❤️هفته وحدت مصادف با میلاد با سعادت امام صادق،ع، و میلاد مسرت آمیز رسول الله(ص) گرامیباد تمام کائناتی ائتدی   نورانی   رسول الله قدومیلن منور ائتدی دنیانی  رسول الله به اذن الله جهانه رحمتا" للعالمین گلدی همان وعده وئریلمیش خلقه ختم المرسلین گلدی بوتون مستضعفان عالمه یار و معین گلدی اوجالدا  دهریده تا شان انسانی رسول الله قدومیلن منور ایتدی دنیانی رسول الله صنم لر دوشدو گوزدن دیسکینوب جبار و ظالم لر بو گونده ظاهر اولدی  حیرت آور بیر علائملر بیلوبدور  گوئیا علم نجومه  جمله  عالم لر گلوب دنیایه بلکه واردور امکانی . رسول الله قدمومیلن  منور ایتدی دنیانی  رسول الله سینیبدور کاخ کسری خشک اولوب دریاچه ی ساوه دوشوب بت لار یئره آتشکده  سوندو  یاتب کاوه بیر عده باشلیوب  حقین دالیجا  سئولیور یاوه گتیرمیش مژده ی یکتای سبحانی رسول الله قدومیلن منور ایتدی دنیانی رسول الله گرکدور قانع اولسون حقینه هر کس بو دنیاده چکیب زحمت گتیردی  رنجیله  اسلامی ایجاده نچه ائللر کچیب تا کی زمینه اولدو اماده اوخوردو ملته  ایات  قرانی  رسول الله قدومیلن منور ایتدی دنیانی رسول الله وظایفلر بیلیندی طبق ایات شریف حق جماعت دسته دسته دین حقه اولدولار ملحق باش اگدی عاقبت جبارلرده حضرته مطلق ایدوب جاری جهاندا حکم  فرقانی  رسول الله قدومیلن منور ایتدی دنیانی رسول الله چاتیبدور بیزلره فکر ایئله مه احکام دین اسان بو یولدا چوخ جوانلار قهرمانلار کچدیلر جاندان کی الاندا شهیدلر دینه خاطیر  جان ایدیر قربان ویریبدور  فی سبیل اللهدا  فرمانی  رسول الله قدومیلن منور ایتدی دنیانی رسول الله بو گونده بیزلره حقدن دفاع ایتمک عبادتدور وظیفه  هر زمان   امر  ولایتدن  اطاعتدور بیزه اسلام و قران و ولایت  بیر امانتدور سفارش ایلیوب  عترتله  قرانی رسول الله قدومیلن منور ایتدی دنیانی رسول الله اولوبدور امر رهبرله بو هفته  هفته ی وحدت اگر  باخساق سوزه حقا ائله وحدتده دور عزت اگر بیز متحد اولساق خدا لطف ائلیر رحمت ایدیبدور وحدته  دعوت مسلمانی  رسول الله قدومیلن منور ایتدی دنیانی رسول الله بو یرده شیعه سنی یوخدی دینده هامّی قارداشدی بیر الله  بیر کتاب  بیر دیندی  یعنی هامّی یولداشدی مسلمانلار گر ایتسه اتحاد هر قومیدن باشدی ضمانت ایلیوب عقباده رضوانی رسول الله قدومیلن منور ایتدی دنیانی رسول الله الهی سن نجات وئر  امت اسلامی  ذلتدن عنایت ائیله بیدار ایله خلقی خواب غفلتدن بیزی بی بهره ائیمه حشریده  باب شفاعتدن نجه ایتسون شفاعت اهل عصیانی رسول الله؟ قدومیلن منور ایتدی دنیانی رسول الله (#نجفلو) سعی ائله یاددان چیخاتما حیّ یکتانی تمام ایشلرونده آل نظرده حکم قرانی اماندی ساتما دنیادن اوتور  بیر لحظه ایمانی قبول ایتسون یازیلمش شعر و دیوانی رسول الله قدومیلن منور ایتدی دنیانی رسول الله #استاد نجفلو_مهدی از شاعران بنام کشوری و همشهری بامرام مان از شهرستان سراب