🌴🌴🌴شمع ولایت🌴🌴🌴 گلدی ندا حضرت پیغمبره عرض سلام ائتدی اوگون سروره واردی مهم بیر خبریم تاریدن امّتی قیتر وسط راهیدن هامّی بو امره گرک آگاه اولا عالمه گوندن سئوا بیر ماه اولا باخبر اولدی هامی حجّاجیلر بیر یئره توپلاندی تمام حاجیلر نور تجلّی یایلوب شاهیدن حمد و ثنا ائیلیوب آللهیدن امر خدانی یئتیروب امّته کیم اولا غافل دوشه جاق ذلّته کیمدی خدایا اولا ماه جلی وحی گلوب سسله اوجا یاعلی ائتمیه سن امر خدانی قبول ناقص اولار دینون اولارسان ملول قوزادی حیدر علینی برملا گویده ملکلر دئدیلر مرحبا حق سوزی حقدن دانیشوب منجلی امّته مولا یارانوبدور علی امّتیمین رهبری آقاسیدور من کیمه مولایم او مولاسیدور بَخّن و بَخّن دئدیلر مرتضی شاءنیوه لایقدی ولایت آقا بیعتی سیندیردی حرامزاده لر اولدی عوام دوندی ئورک ساده لر قوردیلا شورا یارانوب اتّفاق سالدیلا امّت آراسیندا نفاق وردیلا اوت باب ولایت یانوب فاطمه نین ارثنی (ثانی)دانوب چکمه(#سیامک) سوزی زهراسینه فاطمه(س) چوخ آغلادی مولاسینه 🌸 از سیامک پیرمحمدی از شاعران بامرام و از همشهریان عزیز از سهزاب - سراب

( احوالات شب نوزدهم، ضربت خوردن علی(ع) وزبانحال حضرت زینب (سلام الله علیها)🏴🏴🏴 سبک: یخلوب عباسیم نهر فرات اوسته یارالانوب باشدان ، نماز اوسته مولا صبحین زمانینده ، بلشدی قانه جبرئیلین سسی ، دوشوبدور آفاقه دئیور ئولدی حیدر ، گَلوب افغانه ******************** ابن ملجم حرمت ، ائتمدی قرآنه او شاه مردانه ، نَده طاهایه زهریلی شمشیری ، اوجادان اندیردی سجده زمانینده ، فرق مولایه تیتردی عرش و فرش ، دلدن ائدوب جاری دئدی مولا فزت ، وَ رَبّ الکعبه چکدیلر تئز قاره ، جنّت العلایه ملائک تسلیت ، دئیور زهرایه ********************* حسنینین گلدی ،گوروب نه عالمدی یخلوب مرتضی ، قانه غلطاندی سارالان جمالین ، گوتوروبلر یئردن بالا لارین بابا ، سنه قرباندی قان دولان گوزلرین ، بیر دفعه آچ بابا دور ایاقین اوسته ، گئدک آهسته یول گودور قیزلارین ، سولوب ایندی زینب دونوب گوز یاشلاری ، سئله گریاندی ******************** گتیروبلر آرام ، فرش ایچره مولانی بویوردی صبر ائدون ، زینب قان آغلار قویون ایاق اوسته ، گئدیم زینب گورسون بئله گُورسه قورخار ، سینه سین داغلار یارالی بابانی ، گوروب یاندی زینب دئدی سسله بابا ، ننم زهرانی ئوز طبیبون گلسه ، باش یاریوا بابا اشکین ائیلر مرحم ، یاراسین باغلار ****************** بو غم عظماده ، نئجه دوزسین زینب بو دردیوه یوخدی ، بابا جان چاره قلبیمی قان ائیلوب ، وفالی عباسیم یانور سوز غمدن ، قالوب آواره غیرتیندن تیترور ، گَلوب قانی جوشه ئوزین دیندیر بابا ، چاغیر عباسی دئنن اوغلوم صبر ائت ، غیرتین معناسی بو قدری گوز یاشین ، توکمه رخساره *********************** دردلرین درمانی ، ای ناطق قرآن گوشه ی چشمیلن ، وئر بیزه احسان بو بَلانی ایسته ، تمام عالمدن رفع بلا ائتسین ، رحیم و رحمان سنی وئرّم مولا ، قسم عبّاسیوه بیزی ساخلا حیدر ، قاپوندا نوکر اَل آتوب دامانه ، (#سیامک)قان آغلار ایسته بو نالانی ، قبریوه مهمان # از سیامک پیرمحمدی از شاعران بنام شهرستان سراب 🏴🏴🏴🏴🏴🏴🏴🏴

مظلومان غزه😢😢 غزه نین درد و غمیندن اهل ایمان تیتریور قانلاری جوشه گلوب رگلرده   القان  تیتریور نطفه ی شیطان توکور تپراقه مظلومین قانین حکم قرآنی ایاقلور ، روح قرآن تیتریور وحشیانه قتل و عام ایلور بوگون مظلوملاری غیظیدن فیکر ایلورم من عرش سبحان تیتریور هر طرفدن بمب وموشک ائولری ویران ائدور بی پناهلار دربدر. دست به گریبان تیتریور کور اولوب بین الملل ، گورمور مگر انسانلاری؟! اود ایچینده غرق اولوب چون بید لرزان تیتریور اهل عالم  سان وئرور  گئندن  قضایانی  گورور نه بیلور  اودلاردا  قالموش جسم سوزان تیتریور هچ اوشاقین گوزیاشین گویا هچ انسان سیلمیور غیرتیندن عرصه ده تکجه مسلمان تیتریور باغلانوب سویولاری شمرین الینده گلشنه کربلا تک تشنه لیکدن طفل عطشان تیتریور خیمه لر مثلی یانور هرآنی غزه شعله ده دامنی اوتدا یانان اولموش هراسان تیتریور کربلانین غملرین قوشما #سیامک غزییه ایندیده شمرین الینده تیغ بران تیتریور 🖌سروده، سیامک پیرمحمدی از شاعران متعهد شهرستان سراب