دئدي بو باده ا ئله حاله سالار ايندي سني كيم ايچور نعره سي بو عرصه ده كيوانه گئدور شاه دين ايسته دي بيگانه اولا عالميله مهر ا ئدوب حقه لعل لبيني خاتميله ايستمز وئر سه له گنجينه سيني حاتميله عاشق اول لحظه كه سر وعده پيمانه گئدور مهر اعجاز سليمان نظرين ايلدي جلب قاسمه وئردي دوباره بو عمل قوت قلب قدرتين ديو وددين ائتماقا اول عرصه ده سلب الده كسگين قلج امداد سليمانه گئدور پير رندان خراباتيدن اول باده پرست رخصت آلدي اولا هم كاسه رندان الست ال تعلقدن اوزوبدي ديه سن عاشق مست يول سالوب اودلي گلستانه خليلانه گئدور الغرض رجعت ائدوب رزمگهه جنگ ائلسون تازه دن كفريله جنگ ائتماقا آهنگ ائلسون وسعت عرصه ني دشمن لرينه تنگ ائلسون جنگ ايچون باغليوب اميديني يزدانه گئدور دايانوب مركز ميداندا دليرانه دوروب روبرو لشگر كفاريله مردانه دوروب اود سالاخرمن جاهل لره فرزانه دوروب الده شمشيري يانور شعله سي كيوانه گئدور جنگه اقدام ا ئليوب نعره تكبير چكور كفري نابود ائده بي واهمه شمشير چكور حمله ائتسون قوشونا نقشه و تدبير چكور قطره تصميم دوتوب جانب عمانه گئدور ناگهان آلدي اودم دور و برين قوم عدو چيخدي صفدن او زماندا دئدي بير حادثه جو ايندي مشغوليدي نعليني نون اصلاحينه بو بئله فكر ايلوري گشت گل و بستانه گئدور مكريله گتدي يوروش قاسم گل پيرهنه ايله بير ظلم ائلدي زينت باغ حسنه دوشدي توپراقلارا عرض ايلدي شاه زمنه عمري گل قاسميوين گور نئجه پايانه گئدور داده گل دوره مي اشرار زمن آلدي عمو تو پراقا قاسيموي اهل جفا سالدي عمو بدنيم آتلار اياقينده دوشوب قالدي عمو گلمه سن دادينه گل پيكري تالانه گئدور لطف قيل كسمه ميش اشرار زمن باشيمي گل ئوز الونله قاني سيل پاك ائله گوز ياشيمي گل شاد ائله تك نه مني جمله بني هاشمي گل باشيمون قاني آخور گورنئجه دامانه گئدور قاسمون آلدي سسين وارث سلطان نجف سالدي آت الده قلج غيظيله ميدانه طرف آز قالور بيلدي اولا پيكري اول چولده تلف گوردي چون هلهله عرش حق سبحانه گئدور ذوالفقار الده گتوردي آتي جولانه او شاه بيلدي جسمين ائليوب قاسيمون اوخ نيزه تباه حمله ائتدي قو شونا اولدي پراكنده سپاه يوز قويوب هر بيري بير سمته شتابانه گئدور تاپدي ميداندا غرض قاسمي سلطان زمن گوردي خندان داغيلوب يئرده گل باغ حسن ديه سن ال گله گلشنده تاپوب زاغ و زغن باغبان آغلاماقا صحن گلستانه گئدور دوشدي بو فكره خيامه آپارا پيكريني نئجه قتلايه طرف حمل ائليوب اكبريني يئردن اما گوتوره بيلمدي اول دلبريني دوغرانوب پيكري هر قطعه سي بير يانه گئدور سينه سي سينه ده گوردي او شهنشاه جهان قيشلاري يئردن اوزولمور آخيري هر يانا قان نقدر ائتدي تقلا دورا بلكه او جوان گوردي عمري قوتولوب خانه ديوانه گئدور شرح ائده حاليني خامه آتاسيندان اوتانير پيكرينده يارالار هر بيري بير گلدي يانير ال ووراندا بدني زخم اثريندن اوزانير بندبنديندن اولور قاني بيابانه گئدور الغرض حمل ائلدي نعشيني قتلايه طرف شهدا ايچره امير شهدا وئردي شرف چكديلر عورت اوشاق گورماق ايچون قاسمي صف بير به بير گورماقا قتلاي شهيدانه گئدور (بخش سوم) اسمون نعشيني بو طرزيله شاه شهدا هاميدان اوسته قويوب ايلدي ماه شهدا گوستره اهل وفايه بودي راه شهدا كيم شهيد اولسا يقين روضه رضوانه گئدور گوردي شاه شهدا گلمدي قاسم آناسي دئدي زينب بيلوسن يوخ بو جوانين آتاسي آناسين حاضر ايله شاهداولا ، تا بالاسي محضر جدينه ئوز گوز بويانوب قانه گئدور واقف اولجاق آناسي امر ائليوب شاه ولا خيمه دن چيخدي وقاريله او تنديس حيا يوز قويوب گوردوله قتلايه طرف دلده نوا پر آچوب يانماقا پروانه شبستانه گئدور آنا گورجاق بالانون نعشيني آز قالدي ئوله درده گلدي اوره گي آچدي ديلين درد ديله دئدي اي روح و روانيم گوزون آچ ياتما بئله توش ائدوركيم آناسين سن كيمي هجرانه گئدور بسدي ال ساخلا ، قلم غصه دن افغانه گلير قاسمون هاردا غم و غصه سي پايانه گلير ايله شبخيز سيزيلدير اوره گي قانه گلير ديه سن طفل ازل گوندي دبستانه گئدور ائوين آباد اولا زهرا بالاسي شاد ائلدون شاعر درگهيوه شعرده امداد ايلدون من بو شعري يازا بيلمزديم اوزون ياد ايلدون اثريم الدن اله مشهد و تهرانه گئدور بيز ايكي شاعر و مداحينه شه قيلسا نظر آرزو قالماز اوره كدن گئدر اندوه و كدر گورسه #شبخیز #وثاقيله ائدوب عزم سفر كربلايه ، نجفه، شامه ، خراسانه گئدور