حسین پرس بَوین زینب بموعه بَوین زینبِ جان به لب بموعه پرس که ته مسافربرسیه بلا بکشی خواخر برسیه ته جامن ندیبیمه بی وفایی سلام هاکردمه جواب ندایی بهیمه کم حواس خبر ندارنی چتی جواب هادی که سرندارنی برارچهل روزه تر ندیمه ته که دنیبی بلا بکشیمه ته نازنین سر ره نیزه بزونه اَماره ناسزا گتنه زونه برار تا مجلس شراب بدیمه نامحرمون پیش کباب بهیمه تره با چوب خیزرون که روشته نانجیب مره همونجه بکوشته اگه مه تنِ پِه سرخ و کبوده جای شلاق اون مرد یهوده مه جا نپرس خواخر رقیه کوهه مه دل از داغ رقیه کهوعه مه جانپرس برار مه دل کبابه ونـه جا عاقبت بَـیّه خـرابه از رقیه نپرس مه دل سروشته برار جان خجالت مره بکوشته بمیرم که وه ازبس چو بخرده تـا ته سر ره کشه بیته بمرده دعا هاکن شه حاجت ره بهیرم سر ره بِلّم ته قبر سر بمیرم «شاهد» من و ته وسه غصه خواره ونه دلگویه چـنه بـرمه داره #علی_اکبر_اسفندیار #محرم #شعر #امام_حسین 📜 @sheraneh_eitaa