردی کوفه اهلی نیزه اوسته باشلاری خطبه غراسی توکدوردی اتکدن داشلاری عین صحبتده ایلیکی سسلدی ایوای ننه داش آتانلار یکسره آغلاشدی گلدی شیونه ئولدوروبسوز فخری وار عباس والا منصبی بعد از آنکه دوغرادوز یتمیش ایکی عطشان لبی قمچی آلتیدا گرک سیز ئولدوریدوز زینبی چوخ زمان چکمز بو زینب عالمی مبهوت ایدر سلطنت تختین یزیدیلن منه تابوت ائدر تا نه قدری مرتضانون قهرمانی زنده دی آل سفیانه حکومت جاده سی لغزنده دی خطبه سین گوردوم علیدنده بتر کوبنده دی مرتضی ، بوینون ویراردی ظالمون شمشیریلن زینبی اما وررور گردنلری تکبریلن باشلیا مجلسده قبل از اینکه غرا صحبتین تا منه ساری دولاندیردی غضبلن صورتین چهره سینده واقعا گوردوم علینی هیبتین عنقریب اولدی کتاب آرزومی قاتدییا رعشه دوشدی جانیمه آز قالدی باغریم چاتدئیا آل طاهایه ویروب حق منطق برنده نی پیش بینی ایلورم ... ادامه دارد ⬇️⬇️ #زینبیه_مدح #کوفه #راه_شام #مجلس_ابن_زیاد #فرهنگ_خدایی #ترکی🌴🍃🌴🍃🌴🍃🌴🍃🌴🍃🌴🍃 کوفه مجلس ابن زیاد - راه شام فرهنگ خدائی بخش 2️⃣ آل طاهایه ویروب حق منطق برنده نی پیش بینی ایلورم من ایندیدن آینده نی ئولمسه ایتسه تحمل محنت سوزنده نی شامه سالم چاتسا گر ، هند اوغلونون نظمین پوزار تک یزیدین یوخ، امیه نسلینون قبرین قازار الغرض آلدی علینین غصب اولا پاتختینی کوفه نون خوار ایلدی اول زاده بدبختینی باشینه مزدور دربارون چووردی تختینی آل اطهاره خانم عز و شرف کسب ایلدی کوفه بامینده حسینون پرچمین نصب ایلدی حبل غیرت گردن شامه دولاشدی کوفه دن شامه پرچم ویرماقا زینب یول آشدی کوفه دن سیل ویرانگر کانه شامه داشدی کوفه دن روز وشب طی ایلدی شامون بلالی یوللارون قمچی لر یوللار بوئی سالدی قوادن قوللارون خوش گون عمرینده گوروم اشرار کافر گورمسون یول نه یول ، ایکاش او یولدان هیچ مسافر گورمسون هیچ مسلمان شام یولون زهرایه خاطر گورمسون دردینون داغلار دل دنیانی ، تک بیش عمه سی حضرت مهدی بولور یولدا نه چکدی عمه سی بیر سوزوم وار راه شامون دردینون معیاریدی یول هله قالسین تیکانلیق یا کی ناهمواریدی آل اطهارین ز بس احوالی رقت باریدی استراحت وقتی با هم توپلاشیردی ناقه لر سس قوشوب بی کس ربابه آغلاشوردی ناقه لر

راه شام  گزورم چولی سیزیلدار ایاقیم یاراسی عمه گل اوزون یارامی باغلا الیوون فداسی عمه نیه تیز بی‌بی دویوبسان بو باشی بلالی قیزدان آتاسی گیدن الیندن اوره‌گی یارالی   قیزدان قاچان اللری باشیندا یورولان عزالی  قیزدان ئولنه کیمی آچیلماز باشیمون قراسی    عمه اوزولوب الیم بیلورسن نئجه آشیانلردن بدنیم منیم یورولدی بی‌بی تازیانلردن نیه یولدا سن آییردون منی نازدانلردن نیه کاروانون اولدوم غمه مبتلاسی عمه غم هجرووه دوزوم یوخ دوتولوبدی قلب پارم منی تک قویوب گیدوبسن گیجه گلدی اشکبارم هایانا گیدوب سیخیلام کسیلوبدی راه چارم گیدور آسمانه یردن اورگیم نواسی عمه دیورم یقین واروندور گله قارداشون قیزیندان کسولوب‌بوچولده‌ لطفون بله قارداشون قیزیندان چوخالوب غمی خبردوت هله قارداشون قیزیندان کیچیگه گلوب همیشه بویوگون عطاسی عمه بی‌بی باغبان غم ایلر اولا گلستاندا گل کم اورگیم دوتار دویونمه قاباقا دوشنده کولگم بو گیجه ئولوب قوتارام یوزیمی گورنمز اولکم خوش اولار سنون الونله قیزیوین عزاسی عمه قاچورام الیم باشیمدا سسیمه صدا ویرن یوخ دیورم علی‌اکبر عوضینده جان دیین یوخ یوزیمه آخاندا اشگیم گوزومون یاشین سیلن یوخ چوخ اولوبدی زندگیمده باشیمون بلاسی عمه فلک آغلادور ستمله گوزیمی آدامسیزا من اثر محن ساراتدی یوزیمی آدامسیزام من گورورم بو چولده تنها اوزیمی آدامسیزام من اورگیمی گتدی درده فلکون جفاسی عمه 📝▪️مرحوم معزی اردبیلی #راه_شام

‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام  👇👇

‍ #راه_شام شاجری لطف ایله خدایا کاروان دایانسون قویما بو رقیّه چوللّری دولانسون نصف شب بو صحراده کیم یتیشسین امداده رحم ایله الهی ( 2 ) سَسلَرم اماندور ای ایشیق ستاره دوشموشم اِئلیمدن ایندی من کناره قورخورام بو چولده ایله بیر نظاره یل اَسنده صحراده قورخوری بو شهزاده رحم ایله الهی ( 2 ) قاره تپراق الله بستریم اولوبدی یوخ یانیمدا عمّم گُل یوزوم سولوبدی قيز اوشاقیام تک هم اورک دولوبدی یوز ویرور بو ناشاده غم بو غملی مأواده رحم ایله الهی ( 2 ) نیزه‌لر باشیندا رأسلر دایاندی دورِ کاروانی عمّه‌سی دولاندی گوردی یوخ رقیّه اوندا قلبی یاندی وای دیوب گلوب داده خجلتم بو سوداده رحم ایله الهی ( 2 ) گوردی بیر خانمدی غصّه‌لی زمانی ساخیلوب قوجاقدا اول شیرین زبانی بو دیلیلن اُوخشور ای بتول ثانی تا گلونجه فریاده من وارام بو صحراده رحم ایله الهی ( 2 )

روضه راه شام شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین  یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب) #راه_شام

راه شام زبانحال حضرت رقیه (س) . . مرحوم انور اردبیلی . عمه جان دشمن سالوب محنت قطاریندن منی نجم تک سن آیری سالما غم مداریندن منی . . ای اسارت مکتبینده قزلارا آموزگار هانسی بیر قز من کیمی دنیاده اولدی خوار و زار شاخه می سندیردی گل تک تند باد روزگار آیری سالدی زندگینون نوبهاریندن منی . . آغلاسون آغلار گوزوم تک عمّه دنیانون گوزی قلبنی دوتسون یانان قلبیم کیمی محنت کوزی اؤزگه لرده بُؤلمسه سنکه بُؤلورسن بو سوزی آرتوق ایستردی بابام دار و نداریندن منی . . آشیانسیز بیر قوشام کیمدور یته امدادیمه مانع اولدی ساربانلار نغمه و فریادیمه اُفّ اولیدی آشیانیم یاندیران صیّادیمه بوشلادی بیراهه ده چنگ شکاریندن منی . . ظلمته دوتدی او گونکه عترت طاها گونی باتدی اسلامون چوخوریرده جهان آرا گونی ئولمدوم قالدوم سلامت حیف عاشورا گونی طالعیم قورتارمادی دنیا فشاریندن منی . . دقّتیله هر قدر ایتدوم نظاره یولّارا ردّوزی گوردم نقدری بُلمدوم گتدوز هارا رحم ائدون آخر منه اولدی ایاقلاریم یارا اینجدوب بیراهه یولار نیش خاریندن منی . . دردمندم تیکمشم گوز بیر سنون درمانووه جاندان آز قالدوم دوشم اولسون قسم اؤز جانووه نه الیم چاتمور بو صحراده سنون دامانووه نه خلاص ائتمور اجل اؤز انتظاریندن منی . . سهلدور عمّه ایاقیمدن آخور شدّتله قان پردۀ خاک سیاهیله یوزوم اولموش نهان توز دوتان آئینیه تشبیع ائدوب دور زمان گور نه گرد آلوب ائدوب صحرا غباریندن منی . . مونسم خار مغیلانیله خوار اگلشمیشم دوشومشم دلدن یول اوسته انتظار اگلشمیشم بختیمه یوخ لطفووه امید وار اگلشمیشم گل حساب ائت لطفوون امیدواریندن منی . . سنّمه نسبت بی بی چوخ چوخ بلالیمیش باشیم صورتیم آئینه سینده لکّه سالمش گوزیاشیم من مگر صحبت ائدنده جان دیمزدی قارداشیم با کنار ایلردی بیر لحظه کناریندن منی . . وای منه هر آن منه قربان دینلر هاردادی ؟ بلبل خوش لفظ و خوش الحان دینلر هاردادی کَلمَمَه قیمت وئرنلر جان دینلر هاردادی یوخدی بیر کس قورتارا غم زیرِ باریندن منی . . غصّه سرگردانیَم عالمده هجران یولداشی ساقه سی سنمش گولَم خار مغیلان یولداشی روزگار اکبر غمین ایتدی منه جان یولداشی سالدی عالمده جلالت اعتباریندن منی . . خط سیرین سیر ایدوب مغربده باتدی آفتاب دولدوروب بو قورخلی دشتی سکوت انقلاب تترورم سیماب تک قلبیمده واردور اضطراب چخمیوب آی قورتارا ظلمت حصاریندن منی . . دامن صحرا قرانلوق گورسنور من قورخورام یل اسور خار مغیلان ترپنور من قورخورام تار زلفیم تل به تل قالخور اَنور من قورخورام ترسناک ایلور طبیعت اقتداریندن منی . . آغلاماق جرم اولسا ای عمه یتیمه قزلارا ایلورم پیمان ئولونجه ائتمرم آه و نوا قلب بی روحیم تک اولام من همیشه بی صدا سنده قویمازسان بی بی گوز اختیاریندن منی . . گرچه زحمتدور اؤزون گل ایلورم من التجا یا بی بیم کلثومی گوندر ایلسون غمدن رها زجر گلسه مانع اول گلسه اگر او بی حیا اینجدور یولّاردا زجر و انزجاریندن منی . . صورتین گورسم اونون غیظیله اولام زهره چاک هم او نالمدن گریزان هم من اوندان بیمناک آچسا بئلدن قمچیسین یوخ طاقتیم ایلر هلاک کم قیلار فوج اسیرانون شماریندن منی . . #انورم گر چه نصیبیم اولمیوب جاه و جهان واردی حمدیم حق تعالی لطف ائدوب طبع روان بزم عرفاندا ائدوبدور همدم صاحبدل ... #انور_اردبیلی #ترکی #راه_شام #سبک_زینبم_جان_اوستیم #عمه_جان_دشمن_سالوب_محنت_قطاریندن_منی #مردان_جاوید_انور 🌴🍃🌴🍃🌴🍃🌴🍃🌴

راه شام زبانحال شامه کاروانیم یاخینلاشیر قیل اوزون عنایت اخا منه ایسته حقیدن بو چتین زمان شرح صدر ائتسین عطا منه شامین اهلینین وار پیمبرین اهلبیتینه دیلده کینه سی چوخلار ی آتام حقیینی دانیب واردی نا مناسب رویه سی اگهم ولی حق بیانینین واردی اهل حقه هزینه سی گلمیشم سنین حقیوی الام فخر ائده اتام مرتضا منه گلمیشم قولی باغلی شامیده حقیوی هویدا ائدیم گئدیم کربلاده قانلی قیامیوی خلقه شرح و معنا ائدیم گئدیم عالمه یزیدی تانیدیریم اشقیانی رسوا ائدیم گئدیم منده وا ر دوزوم شکوه ائتمرم هر نقدری دگسه یارا منه باشدا قاره معجر سپاهیله گلمشم اخا فتح شام ائده م شامین اهلینین اشک و اهیله روزگارینی تیره شام ائده م اوچ یاشیندا زهرایه بندری اوز یئریمده قائم مقام ائده م ظلم اشقیادن یورولمارام شامل اولسا لطف خدا منه نیزه اوسته هردم نظاره ائت خسته جان پریشان رقیه مه یوردی ساربانلار عزیزه می وردی قمچی هر آن رقیه مه هر زمان یئتیشسه خرابیه گل یارالی مهمان رقیه مه گوزیاشی توکور اختاریر سنی دردینی دیور بو بالا منه باشیمین بلاسی قوتارمییب مجلس یزیده کرگ گئده م سنده گل منه مونس اول اخا من گرک بو ظلامی خوار ائده م خیزران دولانسا او بزمیده بیلمیرم او احوالیده نئده م کوفه دن گوزوم قورخوری گوروب خیزران جفانی روا منه ۱۴۰۲ #محمد_هوشمند #مدهوش #راه_شام @hushmand

#مطالب ویژه شب شهادت حضرت علی اکبرعلیه السلام راه شام زبانحال حضرت لیلا (س) . مرحوم معزی اردبیلی . چیخوبدور کوفه دن لیلا گلوب افغانه یوللاردا باخوب سر نیزیه قلبی دونوبدور قانه یوللاردا . گوروب دلبندینون باشین چکوبدور آهی آه اوستن بالانین محنتی گتدی آنانی جانه یوللاردا . دیدی ای یوسفیم یومما گوزون حالی پریشانم تکان ویر بیر قدر قانه باتان مژگانه یوللاردا . فلک اون سگّیز ایل قویدی باخام رخسارووه اما صورا دنیانی دوندردی منه زندانه یوللاردا . منیم شمع حیاتیم سن آماندور تز جدادن اَن دولانسون باشوه بیر آز گِنه پروانه یوللاردا . اَسوب یل کاکلون سرنیزه ده اولموش پراکنده نه خوشدور زلفووه ویرسا کنیزون شانه یوللاردا . گلوبدور باش یاروندان قان دوزولموش ماه رویونده یوزونده خشک اولان قان بنذیور مرجانه یوللاردا . ایدوب حُسن عالمی یکسر مسخّر لشکر زلفون کنار ایله باخوم بیرده رخ رخشانه یوللاردا . چیخاندا نیزیه باشون کأنّه آی چیخور سیره باخور افسرده اولدوزلار مهِ تابانه یوللاردا . فلک جان شیشووی چالدی عداوت داشینه بیر دن نظر قیل گور نجه آغلار نچه دُردانه یوللاردا . هانی هاجر گلوب باخسون منیم تک هاجر عصره نه نوعی وورموشام زینت گوره قربانه یوللاردا . دریغا یوسف عصری چکوب بازاره شام اهلی ساتوللار گور نه نوعی قیمت ارزانه یوللاردا . ولی کیمده نه جرأت وار حسینون یوسفین آلسون خریدارم ئوزوم من یوسف دورانه یوللاردا . دیدیم گر چه گوزون یونما ولی یوم مشتری چوخدور آلا گوزلر نهان اولسون باخور بیگانه یوللاردا . یقین ئولم آلنسا قانلی باشون نیزه داروندن ایویمی یخماسن باخما من نالانه یوللاردا . آپارسا هر یره دشمن منی گل سنده دیداره گجه صبحه کیمی سنلن قوروم غمخانه یوللاردا . دیللّر ظالمی آنی یخار بیچاره نین آهی چکوم آهی سالوم اود عالم امکانه یوللاردا . آنالیق مهری جوش ایلراورگیم برگ تک تیترر ترحّم ایلین یوخدور دل لرزانه یوللاردا . طبیبا ناقه اوستونده مریض بی علاجم من منی محتاج ایدوب دردو غمون درمانه یوللاردا . دعا من ایلرم آمین دییَر نازلی رقیّونده باشون تا اولمیا مهمان دنی انسانه یوللاردا . ربابون اوغلی اللرده ئولوب بیلّم چیخار جانی پریشان گوزلری دوشسه قوزی جیرانه یوللاردا . #راه_شام #چیخوبدور_کوفه_دن_لیلا_گلوب_افغانه_یوللاردا #معزی_اردبیلی

#راه_شام #زبانحال_حضرت_رباب_س رسم عالمدور گولی آفت خزان اِیلر علی گر گوله یِتسه خزان بلبل فغان اِیلر علی نوک نٕی ده ای منیم آفت گورن پَرپَر گولوم یا منی دیندیر جِدادن، یا دعا اِیله ئولوم گورسَنوب مَندن قصور آیا، بویور تا من بولوم ؟ کیم آناسیندان اورک دردین نهان اِیلر علی گل عذارونده واروندور قرمزی قاندان نقاب سَسلیرم سَس ویرمیسَن قلبیم اولور غمدن کباب بیر دئمورسَن آیریلقدان آز قالور ئولسون رباب عاقبت تیر غمون قلبی نشان اِیلر علی سن اوزون نوک جداده اِیلیسن طیّ طَریق عشقیوه حیران قالوب پیغمبر عهد عتیق منده عریان ناقه ده بحر مصیباته غریق صبریمی آخر مصیباتون تالان اِیلر علی اِیلوسن زُمرهَ ملائکله جِداده قیل و قال ای منیم اِیستَکلی دلداریم اگر تاپسان مجال نیزه دن باخ گور نجه، قَدیم اولوب هجرونده دال آیریلیق دردی یاماندی باغری قان اِیلر علی بولمزیدیم اوچ پر اوخ آمالیمی اِیلر هدر اوخلانارسان قلب میداندان گلَر غملی خبر هیچ بولورسن اوخلانان دَمده اوغول چَکدیم نَلر ناگهان گوردوم که عَمُّون الامان اِیلر علی بیله فکر اِئتمه که من، سَن اوخلاناندا بيلمدیم نچّه یول ئولدوم دیریلدیم کیم دِئیر من ئولمدیم کربلایه تا قدم قویدوم او چولده گولمدیم اِیستسه هر نِینَیه دور زمان اِیلر علی اوچ گیجه گوندوز او چولده اِیلدوخ آه و نوا سن سویا خاطر ولی من شدت غمدن بالا تیتریردی ناله میزدن سرزمین کربلا کیمسه بیز تک ناله اوچ گون، همزمان ایلر علی کربلاده سو دالیجا کیم دئیر که قاچمادیم یا غمونده تیر غم بو داغلی قلبه ساچمادیم نیسکیل اولدی باغلادیم قولارون امّا آچمادیم بو غمه دل داشدان اولسا گور توان اِیلر علی آلدی تا مَندن سنی اول سرور و سالار عشق باغرینا باسدی او لحظه قُلزم ذَخّار عشق باشلانوب سَنله دوباره گرمی بازار عشق عهدینه ایفا اِیدن سود و زیان اِیلر علی تا سَبوی عشقیله، ساقی مَستان اولدی مَست قانیوی آتدی گویه میداندا پیر می پرست لازمیدی اولسون امضا نامه روز اَلست هر گون آخشاملار شفق شرحین بیان ایلر علی

‍ راه شام زبانحال حضرت رقیه کوفیان گور نجه یاندردی منی اشک محنتله بویاندردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم #کوفیان_گور_نجه_یاندیردی_منی #راه_شام #رقیه فایل صوتی👇👇👇

https://eitaa.com/nabnohe1 لینک کانال نوحه‌های ناب آیدی مدیر کانال @arndar 📝 اثر ماندگار و بی نظیر ✅ #استاد_مرحوم_انور_اردبیلی ___________________________ غروب اولاندا گیدر قلبیدن قراری یتیمون قرا گیینده هوا قالماز اختیاری یتیمون شفقِ رنگ طلایی گییر لباس شبانه توکرسرشگین‌ایکی‌چشم اشگباری یتیمون هزار هزاریه نسگل اولور سرود عزاسی هزار درده دونر دردی از هزاری یتیمون ائدر یول اوستونی دیواریلر کنارینی مأوا گر اولماسا ایوی‌آرتیق اولارفشاری یتیمون ساتار گلیب گیدنه دُرّ اشگینی آلان اولماز عیاریدن کم اولار دُرّ پر عیاری یتیمون گوتورور عکسینی عکاس عالم ملکوت پوزار ملکلریده غملی یادگاری یتیمون یوخوسی‌گلسه‌قولون‌بالش‌ائلیب‌گیدر هوشه دوشر نظردن ایکی نرگس خماری یتیمون دارار قرا تللینی لای لای دییر قره یللر یل اسدیقیجا گیدرطره‌دن غباری یتیمون اوجا‌سسی اشیدردیسگنردوراریوخوسوندان اورکده وحشتی آرتار بلای دچاری یتیمون گینه‌ده‌اوغلان‌اوشاقی‌اولا نه‌قصه‌سی واردور دوزر بلایه اولار غمله سازگاری یتیمون آتاسی‌ئولسه‌اوغولدان‌قیزا موثراولار چوخ آنا باجینی کباب ایلر آه و زاری یتیمون دوشرنه‌حاله‌بوقیزساربان‌قویوب‌گیده چولده اوزه ائلیندن الین بوش قالا کناری یتیمون گوزون‌آچوب‌یوخودان‌پهن‌دشته‌اتدی نظاره گوروبدی‌کوچ الیوب‌مقصده‌قطاری یتیمون اگرچه آج‌سوسوزیدی‌غذاده‌چیخدی یادیندان مدار غصده تنگه دوشوب مداری یتیمون صاقا‌صولانچه یول عمه‌عمه سسلدی قاچدی دیدی‌هایانداسان ای‌غم‌گونونده یاری یتیمون سسِنه‌اولمادی‌سس‌اوزسسین‌ایشتدی‌اوچولده اوزون یوروب آزالیب قدرت فراری یتیمون قدم آتیب بو قیزون نیش‌خار ایاقینی اوپدی اورک قانی ایاقیندان اولوبدی جاری یتیمون کسیلدی‌چاره‌او یورقون‌بالایول‌اوسته‌اوتوردی دوشوب خیالینه اوز شهری اوز دیاری یتیمون گویول‌قوشی‌پر آچوب اکبرین اتاقینه گیتدی گوروبدی اوردا دگول قاره گوز نگاری یتیمون کمال یأسیله یوز دوندریبدی راه دمشقه دیدی‌گیدیب بویولی شامه‌غمگساری یتیمون هایانداسان‌علی‌ایستکلون‌اولدی‌چوللر اسیری نه‌قورخولی یره‌گل‌گور دوشوب‌گذاری یتیمون آتام بابام کیمی سنده علی یتیمه نواز اول محبته واردی سندن انتظاری یتیمون بی بی لریمه گلایه ایله منیم عوضیمدن آزالدی تز نه سببدن گور اعتباری یتیمون اوزوم‌یوخودان‌اویاندیم‌نه‌چاره‌بختِم‌اویانمور اویانسادا دی گوروم بختینون نکاری یتیمون اثر ایدیبدی سوزی پهلو شکسته فاطمیه پوزوبدی حالتینی حال انکساری یتیمون گلوب‌بوخیردا‌قیزون‌باشینی‌دیز‌ اوستونه آلدی ئوپوبدی لبلرینی مادر کباری یتیمون جمالینه توکولن تللرین اویان بویان ایتدی مجسم اولدی نظرده صولان عذاری یتیمون دچار ثانی اولوبسان بویوک ننون کیمی سنده اونا چتین یتیشه تیره روزگاری یتیمون گوزوندن‌اشگیوی‌سیلم‌بوچولده‌همدمون اولام دوزنمرم قالا تنها سینا وقاری یتیمون بالا داریخما شامه گیدنلر گللر سراغیوه الان که چوخدی غافله ده یار هوشیاری یتیمون بوخرداقیز اوخانوم‌عورتین اشیتدی کلامین دیدی گمان ایدیرم آرتدی افتخاری یتیمون بی‌بیم‌کیمی‌بوخانوم دم‌بدم‌ئوپور دوداقیمدان ایکی گوزوندن ایدیر اشگینی نثاری یتیمون بهشت عطری گلور حوریدی گلوبدی بو دشته ملکدی یا کی گلوب اولدی یار و کاری یتیمون اگر بو حور و ملکدور نیه قرا گییونوب عجیبه غصه‌لیدور مونس فکاری یتیمون غریب آتامون آدین ازبر ایلیوبدی دیلینده چوخ آشنادی بونا باب تاجداری یتیمون گوزلدی گوزللری عینا بی بیمه بنظری واردور باخاندا گوزلرینه قالمور اختیاری یتیمون مدینه اهلیدی اولما دوشوب گذاری بو چولدن عجب کمک یتیروب آفریدگاری یتیمون تانیمورام ولی بو دیندیریر منی اوز آدیملا نه‌غصه‌سی وار اولابیله غصه‌خواری یتیمون اورکلنوب‌دیدی‌بیردن‌خانم گلورسن هایاندان فدا بو گوزلریوه قلب پر شراری یتیمون سنون بو یاخشیلیقون لازم هدیه دی نیلوم نه‌واردی قولباقی نه‌واردی‌گوشواری یتیمون بیزیم‌قبیله‌میز اهلی‌سخادی‌ایش‌بیله دوشدی اولان‌بوگوزیاشیدوریوخدی‌آیری‌واری یتیمون من آغلورام بابامین باشینی ووروبلا جدایه آتاسی ئولسه اولار اوخشاما شعاری یتیمون سنون‌ئولوبدی‌کیمون‌آهون‌اوستن‌آه چکیرسن باخور سنه چوخالور درد بیرشماری یتیمون نفسون‌اوتلیدی‌قدین‌خمیده ساچلارین آغدی قرا گونون قره ائتمه به حق تاری یتیمون جواب وئردی منه فاطمه دیللر عزیزیم شریک محنتیوم جداً آری آری یتیمون بالام حسینه جگرگوشه سن بویوک ننووم من منه موثر اولار بزم سوگواری یتیمون بیبوندن ائتمه گلایه قیزیم بیبونده نه چاره فلک یوروبدی اودور مام بردباری یتیمون (التماس دعا) #راه_شام #حضرت_رقیه کانال🚩یاران عاشورا🚩 ✅ جهت عضویت اینجا را کلیک کنید. ┏━━ 👇👇🔰👇👇 ━━┓ 💜 https://eitaa.com/nabnohe1 لینک کانال نوحه‌های ناب آیدی مدیر کانال @arndar 💜 ┗━━ ⚜⚜⚜⚜⚜ ━━┛ 🎤 اجرای ماندگار توسط استاد‌ حاج داود علیزاده اردبیلی👇👇