ای عمه سینون زینت آغوشی رقیه پوزقون چمنون بلبل شیداسی رقیه **** تحلیله گئدیدی بله جان وتن ئولیدیم قازمیدیم الیملن سنیچون مدفن ئولیدیم ایکاش رقیه سن اولنجن من ئولیدیم اولمیدی یرون تپراقون آغوشی رقیه **** یانام غموه چوخ ایلدون بیرگئجه شیون علت خبرآلدیم نیه چوخ ناله ائدورسن آهسته قولاقیمه دئدون عمه آجام من پوزدی منی اول کلمه سرگوشی رقیه   ای قارداشیمون نازلی جگرگوشه سی لایلای اللرده قالان خرداجا گوشواره سی لایلای غربتده ویرن جان وطن آواره سی لایلای لایلای بالا ای تیرجفا توشی رقیه *** بوشامیده حشره کیمی پاینده دی قبرون آفاقه اولا قبله برازنده دی قبرون من فتح ائلدیم شامی نماینده دی قبرون لایقدور اولا باش توکی روپوشی رقیه * گل یاپراقی تک شمری گورن وقته اسردون ناچارقالوب رشته گفتاری کسردون اکبریاننا گئتمگه سن چوخ تلسردون دورعهد و وفایه ائله همدوشی رقیه **** گئیمیش هامی قاره ائدیروک عزم مدینه البته گلر دیدیمه صغرای حزینه حتما ال اتوب باشه الار زلفین الینه گورسه بوقدر جمع سیه پوشی رقیه #نوحه سینه زنی👌👌👌 #شیخ مسلم جعفری #ترکی التماس دعا https://eitaa.com/osoolemaddahi_ir

آچ گؤزون غملی باجون قبروه زائردی حسین زینبون قلبی یانور خسته مسافردی حسین دوشموشم مدت اولورسننن آرالی یارالی گز میشم شهری لری باشی قرالی یارالی   من دیییردیم کی گلن قبرون اوسته چوخ اولار اربعیننده حرم اهل ولائیــــــــــــــــله دولار  ناگهان گوردوم عطیه باشین حسرتله یولار باجون اولسون قوناقین بیر قوجا جابردی حسین #شیخ مسلم جعفری #روضه اربعین #ترکی https://eitaa.com/osoolemaddahi_ir

ای شوق وصالینده ئورکلر تلسن گل ای حسرتینه امتی گؤزیاشلی قویان گل چوخداندی ئورکلر تلسور بغض گلوده چیخ کعبه دن ای امتینه ناز إیلین گل چوخداندی علینون قاپوسی باغلی قالوبدی ای ریشه ی بیداد و ستمکاری کسن گل چوخداندی آنان فاطمه نون قبری تانینمیر ای فاطمه نون غملی مزارون تانیان گل لطف ایله روحه صفا وئر یابن زهرا بیر برات کربلا وئر،یابن زهرا یابن زهرا هرگؤزلدن سن گؤزلسن یابن زهرا یابن زهرا ابر غیبتده دایانما،منتظرلر جانه گلدی لطف ایله روحه صفا وئر بیر برات کربلا وئر #مدح آقا امام زمان عج #شیخ مسلم جعفری #ترکی https://eitaa.com/osoolemaddahi_ir