❣﷽❣ ⚫️ سینه_زنی_حضرت_زهرا_س 🔳 غسل تدفین 🔳 سبک دامن کشان رفتی غسل تنت امشب ، (شده مشکل من )۳ زخم روی سینه ت ،( شده قاتل من)۳ تنت رو شستم از زیر پیراهن هنوز با زخمت درگیره پیراهن بمیرم من۲ 🔳الا زهرا زهرا زهرا 🔳یا زهرا یا زهرا… پر از جراحته تنت ، (بمیرم برات )۳ انگار یه لشکر زدنت ، (بمیرم برات)۳ 🔳الا زهرا زهرا زهرا 🔳یا زهرا یا زهرا… با اشک میریزم آب رو برگای یاست آتیش زده من رو گلای لباست وجودم زهرا از قصه لبریزه داره از پهلوت خونابه میریزه 🔳الا زهرا زهرا زهرا 🔳یا زهرا یا زهرا… خونی شده باز کفنت ،( بمیرم برات)۳ انگار یه لشکر زدنت ، (بمیرم برات)۳ 🔳الا زهرا زهرا زهرا 🔳یا زهرا یا زهرا… @rozeh_daftari1

#_روضه_حضرت_زهرا_س خزان ویروب چمنی باغبان باخِی آغلیر خدا بیلیر کفنین بندین نئجه باغلیر علی...کفن ائلیور زهرانی   اوچ مینجی بنده یتیشنده....چاغیردی..بالالاریم..بالالاریم گلون .گلون ننه زی گورون...ننه زدن آیرولون ایله کی امیرالمومنین آقااذن وئر دی اَوّلده گئتدیلر دولاندیلار امامین باشینا بابا...باشون ساق اولسون بابا... بابا..سنی ننمون جانی آغلاما بابا دئدی مولا دئمورم سینوزی سیز داغلامیون بالاریم ننه ز ئولوب حقیز وار اوجادان آغلیاز اما بیلوسیز مشکیلیمیز واااار اوجا دان آغلامیون بابا نیه؟؟؟ دئدی بالالاروم،،،مدینه اهلی اِشیدَرآغلاماقیزی...دورالار ننه زون وصیتی یرده قالار...گرک گئجه زمانی دفن اولا اما آی زهرایه آغلیانلار.بیریاندا بالاجا اوشاقدی لار...سن حساب ائله بالاجا اوشاقین گوزی برابرینده ننه نین جنازه سی قالا ائوین وسطینده بیر یاندان باخیلار ننه نین اُیورقون بدنینه جان زینب زینبین گوزی دوشیر زهرانین اُسینان قولونا اُیارالی سینه..سینه... ایستیور اوجادان آغلیا بیردن یادینا دوشور باباسی دئیوب اوجادان آغلامیون بیلمیرم گوروب سیز یانه بیر دودمانیده ننه اولماسا اُائوین صفاسی اولماز آقا یابن الحسن،،،حل ائله ئورک نیسگیلینی قوی دئیوم دورت اوشاقین مُشکلینی آغلیاندا بالالار آغزینا قویدی الینی زینب الین قویوب آغزینا...دئدی جوان ئولن ننم لایلای لایلای ننه۲ @rozeh_daftari1

«گوزلرون قربانی هارداسان» یا مهدی ادرکنی سبک: می گذرد کاروان مصیبی تبریزی 🌷🌷🌾🌾🌷🌷 سرولرین قامتی قامتِ مهدیده دی ماه لرین طلعتی طلعتِ مهدیده دی . اهل کسا ئوزلری پنج تنین سوزلری فاطمه نین گوزلری صورت مهدیده دی . گوزلرون قربانی هارداسان؟ دردیمین درمانی هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . سن علوی زاده سن بیر شه آزاده سن گوزلریمیز یولدادی تا چاتاسان داده سن . حرمت سجاده سن ذائقۀ باده سن شیعه لرین رهبری هرایکی دنیاده سن . هجره وئر خاتمه هارداسان؟ یوسف فاطمه هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . باده وصلون جوشور ساغریمون اوستونه شعله چکور فرقتون مِجمریمون اوستونه . وورما گیلن سن قدم کوه و بیابانیده گل قدمون قوی آقا گوزلریمون اوستونه . وارسنه چوخ سوزوم هارداسان؟ یولدا قالدی گوزوم هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . عالمی محنت دوتوب بسط صفا سنده دی درده«مُصَیّـب» دوشوب بذل دوا سنده دی . کرب و بلا مُلکینه ظاهر اولان دمده گل جدّین حسینون گوزی گل کی آقا سنده دی . دوغراندی پیکرلر هارداسان؟ عطشان یاندی اصغرهارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن استاد مصیب تبریزی ✨اَللّهُمَّ عَجِّل لِوَلیِّکَ الفَرَج✨ @rozeh_daftari1

گون غروب اتدی اوگون فاطمه نون عمری کیمین زینبین بختی کیمین اولدی هوا ظلمانی گجنون ثلثی گچیب اهل مدینه یاتدی مرتضی مغسلون اوسته یتروب زهرانی دلبر آماده اولوب غسل الیه دلبرینه سو توکه میته مامور الدی اسمانی گزدیریب الرینی ضربه یرین درک الدی یاریدن یار غمی سلب الدی یارانی ددی گلموردی یوخون فاطمه بولدوم سببین دمیوبسن منه دردین واریمیش پنهانی یوخی گلمز گوزونه سینسا کیمین پهلوسی سیندیریب ضرب لگد شاخه گل رعنانی غسلینی وردی کفن اتدی قویوب تابوته دورسینن آیروبدور مَلَشَن طفلانی دل شب فاطمه تابوتی چیخیب منزلدن حمل ائدور یدی نفر سیده نسوانی قالدی دورد خیردا اوشاخ ائوده ننه دوشدی یولا ایو نه ایو جغد مصیبت اوتوران ویرانی زینبین تلری افشان حسین سینه ورور اشک لر بارش حیرتده قویوب بارانی چوخدی سوز شیر خدا عده معدودیله یتروب مدفنینه فاطمه عذرانی خانمی قبره گویاندا ایکی ال ظاهر اولوب اللره باخدی علینون اوجالیب افغانی غصه لی قلبیده دردین بیره مین آرتوردی اشکی گوزلرده مخاطب ائلدی طاهانی ای پیمبرلره سرور تانیدیم اللریوی یتشوب چوخ منه بو الریوین احسانی او امانت کی منه ورمیشیدین آل تحویل من امینم نیلیوم اتدی خیانت ثانی بو همان ام ابیها ددیون زهرادی شمع لر تک اریوی صدمه گوروب جسمانی بو سنین ایلدغون گولدی ایاخلاندی ولی اولمادی پینه جبین شیخ لرین ایمانی سالم آئینه وریبسن سینیقین آل منن حقی وار سندن علینون اوتانا وجدانی ال یتیردون منه یاخشی هچ الیم گلموردی تپراقین اوسته گویام سیلی دین سیمانی اوز الیمله نجه اوز عشقیمی تپراقه وریم هانی عاشق الیبدور بیله بیر سودانی چیخا سرمایم الیمنن عجل اتدی عَجَله ور شکست اتدی منی دلبریمون فِقدانی منیم حقیمدی اولوم فاطمه دوشدی قاباقا یاندی پروانه کیمی چاتدی باشا دورانی بویوک اوغلی هله سگیز یاشینا تازه چاتیب شهپری سیندی اولوب اوج عزا طرلانی گچیک اوغلی آناسین ایستسه منن نه دییم او پوزلوسا پوزولار پوزقون اوین ارکانی زینبون زلفینی بونان سورا کیمدور داریان کیمدور آرام اده اول دخترک زیبانی (انورا) شعریوی زهرا الیبدور نمکین اولماز هر شاعره یوخسا بیله سوز ارزانی @rozeh_daftari1

‍ روضه حضرت زهرا(س) درکوچه ای من بوده ام دستم به دست مادرم دیدم که زد آن بی حیا سیلی به روی مادرم (دییر گوردوم ننم ئوز ئوزونه دانشیر) هیچ من دیمیرم لاله لی داغ داشیم اولیدی یا غصه و غمدن آغاران باشیم اولیدی اسدی اورگیم ثانی منه سیلی وراندا آرزوم بویودی بیردنه قارداشیم اولیدی دیمیرم دردی بونون بیر سند پاره یدی دیمیرم مشکلی بیر گمشده گوشواریدی درد بودی بیر قولی سنمشدی اورک یاره یدی خانمی سالدی ایاقدان ایکی سیلی یاراسی ایندی فکر ایله نیه تئز ئولدی رقیه بالاسی @rozeh_daftari1

سلام بر حضرت زهرا(س) سلام اولا سارالان گول کیمین سولان نَنییَه بالاسی سقط اولونان دیلدن اوتلانان نَنییَه 😭😭😭😭 سلام اولا قاپوسی ظلم اَلیلَن اوتدا یانان قاپی دالیندا قالوب سینه سی سینان ننییه 😭😭😭😭 سلام اولا یئرییَن وقت اَلین قویان بئلینه گلین لیگینده   اولان   قامتی کمان  ننییه 😭😭😭😭 سلام اولا دوگولن کوچه ده یوزی گُؤوَرَن او  سیلی دن گوزینه لخته قان دولان ننییه 😭😭😭😭 سلام اولا  ئوز ائوینده یوزونی گیزلَدَنَه بالالاریلا   دویونجاق   دانشمیان   ننییه 😭😭😭😭 سلام  اولا گئجه گوندوز حزین دعالرینه نماز  وقتی  بیر اَللی قنوت دوتان ننییه 😭😭😭😭 سلام اولا باشا چاتماز قوتارمیاندی غمی عزیزه  قیزلارینا   ناگران   اولان   ننییه 😭😭😭😭 سلام  اولا  حَسَنِین ، کلثومیله  زینبینه فراقینین  اوتونا  غمدن  آغلادان  ننییه 😭😭😭😭 سلام اولا او جوان وقتی حسرتیلن ئولن تمامی   آرزولاری    قلبیده   قالان   ننییه 😭😭😭😭 سلام اولا گئجنین عالمینده قبره گئدن بالالارین   غم   هجرانه  یاندیران  ننییه 😭😭😭😭 (سیامکا )غم زهرانی چوخ گتیرمه دیله سلام اولا   دئنَه   قبری تاپولمیان  نَنییه @rozeh_daftari1

زبانحال حضرت زینب (س) در شهادت مادر (سبک : ای قلم سوزلرونده اثر یوخ ) عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای **** زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون **** زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای **** تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده **** من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام **** آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون **** سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز **** توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی **** یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی ** ✍احد واحدی @rozeh_daftari1

شعر حضرت زهرا(س)آذری ازکربلایی طاهرنوروزی🌴🌴🌴🌴🌴 زهرادی  آدیم  ختم  رسولان قیزیام من زهرادی  آدیم  برج   حیا اولدوزویام من زهرادی آدیم  مجلس عرفان دوزویام من خلق اولدی بولون  کل بودنیا منه خاطر حتی  یارانوب  حیدر وطاها منه خاطر 🌴🌴🌴🌴🌴🌴🌴🌴🌴 زهرادی  آدیم  بحرده  گوهر منه  گلدی زهرادی  آدیم  سوره  کوثر منه  گلدی زهرادی آدیم  شمس  منور منه گلدی خورشید جهان افروز آلارنورینی مندن مداح عزیز مجلسین آل شورینی مندن 🌴🌴🌴🌴🌴🌴🌴🌴🌴 زهرادی آدیم سیر الوین طوری منم من زهرادی آدیم  قلبلرین نوری   منم من زهرادی آدیم محفل غم شوری منم من بیل مجلس بی ریب وریا حاضریم من کیم صدق و صداقتله گله ناظریم من 🌴🌴🌴🌴🌴🌴🌴🌴🌴 زهرادی  آدیم اهل حیا سروریم من زهرادی آدیم بحرشرف گوهریم من زهرادی آدیم شیرخدا کوثریم من هرکس  خلفِ احمدمختار   اولابیلمز هیچ کیمسه منه حیدرکرار اولابیلمز 🌴🌴🌴🌴🌴🌴🌴🌴🌴 زهرادی آدیم کل  بودنیا منه  گلدی زهرادی آدیم عرش وثریا منه گلدی بیر حیدرکراریدی  همتا  منه گلدی هرکیمسه بلی  عصمته  همتا اولابیلمز هرکس که گلوب همدمم زهرا اولابیلمز 🌴🌴🌴🌴🌴🌴🌴🌴🌴 زهرادی   آدیم   باغ  نبوت گلویم من زهرادی آدیم ختم رسل سوگلویم من زهرادی آدیم  شیرخدا همدلییم. من اوز   همدلمی  دهرده  یار ایلمشم من عشق عالمی مولانی شکار ایلمشم من 🌴🌴🌴🌴🌴🌴🌴🌴🌴 زهرادی  آدیم نورِ حقم منجلیم  من زهرادی آدیم راه شرف مشعلیم من زهرادی آدیم هامی  مولا علییم من زهرادی آدیم قوم شره باش اگمرم من بوبکرله خائن  عمره  باش اگمرم من 🌴🌴🌴🌴🌴🌴🌴🌴🌴 زهرادی آدیم حجب وحیا درسنی ویردیم زهرادی آدیم.  قالوبلا.  درسنی.   ویردیم اوز   زینبمه.  کربوبلا.   درسنی.  ویردیم سویله گله زینب بوسولان گلشنی گورسون تا کربوبلاده اویانان خیمه نی گورسون 🌴🌴🌴🌴🌴🌴🌴🌴🌴 زهرادی  آدیم غم  یلی  بوگلشنه اسدی زهرادی آدیم ثانیِ دون یول منه کسدی اولدی که آتام خصم  دغا  ظلمه تلسدی اوچ   یوز   نفریله   قاپدا    هلهله سالدی قورخوشدی اوشاقلاراوومه ولوله سالدی 🌴🌴🌴🌴🌴🌴🌴🌴🌴 دینه گوره صبر ایلدی چون شاه  ولایت نعره چکوب اول حینده سرخیل شقاوت درگاهمه اودویردی دوروب باخدی جماعت اولمادی بیری سویلیه طاها قیزیام من ای ثانیِ  دون سید بطحا   قیزیام  من 🌴🌴🌴🌴🌴🌴🌴🌴🌴 @rozeh_daftari1

درد دل امیر المومنین علیه السلام با زهرای مرضیه سلام الله علیها سبک می گذرد این کاروان فاطمه من حیدرم//گورنجه دیده تَرم شهریده بی یاورم//گیتمه بیله فاطمه س باخ پوزولان گلشنه//تزدی بو ئولماق سنه رحم ایله زهرا منه // گیتمه بیله فاطمه س اُلفَت رَختین سویما فاطمه حیدری تک قویما فاطمه عم اوغلووام زهرا ای شَرف اوصیا // سَروَر اهل ولا اَشکیوه زهرا فدا  // گیتمه لیم یا علی ع موسم هجران گلور //گوزلریم اشکین اَلور ثانی داخی دینجَلور // گیتمه لیم یا علی ع جامه ی وفانی سویمادیم عم اوغلی سندن من دویمادیم علی علی مظلوم ای ایویمون کوثری // ظلموله سینمیش پَری آتما بیله حیدری  // گیتمه بیله فاطمه س دوشدی مَحاقه قَمر // اینجیموسن پُشتِ دَر یوردی سنی سیلی لر // گیتمه بیله فاطمه س سالدی اَیاقدان ثانی سنی یاندیردی یخیلماقون منی عم اوغلووام زهرا گَلدی خزان گلشنه // آغلاما چوخ سن منه منکی کَنیزم سنه  // گیتمه لیم یا علی ع دوزدی منی دویدولر // محسنی ئولدوردولر شأنیوی زهرا بولر // گیتمه لیم یا علی ع فخریمدور یولوندا جان ویرم عشقیمی سنه اعلان ویرم علی علی مظلوم گیتمه بالالار سولار // قلبیلری قان اولار زلفونی زینب یولار // گیتمه بیله فاطمه س اینجیموسن غصّه دن //درد و غمِ کوچه دن آز قالور ئولسون حَسن // گیتمه بیله فاطمه س درده دوشدون غم  کوچه دن مندن اوز دوتدون زهرا ندن؟ عم اوغلووام زهرا قالدی مَلَر دوت بالام // اولمادی حقّون آلام قویمادی غملر قالام // گیتمه لیم یا علی ع ✍ شاعر ؟؟؟ اجرا : احسن دهقان #اللهم_عجل_لولیک_الفرج 💚 @rozeh_daftari1

▪️در فراق پدر ✍بقلم کربلایی علی عبدی زنجانی 🎼سبک: منیم پرپر گولوم لایلای نواسیز بلبلوم لایلای... 🎤استادجعفرمطلبی با نوای _علی حیدرزاده سارالمیش باغبان لایلای قوجالمیش قهرمان لایلای ئولن وقتده گوزو یاشلی بالاسین آختاران لایلای منیم پرپر گولوم لایلای وفالی سویگولوم لایلای باشا عمری چاتان لایلای منی گوزدن آتان لایلای گئدوب تپراقلار آلتیندا غریب و تک یاتان لایلای منیم پرپر گولوم لایلای وفالی سویگولوم لایلای صفای اَنجمن لایلای گِئین آق پیرهن لایلای بو دنیاده منه خاطر بدنی اینجیین لایلای منیم پرپر گولوم لایلای وفالی سویگولوم لایلای چراغ منزلیم لایلای علاج مشکلیم لایلای منیم یار و هواداریم صفالی سویگلوم لایلای منیم پرپر گولوم لایلای وفالی سویگولوم لایلای حسینه آغلیان لایلای عزاسین ساخلیان لایلای قراسین اگنینه گئیمیش سینه سین داغلیان لایلای منیم پرپر گولوم لایلای وفالی سویگولوم لایلای @rozeh_daftari1

▪️شام غریبان حضرت زهرا سلام الله علیها 🎼سبک نوحه: ای غنچه ی نیلوفریم... 🎼سبک: ویرانه ده نازلی بالام... زهرا گئجیله دفن اولوب طاهایه مهماندی شام غریباندی یوخدور وئرن باش ساغلیقی مولانی گریاندی شام غریباندی پهلوسینوب سینه یارا زهرا شهیداولدی ثانیله قنفذ قتلینه باعث اونون اولدی اون سگیزایل عمرایلدی گول خاریدن سولدی زینب سالوب باشه قرا حالی پریشاندی، شام غریباندی یوخ بیرنفرگلسون گئجه اولادی گریاندی مولا توکور گوزیاشینی حالی پریشاندی اوغلانلاریلا قیزلاری آغلولّا نالاندی سویلورله سن سیز گل آنا بودهری زنداندی شام غریباندی صاحب یانوراحوالینه ایلورنوا آغلور یاده دوشورکربُبلا غمدن سینه داغلور یانموش چادردازینبی اشکین ئوزه باغلور دوتموش گئجه شام عزا اطرافی عدواندی شام غریباندی ✍بقلم حاج عباسعلی دهقان(صاحب)۱۴۰۳/۸/۲۵ @rozeh_daftari1

زبانحال حضرت زینب (س) به مادرش -اوخشاما زمانه دن      دویان     نه نه منی   یتیم    قویان     نه نه سنه      دویونجا     آغلارام یارالی    باغری  قان   نه نه * زمانه نی      خراب        اولا جوانه       گوللری      صولا بو    زینبون   نه    وقتی دور ساچین    آلا      اَله      یولا **** دور گور نه  حاله  قالمیشام غمونده    من   سارالمیشام اوشاقلقیمدا     آی      نه نه قرا      باشیما     سالمیشام * غمونده    سینه     داغلارام باشیمه     قاره      باغلارام او   قانلی   کوینگون    نه نه آلوب       الیمه        آغلارام **** عزا    لباسین      سویمارام چوخ  آغلاسامدا  دویمارام محسن  شهید   اولان   یره ایاق     ئولونجه    قویمارام * زمانه نین    صفاسی    یوخ وفاسی  یوخ  جفاسی  چوخ سینه ن    یاراسی     قلبیمه اولوبدی   بیر   جفالی   اوخ قاپیسی   ای   یانان    نه نه قابیر قاسی   سینان    نه نه سنی  حسن  حسین   جانی گوز  آشگیلان  اویان   نه نه قامتی   ای    کمان      نه نه زمانه دن     دویان      نه نه صولوب  سارالمشام سنون غمونده  من    اینان    نه نه * مونسی  ای    مُحَن     نه نه غریبه   جان    وئرن    نه نه بو   دنیادا    سنون    کیمین یوخدی  غریب  ئولن  نه نه * ایشیم  اولوب  فغان   نه نه وفالی       مهربان       نه نه زینبون    ئولسه    حقّی  وار قبرون  اولوب   نهان   نه نه ** سن    ای    آنا    وفالیسان پیمبرین             مارالیسان هیچ دئمه دین ئولونجه سن که    سینه دن    یارالیسان * سندن         آنا        آرالییام گور    نه     باشی    بلالییام درد      و     غمِ     فراقیدن دیلدن        آنا       یارالییام اللهم اکشف کل مریض ( آمین )