رجز روز عاشورا شاعر :ناصر دوستی زنجانی ########### گیوب قاره بوگون عالم حسینه دوتوبدی شیعه لر ماتم حسینه بوگون قان آغلیری پرچم حسینه دوتوبدی بزم غم آدم حسینه ###################### سماده قاره پوش الموش ملک لر قوروبلار مجلس ماتم فلک لر حسین وای سسلنیر قاره لچک لر بوگون دریاده قان آغلیر سمک لر دوتوبدی بزم ماتم یَم حسینه ###################### دوشوبدی اضطرابه طاقِ اَطْلَس ایدیبدی لرزه اول طاقِ مُقَرْنَسْ یاخیب قلبین غمِ سُلطانِ بی کس اولوب ماتم لباسینه مُلَبّس نثار ایلیر گوزی شبنم حسینه ###################### چکیب لر وای بوگون قاره بهشته قان آغلیر وا حسین سسلیر فرشته اورکلر غمدن اولموش رشته رشته کسیک باشی گیدیب مهمان کِنِشته دوتوب بزمِ عزا خاتم حسینه ###################### مینیب نوح نبی فُلکِ نجاته دوشوبدی نَفْسی گردابِ مَماته دوباره اَل تاپوپ رمزِ حیاته یتیردی قلبینی مرزِ ثُباته سلام عرض ایلیوب هردم حسینه ###################### قویوب حیراندا اَنفاسِ مسیحی یقین اعجازِ شش گوشه ضریحی قوجاقیندا اوشش ماهه ذبیحی اَیاقی آلتدا پیغمبر شَبیهی ایدَر فخر عیسیِ مریم حسینه ###################### خداوندین او نورِ بی کرانی مُنَوّر ایلیوب ظلمت سَرانی بویوردی "هَلْ تُریدُ اَنْ تَراني"؟! کَلیمُ اللّهَ سویلوب "لَنْ تَراني" عیاندی خالقِ اَعْظَم حسینه ###################### حسین اولدی وسیله اول خلیله کی ایتدی واسطه ربّ جلیله به اذنِ اللّهِ رحمان بو وسیله گلستان ایلدی ناری خلیله ایدیب کُرنِش خلیل اول دم حسینه ##################### حسین اللّهدان امداد ایستیوبدی شهادت کوینگین آخر گیوبدی مرتّب "ربِّ نَجِّنّي..." دیوبدی گَجِیْلَن یثربی تَرْک ایلیوبدی دیوب یوخ بوردا بیر مَحْرَم حسینه ###################### اوچومجو اخترِ بُرجِ ولایت مُصمّم، ایلیوب عزمِ شهادت مماتی گورمیوب غیر از سعادت باتوب قانه چوخور یرده نهایت اولوب تیغ و سِنان همدم حسینه ###################### آخیب قان سِیلی تک حَق قُلّه سیندن عدو بیم ایتدی قانلی حُلّه سیندن اونون "هَیْاتْ مِنَّ الذّلَّه" سیندن اَنوب اللّهدا عرشین پِلّه سیندن دیوبدی مرحبا هردم حسینه ###################### حسیندی طَمطَراقِ "مَنْ تَزَکّی" دیوب قان ایچره با حالِ تَباکا "تَرَکْتُ الخَلْقَُ طُرّاً في هَواکا وَاَیْتَمْتُ العَیالْ لِکَیْ اَراکا مرتّب اوز ویریبدی غم حسینه ##################### تاپوپ زینب چوخور یرده حسینی گوروب بی سر او نورِ خافقینی گوروبدو یاره لی اول قبله تینی باسیبدی باغرینا نورِ دو عینی ایدیب گوزیاشینی مرهم حسینه ###################### حسین جانِ نبوّتدی نبوّت حسین نور ولایتدی ولایت حسین کان سخاوتدی سخاوت حسین بحر کرامتدی کرامت ایدر تعظیم مین حاتم حسینه ###################### گیوبدی" دوستی" زهراده قاره اولوبدو قلبی غمدن پاره پاره او داغلی سینه سینده واردی یاره دوتوبدی عَدنیده بیر سوگواره قان آغلار بضعه ی خاتم حسینه ###################### #رجز #####################

# شاعر #ناصر_دوستی زنجانی #رجز #تضمین_هانسی_گروهین_بله_مولاسی_وار ############## شیعه بوتون فخر ایدر عبّاسینه اشجعِ ناس و شَرَفٌ النّاسینه کان مروّت، کرم آقاسینه گوزدن آخان بی بدل الماسینه غیرتینه، عشق و تولّاسینه دشمن حقدن او تبرّاسینه ###################### یوزده اونون نور تجلّاسی وار دیلده اونون عشق و تولّاسی وار حیدریدی،حیدری احساسی وار حیدریدی، حیدری انفاسی وار گول دی علی تک دل حسّاسی وار فاتح دریا دلِ دریاسی وار ساقیِ تَف منصبِ سقّاسی وار (هانسی گروهین بله مولاسی وار شیعه لرین حضرت عبّاسی وار) شیعه بوتون فخر ایدر عبّاسینه ##################### اُلفتی وار عطر گل یاسینه فخر ایدر آی زهره ی زهراسینه باشین اَیَر رهبر والاسینه جانین آتار مَقدمِ مولاسینه احسن اونون حیدری انفاسینه غیرتینه، حیدری احساسینه همّتینه، اول دلِ حسّاسینه نهر فرات اوسته او غوغاسینه فخر ایدر "عالم شَهی" سقّاسینه اشجع ناس و شرفٌ النّاسینه آخرتین ساتمادی دنیاسینه یتدی اوزون عشقیله عقباسینه احسن اونون اول دلِ دریاسینه هرزه علف لر بیچلیب داسینه ویرمز امان دشمنِ نَسناسینه لعنت اولا قاتلِ خنّاسینه شیعه بوتون فخر ایدر عبّاسینه (هانسی گروهین بله مولاسی وار شیعه لرین حضرت عبّاسی وار) ###################### هر گولو سانما کی گل یاس اولار بیرده مگر حضرت عباس اولار کیمسه ابوالفض کیمی حسّاس اولار کان مروت یَمِ احساس اولار اشجع ناس و شرفٌ النّاس اولار مثل علی حیدری انفاس اولار تیغی الینده ایتی بیر داس اولار قاتل مین مارد نسناس اولار تیغی اجل تیغی دی الماس اولار بیرده مگر حضرت عبّاس اولار شیعه بوتون فخر ایدر عباسینه (هانسی گروهین بله مولاسی وار شیعه لرین حضرت عباسی وار) ############## #ناصر_دوستی #رجز #تضمین_هانسی_گروهین_بله_مولاسی_وار

#شاعر استاد ناصر_دوستی دوستی زنجانی #رجز ############ یا حسین ای مفخر عالم سلام اولسون سنه یادگار حضرت خاتم سلام اولسون سنه یاحسین ای اشرفِ نوباوگانِ بوالبشر افتخار حضرت آدم سلام اولسون سنه تاج "کرّمنا" قویوبدی باشیوه "حَیّ قدیر" سسلیوبدی خالق اعظم سلام اولسون سنه ای چکن نوح نبینی ساحله گردابیدن ای آدی فُلکِ نجا هردم سلام سلام اولسون سنه منجی عیسی سن اولدون دارِ دِهْشَت باریدن ای مراد عیسیِ مریم سلام اولسون سنه سن خلیله آتشی "بَرْداً سلام" ایتدین اودم ای ایدن دین پایه سین محکم سلام اولسون سنه سن کلیمُ اللّهَ ایتدین طور سیناده کمک اولدون اول موسایه چون همدم سلام اولسون سنه سن حسین خیرُ الوَراسن،سبط ختم المرسلین ای گُلِ پیغمبر اکرم سلام اولسون سنه پادشاه ذوالکرم سن، سن کرم دریاسیسان ریزه خواریندی سنین حاتم سلام اولسون سنه محرم اسرار قرآنسان حریمُ اللّهیده ای خدا اسرارینه مَحرَم سلام اولسون سنه کربلاده ای ویرن یتمیش ایکی ذبح عظیم یاحسین ای قایدِ اعظم سلام اولسون سنه ای چوخور یرده سوسوز اوز قانینی قوربان ویرن ای آخان قانی چوله چون یم سلام اولسون سنه ایندیده قان ایچره نخلستان غمده سَسلیری دم به دم اول فاتحِ علقم سلام اولسون سنه کربلاده تُربتین خاک شِفادیر یاحسین صاحب بو مجلس و پرچم سلام اولسون سنه یا حسین ای "دوستی نین" دردینی درمان ایدن صاحب بو مجلسِ ماتم سلام اولسون سنه ############# #ناصر_دوستی #رجز #####################