🏴اربعين حسينى🏴 🎶(سبك : ازصلابت و دولت وارتش و سپاه ما)... ياحسين عزا  بزمينه  باغريقان باجون گلوب شاميدن  ديار  غمه   قهرمان   باجون  گلوب گلوب  دوباره   بو  صحراده   قان   آغلاسين عذاره    سيلاب    درد   و   غمى   باغلاسين يابن الزهرا  حسين حسين   يابن الزهرا (2) * آتش    غمه        مبتلا       باجون درد   و     محنته     آشنا   باجون گلوبدى    شرح    ملال    ايلسين سنيله    قارداش   مقال    ايلسين گلوبدى   شام     بلادن    ديسين ملال      آل      عبادن      ديسين يابن الزهرا  حسين حسين   يابن الزهرا (2) ياحسين    پريشانلارون   غمگسارى  زينبم آل    عصتم   و    عفتين      بیقرارى    زينبم دوباره    صحراى    درد   و    غمه   گلميشم دوباره     بزم    غم     و    ماتمه     گلميشم يابن الزهرا  حسين حسين   يابن الزهرا (2) * اى     عزيز      خيرالنسا   حسين نور   چشم      خيرالورا     حسين داشوبدى        پيمانة       طاقتيم سينوبدى       آيينة          شوكتيم ملال  و   محنت  پوزوب   حاليمى ايدوبدى       آشفته       احواليمى يابن الزهرا  حسين حسين   يابن الزهرا (2) ياحسين  الف قامتيم  غصه دن كمان اولوب تير محنته  زينبين  سينه سى  نشان  اولوب گلوبدى    آلام      جانكاهى     درمان      اولا طبيب     عشقه    بو   صحراده   مهمان  اولا يابن الزهرا  حسين حسين   يابن الزهرا (2) * اى  جهان  عشقه   شرف  حسين يادگار     شاه      نجف     حسين دانيشدير     اي شاه   عالم    منى قوجالدوب    اندوه    و  ماتم  منى كمانه   قارداش   دونوب    قامتيم قوجالميشام  طاق  اولوب  طاقتيم يابن الزهرا  حسين حسين   يابن الزهرا (2) ياحسين يازوب ((مژده))  عشق  اوسته  شور و  حاليمى دفتر  غمه    ثبت   ايدوب   كثرت    ملاليمى يازو بدى  اهل  ادب  سينه سين  داغلاسين نوا    ايدوب    اربعينونده    قان     آغلاسين يابن الزهرا  حسين حسين   يابن الزهرا (2) * اى    طبيب        آلامى      زينبون رهبر   خوش   انجامى      زينبون يگانه           شاهنشه          كربلا عنايت      ايله     عنايت          آقا گلوب   دوباره   ئورك   داغلاسين ديار    محنتده    قان     آغلاسين يابن الزهرا  حسين حسين   يابن الزهرا (2) ** ✍مژده  اردبیلی #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

﷽ 🍂شورجانسوز_اربعین یه_اربعینه_داداش🍂 #سبک_ام_مصایب_زینب.... یه اربعینه داداش بی توسفر کردم من روزامو سرکردم من چشامو ترکردم من یه اربعینه داداش ببین که خواهر اومد باحال مضطر اومد بی بال و بی پر اومد امان از دل زینب (س) چه خون شد دله زینب (س) 😭😭 یه اربعینه داداش سنگ رو سرم پاشیدن به اشک من خندیدن دورو برم رقصیدن 😭😭😭 یه اربعینه داداش همسفر من شمربود تو گذر من شمر بود دور و بر من شمر بود یه اربعینه داداش کابوس من گوداله قتگاه و جنجاله ربودن خلخاله امون از دل زینب س چه خون شد دله زینب (س) 😭😭😭😭 یه اربعینه داداش ردّ دقایق کردم بی صدا هق هق کردم هزاردفه دق کردم یه اربعینه داداش هزاردفه من مُردم تا اسم تو می بردم لگد باسیلی خوردم یه اربعینه داداش شام بلا رو دیدم تشت طلا رو دیدم رو نیزه ها رو دیدم امان از دل زینب (س) چه خون شد دله زینب (س) 😭 یه اربعینه داداش هرکسی که مارو دید به اشک ما می خندید جلوی ما می رقصید امان ازدل زینب (س) 😭😭😭😭 یادم نمیره داداش که دیدم از روی تل شد بدنه تو مُختل میون خاک مقتل یادم نمی ره داداش قیامتی بر پا شد تو قتگاه غوغا شد تنت به زیر پا شد یادم نمی ره داداش خنجر رو حنجر دیدم تن تو بی سر دیدم پاشیده پیکر دیدم امان از دل زینب س چه خون شد دله زینب (س) ____ ✍رضانصابی ✍مجیدمرادزاده #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

🏴زبانحال جناب رباب(س)در اربعین🏴                 جوشی زنجیر زنی ای آلتی آیلیق صوداَمرگلدی نَنون گلدی کرب و بلایه  دیده تَر  گلدی نَنون گلدی               لایلای بالام لایلای قرخ گوندی سندن آیریام رَحم ایله بوزاره قویمااَلیم چیخسون بوشا بوسن بوگهواره گلدیم سنه لایلای چالام ششماهه مَه پاره سَنسیز بوقاره بخت ئولَرگلدی نَنون گلدی               لایلای بالام لایلای ای غُنچاگُل باخ حالیمه دلخسته مهمانم آهیم شراری اوج ائدر بیر سینه سوزانم یولدان یتیشمیش زائرم من بیر پریشانم آغلار گوزوم اصغر گَزر گلدی نَنون گلدی                لایلای بالام لایلای آخر ربابین بَختینون بَد گلدی فرجامی گَزدیم قولی باغلی بالاهم کوفه هم شامی اولدی قُماطون مونسیم هرصبحیلن شامی دوشلوگ گتوردوم سَربسرگلدی نَنون گلدی                  لایلای بالام لایلای دان اولدوزی ایسترباتا بوسینه می داغلار تِز باتماقی گوزیاشیمی رُخساریمه باغلار بو چوللرین آهولری اوغلوم سنه آغلار اولدی اَمَگیم تِز هَدر ،گلدی نَنون گلدی              لایلای بالام لایلای مَنله رقیّم گلمَدی ، شیرین سخن ئولدی اَگنینده قاره کوینگی اولدی کفن ئولدی گهوارووی هی تَرپَدن لایلای دیَن ئولدی (نادرده)اولدی خونجگرگلدی نَنون گلدی                لایلای بالام لایلای #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

اربعین سنه    قربان    قارداش   گوزدن   منی    آتما زهرانی      آغلاتما         یورقوندی        زینب سنده   دویسان  مندن  من  دویمارام  سندن دور     نازیله        یاتما     پوزقوندی     زینب واویلا   واویلا  (3)  یارالی  قارداش فراقونده     یاندیم     هر     درده      دایاندیم چوللری       دولاندیم          دیداره      گلدیم گوزوم      وار       باغیندا     لاله لر     داغیندا گوللر         سراغیندا        گلزاره         گلدیم قلبیمده     وار   چوخ   غم   ای   قائد    اعظم بیلدیم    سنی    محرم        اسراره     گلدیم دور   ئوزون   پیشوازه   دردیم    ائتمه     تازه گتمه    خواب      نازه      محزوندی      زینب سینم   داغلانان گون   قولوم   باغلانان  گون سنی    قان     ایچینده       یارالی     گوردوم گئدیردیم      کوفیه     حسین        دیه    دیه باشون      پیکروندن        آرالی        گوردوم سن    نیزه ده    ای   جان    اوخیاندا     قرآن قانلی      بولود      آلتدا        هلالی    گوردوم آلنوندان    داش    دگدی    قامتیمی      اگدی آخور    گوزدن    اشکیم    دلخوندی      زینب شامه    غوغا    سالدیم   ویرانه ده     قالدیم قاتللر           الیندن       کوینگون         آلدیم دوشدی     بیر   قیز   دلدن   آرالاندی  ائلدن رقیه   جان     وئردی       صولوب    سارالدیم باباسین     ایستردی      یولیوی     گوزلردی آناما        بنزردی        ئولدی         قوجالدیم او      قالوب    غربتده     من    دام    محنتده آلامِ        هجرانه          مقروندی          زینب بالام ئولدی  قارداش  توکدوم  یوزه  قانیاش ئوزوم  غسلین     وئردیم   مزارین     قازدیم اوخشادیم   دلخسته    همان  قبرین   اوسته سه   ساله    زهرانین    آدین    من     یازدیم گوزومدن    آتمازدیم    یادّان    چیخاتمازدیم او    قیز     یاتمیانجاخ     منده       یاتمازدیم یاتدی            ویرانه ده          سفارتخانه ده سفیر            اسلامه        مدیوندی      زینب گیجه لر     آغلاردی    سینه سین   داغلاردی دئیردی       عمه   جان       اکبر       نجولدی نیه         گلمور      دیده     او    یار    غمدیده رباب      آنام     سسلر      اصغر       نجولدی منه      بو    ویرانه       اولوبدی         غمخانه داغیلدی         پرگاریم         ائللر     نجولدی ووروب        اعدا     طعنه    منه   بو    ماتمده دیوللر         لیلا   تک      مجنوندی       زینب ** حاج ولی الله کلامی زنجانی #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

#اربعین_حسینی 👤امام حسن عسکری(علیه السلام) می فرماید : «عَلَامَاتُ الْمُؤْمِنِ خَمْسٌ : ۱)صَلَاةُ إِحْدَى وَ خَمْسِينَ ۲)وَ زِيَارَةُ الْأَرْبَعِينَ ۳)وَ التَّخَتُّمُ بِالْيَمِينِ ۴)وَ تَعْفِيرُ الْجَبِينِ ۵)وَ الْجَهْرُ بِبِسْمِ اللَّهِ الرَّحْمنِ الرَّحِيمِ‏» ♦️علامت مومن پنج چیز است : ۱)خواندن پنجاه و یک رکعت نماز (۱۷رکعت واجب و مابقی نوافل نمازها) ۲)زیارت اربعین ۳)انگشتر به دست راست کردن ۴)قرار دادن پیشانی بر مهر[خصوصا تربت امام حسین(ع)] ۵)بلند گفتن بسم الله الرحمن الرحیم!(۱) #وقایع_ماه_صفر_المظفر #ویژه_ماه_صفر 📚منبع : ۱)بحار الأنوار مجلسی، ج۸۲، ص۷۵

زبانحال امام سجاد (ع) در روز اربعین 🌴🌴🌴🌴🌴🌴🌴🌴🌴🌴 ایتمیشم بوردا بنا بیر مرقد شش گوشه من گَلمیشم ایمدی بابا جان تک آلام آغوشه من اولمادی ممکن دویونجا دفنیده شور و نوا شمر اَلینده کوفه ده قالموشدی آل مصطفی قبره قویدوم نعشیوی سرعتله گیتدیم ای بابا ایتمدیم بو قبریدن کامیمجه اخذ توشه من کوفیه وارد ایدنده عترتون اهل مجاز نیزه باشندا گوروردی باشون ای شاه حجاز عترتون بی شمرلر ایتدی نه نوعی پیشواز یاندی قلبیم خون تک دل تنگ گَلدیم اولدم جوشه من نیزه ده هر یان گیدوب باشون دالنجا گیتمیشم ناقه ده قول باغلی شام و کوفه نی سِیر ایتمیشم شکر لِلَّه دلده کی مقصوده ایمدی یتمیشم شاکرم روز ازلدن حکمت منقوشه من مرقدوندن جلوه گر نور جمال ا... دور عترتون ارنی دیمز، لَن سرّینه آگاهیدور غشّ ایدن طور حقیقتده بو آل الله دور تالیم بو طور حقده موسی مدهوشه من اولمیوب بیر اربعیندور رحم ایدن احوالیمه قبریوه قربان اولوم دور قبریدن باخ حالیمه تازیانه، کعب نیزه، گوزده اشک آلیمه قانیله جلوه ویرردی گر گیدِیدیم هوشه من حالیمه باخسان گوررسن ساری گُل تک سولموشام اوزلیقیمدان چخمیشام فکر وصاله دولموشام قبریوه پوزقون گَلن زوّاره چاوش اولموشام سرپرستم گور نجه بیر دسته قاره پوشه من سهلیدور خولی کُل اوسته باشون ایتدی میهمان ابن مرجانه ایدن جور و جفادن اَلاَمان سو اولان گون راهبین ارشادینه دیره روان خرمن فیضوندن اخذ ایتدیم دویونجا خوشه من سن اوزون آگاهیسن هر ماجرای شامیدن ذکر ایدم ممکن دگل من ابتلای شامیدن بو قَدَر وار اَلاَمان جور و جفای شامیدن قانلی باشون گوردی گیتدیم بزم عیش و نوشه من بوینوما زنجیر ووردی اشقیای کین شعار بیرلره آد خارجی قویدی گروه نابکار بیر نمایش ویردیم آخِر حقّی قیلدیم آشکار پرچم ترویج دینی آلدیم اول دم دوشه من ✍حسینی سعدی زمان #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

▪️اربعین 🎼سبک: شهریاریمسن آقا... دور حسین سینوین اوستونده بالاندان دانشاق ایاقون آتدا یاتان تشنه جَواندان دانشاق یارالی آی یارلی قانینه غلطان یارالی زینبون جانی اولا قبریوه قربان یارلی شامیدن گلدی باجون اشک غمین قانه قاتان قبریدن دور ایاقا زینبینی گوزدن آتان ثاری ثارالله اولان ای ره جانانه چاتان دورحسین گوز یاشینی قانه قاتاندان دانشاق اربعینوندی حسین قبریوین اوسته گلورم شوقیدن گوز یاشیمی گور نجه گوزدن اَلورم کیم بولور قرخ گجه دی من نه مصیبت چکورم یدّی قارداشی اُلن تز قوجالاندان دانشاق سن بویور درد و غمون من سینمه آلّام اوزوم چادر عشق قوروب بوردا حسین قالّام اوزوم قبریوه گون دوشوری سایه سینی سالّام اوزوم دور دانش دردون آلوم دردون آلاندان دانشاق زینبون دل ویروب ازّلدن او عاشقدی سنه خواهشیم واردی حسین لطفون اگر اولسا منه قول بویون منله اولاق دور بو بیاباندا گینه قتلگهده او شقی شمر و سناندان دانشاق سینوین اوسته اولان اصغرون آغلور یا یاتوب سود امردی سود اموب یا بالا سود فکرین آتوب آغلیوب چوخ آناسی گوزیاشینی قانه قاتوب فکری ذکری بالا وایدی اوخ آتاندان دانشاق نوجوان اکبره ده لیلی گلوب قبره باخور گوز یاشین گوزدن الور قلبینه غم تیری تاخور دیوری یاره لری یاخشیدی یا قانی آخور گلموشم خشک ایلیم قانی آخاندان دانشاق ای اولان گونده گونوم جمله گجمده منه ماه آیرولان ساعت حسین اولدی منه لیل سیاه بولمه دون من باجو وام ایلمه دون بیرجه نگاه آیرولان ساعتی فرض ایت او زماندان دانشاق باشوی شمرکسنده باشا چالدیم من حسین سینیه درد و غمون داغ کیمی آلدیم من حسین حنجرون خنجر اوپن وقته قوجالدیم من حسین او باتان گون او اسن باد خزاندان دانشاق سسلدیم شمره سو ویر اُولما رضا تشنه اُله یتمدیم مقصدیمه گلمدی منظوریم اَله سوسوز اولدوردی سنی سو جریان تاپدی چوله دورآنام فاطمه نون مَهری اولاندان دانشاق بو قانون محکم ایدر پایة قرآنی حسین نهضتون صادر اولار دولدوری دنیانی حسین اهل دین تحسین ایدر سنکمی سلطانی حسین تقویت ایلیین ایمانلاری قاندان دانشاق گوندوزی خسته اولان قزلاری یغدیم باشیما آغلیوب گوز یاشی توکدوخ سن اُلن قارداشیما غملرون باعث اولوب قان قاروشا گوز یاشیما یاتمادوخ اول گجه نی غملی مکاندان دانشاق قوردی بیر محفل غم زینبون ای شاه زمن یاتمیوب صبحه کیمی سید سجّاد نه ده من تسلیت ویرماقا هیچ اولمادی بیرکیمسه گلن بیرگلن شام غریبانه آناندان دانشاق چوخ چتین اولدی بیزه صبح آچلدی مسئله مندیروب ناقه لره چوخ بالالار گلدی دیله هر معذّب اولونان زینبوه ایتدی گله شامه یولاندی قطار شمرو سناندان دانشاق دورحسین دوره لیوب توزلی مزارون بالالار قرخ گجه گوندی بوگون قلبرین غم یارالار دور گلنلر هاموسی گلدیلر حاجت آلالار بیر شیرین دیللی قزون قالدی قالاندان دانشاق آناما اوخشاری چوخ باب الحوائج آدلانان کشتی بحر بلا موجولی طوفاندا قالان قورخودان چولده قالوب عمه لرین درده سالان گلمدی یاتدی او شام ایچره یاتاندان دانشاق هی گورردیم قزیوی گوزدن حسین قان یاش الر من دیردیم بالاوا آغلاما جانیم بو قدر آمنیین من دیم ایستردی دعا ایتسه اگر اوگوزل صورتینه اشکی رواندان دانشاق قوری دیواره قویوب بیرگجه گل چهره یوزون ال آچوب درگه یزدانه دیوب صوندا سوزون ایستدی ایتدی دعاباشه چاتا عمری قزون استجابت دُعاسی حقّه اولاندان دانشاق تا خرابه یرینه گلدی باشون گوردی سنی یاندیروب هم اوزونی هم آنانی همده منی سسلدی وای بابا وای باش یره گویدی علنی سسلدی وای بابا وای جانی چخاندان دانشاق من اونا قبر قازاندا بالالار آغلادیلار تاپشوران وقته مزاره سینه لر داغلادیلار غملی لر غم قره سین باشه گینه باغلادیلار شاملی شامدا یاتان خردا بالاندان دانشاق من گَرَک گوز یاشیمی دیلده اولان قانه قاتام یثربی ترک ایلیوب باشدا وطن فکرین آتام او یاتوب شامیده چون منده گَرَک اوردا یاتام اورگی غمله دولوب قلبی دولاندان دانشاق کربلا شوقی گینه «عدلنی» دیلدن سالوری محفل غمده اوخور نوحه دیله غم آلوری بولموری وار نه قدر عمردن آز چوخ قالوری یازاونا بیرده برات اشکی رواندان دانشاق ✍بقلم حاج اصغر فرشچی(عدلی تبریزی) #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

نوحه اربعین دور گوزل قارداشیم نور عینیم گلمیشم شامیدن ای حسینیم چوخ یارام وار اوركده یارالی ظلمیدن دیلده وار شور و شینیم بختی قاره گونی قاره گلدیم سینه داغلی اورگ یاره گلدیم سا لدی عشقون منی ناره قارداش دردیمه یوخ ایدن چاره قارداش دور منیم حالیمه بیر نظر قیل روزگاریم اولوب قاره قارداش زینبم زینبم ای حبیبیم دیلده چوخدی یارام ای طبیبیم ای آنام فاطمنون مارالی گوزلرون آچ منی گور یارالی چرخ بازیگر اوز چرخشیدن زینبی سا لدی سندن آرالی دور نظر ایله بیمار عشقه یا ندی سرتا سریم نار عشقه حالیمی پوزدی غم غصه یاندیم صبر ایدوب هر بلایه دایاندیم باشوی نی ده گوردوم یارالی اوندا قارداش اوزومدن اوتاندیم قلبیم اودلاندی بیر حاله قالدیم محمیله با شیمی اوندا چالدیم سن سوروشما رقیم نج اولدی نازنین دلبریم هاردا ئولدی قانلی باشون گورنده طبقده آغلادی رنگی گول مثلی سولدی قویدی زیبا دوداقین دوداقه میزبان اولدی قربان قوناقه سویله هاردا یاتوبدور علمدار تا اولوم با شی اوسته عزادار سسلیم زینبم دور ابوالفضل گلمیشم ایلیم سنله دیدار شامه گیدّی باجون گلدی قارداش هجر اوخی قلبینی دلدی قارداش یازدوقیجا ( آخوندی ) اورگ قان من كیمین سسلیورجان حسین جان گوزلری وار کرملی الونده دیلده كی دردینه ایله درمان بزم عشقونده باشی اوجالموش هجر كرب و بلادن قوجالموش #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

ای شاه دین گلوبدیله دیداره شیعه لر دردین دیوبدی عاشق زواره شیعه لر هر بیر نفر بیر عدییه مولا سفیر اولوب زوار قبرون عالم و عاشق کبیر اولوب کرب وبلاده شعریله شاعر دبیر اولوب ایستور شفا مریضیله بیماره شیعه لر عباسون ایدله طواف قبر اطهرین پایین پاده بوس ایلر قبرین اکبرین قاسمله عون و فضلیله یاران و جعفرین یوز قویموش عشقیله بیله درباره شیعه لر سیل محبیله دولودی شهر کربلا پای پیاده عزم ایلیوب بهر کربلا دریادی صحن پاک و چولی نهر کربلا شهرونده دوندی بحر عزاداره شیعه لر ای شاه عاشقان سنه جان و دلیم فدا عطشاندی جاموه هامی اهل دل ای شها ویر اذن زائرون اولا تا ملت ولا جانین گتیرمیش الده بو بازاره شیعه لر بو صبح اربعینده گلور پاک زائرون ای میزبان سنون قوناقوندی مسافرون ایستور طواف ایده سنون اول قبر طاهرون گلمیش اوزاق یولی گله گفتاره شیعه لر عرض ایلیور بیری سنه جانیم فدا اولا #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

🏴نوحه جدید اربعین🏴 🎶سبک ای قلم سوزلرینده اثر یوخ و یا... 🎶جامه ی عشقیوی سویمین وار..‌‌.. بقلم ابراهیم تون خوشقلم میاندوآبی خانم زینب سلام الله علیها 👇👇 ای منیم شهریاریم حسین جان عِزَّت و افتخاریم حسین جان پیشِواز ایله غم کارِوانین سلب اولیبدور قراریم حسین جان امام حسین علیه السّلام 👇👇 ای منیم باشیمون تاجی زینب اولموسان محنت آماجی زینب قبریمون اوستونه خوش گلیبسن وار سنه چوخ سوزوم باجی زینب خانم زینب سلام الله علیها 👇👇 زینبون گلدی قارداش سفردن قیزلارون جان قوتاردی خطردن کوفه و شامی فتح ایلدیم من راحت اولدی باشیم قمچی لردن امام حسین علیه السلام 👇👇 ای منیم محنتیمدن عزالی سن یارالی باجی من یارالی آیریلیق چوخ چتیندور ، حسیندن لاجَرَم سن دوشرسن آرالی خانم زینب سلام الله علیها 👇👇 دوزدی قلبیم غموندن یارادی چاره سی یوخدی چون بی دوادی هاردا ئولسم بونی بیل حسینجان روحیمون کعبه سی کربلادی امام حسین علیه السّلام 👇👇 سن باجی دردِ عِشقَ دواسن قلبِ خیرالنسایه صفاسن کربلا قرضِدارون اولیبدور قهرمانِ شَهِ کربلاسن خانم زینب سلام الله علیها 👇👇 هئچ دئمم باخ مَنِ دِلکَبابه یا گوزومدن آخان اشکِ نابه باخماسون زینبه عیبی یوخدی باخ اَقَلّاً آدامسیز ربابه امام حسین علیه السلام 👇👇 آغلیان گوزلرین جانفداسی آگَهَم وار ربابین نواسی سویله چوخ ائتمَسین آه و زاری سینم اوسته یاتیبدور بالاسی #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

بسمه تعالی در حال وهوای اربعین قبروندن حسین کاش دوریدون بو زمان کاش دور باغلا بو باش یاره می فرض ایله دیوب داش سس وئر ئورگیم درده گلوب قانیدی قارداش دور باری ئورک کاسه می قاندان یو گیتردیم قادراش،باجون ئولسون ایاقا دور سو گیتردیم دیلر ئورگی غم چورودر آهینده پاس بیر کاسه سودان ساری ائدور زینبون احساس نهر اوسته دعاگودی منه قارداشیم عباس ارباب مقاتل بوسوزی ثابت الیلر یوز دوتدی خانم نهر فراته ساری دیلر سسلندی اویان قلبیم اولوبدی یارا قارداش مندن سوروشان یوخدی گیدوبدی هارا قارداش گیت شامیده ویرانه ده زلفین دارا قارداش گوددی گله سن شکویه چوخ گلدی رقیه یوز قویدی قراتپراقا دینجلدی رقیه بودردی حسین سویلیوم آیا هاراسیندان دل یاره سی نسگیلیدی پیکان یاراسیندان بیر تجربه ایتدیم او گون اغیار آراسیندان دل یاره سی توام اورگونده اوخ اکوبسن جان جان یارالی کرب وبلاده نه چکوبسن قلبون یانورام چنگه لی اوخدان سوکولوبدی نسگل بو دگول اوستونه تپراق توکولوبدی دیلر بدنون کهنه حصیره بوکولوبدی قارداش بوسوزی من اشیدنن ملر اولدوم کول باشیمه اولسون که عجب بختور اولدوم 🔸بر چهره ی دلربای مهدی صلوات🔸 ✨اَللّهُمَّ عَجِّل لِوَلیِّکَ الفَرَج✨ #اربعین۱۴۰۴ #اربعین_حسینی

#روضه_سوزناک_اربعین گوزون آچ آی قارداش، قوناقون وار یاتما...😭😔 🎤بانوای حاج رحیم کلانتری ┄┄┅┅┅❅❁❅┅┅┅┄┄ #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy