#غزه_سربلند من غزه یم که ظلمیله قانه بو یانمیشام هر گون شرار درد و مصیبتله یانمیشام عزت مقاومت ده دی ظلمله باش اگمرم چوخداندی توپ و تانگ سسیله ن اویانمیشام ایل لردی گر چه تیر ستمله یارالیام داغ تک هله عقیده مین اوسته دایانمیشام مین یول یخیلمیشام ایاقا دورموشام یئنه بیر چشمه یم دورولماقا یوز یول بولانمیشام ای ادعای دین ائلیینلر هایانداسیز تئز ال دوتون که ظلم و جفادن تالانمیشام آزادی بیان و حقوق بشر هانی گورسون داغیلمشام نئجه سو تک جالانمیشام آزاده آزدی دهریده چوخ چوخدی مدعی شرق و شمال و غرب و جنوبی دولانمیشام تقویم لرین وراقلاری شاهد دی بیر به بیر باشیم ده گئتسه عزت و شهرت قازانمیشام اسرائیل ال ایاق چالیری عمری آز قالیر حق وعده سین عیان دی که چوخدان اینانمیشام قدسی گرک دی قید جفادن رها ائده م چوخ آزقالیر بو امره اگر چه یوبانمیشام غیرت دامارلاریندان آخان قان هارایلاییر من غزه ام هله ایاق اوسته دایانمیشام ✍هوشمند #غزه_پایدار