🍂برای پیشواز از زائرین کربلا سروده شده🍂 نینوا زائریسن غملی منادن گلیسن سانکی معراجه گیدوب عرش خدادن گلیسن محرم اولدون قره کوینکیلنه صفالی حرمه طوف ایدیب قتلگهی سعی وصفادن گلیسن قاره احرام گیوب کعبیه اوخشورسان ازون کعبه ده قاره گیوب سنده عزادن گلیسن دنیانین واردی صفاسی گزَه سن هر طرفین فرقی وار سن ولی روحانی صفادن گلیسن ائول مکاندان کی اورا شوقیله اهل ملکوت طوفینه زائر اولار یدی سمادن گلیسن اگلشوب کرب وبلانین توزی پیراهنووه محترمسن حرم میر هدا دن گلیسن سن زیارت ایلدون عشقیمیزی بیزده سنی گوزلر آیدین گوزه تپراقی زیادن گلیسن کربلادن آچیلار خلد برینون قاپوسی جنته طعنه ووران صحن و سرادن گلیسن ایستین نوکری درگاهینه ارباب اوزیدی اونا لبیک دیوب بحر عطادن گلیسن مبتلا اوردا بلایه نچه پیغمبر اولوب نوحی گردابه سالان کرب و بلادن گلیسن یری واردور اوخیاق سنله مناجات کسا واقف اول جلوه گه آل عبادن گلیسن وار دعالرده اثر قبه سی التدا آقامون هامینی یاده سالوب اوردا دعادن گلیسن قسمت اولسون گنه باهم یتیشک خدمتینه وعده گاهِ هامی احبابِ ولادن گلیسن یوسف فاطمه مهدی اورا تشریف آپارار یوسفین عطرین آلوب دار شفادن گلیسن رحمت واسعه عالملره اوردان یتیشر معدن معرفت وجود وسخادن گلیسن نادم اولسون اگر عصیان وخطادن بونی بیل درگه بخشش عصیان وخطادن گلیسن نا امید اولماز اورا صدقیله کیم گیتسه اگر هامی مشکلرووه باب رجادن گلیسن خیرمقدم (حسنین) شعریدی تقدیم اولونار سن کیمین یولداشا کی مهد وفادن گلیسن #زائرکربلا #امام_حسین_علیه_السلام ✍حسنعلی_بالایی ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🔹️💢🔹️◇•••--- @torkiy