السلام علیکِ یا فاطمه الزهراء مدح زهرانی بو بیر جمله کفایت ائیلیر چادری حتی یهودینی هدایت ائیلیر ظاهرا یرده وجودی وار ولیکن عرشیده اگلشوب تخت اوسته دنیایه حکومت ائیلیر نور زهرادور ازل خلق ائیلیوب عالملری عاقبت بیر گونده اول نوری قیامت ائیلیر انبیالر تک به تک ائیلر شفاعت امتون انبیانی تک به تک زهرا شفاعت ائیلیر بضعه منی دییوبدور چون پیمبر حشره تک بو روایت بیزلره اتمام حجت ائیلیر محو اولار نورینده زهرانون گورنده نه فلک اول زمان که سجده ده زهرا عبادت ائیلیر آج یاتوب روزه دوتار اوچ گون ، طعام منزلین بین و مسکین و یتیم و بنده قسمت ائیلر ظاهرا دست گدایه لطف ایدر نان و نمک سائلون باطنده اما ذوالکرامت ائیلیر گوزلری یوخ ، لیک اول گَرد و غبار چادری خلق مینلر مجتهد مانند بهجت ائیلیر حیدرون آدی اولان یرده هزینه ائیلیر وار یوخونان ال چکوب خرج ولایت ائیلیر ماجرای کوچه نین آچماق چتیندور صحبتون تک حسندور که او احوالی روایت ائیلیر درد زهرانی بیر آز مقداد و بودز درک ائدر یوز دوتان وقته بو اسراری حکایت ائلیر تا دگوب سیلی یوزوندن ، دگدی دیواره خانم تنگی کوچه بو عنوانه دلالت ائیلیر بانی بو اشعاره اولده #جواد‌شیرازیدور ترکی دیلده #صادقی لیکن کتابت ائیلیر یازماسا " شیرازی"نون " شیدا "بو یرده گر آدون حضرت زهرایه محشرده شکایت ائیلیر ✍محمدرضا‌صادقی‌شیدا #ولادت_حضرت_زهرا_سلام_الله_علیها #مدح_حضرت_زهرا_سلام_الله_علیها #روز_مادر #کانال_باب_الحوائج http://eitaa.com/torkiy