💔زبانحال حضرت زینب (سلام الله علیها) در شهادت حضرت رقیه(سلام الله علیها)💔 کانال مطالب ناب فارسی وترکی🔰🔰 🆔: @torkiy حاج حسین غفاری اردبیلی ای دشت کربلانون زیبا نگاری لای لای اوغلی ئولن ربابین دارو نداری لای لای یوللاردا آت دوشونده از بس قاچوب یورولدون قربانون اولسون عمّون یورقون قناری لای لای ای باغریقان رقیه آرام جانه رقیه دور دلبرون گلوبدی شیرین زبان رقیه ایتمه گلایه مندن بوشدی الیم کفندن باشی بلالی عمّون شرمنده اولدی سندن بیر دفعه قسمت اولسا گلسم دوباره شامه بیر یاخشی گوشواره آللام سنه وطندن ای باغریقان رقیه آرام جان رقیه دور دلبرون گلوبدی شیرین زبان رقیه کرب و بلایه گیتسم عباسه چوخ سوزوم وار دوزدورکی قالدی قولسوز ئوز عشقینه وفادار اما گرک گلیدی قیزلاره باش چکیدی گلسیدی قمچی آلتدا ئولمزدی خردا قیزلار ای باغریقان رقیه آرام جان رقیه دور دلبرون گلوبدی شیرین زبان رقیه دیواره یوز قویاندا آخشاملار آغلیاردون لای لای علی دئیدی دنیانی داغلیاردون قالسیدی یادگاری ششماهه قارداشوندان مین ائیل او یادگاری سینونده ساخلیاردون ای باغریقان رقیه آرام جان رقیه دور دلبرون گلوبدی شیرین زبان رقیه گنجینه شرفده الماس اوخشیاردون بیر پاک و با طراوت احساسه اوخشیاردون یالوارمادون ئولونجک هئچ رذل و نابکاره دریای غیرتوندن عباسه اوخشیاردون ای باغریقان رقیه آرام جان رقیه دور دلبرون گلوبدی شیرین زبان رقیه هئچ بیر دَوا ساغالتماز بو قلبیمون یاراسین کیم گور قویوبدی قبره ئوز قارداشی بالاسین ایکاش ئولیدی زینب قازمیدی بو مزاری نعشیم قالیدی یِرده دوتمیدیلار عزاسین ای باغریقان رقیه آرام جان رقیه دور دلبرون گلوبدی شیرین زبان رقیه آیدان گوزل اولاردون گول زلفووه تاخاندا دریایه بنذریدون گوز یاشلارون آخاندا یوللاردا دیسکینردیم فکریم قوشی اوچاردی عینا ننم اولاردون بیردن دونوب باخاندا ای باغریقان رقیه آرام جان رقیه دور دلبرون گلوبدی شیرین زبان رقیه #سبک های مشابه #سبک_احوالیمیز_یاماندی #سبک_نبسته_ام_به_کس_دل #سبک_آی_قلبیمون_قراری #سبک_ای_قهرمان_وزیریم #سبک_آچ_گوزلرون_علی_جان #سبک_گل_زینبیم_یوبانما #سبک_گلدیم_هرایه_قارداش #سبک_اود_یاپوشدی_سینمه و ... 😭حضرت_رقیه_شهادت 😭ای_دشت_کربلانون_زیبا_نگاری_لای_لای 📝غفاری_اردبیلی ✅ترکی 🆔: @torkiy