پایانه ویردی چرخ دون دور بلانی قارداشیم اربعین . #سبک_ای_شاه_مظلومان_حسین … 5 سبک مشابه  . مرحوم عابد تبریزی . پایانه ویردی چرخ دون دور بلانی قارداشیم گلدی دیار شامدن غم کاروانی قارداشیم . . ای هفت اقلیم غمین فرمانروای مطلقی ای شهر بند عشقده نصب ایلین غم بیرقی ای حقّ و حقّانیّتین ملزوم ما لایفرقی ای ذات بیچون آیت ذات البیانی قارداشیم . . پوزقون قطاریم ایلدی رجعت ره شاماتدن مینلر حکایت دلده وار دروازۀ ساعاتدن بیر شمه تشریح ایلسم اول غملی کیفیّاتدن قبرینده گریان ایلرم خیرالورانی قارداشیم . . سیر اسارا ایتماقا چیخمشدی فوج شامیان رسم سروریله هامی دللرده شوق بیکران محمل لر ایچره عترتون پوزقون پریشان باغریقان بو وضع رسوا ایلدی اسلامیانی قارداشیم . . اللرده آلات طرب ، بدنام لر بی ننگ لر الحان بی قانونیله گلمیشدی شوره چنگ لر شامی لره جانبخشدی بو دلگداز آهنگ لر اودلاردی اما بیزلری بو خوش اغانی قارداشیم (1) . . باشلار جدالرده هامی همچون نجوم باهره اطرافین آلمیشدی عدو هر نقطه ده چون دایره بو حالی سیر ایتدوقجا گوز آرتاردی دلده نایره بنیان صبری سیل غم ایلردی فانی قارداشیم . . برج حیا اولدوزلاری گردشده مثل ماهتاب رخسار رخشان حائلی ، زلف سیه گون چون سحاب دریای غم طوفان ایدوب از بس توکولدی اشک ناب افسوس ویران ایتمدی بو خاکدانی قارداشیم . . پایانه یتدی صبریمز گچدی جفا اندازه دن منشور امکان آز قالوب اوراق اولا شیرازه دن بیر نچّه ساعت قافله رد اولمادی دروازه دن لنگ ایتدی خلقین کثرتی بو کاروانی قارداشیم . . گر نکته نکته شرح ایدم اوضاع باب ساعتی (2) بو چولده برپا ایلرم غوغای روز ساعتی (3) هرگز دیمم نه ظلم لر گوردوم او نچه ساعتی وار بو قدر یوخ بیر گورن ایله جفانی قارداشیم . . مین لر مراحل طی اولوب هر مرحله مین مرحله تا گوشه ویرانه ده اهلون یتوب سرمنزله یاتدی صدای کاروان تاپدی سکونت قافله ویران نشین ایتدی فلک ، آل عبانی قارداشیم . . بیر عده عاشق کامنه بیر دور ، دور ایتدی جهان گردون گردان سیرینه تغییر ویردی ناگهان ایام وصلت طی اولوب دوندی ورق گیچدی زمان تقدیر ظاهر ایلردی نقش نهانی قارداشیم . . عشقی ریاضت کش لره اولدی خرابه خانقاه بزم صفا صوفی لره ورد ایتدی ذکر یا الاه گردون خرابات اهلنه ویردی بیوک بیر عزه و جاه بو خانقاهه پیر ایدوب زین العبانی قارداشیم . . خورشید رولر باتدیلار ویرانه ده خورشیدله اوز قویدولار توپراقلارا فرش غمه تقلیدله پا بسته حرمان تارنه دل گرم لر امیدیله آهیله روشن ایتدیلر ویران سرانی قارداشیم . . دور ایتدی بو منوالیله بیر آز زمان چرخ نگون تا اشتیاق وصلتون اولدی اورک لرده فزون دیداره اولدی بیر قیزون آخر دلیل و رهنمون یاندیردی سوز آهله قلب جهانی قارداشیم . . چوخ وحشتیله بیر گجه گوز آچدی خواب نازدن معلومیدی محروم اولوب فیض بیان رازدن دولدوردی ویران خانه نی شوریله سوز و سازدن درده گتوردی شیونی کون و مکانی قارداشیم . . گلدی فغانه سویلدی سلطان مظلومان هانی؟ سر حلقه اهل وفا ، شاهنشه دوران هانی؟ آلمیشدی آغوشه منی اول شاه انس و جان هانی؟ سیلاب تک آخدی یوزه اشگ روانی قارداشیم . . سنده رضایت ویرمدون قلبی سینوب رنجور اولا فیض حضوروندن شها هر دردینه ایتدون دوا نور جمالون ایلدی ویرانه نی دارالصفا چکدون نوایه شوقدن هر بینوانی قارداشیم . . گوردون اوزون نه شوقیله قویدی سنیله یوز یوزه بیر ایله نادر منظره گورسنمیوبدور بیر گوزه سر پنجه قهار غم ایستردی جان تارین اوزه وصلون هواسی جسمده ساخلاردی جانی قارداشیم . . آخرده یارادن دوشوب سلب ایتدی غصه طاقتین قربان راه عشق اولوب کسدی جهاندان الفتین قویدی دل رنجوریمه داغ شرار فرقتین درده گتیردی محنتی کروبیانی قارداشیم . . دوشدی نوا و شوردن اول بلبل شیرین سخن لب باغلادی گفتاردن چون طوطی شکرشکن گیتدی آپاردی قلبده عالمجه اندوه و محن تز یتدی باغ عمرینین فصل خزانی قارداشیم . . دوزدی وفا گوهرلرین یثربده بیر تاره فلک دشت بلاده ایلدی بو رشته نی پاره فلک سپدی تمامین شوقیله خاک ره یاره فلک اجرای باجا ایلدی حکم قضانی قارداشیم . . هر دانه سی بیر سمتده مخزون اولوب تاپدی قرار بعضی ره شاماتده ایتدی مکانت اختیار ویرانه ده پنهان ایدوب بیر دانه سینده روزگار داغ دل خلد ایلسون تا اول مکانی قارداشیم . . شامات ، شامین پرتوی تا وار جهان پر نور ایدر ظلمت سرای محنتی حسرت فزای طور ایدر باطل گوزون ، حق جلوه سی بی نور بلکه کور ایدر راه رشاده سوق ایدر اهل ولانی قارداشیم . . تا وار عوالمدن نشان حق پرتوی تابنده دور سرّ بقاسی عشقدور بیجا دیمم پاینده دور اطفائینه اقدام ایدن رسوای دور شرمنده دور تصریحیله تضمین ایدوب حق بو بقانی قارداشیم (4) . . هر گون قویار مهر فلک یوز دامن تمکینینه مه فوج انجم له گلر مونس دل غمگینینه

آچ گوزلرین یاتما حسن دور قارداشیم قربان سنه 🥀✨▪️🥀▪️🥀✨▪️ #در شهادت امام حسن مجتبی علیه السلام . حاج مهدی ملکی زنجانی . آچ گوزلرین یاتما حسن دور قارداشیم قربان سنه مسموم ایدوب جعده سنی آغلور هامی اعوان سنه . . حالین منی قارداش ایدوب چوخ ناگران آچ گوزلرین بو لبلرینده قارداشیم وار لخته قان آچ گوزلرین اهل و عیالین غصّه دن ایلور فغان آچ گوزلرین آچ گوزلرین یاتما حسن دور قارداشیم قربان سنه . . حیران قویوبدی یوسفی حُسن جمالین قارداشیم اولسون باجون قربان سنه جاریدی گوزدن گوز یاشیم جانیم چخور یومّا گوزون ای هر بلاده یولداشیم آچ گوزلرین یاتما حسن دور قارداشیم قربان سنه . . من باجیوام آچ بیر گوزون آز قالدی آیریلسون جانیم قارداش،باجونلا بیر دانیش قویما بو غمده من یانیم سنلن گیچردی دهریده خوش گونلریم،خوش دورانیم آچ گوزلرین یاتما حسن دور قارداشیم قربان سنه . . سالموش قرا معجر باشا معناده زهرا آغلوری جنّاتیده مظلوم بابام بو غمده سینه داغلوری قاندی، جگردی، بولمورم آغزیندا لخته باغلوری آچ گوزلرین یاتما حسن دور قارداشیم قربام سنه . . ظلمونده دونان قویمادی بیر ذرَّجه نقصان سنه ماتم دوتوب اهل سما آغلور هامی الان سنه ایله توجّه گور نجه اولموش باجون گریان سنه آچ گوزلرین یاتما حسن دور قارداشیم قربان سنه . . یوخ الده چاره نیلیوم قارداش باجون ئولسون سنین دنیاده سن تک اولمادی مظلون اولان بیر کس یقین زهر جفادن سولماقون اولدی منه امّا چتین آچ گوزلرین یاتما حسن دور قارداشیم قربان سنه . . زهری ویروب مسموم ایدوب دشمن سنی ای با وفا سنسیز منه بو دهریده اولماز یقین بیرده صفا کیم ظلم ایدوب زهری سنه ویردی بو گون ائتدی جفا آچ گوزلرین یاتما حسن دور قارداشیم قربان سنه . . نوش ایلدون سو کوزه دن سن غنچه تک سولدون حسن حالین یامان اولدی سنون سن ابرتک دولدون حسن ویردی عدو زهر جفا مسموم کین اولدون حسن آچ گوزلرین یاتما حسن دور قارداشیم قربان سنه . . قرآن و دینه ایلدون قارداش حسن جانین فدا بو حالیده آغلور سنه قاسم ائدیر آه و نوا الان گلر دیداریوه اول خامس آل عبا آچ گوزلرین یاتما حسن دور قارداشیم قربان سنه . . ای میوۀ قلب نبی فخر زمین و آسمان ای صبریله احیا ایدن قرآنی ای شاه جهات سو میل ایدوبسن بس ندن وار لبلرینده لخته قان آچ گوزلرین یاتما حسن دور قارداشیم قربان سنه . . ای معدن صدق و صفا وی زینت عرش خدا «مهدی» ائدیر آه و نوا ای زادۀ خیرالنّسا زینب دلیجه بو سوزی تکرار ائدر اهلِ بُکا آچ گوزلرین یاتما حسن دور قارداشیم قربان سنه . . . #سبک_ای_شاه_مظلومان_حسین (5 سبک متفاوت سینه و زنجیر و … ) #سبک_آی_قارداشیم و … . @nohevarozechahardahmasomsoghandi