در احوالات حضرت محمد (ص) آغلاما مندن صورا گل تک سولارسان فاطمه بو یاخونلیقدا  منه  ملحق  اولارسان فاطمه حمد للَه  باشه  ویردیم   نقشه ی   آمالیمی ایتدیم  ایفای  وظیفه  روز  و ماه و سالیمی آغلاما جان اوستیم ایتمه پریشان حالیمی آغلاما مندن صورا گل تک سولارسان فاطمه سن  بولورسن  نه  اذیّتلر  ایدوب امّت منه رنج و محنتدن خلاص اولدوم  یتیشدیم  ایمنه آغلاما بوندان صورا آغلار قیزیم طاها سنه آغلاما مندن صورا گل تک سولارسان فاطمه دین و قرآنی مسلمانلار  ایده لّر  مبتذل امر به معروف و نهی از منکره  اولماز عمل امّته  اشرار  اولار  والی، یتر دینه خلل آغلاما مندن صورا گل تک سولارسان فاطمه آیریلان ساعت آتان بو عالم امکانیدن شعریله تعریفین ایتمه گیچ بیله عنوانیدن ذکر ایله «اِلّا رَسولٌ قَد خَلَت» قرآنیدن آغلاما مندن صورا گل تک سولارسان فاطمه بو وفاسیز امّتیم  مندن صورا یولدان چخار دین ایوین شورائیله سوری مسلمانلار یخار هم سنی دشمن در و دیوار آراسندا سخار آغلاما مندن صورا گل تک سولارسان فاطمه مهبط  وحی  خدادور  بو  ایوین وار قیمتی پیک حق اذن ایستدی سندن  هماندور علّتی امّتیم    امّا   مراعات   ایلمز    بو  حرمتی آغلاما مندن صورا گل تک سولارسان فاطمه ای  منه  ریحانه  ای  باغ  رسالتدن  ثمر چکدیقیم   زحمتلری  اوز  امّتیم  ایلر هدر جِدّ و جهد ایله لّه بلکه قالمویا دیندن اثر آغلاما مندن صورا گل تک سولارسان فاطمه نعشیمی  یرده  قویالّار شورش و غوغائیله غصب حقّ مرتضی تصویب اولار شورائیله کشف  اولار  سرّ سقیفه  خلقه  عاشورائیله آغلاما مندن صورا گل تک سولارسان فاطمه بو جفا و ظلمیدن سرمشق  آلار  سفیانیان کربلاده  ئولدورر اوغلون  حسینی شامیان جسمینی اوراق ایدر قرآن کیمی قرآنیان آغلاما مندن صورا گل تک سولارسان فاطمه آغلاما  اوغلون  حسینه   کربلاده    آغلاسان قتلگاهینده  اونون گوز یاشلی سینه داغلاسان عالم معناده  قانلی گوزلرین سن باغلاسان آغلاما مندن صورا گل تک سولارسان فاطمه (( کهنموئی)) جان ویرنده حضرت ختمی مآب بو  طریقیله   قیزی   زهرایه   ایلردی   خطاب تیز منه ملحق اولارسان ایلمه چوخ اضطراب آغلاما مندن صورا گل تک سولارسان فاطمه برچسب‌ها: حسین کهنموئی ریاضی #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

🍁 جواب حضرت زینب (س) 🍁 در شهادت امام حسن (ع) گوزون آچ اویان شَه باوفا باشون اوسته دادووَه گلمیشم منیلن دانیش دیلووَه فدا باشون اوسته دادووَه گلمیشم آنام ئولدی سوندی چراغیمیز باجون عَندلیب عزا اولوب آتام ئولدی شُکر ائلدیم هَله حَسنیم یرینده بقا اولوب گورورَم سنونده آخور گوزون سنه بو ستم نَه روا اولوب باشیما سالوبدی فلک قَرا باشون اوسته دادووَه گلمیشم بو ئورک دوگونمَسینه اَخا منی مبتلا غمون ایلدی بله پوزقون حالیله باخماقون منه نسگیل هر دَمون ایلدی سنی بوگجه غمه مبتلا ئوز ائوینده مَحرَمون ایلدی نِجه بیلدی بو ستمی روا باشون اوسته دادووَه گلمیشم آناما قوناق گئدوسن ولی پوزولان تفاقووَه آغلارام سالارام همیشه باشا قَرا باخارام اُطاقووَه آغلارام گورورَم یانوب جگرون اَخا گوگرن دوداقووَه آغلارام ئورگیم منیمده دونوب قانا باشون اوسته دادووَه گلمیشم باجوون فدا اولا گوزلری آنام اوغلی سن کیمی قربانا اوقَدَر سنه ئوزوم آغلارام گوزومون سرشکی دونَر قانا گلوب آلتی قارداشون آچ گوزون سنه آغلیولا یانا یانا سنی اوخشیار گَلن اَقربا باشون اوسته دادووَه گلمیشم گوزووی آچوب یوموسان نَدن بو سرای قلبیمی داغلوسان باخوسان ساقا صولووا گهی یوزه گوز یاشون بِله باغلوسان نَدور علّتی منه ائت بیان باخوسان بو قاسمه آغلوسان گئدوسن ولی نگران اَخا باشون اوسته دادووَه گلمیشم ئورگیم یانور باخوب آغلاما نگران اولان گوزووَه فدا سنه بو حسین باخوب آغلیور دِئ ئورک سوزون سوزووَه فدا آتالیق ائدَر بالووا حسین بالووا فدا ئوزووه فدا ائدرم ئوزوم طویونی بنا باشون اوسته دادووه گلمیشم 🌾#بیست_وهشتم_صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

استاد حاج نادر بابایی بابایی 🍂 سوگ حضرت رسول (ص) 🍂 قمری خوشخوان گُزیده گوشهء عُزلت چرا اوخَموش ازنغمه خوانی کُنج این خَلوت چرا هالهء ماتم فِکنده سایهء  غم بر زمین بارد  از  نُه آسمان خاکستر مِحنت  چرا شهر پیغمبر  شده  دارُالبُکاء  عَرشیان وای من این ضَجّه و این ماتم امّت چرا در زمین و آسمان روحُ الاَمین افغان کند مصطفی وامصطفی کردی چنین رِحلت چرا خاک عالم بر سرم احمد ز اُمّت شد  جدا مَهبط جِبریل گشته شاهد فرقت  چرا مرکز  اَنوار عالم آن  چراغ  سَرمدی شدخموش آخر درآن جولانگه ظلمت چرا گشته محراب نبی ایوا مصیبت بی نَبی نالهء محراب و این سجّادهء طاعت چرا ای رسول حَق دلشب هجرتت از مکّه بود بار دیگر از مدینه کرده ای هجرت چرا ناله ها دارد حسن از بهر جَدّ  اَطهرش این حسین دیگر ندارد با کسی صحبت چرا فاطمه مینالد و خون گرید از سوگ  پدر سینه ی پُر مِهر او شد مَامَن حسرت چرا این غریبی در مدینه بَس بود بر فاطمه خانه ی بابا شده بر دخترش غُربت چرا این غریب شهر طاها وین گُل یاس جِنان بین دیوار و در و این یاس و این حالت چرا مُنتقم  بازآ  کجایی جمعه ای دیگر گذشت قبر زهرا بی نشان ،ای آخرین حجّت چرا (نادرا) فرصت غنیمت دان و دَقُ الباب کن کس نداند روز و شب را اینهمه سرعت چرا 🏴سوگ حضرت رسول اکرم(ص) 🏴 زُورق طَبعیم دوشوبدور غملرین دریاسینه هم قلم هم دفتر آغلور ماتمون عُظماسینه سیّد اولاد آدم  بستر موته  دوشوب تب اثر ایلوب رسول اَکرمین اَعضاسینه باغلیوب بار سفر گویا مسافردور گئدور آیریلیق رنگی دوشوبدور صورت زیباسینه اَلرَّحیل آهنگینی گویا چالور ناقوس غم رَحمتُ الِلعالمین ایستور گِئده مَاواسینه ساق طرفده آغلیور پیغمبره مظلوم علی صول طرفده فاطمه دَم وِئردی واویلاسینه پای پاده سَس سَسه قوشدی حُسینیله حسن آغلاشولّار یان یانا درد و غمین مَعناسینه زحمتیله گوز آچور طاها اِئو اهلین آغلادور گَه باخور شیرخدایه  گَه باخور زهراسینه فاطمه بی تابیدور  هجرانه یوخدور طاقتی حسرتیله گوز تیکوب پیغمبرین سیماسینه بیرده خَتمُ المُرسلین آچدی او زیبا گوزلرین منتظردور هرباخان اول حضرتین اِیماسینه زحمتیله اِئتدی فرمایش حُسینیم هاردادی مُشتریدور سینَم اوستی جَنّتون آقاسینه چَکدی آغوشه حسینی اِئتدی فرمایش اودَم صابر اول بو چَرخون ای گُل بیوَفا دنیاسینه آغلاما ، سن آغلیاندا آغلاشور  اهل سَما آهون اود سالمیش بو چَرخون گُنبد میناسینه آغلیار عالم  سنه ، سن آغلاما آرام جان طاقتیم یوخدور  حسینجان غملرین آواسینه خامَه بیردَه  حاشیه آچدی  بو یِرده مَطلبه سوز سوزی گَتدی یتیشدی  مَقتلین غوغاسینه یا رسول الله حُسینون  آهینَه  سن دوزمَدون بیر گون  امّا گویلرین  اهلی اَنوبدور یاسینه نِیلَدی کَرّوبیان اوغلون  دوشنده  مَقتله نالیَه گلدی فَلَک بو  عالمون  مولاسینه بیر طرفده ظُلمت مَحض ایستیور نوری یخا بیر طرفده نور مُطلق  رَحم اِئدور اَعداسینه نیلَدون عَمّامون  اَلده یا رسول الله اوگون اوندا  که قاتل  چیخوبدور  سینهء سیناسینه ظالمین تیغی اَنوب تِزتِز حُسینون حَلقینه نیلَدی گور تیغِ  عُریان  بوسه گاهِ یاسینه فاطمه آلدی اَله مَعجر یوموبدور گوزلرین اِئتدی اُمَّتدن شکایت رَبّیَ الاَعلاسینه عرض اِئدوبدور باراِلها دَن دَن اولدی گُللریم تَک تَکی ناز اِیلیوللَر جَنّتون طوباسینه بو حُسینیم تشنه لب گِیدی شهادت جامَه سین تشنه دور دنیا  سویی  لَعلِ لب حَمراسینه (نادرا) وقت سحردور دور گِنه سَجّاده سال سن سوزی یازدون صبور اول حَضرتین اِمضاسینه 🌾#بیست_وهشتم_صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

مدح امام حسن مجتبی علیه السلام جان وئردی حسن بلبل آل محن ئولدی سیلی یرینی کوچه ده اوّل گورن ئولدی گوز یاشینی رخسارینه باغلاردی همیشه حسرتله یانان قلبینی داغلاردی همیشه زهرایه دین سیلیه آغلاردی همیشه کیم آلسا خبر من دیه رم کوچه دن ئولدی سوزدن سوز آلور غصه لی قلبیم سوز ائوینده اشگیم دولانور شام و سحرده گوز ائوینده امنیتی یوخدور بو شهیدین گوز ائوینده ظلمیله گجه زهر جفانی ایچن ئولدی مسموم ائلدی جعده شه عرش وقاری زهرین اثریندن گویروب رنگ عذاری سسلندی هرایه باجیسی زینب زاری دور سسله حسینی دینه قارداش حسن ئولدی بو زهر جفادن باجی رنگیم سارالوبدور قارداشلاریمی سسله که صبریم آزالوبدور عباسه دئمه جعده بو احواله سالوبدور دوزمز گوره بو نحویله شاه زمن ئولدی تا گوردی حسین قارداشینی صبری آزالدی عمروم گلی ظلمیله دیدی سولدی سارالدی گتدیم آنامون یانینه قاسم سنه قالدی اکبردن آییرما اونی بو ممتحن ئولدی قوش اکبریوه اوغلومی دلشاد ائله قارداش غملی ئورگین غصه دن آزاد ائله قارداش مندن صورا سن قاسمی داماد ائله قارداش شاید ئورگینده گوره درد و محن ئولدی قسمت بئیمیش صبر ائله اندوه وفراقه بیر گون گیده سن زینبیلن سمت عراقه وئرمز بیر ایچیم سو او یرین اهلی قوناقه اوندا گوره سن بلبل و باغ و چمن ئولدی دوشسون یارالی پیکریله قانلو منایه صبر ایله بلیاته اوگون گلمه نوایه گللم آنامیله من ئوزوم کرب وبلایه اوندا دیرم قلبینی طاها ئوپن ئولدی عورتده تفاوت نقدر وار هامی بولسون باخ غملی ربابه ئورگون غم اوخی دلسون واللهی ربابون قاداسی جعدیه گلسون آغلاردی حسینه او قدر غصه دن ئولدی عاشق اودی دایم اولا یارین سراغیندا زهرانین ادبلی گلینی غم سیاقیندا آخرده وئروب جان ئوزیده گون قاباقیندا زینب دئدی وای اصغره لایلای دین ئولدی ✍منکلام:استاد حاج داود صادقی تبریزی #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

احوالات حضرت امام حسن علیه السلام حجّت دوّم حق وارث طاهادی حسن جانشین شه مردان شه والادی حسن خلف ارشد صدّیقه ی کبرادی حسن صدف بطن بتولین اوّلین گوهریدور عرش گواشواره سی آغوش نبی زیوریدور اوزی معصوم چهارّم هدفی صلح و صفا نفر چارّم خوش انجمن اهل کسا بذلی چوخ بخششی چوخ شاکر و تسلیم و رضا آسمان ادب و علمه یوزی مطلع نور ذات معبوده اولان عاشق و صدّیق و صبور سَنه ی سوّم هجرتده او سر چشمه ی جود گلدی ایجاده وجودیله شرفلندی وجود طالع اولدی افق حقدن او مهر مسعود جدّی خاتم آلوب آغوشه ائدوب مهر علن هفتمین روز تولّده آدین قویدی حسن ایتدی اعلان بو سوزی خلقه رسول مدنی حقّیمه عارف اولوب ایستیور هرکس که منی اونا لازمدی گرک ایستیه اوغلوم حسنی بالاما دوست اولان اخذ ائده جکدور حَسنه من اوزوم یار و محبّم حسنی ایستینه منبر اوستونده ائشیتدی حسنون ناله سسین دوشدی فوراً یئره تعطیل ائلدی موعظه سین گُل خوش منظرینه ائتدی علاوه هوسین سینه سی اوسته قویوبدور باشینی رام ائلدی ایگلدی اوپدی سیلوب گوزیاشین آرام ائلدی کتفینه چیخدی نماز اوسته او دلبند بتول طول وئردی او قدر سجده سینه ختم رسول یئره دوشدی بالاسی اولمادی غمگین و ملول او جلاتده نبی روز جزا مؤتمنی دیزی اوستونده اوتورداردی همیشه حسنی نئچه ائیل محضر جدّینده ائدوب کسب مقام محضر شیرخداده ائلیوب رشد تمام آتاسیندان صورا تا یئر یوزونه اولدی امام تابناک اولدی هدایت گونی نور ازلی پخش فیض ایلدی فرزند برومند علی مردم کینه صفت کینه سینی قیلدی عیان سیندیروب بیعتینی قویدی امامی نگران معاویه ائتدی پس پرده ده هر گون هیجان مکر و تبلیغ کذائیله ائدوب خلقی جری راغب اولدی اونا کوته نظرانون نظری زداه ی ختم نبی گورمدی مردمده وفا اولمادی چاره سی آخرده اولوب صلحه رضا فرصت ظلمی سالوبدور الینه اهل جفا باطنی دشمن اولان اولدی مخالف علنی هر گلن ائتدی مذمّت او شه ممتحنی بیر نفر کسدی قباقین دئدی بی ربط و دلیل ایلدون صلحیله مؤمنلری عالمده ذلیل قیلدی فرمایش او طعن ایلینه فخر خلیل کمکیم اولمادی اثبات دیانت ائلیه قویمارام یوخسا معاویه خلافت ائلیه حتک حرمتده حریص اولدی ز بس اهل جفا خطر جانیده گوردی اوزینی صبح و مسا هر زمان مسجده ایستردی گئده میر هدا سوء نیّت بویوراردی بولورم واردی منه زرهین زیر قبادن گیونردی بدنه مجمع عامیده دشمنلر عداوت ائلدی توکولوب خیمه سینه ظلم و اهانت ائلدی قباقیندان بیری سجّاده نی غارت ائلدی بیری ووردی بیری چیگنیدن عباسین چکدی دئدیلر بیربیره مجرمدی جزاسین چکدی پیروی اولدی معاویه کج اندیشه سینه دوتدی تصمیم ادامه وئره بد پیشه سینه تیشه بیر دفعه ورا فاطمه نون ریشه سینه کشور رومه سفارش ائدوب اول شوم و دنی گتوروب زهر کشنده ائده مسموم حسنی زهری گیزلین یتوروب جعدیه چوخ وئردی نوید زندگیدن ائلسن گر حسنی قطع امید ازدواج ایلیه جک عهد ائدورم سنله یزید دوتارام مقدمیوی شامیده محبوب و عزیز قاباقوندا دایانار ال الی اوستنونده کنیز او نویداتیله جعده ائلدی ترک وفا نفسینه تابع اولوب عقلی ائدوب ظنّ خطا بیر گئجه فرصت ائدوب الده همان زهر جفا سوء قصدیله دوروب منزل دلداره گلوب صورت یاریده ظلم ایلمگه یاره گلوب گوردی بسترده یاتوب پادشه عرش وقار نور حُسنیله مزیّن دی دل لیله ی تار زهری داخل ائلیوب کوزیه تئز اولدی کنار سمّ مهلک اثری کوزه ده حل ایلدی سو مجتبی حالینه باجادی دئسم یاندی سبو عطشون شدّتی رؤیادن اویاتدی حسنی ایچدی سو یاندی اورک لرزیه گلدی بدنی پوزولوب حالتی آق رنگی اولوب یاسمنی کامینه چکدی آلو تک جگرین سمّ جفا دئدی دینجلدوم الهی ائدورم حمد و ثنا طاقتی اولمادی بیر لحظه ایاق اوسته دورا بسترینده یاتا یا اینکه صداسیز اوتورا سورونوب گلدی خانم زینبی داده چاغورا سسلدی سوزش آهیم فلکه چیخدی باجی خواب ناز ایلمه جعده ائویمی یخدی باجی آچدی زینب گوزینی هولیله شیرین یوخودان مجتبایه او خانم ایتدی نظاره دئدی جان قیل منی حالی نه قاندور بو دوداقونده کی قان لبلروندن آنام اوغلی گورورم قان توکلور یا سینوب جعبه ی قلبون یئره مرجان توکولور دئدی احضار ائله قارداشلاریمی جان محضر جدّیمه من گئتمه لی اولدوم بولورم قان دگول بو جگریم پارچالانوبدور ئولورم ایستورم آلسون حسینیم دیزی اوسته باشیمی سسله گلسون غمی مندن چوخ اولان قارداشیمی پایان بخش اول ✍اثر طبع:مرحوم استاد حاج قدیر جلیل زادگان متخلص به انور اردبیلی ‌‌‌‌‌‌‌‌‌‌#بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

کربلایی علی معصومی زنجانی شهادت امام حسن(ع) #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

🏴نوحه شهادت امام حسن مجتبی (علیه السّلام) 🏴 . ✍عباسی معروفان اهری . گل باجی زینب جگریم یاندی گل گل حسنین حالی پریشاندی گل آغلا منیم حالیمه غصه لی احوالیمه . . کون و مکان گؤزلریمه تار اولوب طشت ائله حاضر منه غم یار اولوب گؤیده ملکلرده عزادار اولوب عرش خدا بر هم و لرزاندی گل . . سالدی بلایه منی ئوز همدمیم عاطفه سیز همسر نامحرمیم زهر جفا وئردی چوخالدی غمیم شعله غمدن دل الولاندی گل . . سسله حسینیم منه دل داغلاسین وای حسن وای دیوب آغلاسین لطف ائلیوب گؤزلریمی باغلاسون لحظه غم موسم هجراندی گل . . گلدی حسین آلدی باشین سینیه سالدی نظر  آینه  آئینیه سسلدی ای توش اولونان کینیه نطقه حسن ٬ جان سنه قرباندی گل . . قارداشی قارداش گتوروروبدور دیله قارداشینون وئردی جوابین بئله قال باشیم اوستونده حسین لطف ائله خوش باخشون آیت رحماندی گل . . غسل و کفن ایله منه سال یولا قویما حسین قاسمی محزون اولا باغ حسن آفت غمدن سولا اوغلومون الآن گؤزی گریاندی گل . . غصه لی تابوته وورون دایره بو عملوز قلبیمه تسکین وئره حمل ائلیون محضر پیغمبره گر چه مخالف هامی عدواندی گل . . قوم نفاق هلهله گر سالسالار سمت بقیعه آپارون قویسالار آغلاما تابوتیمه اوخ وورسالار قسمتیمیز تیریله پیکاندی گل #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

فاطمه قوروب مجلس عزا هم باباسینه هم بالاسینه آغلیور اوره کدن ائدور نوا هم باباسینه هم بالاسینه . .. صاحب عزا اولدی فاطمه باشینه ایکی قاره باغلیار گه دییر بابا گه دییر بالا سینه سین بو ماتمده داغلیار گه مدینه ده گه بقیعیده اِبن و اَب فراقینده آغلیار باش آچوق وورار سینه برملا هم باباسینه هم بالاسینه . .. گلستانیدن گئتدی باغبان بضعة النّبی اولدی باغریقان گلشنینده سولدی گوزل گولی بلبل اولدی بو غمده نغمه خوان بوکدی قامت و قدّینی الم اولدی چون ایکی غصّه همزمان فاطمه ديور من سیزه فدا هم باباسینه هم بالاسینه . .. یئر گوی آغلیور چون دوباره دن بیست و هشت ماه صفر اولوب مصطفا بو گون رحلت ایلیوب هر ایکی جهان دیده تر اولوب مجتبا ایچوب کوزه دن سویی زهر جعده دن خونجگر اولوب فاطمه سالوب باشینه قرا هم باباسینه هم بالاسینه . .. حضرت پیمبر بو امّته تاپشیروبدی قرآن و عترتین ایرمی اوچ ایلین اجرینه باخون ایستیوبدی عترت مودّتین آز زمانیده فاطمه چکوب بوزمانه نین چوخلی محنتین قاره پوش اولوب ارض هم سما هم آتاسینه هم بالاسینه .. .. فاطمه گلر آه و شیونه عرض ائدر شه انس جان بابا گه دییر اوغولسوز ئولن بابا گه دییر منه مهربان بابا امّتین یولوندا دوزن غمه، غصه دن اولان با غریقان بابا آغلیار بو ماتمده ماسوا هم باباسینه هم بالاسینه .. .. .. .. مصطفی فراقینده فاطمه هی چکور اوره کدن آه آغلیور مجتبا عزاسینده باغريقان قاسمیله عبدالله آغلیور سنده قاره پوش اولگیلان «بشیر» بو گئجه گدا و شاه آغلیور آغلا دردیوه ایستسون دوا هم باباسینه هم بالاسینه .. ✨اَللّهُمَّ عَجِّل لِوَلیِّکَ الفَرَج✨ #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

🏴شهادت امام حسن مجتبی علیه السّلام 🏴 ✍شاعر:کربلایی مهدی محمدی 🎶سبک : قدم قدم با یه علم .. آغلا گوزوم_ آغلا گوزوم_آغلا امام حسنه _ آغلا گوزوم آغلا گوزوم_آغلا گوزوم_آغلا  غریب وطنه_ آغلا گوزوم ~~~~~~~~~~~~~ آقامون حالینه یانورام احوالاتینه اوتلانورام غربتی یادیمه دوشنده هی دوروب اوتوروب آغلورام قلبینه چوخ یتشدی محن ایوینده دوشدی دیلدن حسن زهریله جعده ظلم ایله دی مظلوم ئولدی امام حسن آغلا گوزوم_آغلا گوزوم_آغلا امام حسنه _آغلا گوزوم آغلا گوزوم_آغلا گوزوم_آغلا غریب وطنه _آغلا گوزوم ~~~~~~~~~~~~~~~ سسله دی گل باجی جان زینب ای ننم یادگاری زینب زهریلن ویردیلر سو منه پارچالانوب جگریم زینب ~~~~ ای باجی دردیمه یوخ چاره قلب زاریم اولوبدی یاره دور ایاقه عزیز زهرا باشیوه باغلا ایندی قاره آغلا گوزوم_آغلا گوزوم_آغلا غریب وطنه _آغلا گوزوم آغلا گوزوم_آغلا گوزوم_آغلا شهید وطنه _آغلا گوزوم ~~~~~~~~~~~~~ ویر خبر تز  حسینیم گلسون اوجا بوی قارداشیم دا گلسون گی قاره ساخلا ماتم زینب اوز ننم یاسیمه تا گلسون ~~~~ گلشن عمریم آخر سولدی بستریم قانیلن گل دولدی تز طشتی حاضر ایله زینب قاسمیم یتیم آخر اولدی آغلا گوزوم_آغلا گوزوم_آغلا غریب وطنه _آغلا گوزوم آغلا گوزوم_آغلا گوزوم_آغلا شهید وطنه _آغلا گوزوم ~~~~~~~~~~~~~ سالدی بو زهر منی ایاقدان بو قانی سیلگینن دوداقدان سنه جانیم فدادی زینب قاسمی تز چیخات اتاقدان ~ آغلاما باجی اولان اولدی بو عمروم ظلمیلن تز سولدی گت سویله قارداشیم حسینه یوبانما قارداشون دای ئولدی #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

🎥 روضه سوزناک امام حسن مجتبی (علیه السلام) 🎤 با نوای گرم حجت الاسلام انصاریان حجت الاسلام میرزامحمدی حجت الاسلام دکتر رفیعی حاج منصور ارضی حاج محمود کریمی حاج مهدی منصوری #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

🎤حاج_محمد_باقر_منصوری ▪️دفن اولدی حسن ▪️وصیتهای امام حسن😭 😭😭😭😭 #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy

۞﷽۞ ۞﷽۞ 🏴زبانحال حضرت رسول اکرم (ص)به بانوی دوعالم حضرت زهرا (سلام الله علیها)🏴 آغلاما ای گـوزلـریـم نـور و ضـیـاسی فاطمه سیل گوزون یاشین اولاطاها فداسی فاطمه شـکـرلله مـن یـتـوردوم بـاشـه ئـوز آمـالیمی ایلدیم ایـفـای پیمـان روز و مـاه و سـالیمـی صـون نفسده آغـلامـا ایتمه پریشان حالیمی آغـلاما ای گـوزلـریـم نـور و ضیاسـی فاطمه سـن ئوزون آگهسن امت چوخ ویروب ایذامنه محنت و غمندن رهـا اولـدوم یتشدیم ایمنه ایـلـرم آه و نــوا بـونـدان صـورا زهــرا سـنـه آغـلامـا ای گـوزلـریـم نـور و ضیاسی فاطمه نـخـل اسـلامیـن قـیـزیـم آچمش گُـلِ یپراقیم کـیـم ولا بـزمـیـنده اولسامـن اوبزمه ساقـیـم بـاده حـقـیـلـه سـیـراب اولـمـاغـیـن مشتاقیم آغـلامـا ای گـوزلـریـم نـوروضـیـاسـی فاطمه بـو وفاسـیـز اُمـتـیـم قرآنـی تـحـریـف ایـلـیـر امـری مـنـکـرنهیده مـعـروفـه تـعـریـف ایـلـیـر سـیـنـدیـرالاربیعتی اسلامـی تـضـعـف ایـلـیـر آغـلامـا ای گـوزلـریـم نــور و ضیاسـی فاطمه مـن که رحلت ایلدیم امّت وفاسیندن چیخار نـقـض پـیـمـان ایلـیـب ارکـان اسلامی یـخـار جسمیوی غـم منجنیقینده جفااهلی سـیـخـار آغـلامـاای گـوزلـریـم نـور و ضـیـاسـی فاطمه جیسمیمی دفـن ایتمه میش ایلرجفااهلی فتن آیـه ی اِرثـی دانیب غصب ایلیر حـقّـون عـلـن بـیـعـت اوسـتونـده ووراردسـت یـدُالله رسـن آغـلامـا ای گـوزلـریـم نـور و ضـیـاسی فاطمه آدینی مـسـلـم قویان ملت عـنـاداوسته دورار سیندریب دین حرمتین بیرمجلس شوراقورار جـمـع اولـوب اوچ یوز نفرباب ولانی یاندیرار آغـلامـا ای گـوزلـریـم نور و ضـیـاسـی فاطمه آغـلارام یاننّام او ساعت کی سـنـی قـوم دغـا ایــلــر آمــاج بـلـیـّا تـه سـپـر مـنـدن صــورا سـقـط اولارجوروجفادن محسن آدلـی بیربالا آغـلامـا ای گـوزلـریـم نـورو ضـیـاسـی فاطمه بـوقدر واویـلـتـاسـویـلوب جـهـانـی داغـلامـا باخماحـسـرتله مـنـه اشگون عـذاره بـاغـلامـا بویاخین لیقدامـنـه ملحق اولارسـان آغـلامـا آغـلامـا ای گـوزلریـم نـور و ضـیـاسی فاطمه بوحسینی که گورورسـن یوم عاشوراسی وار باشـینـین دشـت بلاده بیرغم عـظـمـاسـی وار غـم یِمه بیز اولماساخدا زیـنـب کـبـراسی وار آغـلامـا ای گـوزلـریـم نـور و ضـیـاسی فاطمه این شعر تحت نظر شاعر دلسوخته اهلبیت (ع) مرحوم( تابع دین )(رحمة الله علیه) وبه فرموده ایشون نوشته شده است ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ #بیست_وهشتم_صفر #۲۸صفر #رحلت_شهادت_گونه_رسول_الله #شهادت_امام_حسن_مجتبی_علیه_السلام #کانال_باب_الحوائج http://eitaa.com/torkiy