🍁بسم الله الرحمن الرحیم 🍁 🏴ورود به ماه محرم 🏴 سبک:ای منیم نازنین نگاریم شیعه ماه محرم اولدی انبیانین گوزلری دولدی خاتم انبیاء دوتوب غم گلشن حیدره نـه اولدی باشیـزه قاره باغلئیین اهل ولا سولدی بو آیدا گل باغ مصطفی حسین لایلای حسین لایلای قلب زهـرا یانوب بو آیـدا سینه لر داغلانوب بو آیدا اوچ یاشیندا قیـزی ویروبلار خیمه لر اودلانوب بو آیدا اصغرین حولقومونا اوچ پر اوخ دیوب عرصه ده مظلوم آقامین قدین اَیوب حسین لایلای حسین لایلای کربـلاده بـلا چوخـالدی اهلبیتین قرارین آلدی تازه دامادی اولدوروبـلـر نو عروسی نه حاله قالدی سسلـدی آرزو باغیـم اولدی تـالان کربـلاده گلنـیـگیـم اولـدی یـالان حسین لایلای حسین لایلای دوغرانوبدی بو آیدا اکبـر عرشیـده آغلادی ملکلـر ارباً اربا اولوبدی جسمی کربلاده یانوب اوره کلـر سسلدی یـا وَلـدی، یانـدیم علی باشیـوه گلـدی نه، پیمبـر مثـلی حسین لایلای حسین لایلای ئـول ابوالفضلی کی تانیرسوز کولگه سی آتدا دالدا نیرسوز قولارین کسدیلر بو آیدا حالینه شیعه لـر یانیرسوز ساقی دشت کربلادور ئو آقا دردبی درمانه دوا دور ئو آقا حسین لایلای حسین لایلای آقامون باشلانوبدی یاسی پاک آدی دردلرین دواسی کربلاده قیلیب نمازون حسین حسین شیعه رهنماسی دویمویوبلار ظلم و جفـادن کوفیـان باشیـنـی کسدیلـر قفـادن کوفیـان ✍علی اصغر عباسعلی نژاد کیوج_سراب التماس دعا... #ورود_محرم #محرم1402 ✨اَللّهُمَّ عَجِّل لِوَلیِّکَ الفَرَج✨

🏴السلام علیک یااباعبدالله الحسین علیه السلام🏴 آمدمحرم موسم حزن وفغان است ماه عزای لنگر هفت آسمان است شدمملکت باردگردریای ماتم ذکرشهیدکربلاوردزبان است مولاحسینین ماتمی قالدی اورکده رخت عزابرقامت خردوکلان است قاره چکیلدی کوچه و بازارشهره شورحسینی آمده تابیکران است کرب وبلاسی کعبه ی اهل ولادور کرب وبلابهترزهرباغ جنان است طعنه وورارصحن وسراسی عرش حقه برترزرضوان خدای لامکان است اکبرعبا ایچره یاتویدور ارباًاربا درخاک وخون افتاده چون برگ خزان است آتلارایاقینده قالوب شهزاده قاسم آغشته درخون پیکرآن نوجوان است عباس نام آور قولی توپراقه توشدی بشکسته فرق اطهر آن قهرمان است اوچ شعبه لی اوخ اصغرین بیچدی بوغازین درپیچ وتاب وغرق خون آن ناتوان است سویولارین اخیامه دشمن باقلویوبدور تحریم اندرخیمه هاآب روان است توشموشدی قان دریاسینه قران ناطق ظلم وستم ازجانب شمرو سنان است آل پیمبرخیمه گاهی اوددوتوبدور قدِّخمیده زینب ازبارگران است واحسرتا وامحنتا بوماجرادن داغ حسین درقلب شیعه جاودان است کفتاروقوردگیمیشدیلر انسان لباسین وحشت فرا روی حرم درآن زمان است نورخدای لم یزل بالای نی رفت نورجمالش همچوخورشید عیان است هرگزنیایدبرقلم آن ظلم بی حد زیراقلم عاجز زآن شرح بیان است نیزه باشینداسوره ی کهفی اوخوردی آن قاری بالای نی شاه جهان است (صابر)اولوبدورذاکر آل محمد عمری بوداو نوکر این آستان است بالطف حق ویاری دلبند زهرا ازمحنت روزقیامت درامان است 🍂ایام تسلیت🍂 ✍صابرکبودراهنگی #ورود_محرم #محرم1402

۞﷽۞ ۞﷽ (حلول ماه محر، عرض ارادت) آشـکـار اولـدی گـیـنـه مـاه محرم یاعلی بو مصیبتدن توکـرگوزیاشی عالم یاعلی فاطمه دلبندینین بـاشلانـدی مـاه ماتمی بـاشینه جنتده قـاره سـالدی خاتم یاعلی واحسینانالـه سی قـوزاندی عرش اعظمه اهـل عـالـم شـاه دینـه توتدی ماتم یاعلی سـالـدیلار یـاده شهیدکـربـلانین محنتون شیعیانین اولدی بزم عیشی برهم یاعلی نـوحـه گـردور بـو عـزاده انبیاء و اولـیـا شیون ایلورخضرُموسی، نوح وآدم یاعلی اولدی بوآی اهل عشقه شادیُ خرّم حرام واردی ذاتینده خلل کیم اولساخرّم یاعلی بوآئین مثلینده عالـم سربسر قان آغلوری قاره پوش اولـدی منا ومکـه زمزم یاعلی گلستان عشقـه اَسدی بـیـرنسیم غـم فـزا سولدی گوللّرتوتدی یکسرگلشنی چم یاعلی کـربـلاده آلـدیـلار اطـرافـینـی قـوم شـرر گوزلرینده یوم حشر اولدی مجسم یاعلی حـق یولـوندا یـاورانـصـاری قـانه باتدیلار نظم دیـنـی ایتدیلـرقـانیلـه محکـم یاعلی اهلبیت مصـطفایـه سویولـون بـاغـلادیـلار العطش فریادی چخدی عرشه اولدم یاعلی خیرداقیزلارین سوجامی اللرینده گل کیمی یوزلری سوزعطشدن سولدی کم کم یاعلی وحشته سالدی حرمده سوخیالی بیرایله اولدی احوالی پریشان اهل مخیم یاعلی اولمادی جرعه سویابیکس ربابین امکانی اصغرین مخیمده ایتسین لبلرین نم یاعلی صبح اولونجایاتمادی لایلای چالیبدواوغلونا عارضه اشگین دوزوبدی مثل شبنم یاعلی آتش غم سینه سین یاندیردی قالدی چاره سیز اللـریـن گـهـواریـه باغلیب او دلغـم یاعلی اکـبـرشهـزادنین دوغـرانـدی بـوآی پیکـری قان ائدیب یالقیزامامین باغرینی غم یاعلی تنگ اولوب دنیاگوزونده گتدی صبروطاقتی نـوجوان داغی سالیب دیلدن مسلّم یاعلی یغدی نعشون بیرعبایه قطعه قطعه بندبند تـوش اولـوب تیرغـمـه قلبی دمـادم یاعلی سسلدی نازیله یاتماویرسسیمه سس اوغول دورگیداخ گوزلوریولون نازلی رقیم یاعلی بیرآتانین رسمیدورئولسه جوان اوغلی اگر غصه دن رعنا قدی بیردن اولارخـم یاعلی حالیمی یوخدوربولن بیرخالق غیبی بولـر آغلورام مـن ایـلـوری دشـمـن تبسّم یاعلی نوجوان اوغلی ئولن هاردا ئولوم ایستربالا لـیـک سنسیز قالمارام دنیاده ئوللّـم یاعلی تـازه دامـادیـن بـوآیـدا پیکـرمـجـروحینـی پـوزدولـار آتـلار ایـاقـی آتـدا ازدَم یـاعـلـی حجله گاهین ایلیوب بـربـاد قـوم کینه جو نوعروسین ذکری ایوای اولدی هردم یاعلی بسکه آغلاردی چکردی متصل آه اوسته آه گیزلدیب دردین ائدردی سینه ده جم یاعلی قتلگاهینده گلیب ایوای عم اوغلوم وای دیدی نـالـه سیندن تـیـتـردی ارکـان عـالـم یاعلی حالینی پوزدی گورنده نیزه و اوخ یاره سین عرض ائدیب بومحنتینده یاندی سینم یاعلی ال تاپیب عباسیوه بـوآیدا اون یّدی شـقـی کسماقا باشین اولوبلار چـوخ مصمم یاعلی اوستونه باران کیمی یاغدیردیلارتیرو سنان دئیدی ازبس یاره لر اولمادی مـرهـم یاعلی قولاری اولدی قلم مشک اوخلانیب یاتدب علم بـاتـدی غـم دریاسینه سـردار عـلـقـم یاعلی بیرعـمـودِآهنین نـوفـل ووروبـدی بـاشـیـنـه گـوزلرینده اولـدی گـوندوزلیل مُظلَم یاعلی ای قلم بسدوردایان یازما نلر اولدی داخی ایسته بیربین الحرم عاجزله باهم یاعلی 🍂التماس دعا🍂 ✍علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣ ________ #ورود_محرم #محرم1402

. #سبک_یارالی_جان_یارالی … 4 سبک … شهریاریمسن حسین … کربلا منتظر ماست … . مرحوم محمد شیخ زادگان ( مبکی تبریزی) . زینبون باغرینی بو نسگل ایدر قان یارالی گون قباقینده قالوب پیکرون عریان یارالی کر: بو نه عالمدی حسین سن یارالی من یارالی . . شرعیده واجب فوری دگی بو هر ئولنی تز ویرون غسلنی قویمون قالا یرده بدنی بو نه مذهبدی حسین اوچ گجه گوندوزدی سنی قوری یرلرده قویار لشکر عدوان یارالی . . گلشن فاطمه گویا دیه سن ایندی سولوب شور شینیله آنام اوغلی بلا دشتی دولوب یارالاروندان آخان قان گورورم غسلون اولوب یوخ سنی دفن ایلین بیر جه مسلمان یارالی . . بو نجه نعشیدی بیر صاف یری هیچ یوخدور حسین داش قلج اوخ ویرولوب یاره سی چوخ چوخدور حسین دوندرن گوز یاشیمی قانه بو بیر اوخدی حسین کیم ویروب قلبیوه اوچ شعبه لی پیکان یارالی . . باخورام گل کیمی صد پاره اولان پیکریوه اودلانور قلبیم حسین نحر اولونان حنجریوه دی گوروم بس باجون ئولسون نه گلوب اللریوه ایندیده قطع اولونان یردن آخور قان یارالی . . حشره تک یاندیرا آز دور دلیمی بو مِحنون خَس و خاشاک بو گل جسمه اولوبدور کفنون هانی بس مندن آلان مندرس اول پیرَهَنون کیم سویوب ظلمون ایدوب بیله فراوان یارالی . . سنی دعوت ایلموشدی بو چوله قوم یزید تابع امر اولالار یا ایده لر بوردا شهید نجه بو ظلمی روا گوردی سنه شمرعنید سو کنارینده کسوب باشیوی عطشان یارالی . . اولمیوم بس نجه بو وقتیده دل زار و ملول قالوب اشرارین الینده یارالی آل رسول آیرور ظلمیله سندن منی بو قوم جَهول بیر نفر یوخدی تَرَحُّم ایده بو آن یارالی . . دوزرم مین بیله ظلم اولسا حسنیم بو لوسن دوره می یکسر آلوب یانمورام اشرار زمن باشیما قمچی ویرور غیظیله هربیر یتیشن یاندیرور چوخ منی امّا غم هجران یارالی . . نه باخور شمر شقی گوزدن آخان گوز یاشیما آغلیام قویموری ظلمیله ئولن قارداشیما یاخارام قانوی قویسا بو آغارمیش باشینا ایدرم ظلمنی عالم لره اعلان یارالی . . دولدوروب قلبیمی بو درد و ملالون گیدیرم محشره قالدی آلام عطر وصالون گیدیرم باشیمه جمع قیلوب بی کس عیالون گیدیرم قیل دعا حافظ اولا خالق رحمان یارالی . . من بو صحرایه حسین گلمیشیدیم عزّتیلن قاسم و اکبر و عبّاس او با همّتیلن گیدیرم شامه اسیرم نجه گور ذلّتیلن غم زده زلف پریشان دل سوزان یارالی . . ای اولان ظلمیله بو دشتیده لب تشنه قتیل سعد وقاص ویروب لشکره فرمان رحیل بوینی چیگنینده دَوَه اوسته او بیمار علیل ایدوری حسرتیله ناله و افغان یارالی . . قارداشیم شاه شهیده ( مبکیا )اول نوحه گر وار قاباخدا بیرآغیرگون ایلسن سنده سفر قوخما محشرده آنام زهرا سنه ایلر نظر یاز دیلمجه داغیلان پیکره قربان یارالی بو نه عالمدی حسین سن یارالی من یارالی #محرم1402 #قتلگاه ✨اَللّهُمَّ عَجِّل لِوَلیِّکَ الفَرَج✨

‍ ماه محرم در آهنگ "گل من چندین" علیرضا افتخاری {{{هنگ شاه حسین گویان}}} مه ماتمدی - عجب عالمدی - دل نی تک غرق نوادی چکیلوب قاره - در و دیواره - ایّام حزن و عزادی قره پرچملر - آچیلوب یکسر - عالم نالان حسیندی باش آچوب حورا - آناسی زهرا حتّی گریان حسیندی ➖➖➖➖ قورولوب ماتم - لب دریاده - یالقیز لب‌تشنه فدایه سو آخار آغلار - سینه‌سین داغلار - مظلوم‌کرب و بلایه ئولن اللرده - اوزی چوللرده - بی‌غسل و بی‌کفن ایوای سویولان نعشی - پوزولان نعشی - قانه باتمیش بدن ایوای ➖➖➖➖ بو همان آیدی - غم و محنتدن - طاهانین قدّی خم اولدی بو همان آیدی - که ابوالفضلین - ایکی قوللاری قلم اولدی قان اولان اشگه - جالانان مشگه - قانه باتمیش علم آغلار او کیچیک قبره - دل پرصبره - لوح آغلار هم قلم آغلار ➖➖➖➖ بو همان آیدی - سارالوب سولدی - یکسر گلزاری حسینون الی اوستونده - بویانوب قانه - ششماهه یاری حسینون دیدی یا الله - اوزون اول آگاه - نیلیم یاده سالانیم یوخ اورگیم یاندی - بالام اوخلاندی - نعشین الدین آلانیم یوخ #ورود_محرم #محرم1402

دوبیت شروع ماه محرم عرض ارادت به امام زمان عج لنگر ارض و سما یامهدی دردلره ایله دوا یامهدی هارداسان ای شرف عالمیان آدیوه شیعه فدا یامهدی قورولوب بزم عزا یامهدی باشلانوب دلده نوا یامهدی کربلا شاهینه یاس ساخلیاروق هامی اگنینده قرا یامهدی عشقیمیز بو قره پرچمدی آقا مجلس نوحه و ماتمدی آقا وای حسین وای دیروک عمر اوزونی عشقیمیز ماه محرمدی آقا گلمیشوک سینه میزی داغلاماقا جدیوه نوحه دیوب آغلاماقا عمون عباسی آقا یاده سالوب او اوزون قولارینا آغلاماقا کیمدی عباس، آدی دللرده قالوب علقمین نهرینی غیرتله آلوب تشنه لر خاطرینه ایچمدی سو مرحبا رتبه سی عرشه اوجالوب دیوروک اول شرف الناسه سلام سویلروک دسته گل یاسه سلام قاره پرچملری عشقیله ئوپوب دیروک حضرت عباسه سلام ✍کربلایی حسن طیبان #ورود_محرم #محرم1402 #امام_زمان_محرم لینک کانال👇 http://eitaa.com/torkiy ---•••◇🏴🏴🏴◇•••--- @torkiy