زبانحال سه خواهر درفراق سه برادر (حضرت معصومه،حضرت زینب ،حضرت رقیه سلام الله علیهنَّ اَجمعین) اوزاق دوشدوم وطندن قلبیم سیخیلدی غمدن باجون معصومیم من ئولورم من غم قلبه ائتدی تاثیر باجون اولوبدی دل گیر گویلوم سنی چوخ ایستیر ئولورم من بوصون نفسده قارداش/یولدا قالیب گوزوم گل ای او گلن یولووا/قربان اولوم اوزوم گل باشی بلالیم من/ ائلدن آرالیم من گوزجامی قان ویریر گل شرح وبیان ویریر گل معصومه جان ویریر گل ئولورم من من اشک باریوام گل چشم انتظاریوام گل من بیقراریوام گل ئولورم من رضا فراق اوتوندا/اشکیم آخار عذاره گل باری نعشیمی سن/یتیر اوزون مزاره باشی بلالیم من/ ائلدن آرالیم من نفس دوشوب شماره قلبیم چکیر شراره رحم ائت بو بی قراره ئولورم من پوزولدی باغ و گلشن باجون دویمازدی سندن اورک باشیندا نامه ن ئولورم من قارداش دیمم گَلیدون/عشقی نشان ویرردیم گلسیدین ایندی امّا /آسوده جان ویرردیم باشی بلالیم من/ ائلدن آرالیم من زینبِ پر شکستیم من غملرالینده خستیم من تز گَل حسین جان اوستیم من ئولورم من سن قانلی توپراق اوسته یاتدون اوزون قارداش مرامه چاتدون زینبووی گوزوندن آتدون ئولورم من اورکده کی یارامدان/گوزجامی قان وریرگل یتدی قارداش باجیسی/غربتده جان وریر گل باشی بلالیم من/ ائلدن آرالیم من شام ایچره من غریبم چوخداندی غم نصیبم مریضِ بی طبیبم ئولورم من حسین بو غربت اِئلده مین دردو غصّه دیلده خنجر یاراسی الده ئولورم من قارداش بودرده هجران/الدن آلیب دوزومی گل باری قبلیه سن /دوندر منیم یوزومی باشی بلالیم من/ ائلدن آرالیم من عمّه خرابه یرده سینم گلیبدی درده اکبر گلیدی بیرده اولورم من نالم گویه دایاندی اشکیله یوزبویاندی اکبر نَدَن یوباندی ئولورم من «اکبرگلینجه ئولسم /سن دفنیمی یوباندر آل نعشیمی اَل اوسته /تزباشینه دولاندر» باشی بلالیم من/ ائلدن آرالیم من بوقانلی یاش گوزومده سیلی یری یوزومده یورولمیشام اوزومده ئولورم من بوشامه بیز گلنده دویوبلر آغلینده قمچی یری بدنده ئولورم من من(بیکَس)و غریبین /احوالینی بولن یوخ ئولسم خرابه ایچره/بیردفنیمه گلن یوخ باشی بلالیم من/ ایلدن آرالیم من #وفات_حضرت_معصومه_سلام_علیها #حضرت_معصومه_س #حضرت_زینب_س #حضرت_رقیه_س التماس دعای فرج الاحقر مهدی عبادی