زبانحال حضرت زینب (س) . 🍂🍂🍂🍂🍂🍂🍂🍂🍂 . 🆔:@torkiy . سبک های مشابه : سو یوخومدی قیزلاروندان ... سنه سو دین دوداقلار ... یارالار سینونده قارداش ... یانور اصغریم سوسوزدان ... سنی سسلیور هرایه ... و ... قافله غم دوزولدی . مرحوم میرمحمود آقا شوری تبریزی . زینبون یانوبدی دلدن جان وئرنده سن یارالی گل حسین باجون وئرور جان سربسر بدن یارالی . . سن وئرنده تشنه لب جان کربلاده قوملار اوسته گلدیم اُول زمان حسین جان قتلگاهه دلشکسته شمر الین دوتاندا اولدی اللریم شکسته بسته عورتی ندن وورورسان اولمادی دییَن یارالی . . لطف قیل بو غربت ائوده گل یارالی سینه داغلا قبلیه چوور یوزومی باخ منه سیزیلدا آغلا اللرون بدنده اولسا باری گوزلریمی باغلا قالماسون اؤرکده نسگل جان وئرنده من یارالی . . ارث دور بیز اهل بیته غربت اؤلکه ده وئراخ جان خوشدی زینبه بو اؤلماق چونکه ایسدیوبدی جانان بیرجه گُل یوزون گورِیدوم تا که جان وئریدیم آسان قبض روحه وئرمرم سن گلمیینجه تن یارالی . . گر سنون بو گلماقوندا زحمت اولسا ای برادر گلمه سنده گلمه قارداش باری اکبریمی گوندر سویله اکبریمه عمّون جان وئرور یولووی گوزلر چون بولور نجه چتیندور اولسا جان وئرن یارالی . . قیل قدم عزیز قالسون قویما یولدا گوزلریمی آل بو غصّه لی اؤرکدن بیر یانخلی سوزلریمی باشیم اوسته بیرجه اگلن چک کناره گوزلریمی گور اؤرک باشیندا قانلو کهنه پیرهن یارالی . . گر چه روح زینب ایمدی آیریلور حسین بدندن جانیوه قسم ئولوبدور آیریلان زماندا سندن قبض روحی اوندا اولدی سن وداع ائدنده مندن یوز قویوب جداله گئتدون با دل محن یارالی . . سن وئرنده جان گَلَنموب قزلارین او سرزمینه باغلاسونلا گوزلریوی قویمیوبدی اهل کینه نسگل اولماسون گوزیمی باغلوری قزون سکینه ساچلارین ایله یولوبدور مثل یاسمن یارالی . . آغلیانلارون باش اوسته جان وئرنده سن اولورسان آغلیان منی حساب ائت گل قدملریوه قربان گور نه حسرتیله غربت ایچره زینبون وئرور جان گه دیور حسینیم ایوای گه دیور حسن یارالی . . تاپمادیم بلا چولونده جسم پاکیوه کفن من قویمادی یارالی نعشون بیر قویام مزاره دشمن من خجالتم ولیکن بو غریبه لطف قیل سن جسم زینبی گوروب یان ائتگیلن کفن یارالی . . وار مرامی دلده گورسون بیر او گل جمالی زینب باشیوه دوروب دولانسون قالماسون ملالی زینب بیر دیوم یارالی قارداش سنده دئ یارالی زینب ای یارالی بیر یارالی آختارور ئولن یارالی . . زینبی اؤزون بولورسن چوخ سوؤر او تشنه سقّا اولماسون خجل برادر اولماسا سوئی، دئ امّا قولّارون بدنده اولسا گئت باجون گوزینی باغلا بیر اؤپوم او قولّاریندان ای شه زمن یارالی . . زینبون ئولونجه «شوری» ال گوتورمه دامنیندن عمّه وای دیوب سیزیلدا عرض قیل ای عمّه سندن ایستیرم حسین مزارین آیریلام خانم وطندن ورد ائدیم سنون دیلونجه سن یارالی من یارالی . . . #سبک_سو_یوخومدی_قزلاروندان ... 5 سبک . . . #زینبون_یانوبدی_دلدن_جان_وئرنده_سن_یارالی #شوری_تبریزی #ترکی . . 🆔: @torkiy #ترکی #زبدةالاشعار #زینبون_یانوبدی_دلدن_جان_وئرنده_سن_یارالی #زینبیه_شهادت #سبک_سو_یوخومدی_قزلاروندان #شوری_تبریزی

امان نامه سوال و جواب #سبک_سو_یوخومدی_قزلاروندان … . ثابت اردبیلی . ///زبانحال امام حسین (ع)/// . گجه گوندوز اهل بیتون سر پاسبانی قارداش سنه شمر نامه گتدی آتامون نشانی قارداش . . بو بلالی چولده سوز یوخ اولاسان سپاهه سرهنگ سن اولان مکاندا وورماز باشما بو کوفیان سنگ منیم اوسته اولما قارداش در بارگهده دلتنگ بو حسین خدایه وئرسون گرک امتحانی قارداش . . ووراجاق سَنان ظالم باشمى اخا سِنانه ایدجک او کوفه اهلی باشیمی داشا نشانه بو کسوک باشیم برادر باتاجاق دوباره قانه اولاجاق او نیزه باشی باشیمون مکانی قارداش . . اولاسان بو کوفیانه آنام اوغلی سنده سردار نه یانار خیامِ دیبا نه چوله قاچار بو قزلار نه مینر سنق کجاوه نه باجیلارون قان آغلار نه گیدر دمشقه زینب نه یانار زبانی قارداش . . نه جنازه می کفن سیز قویاسان قالا برادر نه خیامدن حرملر گله قتلگاهه یکسر گیده جک باشیم جداده قالاجاق برهنه پیکر بو حسین وطن ایدوبدور بیله غم فضانی قارداش . . نه رقیّه آت دوشونده دولانار بلا چولونده تاپاجاق برهنه نعشی اخی کر بلا چولونده على اکبریمدی قربان حقه بو منا چولونده جمع ایله مگر سوزوم وار باشا شامیانی قارداش . . /// جواب حضرت ابوالفضل (ع)/// . . منی قوؤما سن قاپوندان شه کربلا آماندور علی اصغرون باشینا منی خیمه ده دولاندور علی اکبره غلامم بو قاپوندا دالدالاندور ایلرم تصدّق اکبر باشینا بو جانی قارداش . . ازل آل بو تیغی الدن یولا سال منی شهنشاه گیدرم نجف چولونده ایدرم بابامی آگاه دیرم حسین قووبدور قاپودان منی چکوم آه اوجالار درِ على دن دلیمون فغانی قارداش . . وئر اجازه قانه اوّل بویانوم بو کربلاده سر پاکیوی حسینیم گوره بولمرم جداده کسیلر اوزون بو قولّار قالا پیکریم اراده توکولر فراتون اوسته یره لخته قانی قارداش . . سنه حضرت ابوالفضل ائدرم بو دردی اظهار نچه ایلدی من دخیلم سنه، ائت نظر علمدار یاپوشوبدی دامنوندن گوزی یاشلو خردا قزلار ایلدیم بو عشقی ثابت سنه بیر ده آنی قارداش ._دلتنگ کربلا یا اَرحَمَ الرّاحِمین #محرم_۱۴۰۴ #شب_نهم_محرم #شهادت_حضرت_ابوالفضل_علیه_السلام #کانال_باب_الحوائج http://eitaa.com/torkiy