اوغول مصیبتی چوخ یاندیروب  آتا اورگین   ولی منیم کیمی هیچ قلبی اوتلانان اولماز نجه اوغول اییلیم قانی گوزلرونن اوپیم بلیم سینوبدی بله درد بی کران اولماز آخوب بو قان یره سندن ویا یاغوب گویدن        وگرنه بیر بیله قان سیل تک روان اولماز بهار اولار گل اچار گل سولار خزان یتیشر       بهار فصلی باشا یتممش خزان اولماز روان اولوب یوزه اشگیم ایاقه دورسان اگر      گوزوم یاشی یوزومه بو قدر روان اولماز حکایت غمیوی هر کیمه دئسم آغلار   یانار دئیر بیله بیر غملد داستان اولماز شماتت ایلمسه آغلیاندا شام اهلی     ائله فغان ایدرم من تک آغلیان اولماز دسم بو جسمیوه گلدور و یا گلستاندور نجه دیوم بو سوزی بیله گلستان اولماز دسم منیله دانیش دردیوی ایله اظهار او کس علی دانشار آغری لخته قان اولماز دئسم اوگوزلرون آچ وار یری آچانمیاسان      اوگوز علی آچیلار که او گوزده قان اولماز بیله ایاقلاریوی اچما یغما جسموندن      که قان آخار قاباغین قانیوین آلان اولماز نقدر درد گران یر یوزونده اولسا اوغول      اوغول ئولومی کیمی محنت گران اولما اورگیمون باشینا یاره وردی یاره لرون    یاراما مرهم اوغول واردی تا جهان اولماز ایاقه دور منیله خیمیه گداخ باهم اگر چه سنده اوغول طاقت و توان اولماز آنان یارالاریوا بیر به بیر سالا مرهم       سنون یارالاریوی بوردا باغلیان اولماز من آغلارام باجیم آغلار بالالاریم آغلار     تمام عالم اگر آغلاسا آنا اولماز مزار پاکیوه گر (گلشنی)قویا یوزونی     دئیر بو یر کیمی  هیچ روضه جنان اولماز #داغ_جوان #حضرت_علی_اکبر_علیه_السلام