🏴زبانحال حضرت رقیه علیها السلام با رأس خونین پدر😭 ( با آهنگی جدید و بسیار دلنشین) خوش گَلموسن بابا قربان اولوم سنه بو نصف شبده چوخ لطف ایتموسن منه شیریندی شَهدِ وَصل خوشدی ایچَم بابا پِشوازیوه گَرک جاندان گیچَم بابا سن هارا ویرانه هارا ، یارالی یارالی خرابه میز تاپوب صفا ، یارالی یارالی سنه قیزون اولا فدا ، یارالی یارالی بیله گَلماقون ووروب اُود دیله، ایوای ایوای دورا بولمورم منی عَفو ایله ، ایوای ایوای یارالی بابا ۴ قانلی بوغازیوین پاک اولمییب قانی باشیله گَلموسن پَس پِیکَرون هانی؟ آننوندا داش یری چوخدان اولوب نشان سویله دوداقیوه کیم وُوردی خیزران؟ دوداقلارون پارچالانوب ،ئولِییدیم ،ئولِییدیم کول یوزووه پَرده سالوب ، ئولِییدیم ،ئولِییدیم دشمن سنی مندن آلوب،ئولِییدیم ،ئولِییدیم دردون منه بابا گَله ، ایوای ایوای گَل یارالی اوزون دیله ، ایوای ایوای مَنکی شَمادته یوخدور هیچ عادَتیم شامین اوشاقلاری سَسلور منی یَتیم مین زَحمتیله من سالدیم اَله سنی یا قال بابا وَ یا بوردان آپار منی اوشاق مَگر چولده یاتار، یورولدوم ، یورولدوم منی خرابه دن قوتار ، یورولدوم ، یورولدوم ناله لَریم عرشه چاتار ، یورولدوم ، یورولدوم بو قَدَر بلایه نجه دوزوم ، ایوای ایوای گوروسن نجه گووَریب یوزوم، ایوای ایوای من ناله ایلورم نِچّه دَلیلی وار باخ بیر یوزومده گور آثارِ سیلی وار عُریان دَوَه بابا یخدی رقیّه نی ایستوردی ئولدوره زَجرِ دنی منی زَجریله بو حَرمله دن ، قورخورام ، قورخورام شمر و سَنان ، هَلهَله دن ،قورخورام ، قورخورام هرگجه بیر مَسئله دن ،قورخورام ، قورخورام بابا گوشواره می آلدیلار ، ایوای ایوای منی آت قاباغینا سالدیلار ، ایوای ایوای #محرم_۱۴۰۳ #خرابه_شام #شهادت_حضرت_رقیه_سلام_الله_علیها

🍂زبانحال حضرت رقیه سلام الله علیها با سر مطهر پدر🍂 (حالا اومدی، حالا که دیگه رقیه....) خوشگلدین بابا سالموسان رقیّه وی یاده عجب ، خوشگلدین بابا دیلده کی مقصدیوه ، یتوب اوزون، دینجَلدون بابا عَموم عبّاس و علی اکبر هانی ، تَک گَلدون بابا بابا باخ یتیمه قیزین کیم وورار بِیْله سیلی یوزونه دیور عَمّه م اوخشور یوزومی آناوین یوزونه واویلا یارالی یارالی ،یارالی ، یارالی ، یارالی ، بابام وای سَسلَردیم سنی گوروم هیچ قیزین ، آلیشماسین ، من تَک دامنی چوخ ووروبدور باشیما ، قمچیسینی ، بو شِمرِ دَنی منه لطفون آزالیب ، دشمن اودور ، چوخ دویدی منی یارالی باشون گَلدی دیداره جسمون یارالی هایانادا؟ گَلییدون منه دشمنیم یولدا سیلی ووراندا واویلا یارالی یارالی ،یارالی ، یارالی ، یارالی، بابام وای باخ دیل دردینه حالیمی سن بوله سن ، باخ یوزومون ، رنگِ زَردینه رَحم ایله بابا نولور یتیمه وین، آهِ سَردینه قال رقّیه وی اوزون عمّه میلن، تاپشیر قبرینه بابا باخ ایله درد و غملر الیندن قیزون اولدی خسته یاتاردیم سینَنده یریم ایندی توپراقلار اوسته واویلا یارالی یارالی ،یارالی ، یارالی ، یارالی، بابام وای ۲ التماس دعای فرج الاحقر مهدی عبادی #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

🍂زبانحال حضرت رقیه سلام ا... علیها با سر خونین پدر🍂 🎶سبک(منم باید برم)... خدا یه شکر اولا/گینه اورک تاپوب صفا خرابیه گلوب/بابام بوگویلومی آلا بو نصف شب عجب/قیزیوی یا ده سالموسان نچه گونی بابا/ده گوروم هار دا قالموسان منی دوگوب بابا/بوزجروشمر بی حیا بو اوچ یاشینداقیز/نلرچکوب بولورخدا بوشهره گتدیلر/بابامنی ووراوورا «یارالیسان بابا بابا بابا بابا بابا» رقیه وین بابا/اورکده وار دی چوخ غمی بودردومحنتیم/یوروبدی زینب عمه می باخورمنه یانور/آلورباشیمی دامنه یوزومه هی باخور/دیورجوان ئولن ننه آناوابنزیری/کبوداولان یوزوم بابا بوقدری غصیه/دینه نجه دوزوم بابا قرااولوب بودم/گوزومده گوندوزوم بابا چمنده بلبله/هرهانسی گل انیس اولا دوزراوقوش مگر/اوسویدوقی گلی سولا؟ سنیله الفتیم/خدابولورنه پایه ده اودورسنی بابا/گوزتلدیم خرابه ده گذشت ایله منی/دورانمورام ایاقیوه یریوی بولمدیم/اوزوم گلم سراقیوه منی آپاربابا/دوزنمرم فرا قیوه بوعارضیم بابا/جفاوظلمیله سولوب قاچانداچولده من/ایاقیم آبله اولوب سرشکی قانیله/گوزومده شمر دون قاتوب سینه وه نازائدن/گجه خرابه ده یا توب آتاقوجاقیدور/قیزین همیشه مسکنی ولی فلک سالوب/بلا یه بو رقیه نی من آلمشام بابا/بودم قوجاقیمه سنی بلاچولونده من/بلالره دایانمیشام بویوندا، سلسله/بوچوللری دولانمیشام بیر اوچ یاشیندا قیز /بوقدری غصه وبلا بوآیرلیق غمی/بوقدری طعنه و جفا دعا ایله ئولوم/داخی یورولموشام بابا خرابه گوشه سی هارا/بوسویگولون هارا یوزوم کبود اولوب /ایاقلاریم اولوب یارا التماس دعای فرج الاحقر مهدی عبادی #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

🏴احوالات حضرت رقیه (س)باسربریده🏴 ✍شعراز ؛؛کربلایی آذرین خلخال 🎶سبک :: آواز دشتی گوشه ی دیلمان دِیدی بابا قیزون نالان دی سس ویر غریق ناله و افغان دی سس ویر منی دیندیر غریق اشک و آهم اسیرم بیکسم من بی پناهم فراقونده اورک القاندی بابا رقیون هجروه نالاندی بابا عجب وقته منه مهمان گلوبسن بومرده جیسمه والله جان گلوبسن بوجمع بی پناهی یاد ایدوبسن بو بزم اشک و آهه خوش گلوبسن نیا شمع وجودون بس سونوبدی منی دیندیر اورک قانه دونوبدی دینن کیم چهروی اولوان ایدوبدی سنی کیم قانوه غلطان ایدوبدی گلستانه خزان گویا اسوبدی دینن کیم باشوی دالدان کسوبدی دینن کیم آلدی مندن بو نگاری یتیم ایلوب اوشاقلیقدا بو زاری توکوب هانسی شقی بو خون پاکی سیلوم قوی گوزقاشوندان گرد و خاکی سنه قربان اولا بو سینه چاکون باشون بیردا هایاندا جسم پاکون عجب پیشواز ایدوبلر بو قوناقدان ویروبلار خیزران سولموش دوداقدان منه هجرانی گل سن وصلت ایله خرابه محنتیندن راحت ایله دیور زینب انیس درد و محنت دعاسی مستجاب اولدی اوساعت سونوب شمع رقیه آخدی گوزقاش الیندن تپراقا دوشدی کسیک باش پرآچدی مرغ روحی آسمانه قوناق گیتدی حسینه عاشقانه ادامه دارد ۱۴۰۳.۰۵.۱۱ #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها

#احولات خرابه شام ای خرابه گوشسینده غملری حدن چخان قیز ای ملال و محنتیلن زینبین قلبین سخان قیز خانه ظلم و نفاقی قاره معجرلن یخان قیز عاشقم عشقینده یانام سسلرم ای وای رقیه یاتموسان اسوده خاطر . یاتگلان لای لای رقیه 🖤🖤🖤 سن گوزل بیر اولدوزویدون اسمان غمده باتدون قمچیلر دیدی نه چکدون بو جهانی باشدان اتدون اند اولا زهرایه ای گل سن منی غمدن قوجاتدون محنت و درد و فراقین داغ کیمین سینمده قالدی غملرین بی حد اولوبدور اختیاریم الدن الدی 🖤🖤🖤 بولمورم قالام نه نوعی دهر غم فرساده سن سیز یا رجوعیم یوخ نه نوعی یاتمسان قبرینده من سیز یاندران عمون بو غمدی قبره گیتدین سن کفن سیز نو گل تازه شگفته ظلم الیلن پر پر اولدی تاپمادوم خلعت اولنده خلعتی بیر معجر اولدی 🖤🖤🖤 چخمیوب چخماز یادومدان شبه زهرا جان ویروردی جان دوداقیندن چخوردی عشقینی اعلان ویروردی تازیانه ییرلریندن غسل ایدنده قان ویروردی بی سبب اولدوز مثالی گوگده باتمازدی. رقیم عالمی بیردن گوزوندن بیله اتمازدی رقیم 🖤🖤🖤 تا نفس واردور بدنده بو غم جانسوزه یانام اغلارام یاده دوشنده اشک محنتلن بویانام چوخ بونی رویاده گورم خوابیدن بیردن اویانام سسلنر رویاده عمه سسلرم من جان رقیه گل دوداقیندن اوپوم من جانیوه قربان رقیه 🖤🖤🖤 عشقیمی کاش اوندا بونان عالمه اعلان ویریدیم محنت و دردو فراقه شامیده پایان وریدیم جان ویرن وقته رقیه کاش منده جان وریدیم دینجلیدی خسته جانیم بیر بیله من یانمازیدیم یادمه دوشدوقجا غملر من یانوب اودلانمازیدیم 🖤🖤🖤 بیر گونی الدوم قوجاقه دلبر شیرین زبانی بلکه اظهاره گتیرسین سینده سوز نهانی دردیوی سویله رقیم سویلدیم من عمه جانی اچدی بیر زهرایه بنزر گوزلرین باخدی رقیه یاندوروب بو باخماقیلان عالمی یاخدی رقیه 🖤🖤🖤 سویلدی غملر اورگده گور نجه سد اولدی عمه بولمدیم عمروم جهاندا هیچ نجه رد اولدی عمه اوچ یاشندا جانه دویدوم ظلم بی حد اولدی عمه قوی خزان اولموش چمنده گل کیمین غمدن سولوم من سن دعا ایلهخدادن عمه جان ایسته اولوم من 🖤🖤🖤 سینمی اکبر فراقی گور نجه ویران ایدیبدور اصغرین فقدانی عمه گوزلریم گریان ایدیبدور قلبیمی اما با بامون غصه سی القان ایدیبدور کاش اصغر تک منیمده حنجریمدن اوخ دییدی شاه مظلومان الینده خسته جانیم دینجلیدی 🖤🖤🖤 ایلرم بو حاله غبطه اصغریم قانه باتاندا اوخ بوغازوندان دینده عالمی گوزدن اتاندا یاز وفا گوزلر سوزنده جانی جانانه ساتاندا روزگاری اصغرینده من تک عمه کاسدی اما لا اقل اخر نفسده باغرنا بیر باسدی بابا 🖤🖤🖤 ✍شاعر لاادری #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها

گوزومی  پاک   ایدر آنام  دئیر  نولوب   رقیه جان خوشام  بهشتیده  قورام من  اصغرین عزا سینی دانیشسا خامه دل   سوزون  اونا  گرک  دلیل اولا خلوصیله     بو   درگه   قدم  قویوب    ذلیل    اولا نیازی   واردی  (( شاکرین ))   رقییه   دخلیل    اولا آتاسی ده    مزاریده   گلوب   او گون  کفیل   اولا دئیه     مجلل     ایلیوب      رقیه مون     بکاسینی ** حاج سید شاکر حسینی (شاکر) #محرم_۱۴۰۳ #خرابه_شام #شهادت_حضرت_رقیه_سلام_الله_علیها

🍂یارقیه بنت الحسین سلام الله علیها 🍂 ✍حاج رضا محمدی ولایی 🎶سبک:حسین دوشوبدی مقتله... ایاقی یاره دلبریم قولاقی پاره دلبریم خرابه یرده دفن اولان کفنی قاره دلبریم کفن سیز جسمون بالا قالموشدی اراده هامی سسلندوک وفالی عباسی داده یادیمدان چیخماز ئولونجه'ئوز اللریمله سنون قازدیم قبروی بو ویرانسراده یارالی بالام وای_حیالی بالام وای یتیم لیگین سرشکینه ئورک قانین قاتان قیزیم آتاسی نین باشین گوروب مرادینه چاتان قیزیم ئولونجه یاننام اوخشارام گجه لر آج یاتان قیزیم سن آج یاتیردون عمه وه یوخیدی چاره دلبریم آتا باشی سینه ده وئردون جان رقیه سنی ئولدوردی بو درد هجران رقیه بوغربتده شمع تک یاندون تا سونونجه ئولیدیم کاش تاپمادیم من درمان رقیه یارالی بالام وای آنام بطوله اوخشیان قابیرقاسی سینان بالام جمالی نیلی سیلی دن گوزونده لخته قان بالام خرابه یرده آج سوسوز وئرن یارالی جان بالام بدن ده قمچی ردی آی گئدن مزاره دلبریم یوزون اوخشاردی آنام زهرایه رقیه سالان داغلی قلبینه غم سایه رقیه داریخما بوردان اگرکی گئتسم ده گللم سنه اوللام شامیده همسایه رقیه یارالی بالام وای بو غربت ائلده آی قاتان ئورک قانیلا گوز یاشین گهی آتاسین ایستیین گهی ادبلی قارداشین خرابه ده آتاسی نین گورنده یاره لی باشین همیشه لیگ گوزون یومان بو روزگاره دلبریم گئدن نیسگیللی مزاره شیرین دیلیم وای اولان قلبی یاره خوش نغمه بولبولوم وای بی بون زینب گورده هریرده گوشواره دئیر وای قبره گئدن حسرتلی گولوم وای یارالی بالام وای ئولونجه یاندیرار منی رقیه مین بو نیسگیلی کی دوشموشیدی لکنته او سیلی دن سورا دیلی بو نازدانه نین هله دوزلممیشدی دورد ئیلی آغارتمیشیدی ساچلارین فراق یاره دلبریم قیزیم آخشام اوخشیان وقتده یانه یانه سالاردی اوت اوتلی قلبی قلب جهانه وئرنده غساله غسلین گوردوم وجودین نئجه یوللاردا ائدوب یول یول تازیانه یارالی بالام وای #محرم_۱۴۰۳ #خرابه_شام #شهادت_حضرت_رقیه_سلام_الله_علیها

حضرت رقیه (س) ✍علی تیموری سلام اولا   در ویرانه ده     قالان بالیا بیبی سینون اورگین محنته سالان بالیا سلام اولا الی قوینوندا یوللارا باخانا آتاسینا گوره گوزدن یاشی یوزه آخانا سلام اولا اورگین دردوغم بولن خانما آتا باشین آلوب آغوشینه ئولن خانما سلام اولا قره معجرله دفن اولان بدنه بوکولدی گل بدنی شامیده  قرا کفنه اونون مصیبتینه گوگده قوشلار آغلادیلار خرابه ده بالا قیزلار جهانی داغلادیلار اونون یاسیندا خانملار خرابه ده باهم دئیوبلر اوخشاما باهم دوتوبدیلار ماتم اونون غمینده یولوندی خرابه ده باشلار یاغش کیمین توکولوبدی عذاره گوزیاشلار اونون عزاسینه گلدی آناسی جنتدن باخوبدی حالینه قلبی یانوب بومحنتدن #محرم_۱۴۰۳ #خرابه_شام #شهادت_حضرت_رقیه_سلام_الله_علیها

روضه حضرت رقیه (س) پروانه عمرونی باشا ویردی یانا یانا باش دوشدی بیر یانا اوبالا دوشدی بیر یانا زینب  اوجادان سسلدی الله بالام ئولدی کلثومه دیدی گل باجی والله بالام ئولدی (اما او لحظه امام سجاد آقا یوزون دولاندردی یزیدین قصرینه یزید اوین داغلسین دیدی یزید ) غساله گوندر عمه لریم ئولدورور ئوزون (غساله گلدی او بالیا غسل ویره زینب دیر گوردوم غساله غسل ویرمدی چکیلدی دالیا گلدی یاخنا خانم دیدی غساله اولمویا بیزی آدامسیز گوردون نیه بالاما غسل ویرمیسن باخدی بیر زینبین یوزونه ، خانم نیه بالانین بدنی بئله یول یول اولوب باخدی غسالیه دیدی غساله ) دیدی غساله دایان هر ایشین ئوز چاره سی واردی دیمیرم صبر اله دستبندیله گوشواره سی واردی ولی آهسته دولاندر الیوی بالامین یاره سی واردی چون بدن یاره لیدی چخدی بدن حدیندن گوزله غساله بیرآز قمچیلرین ردیندن #محرم_۱۴۰۳ #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

زبانحال حضرت زینب در شهادت حضرت رقیه(س) ✍کربلایی رامین محمدزاده (پریشان) سبک  تا مشکتو تو آب زدی.. اسیــر  مُحنـت   و   ستــم رقیـه ام   ئولـدی  ای  خدا اورکده چوخلی درد و غـم رقیـه ام   ئولـدی  ای  خدا ستاره مثلی سوزوب گویلر مضطر اولدی اِئلـه پر پر  اولـدی گـویا  گُـل پرپر اولدی دَگـوب  سیلی صـورتینـدن  زهـرا مثـالی ننـم   زهـرایه   رقییـم ده   بنـذر   اولدی یارالی -  رقیه ام رقیـه ام   ئولـدی   شامیده نه وار گلـن نه  وار   گئـدن نه  واردی  قبـرینی   قازان نه غسل ائدن نه کفن ائدن ئوزوم قـازدیم قبـرینی اودلاندی آناسی نه قـارداشلاری گلـوب  یـاسه نه آتاسی نئجـه یاتسون تپـراق آلتینـدا بو یارالی هَلـه واردی  قـولارینـدا قمچی یاراسی یارالی -  رقیه ام کِئچـن   گئجـه   دئـدی   گـرک اورک سـوزون آچـام  بـی بـی عـلاج     اِئلـه      یـاتـانمـورام  او قـدری  کـی  آجـام بـی بـی اِئلی کی دردین  دئدی یا رب  منـده بیلیدیم جمالیندن گوز یاشین دوردوم فوری سیلیدیم دئـدی  عَمـه  چـاره  ایلـه   قلبیـم داریخدی تاپانمـادیم چـاره یارب  ئولـدوم   دیریلدیم یارالی -  رقیه ام بـو  شامِ  بی صفـا  اولـوب حسیـن   عـزیـزینـه   وطن ئـولـونجـه نیسگیـل ایلـرم تـاپانمـادیـم    اونا     کفن کفن سیز قویدوم مزاره یاندیم  آلیشدیم گیلیلی دی گوزلریندن اوپدوم  باریشدیم ربابین گوز یاشی آخـدی  نم نم گوزوندن اونی آرام  ائتمگه من چوخلی چالیشدیم یارالی -  رقیه ام شعر از کتاب رثای پریشان #محرم_۱۴۰۳ #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

السلام علیکم یااهل بیت النبوة من بیئرقیزام مصیبتیدن جانه گلموشم بو گوشه ی خرابه ده افغانه گلموشم دشمن وُروبدی پیکریمه قمچی جفا صبریم گیدوبدی ظلم ایله تالانه گلموشم آدیم رقیه دی آتاما نازلی بیئرقیزام شهزاده ام عزیزه و دردانه گلموشم زهرا کیمین یوزیمه دیوب سیلی ستم اؤخشور یوزوم اؤ جدّه ی جانانه گلموشم خلخال و گوشواره لریم گیتدی غارته منزل اؤلوب منیمچی بو ویرانه گلموشم چکدی طنابه قولاّریمی شمربی حیا اؤلدیم اسیرلشکر عدوانه گلموشم سر نوحه خوان هیئت آل مُحّمدّم آغلار دوشیبدی دشت و بیابانه گلموشم ایتدی فلک خمیده قدیم خوردا چاقیده یوخدیردوزیم بوظلم فراوانه گلموشم گیدیم بو خیردا چاقیده رخت سارتی عمریم یتوبدی باشه غریبانه گلموشم مدتدی حسرتم که گؤرم من آتا یؤزون قلبیم دؤنوبدی هجریدن اَلقانه گلموشم بوخوردا اللریله یزیدی ذلیل ایئدوب دنیانی تار ایئدوبدی او نادانه گلموشم فتح ایئلرم دمشقی بؤگون آهیم ایئله من پاتخت اؤلوبدی عترت و قرآنه گلموشم بؤیئرده سیز بنا ایئلیون خیرداقبریمی همسایه اولاّم عمه ی نالانه گلموشم (صابر)اؤزینی ذاکرایئدوبدیر بو درگه واردیر امیدی بخشش و غفرانه گلموشم روز قیامت اؤلسا اؤنا من شفیعه ام واردور اؤنونچو عفو کریمانه گلموشم ایام شهادت حضرت رقیه تسلیت صابرکبودراهنگی۱۳۸۱/۱/۲۸ #محرم_۱۴۰۳ #خرابه_شام #شب_سوم_محرم #شهادت_حضرت_رقیه_سلام_الله_علیها

یومدی گوزون رقیه خلاص اولدی شمردن دینجلدی ویردی خاتمه غم روزگارینه شمع وفانی یاد اجل ایلدی خموش پروانه لر یغیشدی او شمعین جوارینه ووردی هامی باشینا رقیه دیه دیه دوشدی رقیه وای سسی شامین دیارینه زینب دیدی کناره گیدون دیندیریم اوزوم شاید ویره جواب بو محنت دچارینه یردن گوتوردی باشینی آهسته آغلادی گوردی باتوب جمالی خرابه غبارینه دوتقون سسیله سسلدی عمن اُله اویان ویرمز مگر جواب قیزیم یار یارینه ناز ایلوسن منه سسیمی یا ایشیدموسن عادتدی ناز ایدر گل همیشه هزارینه نعشین آلوب قوجاقه بیر آزقاچدی صاق صولا مرهم تاپانمادی دل ناپایدارینه اُلدی دیدی خرابه ده گون گورمین بالام سالدی فلک مدارینی غربت مدارینه قالسا جنازه یرده حرملرهلاک اولار تیز دفن ایداخ سالاق یولا بزم نگارینه غساله حاضر ایتدیله ویرسونله غسلونی غساله نین قاریشدی گونی لیل تارینه بیر خیردا قیز جنازه سی گوردی خمیده قد آویزه گلدی صدمه یتوب شاخسارینه باشون سالوب اشاقه اورکلندی آغلادی آگه اولوب حکایت اندوه یارینه بیر گوز دولوسی زینبه باخدی دیدی خانم سن کوینگین چیخات ایله آماده کارینه غسلون نجه قورتاردیلا واضح دینمرم یازسون قویانمارام قلمون اختیارینه بعضی یارا واریدی گرگ دگمیدی سو اولدی او سو مقدمه قان چشمه سارینه زینب کفن دالیجا دولاندی تاپانمادی دوتدی قرا کفنی رخ شرمسارینه قیلدی امام ساجد او طفلون نمازینی ایتدی دعا او کوی وفا رهسپارینه زینب دیدی وصیت ایدیب تاپشوروب منه قبرون اوزوم قازام یتورم اعتبارینه هرسمتینی دولاندی خرابه حصارینون ازبس نظر سالوبدی یمین و یسارینه جز خشت و پاره دن صورا بیر زاد تاپانمادی شرم ایلدی بیرینی چاغیرسین کنارینه قبرون نئی له قازدی نجه قازدی بولمورم مین یول اُلوب دیریلدی یتوردی مزارینه ✍عندلیب #محرم_۱۴۰۳ #خرابه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

شهادت حضرت رقیه سلام الله علیها به قلم کربلایی صابر ثمودی 🏴🏴🏴 شام ویرانه ده بیر بلبل شیرین سخن ئولدی اوچ یاشدا ولی دردِ فروان چکن ئولدی دوشدی وطنیدن آرالی نازلی رقیه افسوس اولا غربتده جلای وطن ئولدی اولدی نه قیامت او گئجه کنج خرابه سسلیردی آناسی اورگیم ایستین ئولدی یومدی گوزون الله نئجه اول خسته قناری اصغر کیمی شش ماهیه ناز اورگدن ئولدی اورگتمیشدی ناز و ادانی بونا اکبر قارداشی علی اکبرینه ناز ائدن ئولدی آز قالدی خانیم زینب ئوله باشینون اوسته ای وای منه سسلور ننه مه بنذین ئولدی بو جسم نحیفی ننه می یادیمه سالدی آز سنّیده زهرا کیمی آیا نئدن ئولدی زهرا مثلی صورتینه سیلی دگوبدی گول پیکرینه قمچیِ دشمن دگن ئولدی قمچی اثریندن نه حالا قالدی وجودی آخر دل ویرانه بو خسته تن ئولدی دگمیش او قدر پیکرینه قمچی دشمن دلدن دوشوب آخر که بو نیلی بدن ئولدی ثانی ننه می دوگدی بونی شمر ستمگر دلبند حسین شمر ووران ضربه دن ئولدی سینسون فلکین چرخی بیزی محنته سالدی هیچ من دئمورم نازلی قیزیم غفلتن ئولدی قلبیم آلوشور توزلی جمالینه باخاندا سولموش یوزونه گوز یاشین الله توکن ئولدی غم شانه سی گزدی بالامین توزلی تِلیندَه توزلی تلَینه حیف اولا گول دوزمییَن ئولدی ویرانه بوجاقینده گئدوب خلوت ائدردی مندن ولی چوخ سوزلرینی گیزلدن ئولدی قاره یازینی یازدی فلک بو قره بخته بختی کیمیده اگینینه قاره گیین ئولدی دوشمزدی علی اکبر آدی لحظه دیلیندن اکبر آدینی دلده مکرر دییَن ئولدی هر دن سوروشاردی بی بی اصغر گله ای کاش لای لای دئیوب ئوز قارداشینی گولدورَن ئولدی بیر اولدوزودی برج شرفده تایی یوخدی آیریلدی سمادن غم الیندن سووزَن ئولدی آز سنّیده دنیاده نه چوخ غملره دوشدی صبری قوتاروی غملره آخر دؤزن ئولدی دویموشدی جهاندان یوخدی قالماقا میلی ظلم و ستم دهریده آری کوسَن ئولدی قارداشیم حسیندن منه قالمیشدی امانت اولدوم نئجه شرمنده حسینیم سووَن ئولدی بیر عمده غمی طاقتیمی الدن آلوبدور قارداشیم حسین تک بو بالا بیکفن ئولدی اولمادی کفن عمّه سینی غصّیه سالدی خوشدور دئدیم اولسون کفنی پیرهن ئولدی آغلا گئجه گوندوز بو غمه سنده( ثمودی) ویرانه بوجاقینده اسیر محن ئولدی #محرم_۱۴۰۳ #خرابه_شام #شهادت_حضرت_رقیه_سلام_الله_علیها

شعر جدید زبانحال حضرت زینب سلام الله علیها در شهادت حضرت رقیه سلام الله علیها به سبک رقیه نازلی صورتین قویما دیواره ای عمه سین آغلار قویان جان بالا م لایلای جان بالام لایلای یوللاردا غمچیلر یوران  جان بالام لایلای جان بالام لایلای                       دنیادن تز دویدون                         زینبی تک قویدون 2بار ای خوش گونه حسرت قالان بلبلوم لایلای  بلبلوم لایلای غم غصه دن گول تک صولان بلبلوم لایلای  بلبلوم لایلای ای عمه سین درده سالان بلبلوم لایلای بلبلوم لایلای    تاب و توان الدن آلان جان بالام لایلای جان بالام لایلای گوز یاشلی غرق ائتدین ئوزون اشک حسرتده اشک حسرتده جان ویردون عشقیله قیزیم سن بو غربتده سن بو غربتده آغلار سنه زهرا آنام ایندی جنتده ایندی جنتده       ایلور آنان داد و فغان جان بالام لایلای جان بالام لایلای یوللار سنی یورموشدی چوخ ای مه تابان ای مه تابان ویرانه ده گوردون بابان ای گل ریحان ای گل ریحان آتدون نه تز گوزدن منی جان سنه قربان جان سنه قربان      ویردین آتان عشقینده جان جان بالام لایلای جان بالام لایلای دست قضا یوردی سنی شامیده قالدین شامیده قالدین اود کاخ استبداده سن آی بالا سالدین آی بالا سالدین آلدن ولی آرامینی زینبین آلدین زینبین آلدین      یوخ منده دای تاب و توان جان بالام لایلای جان بالام لایلای ائتدین اوقدری سویگولوم ناله و افغان ناله و افغان دیداریوه گلدی سنین شاه مظلومان شاه مظلومان روحین بدندن آیریلوب ای گل رضوان ای گل رضوان     ویردون قیزیم عشقین نشان جان بالام لایلای جان بالام لایلای اولدون ستمله دستگیر قوم غداره قوم غداره صبر ایلدون شیرین دیلیم ظلم اغیاره ظلم اغیاره دوشدون نفسدن اولمادی دردیوه چاره دردیوه چاره     درد و غمین قالدی نهان جان  بالام لایلای جان بالام لایلای آه اوسته چکدون شامیده آه سوزانی آه سوزانی آهون سنین یخدی قیزیم کاخ سفیانی کاخ سفیانی غم غصه ن آغلاتدی ولی آل طاهانی آل طاهانی آز سینیده جانه دویان جان  بالام لایلای جان بالام لایلای ای کربلادن شامه تک نازلی یولداشیم نازلی یولداشیم دیداریوه گلدی سنین غملی قارداشیم غملی قارداشیم سندن صورا درد و غمه توش اولار باشیم توش اولار باشیم      ائتدین منی سن باغریقان جان بالام لایلای جان بالام لایلای                   دنیادن تز دویدون                   زینبی تک قویدون   2بار          ✍ملتمس دعا مهدی ملکی #محرم_۱۴۰۳ #خرابه_شام #شهادت_حضرت_رقیه_سلام_الله_علیها

حضرت رقیه سلام الله علیها اوخشامالار – بیاتی لار .ابوالفضل عباسی معروفان . رقیه ام غم گولونه بوداقام قارداشسیزام ائللریمدن اوزاقام بیلمدیلر منه طعنه وورانلار بش اون گونلوک خرابیه قوناقام . . رقیه ام نوش ایتمیشم هر غمی غملر اولوب بو غریبین همدمی اولماسیدی عمم چوخدان ئولموشدوم الله منه چوخ گؤرمه سین عمه می . . رقیه ام خرابه ده سفیرم اوچ یاشیم وار یورکلره امیرم کربلادن شامه کیمین یوللاردا دؤیولموشم شمر الینده اسیرم . . عزیزلریم کربلاده قالدیلار قافله نی چؤلدن چوله سالدیلار غارت گونی نامردلر الیمدن اکبر آلان گوشواره می آلدیلار . . رقیه ام چوخ ایستورم اکبری حالیم پوزار اکبریمون غملری بابام گئتدی قارداشیما سو آلسون اوخلادیلار الی اوسته اصغری . . محبت گؤیونون دان اولدوزیام ائللریمون هم دادی هم دوزیام اوچ یاشیم وار یورولموشام فلکدن من ربابین قرا یازی قیزیام . . بهار گلدی من بیر نازلی گل اولدوم خزان اولدی کؤچری بلبل اولدوم هجران اوتی سالدی شرر جانیما ائله یاندیم یاواش یاواش کول اولدم #محرم_۱۴۰۳ #خرابه_شام #شهادت_حضرت_رقیه_سلام_الله_علیها

سبک:  خدا مادرم را کجا می‌برند 🏴🏴🏴🏴🏴🏴 😭😭😭😭😭😭 بیا  عمه زینب  کفن کن  مرا کفن با همین پیرهن کن مرا در این کنج ویران دهم جان به جانان غریبم غریب غریبم غریبم غریبم غریبم غریبم غریب(۲) 🏴🏴🏴 😭😭😭 سفرنامه ی من شده خواندنی شدم کنج ویرانه من ماندنی من و کنج ویران تو و این اسیران غریبم غریب غریبم غریبم غریبم غریبم، غریبم غریب(۲) 🏴🏴🏴 😭😭😭 الا همسفرها حلالم کنید همه گریه امشب به حالم کنید    مه نور عینم    یتیم حسینم غریبم غریب غریبم غریبم غریبم غریبم غریبم غریب(۲) #محرم_۱۴۰۳ #خرابه_شام #شهادت_حضرت_رقیه_سلام_الله_علیها

نوای اربعین (سبک : حسین یارالاریوا قربان) دوشوبدی باشه غم هواسی قورولدی اربعین عزاسی اوجالدی شیعه نین نواسی حسین یارالاریوه قربان اسیر بالالاریوه قربان غبار غم قونوب غم اوسته گلوبدی زینب علقم اوسته یازوبلا قاره پرچم اوسته حسین یارالاریوه قربان اسیر بالالاریوه قربان چمنده یاسمن دیئردی کجاوه دن دوشن دیئردی او توپراقی ئوپن دیئردی حسین یارالاریوه قربان اسیر بالالاریوه قربان سیزیلداشیردی داغدا داشلار نوا ائدردیلر آغاشلار دیئردی نیزه لرده باشلار حسین یارالاریوه قربان اسیر بالالاریوه قربان ربابی گوردولر ملردی عذاره گوز یاشین الردی ووراردی باشه سسلنردی حسین یارالاریوه قربان اسیر بالالاریوه قربان چاتاندا قبر شاه دینه دولوبدی گوز ، یانوبدی سینه دیوب یانا یانا سکینه حسین یارالاریوه قربان اسیر بالالاریوه قربان چیخوب سپهر غمده کوکب گوروبدی قان جوشور لبالب ئور کلنوب دیئردی زینب حسین یارالاریوه قربان اسیر بالالاریوه قربان سریّه گوز یاشین آخاردی عذار قاسمه باخاردی نواسی عالمی یاخاردی حسین یارالاریوه قربان اسیر بالالاریوه قربان روان اولوبدی غصه سیلی باتاردی برجِ غم سهیلی بو نوعی سسلنردی لیلی حسین یارالاریوه قربان اسیر بالالاریوه قربان اولوب یزید الیندن آزاد ائدن خزان عشقی آباد یانا یانا دیئردی سجاد حسین یارالاریوه قربان اسیر بالالاریوه قربان حسین آدی دوادی درده دیئر بو آدی شیعه لرده گئجه زمانی هم سحرده حسین یارالاریوه قربان اسیر بالالاریوه قربان دئنن مریض عشق اوتانما دوا گلوبدی گل یوبانما حسینی سسله غمده یانما حسین یارالاریوه قربان اسیر بالالاریوه قربان (( مصیّبی )) دوزر فراقه کی بلکه یول سالا عراقه دیئر چاتاندا اول رواقه حسین یارالاریوه قربان اسیر بالالاریوه قربان ✍محمدعلی مصیبی تبریزی ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۳ #اربعین

استاد حاج علیرضا امانی اردبیلی . . سلام اولا او شهیده رقیّه دور آدی آدی رقیّه دی اما سه ساله زهرادی . سلام اولا او قیزا هر بلایه آینه دی طبیب دردیدی ئوز دردین هچ کیمه دئمه دی . سلام اولا او قیزا رنگی گول کیمین سولدی دویونجا ناز آتادان گورمه میش یتیم اولدی . سلام اولا او قیزا خیمه لر یانان ساعت اولوبدی اکبر آلان گوشواره سی غارت . سلام اولا یوزونه گوز یاشی آخان بالیا دگنده سیلی دونوب علقمه باخان بالیا . سلام اولا هامونون مشگلون آچان بالیا ایاق یالن باش آچوق چوللره قاچان بالیا . سلام اولا او قیزا قلبین ائتدیلر یاره کجاوه دن یخیلوب چولده قالدی آواره . سلام اولا او قزا یوللار اوسته آغلاردی ایاقلارین یاراسین معجریله باغلاردی . سلام اولا او قیزا دوندی گوزلری ابره خرابه یئرده ئولوب قویدی عمّه سی قبره #محرم_۱۴۰۳ #خرابه_شام #شب_سوم_محرم #شهادت_حضرت_رقیه_سلام_الله_علیها

🍂زبانحال خانم زینب کبری( سلام الله علیها) با رقیه (سلام الله علیها) 🍂 🎶سبک:تامشکتو تو آب زدی....‌ ✍شاعرومداح اهلبیت، ودود آذرين خلخالی 🍂فارسی ای مونس شب های من///ای غنچه باغ وفا با عمه ات حرفی بزن///ای معدن عشق وصفا نرو از پیش من نالان و پریشان تحمل کن چندروزی ای جان جانان خودم نازت میکشم درویرانه شام نکن از هجرپدر دیگر آه و افغان رقيه  مرو مرو ای دلبرنازحسین///ای شمع شام تارمن ازکربلا تا شهرشام///ای نازنین غمخوارمن ترحم کن بردل محنت زای زینب بمان ای خورشیدعشق شبهای زینب نوازش کرده ترا ضرب تازیانه شدی اندر غصه وغم همتای زینب رقيه  مرو مرو 🍂ترکی سنسن حسین گلزارینون///غم غصه دن سولموش گلی گلمور سسون آیا ندن///ای باغ عشقون بلبلی سسون اولما آج سوسوز قالماخدان باتوبدی مگرشمرین قورخوسوندان رنگون آتوبدی یانار قلبیم تاجانیم واردی بوسوزوندن منی عمه اکبریمده گوزدن آتوبدی رقیه    لايلاي بالام رقیه    لايلاي گولوم سن عرصه گاه عشقیده///اولدون منیم بال و پریم اوج بلالرده بالا///اولدون رقیه شهپریم یخارغملر زینبی اکبرجانی گیتمه ایکی دنیا دریمون ای درمانی گیتمه منی تک قویما گوزل دردانم رقیه مصائبده زینبون هم پیمانی گیتمه رقیه    لايلاي بالام رقیه    لايلاي گولوم سنیندن آرتیخ غم چکن///گون مثلی سن بات راحت اول حسرت قالوبسان خوش گونه///یورقون بالام یات راحت اول سولار گللر ماتموندن ای ماهپاره قویار عمون دیده گریان جیسمون مزاره خرابه نی ایلییر آباد جسم پاکون گلایه ایتمه کفنون گراولساقاره رقیه    لايلاي بالام رقیه    لايلاي گولوم #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها

تاپمُوشام قارداش اِسارَتدَن فَراغَت گلمِیشَم اَربَعینُوندَه اِیدَم قَبرُون زیارَت گلمِیشَم هِیچ گُمان گِیتمَزدِی قارداش غُصّه دَن مَن صاق قالام قُورتُولام رَنج و بَلادَن کَربَلایَه یُول سالام دَرک اِیدُوب فِیضِِ زیارَت عَطریُوِی بیردَه آلام شُکرِ لله ئولمِیُوب قالدِیم سَلامَت گلمِیشَم یاخشی فُرصَت وَقتِیدور قارداش حُسین دَردِ دِلَه سَن دِیُورسَن دَردیُوی یا زِینَبُون گلسُون دِلَه شام ظُلمِیندَن دِیُوم یا کُوفَه دَن اِیلُوم گِلَه ثابِت اوُلسُون تا چَکُوب آرتِیق رِیاضَت گلمِیشَم سَن او گُوندَن که بَلا دَشتِیندَه قانَه باتمُوسان عِشقِ حَقّه مَحو اوُلوب دُنیانی گُوزدَن آتمُوسان عَهدِیوَه اِیفا اِیدُوب قَبرُوندَه راحَت یاتمُوسان اوُلمِیُوب اَمّا مَنَه غَمدَن فَراغَت، گلمِیشَم چَکمِیشَم سَنسِیز نَلَر یُولّاردا مَن الله بُولُوب جِسمِیدَه تاب و تَوانیم قالمِیُوب رُوحِیم ئولُوب آغلیاندا دَردِیمَه مَن، طَعن اِیدُوب دُشمَن گُولُوب گُوندُوزُوم غَمدَن اوُلُوبدور شامِ ظُلمَت گلمِیشَم دُوشمُوشَم باشُون دالینجا هَر بَلادَه گِیتمِیشَم قانلی باشُون هَر یِرَه اِیلُوب اِرادَه گِیتمِیشَم پا پیادَه مَجلسِ اِبنِ زِیادَه گِیتمِیشَم گُورمُوشَم مَرجانَه اوُغلُوندان اِهانَت گلمِیشَم چُوخ غَمِیم وار اِختصارَه مَن قَناعَت اِیلَرَم بیر سُوزَه زِینَب سَنَه قُربان کِفایَت اِیلَرَم شامِیدَن عُمرِیم نَقَدر اوُلسا شِکایَت اِیلَرَم شامِیدَن چُوخ گُورمُوشَم طَعن و شَماتَت گلمِیشَم شامِیدَه قانلی باشُون گلِدِی او وِیران مَنزِلَه زِینَبِین اِیتدِی حُسین غُربَت وِلایَتدَه صِلَه مَندَه گتدِیم قَبرُون اوُستَه شامِیدَن بیر قافِلَه اِیتماقا اوُز حالِیمِین شَرحین حِکایَت گلمِیشَم هِیچ بیری گر چِه بیر آن آلامِیدَن دِینجَلمِیُوب لِیک هِیچ قَلبی بَلا تِیرِی دِلیم تَک دَلمِیُوب صاق گلُوب جُملَه گِیدَن بیر جَه رُقَیّه گلمِیُوب بیر او مَه رُو جانِبِیندَن مَن خَجالَت گلمِیشَم خاطِرِیمدَن چِیخماز عُمرُومجَه اوُنُون نِسگِللَرِی مَنلَه هم خوابِیدِی چُون وِیران اوُلان مَنزللّری یاندُورِدی قَلبِیمی هَر لَحظَه شِیرِین دِللّرَی آهِ سَردِی اوُد تَک اِیلُوردی اِصابَت گلمِیشَم بیر گِیجَه آغلار گُوزِیلَه اِیستَدِی مَندَن سَنی هاردا دور عَمّه بابام سُویلُوب اوُجالدُوب شِیوَنی بُوینی چِگنِندَه تُوکُوب گُوز یاشی یاندُوردِی مَنی گُور وِیرردِی یُوز مَنَه اوُندا نَه حالَت گلمِیشَم جِسمِینی اوُل گُوشِهء وِیرانه دَه دَفن اِیلَدِیم نَعشِینَه اَگنِندَه کِی پیراهَنی کَفن اِیلَدِیم قَبرِینُون اوُستُوندَه آچدِیم زُلفُیمی پَهن اِیلَدِیم تُوزلی زُلفُیم دور مَزارِیندَن عَلامَت گلمِیشَم نُوکَروندور #حافظی اِی شَهریارِِ کربَلا بیر بَراتِ اَربَعین اِیستُور، اِیلَه قارداش عَطا حاضرِینِیلَه سُوَر عَبّاسیدَه هَمراه اوُلا اِیستِیَم اوُلُسُون دُعاسی اِستجابَت گلمِیشم #محرم_۱۴۰۳ #اربعین #حضرت_زینب_سلام_الله_علیها #کانال_باب_الحوائج http://eitaa.com/torkiy

 زبانحال در اربعین   گلنده کرببلایه او زینب غمگین زبانحالیدی گویا بیله بویوردی حسین   دورآچ گوزون عباس علمین ال اله قارداش پیشوازایلیون  گلدی  گیدن قافله قارداش   دولدور قوریان مشکیوه بو آب فراتی قویما گله لر سوزعطشدن دله قارداش   زینب باجیمین عطری گلور یاتما اویان دور یغ لشکریوی باشیوه یوزقوی چوله قارداش   قیما او جالا ۀتلارزین شیحه صداسی قورخاربالالار ایلمیون هلهله قارداش   بیرسس گلوری الدن آلورصبرو قراری لیلا سسیدوراکبری سسلور گله قارداش   شیون سسی چوخ اوج ایدوری عرش برینه اولما بو سکینمدی سیزیلدیربیله قارداش   دورقاسمه بیردسته قزل قرمزی گل در نصب ایتسون آناسی اوتوران محمله قارداش گهواره چیخاردون قاباقا بلکه ربابین لای لای سسینی  قبریده  اصغربله قارداش   سجادین الیندن یاپوشوب ایله پیاده ناخوشدی بالام  حالتی یوخدور گله قارداش   یوخدور بو گلن قافله ده یوخسا رقیم گلمورسسی مشتاقم او شیرین دله قارداش   واردوریری گر عرض ایلسم زیب کبری سسلندی بیله آغلاماقا بو نسکله قارداش   بیرتک سنی یاندورموری اول نازلی رقیه آغلار قالوب احوالینه بیر سلسله قارداش   نسکلرینی یاده سالان وقتیده زینب رخساره توکراشکینی بی فاصله قارداش   باشون دالیجا کوفه و شاماتی دولاندی وصل رخ یاری سالا بلکه اله قارداش   گه دیره چکوبدوراونی اوزباشداکی شوری گه شامیده ویرانه اولان منزله قارداش   صدحیف اولا مقصوده ولی اولمادی نائل حسرت قالوب آخرده قبیله ایله قارداش   یاتدی سنی رویاده گوروب بیرگیجه دوردی ویرانیه آهیله سالوب ولوله قارداش   هرقدردیدیم آغلاما عمن سنه قربان صبرایلمدی تنگه گلوب حوصله قارداش   دشمن سسین آلدی بالامین ویردی تسلی چوخ جای تعجبدی بو ایش عاقله قارداش   گوندردی بالا دردینه درمان آتا باشین باخدی باشیوا باشلادی عرض گله قارداش   دردین دیدی بیربیرسنه تا دوشدی نفسدن سالدی گیجه وقتینده منی مشکله قارداش   غرق ایتدی منی بحرغمه نازلی رقیه اوززورق جسمین یتوروب ساحله قارداش   دوشدی نظریم غسل ویرن وقتیده گوردوم واردورایاقیندا اثرآبله قارداش   اوزکوینگینی جسمینه منده کفن ایتدیم تاپشوردوم او گل پیکری قبره ایله قارداش   ایتدیم بالاما گوشه ویرانه نی مدفن غم باغریمی دوندردی منیم مشعله قارداش   ویرانه ده بیربزم عزا منعقد اولدی معناده گلوب فاطمه اول محفله قارداش   دعوت ایلدیم عترتیوی بزم عزایه گللر یغوشوب آغلادیلار بلبله قارداش   قبراسته عزا بزمی دوزه لر بودی رسمی من دوزدوم او شمعی شرر آهله قارداش   غم چکمه که ویرانه ده تک قالدی رقیه دشمنلرینه ثابت اولوب مسئله قارداش   شام اهلی گلور قبرینه چون دسته بدسته بلبل کیمی اوخشالا او خندان گله قارداش   آغلا بو غمه توشه ایله قبره (رجائی) لازیمدی سنه زاد ره و راحله قارداش #محرم_۱۴۰۳ #اربعین #حضرت_زینب_سلام_الله_علیها #کانال_باب_الحوائج http://eitaa.com/torkiy

شهادت حضرت رقیه (س) 🌸🍃🌾🌼 🍃🌺🍂 🌿🍂 💐 . مرحوم غمناک تبریزی .. گلون گلون بالام ئولدی گوگل گلوب درده آتاسی تک قالاجاقدور جنازه سی یرده . هانی قطیفه هانی شال و پوشش و ابره سالاق جنازه سی اوسته قویونجا تا قبره . منی بو محنت و غم یاندورار یقین مه و سال حسین عزیزی ئولوبدور تاپولموری غسّال . دوتوم جنازه سینه اولدی غسل ایدن هانی سو بو قیز اونون قیزیدور اولدی قانی آب وضو . سوسوزلوق آتشی دایم بیزیله یار اولاجاق بونوندا نعشی حسین تک بو یرده خوار اولاجاق . بیزیله گلمیه جاق راست چرخ کج آیین گرک غریب مزار اولسون عترت یاسین . دیسون او شمره که آز کینه یولّارین آچسون رقیّم ئولدی گلوب باری قولّارین آچسون . نولورکه رحمه گلوب ظلمیدن بیر آز دویسون امان ویره که دویونجا بیز آغلیاق قویسون . بیزی بو نوعیله هر کیمسه گورسه رحم ایلر عزیز عالمیدوق ایمدی قالموشوق مضطر . ئولوب امیریمیز اوضاعمیز اولوب برهم قبیله میز ئولوب آخر قالوب بو بیرجه نفر . اودا اسیر مقیّددی ناتوان و علیل قالوبدی دشمن الینده بو سبط شاه نبیل . علی جوانلاری قانه باتوب صغیر و کبیر قالان بو قیزلاری ،عورتلری، ایدوبله اسیر . جلال و شوکتمیز ظلمیله اولوب تالان اولوبدی منزلیمیز بو خرابۀ ویران . سالوبدی بیزلری گور بیر نه حاله چرخ کهن ئولنلره ایدوروخ کهنه معجریله کفن . خرابه محنتی «غمناک» گلمز اتمامه که آز قالور یانا بو الده دفتر و خامه التماس دعا ✍عدلی تبریزی #محرم_۱۴۰۳ #شب_سوم_محرم #خرابه_شام #شهادت_حضرت_رقیه_سلام_الله_علیها http://eitaa.com/torkiy

آرزومه راهی مشایه شم ــــــــــــــــــــــــــــــــــــــــــــــــــــــــــــ ـ#محرم_۱۴۰۳ #اربعین #کانال_باب_الحوائج http://eitaa.com/torkiy

#محرم_۱۴۰۳ #اربعین #کانال_باب_الحوائج http://eitaa.com/torkiy

🌸🌸نوحه اربعین حسینی شعری بسیار زیبا و دلنشین🌺🌺 اربعین عاشقلرون ایلور قیامت یاحسین ایلیور پیر و جوان عرض ارادت یاحسین هامّی پروانه کیمین کرب و بلایه پر ویرور چون ائدورسن عالمی عشقیله دعوت یاحسین جذبهٔ عشقون چکور دلداده‌گانی سمتووه گلمز هرکس گورمسه سندن محبّت یاحسین سن عزیز حضرت زهرا و حیدرسن آقا آدووه قربان اولوم وار سنده عزت یاحسین کربلانین زائری آخر بهشتی نینیور شیعیانه کربلادور باغ جنت یاحسین هیچ تاپیلماز شانیده هم رتبه و همتا سنه وار دلیلیم سن وئروبسن عرشه زینت یاحسین اونداکی هامی ملائک ایستدی گورسون سنی عرشیده بیربیرسنی ائتدی زیارت یاحسین درس عشقی سن ویروبسن کلّ عشّاقه آقا ظهر عاشورا ائدنده سن عبادت یاحسین قانه باتدی لشکرون اما گلایه ائتمدون شکر ائدردون قسمتوز اولدی شهادت یاحسین هر بلا گلدی او چولده زینبون تاب ایلدی ساخلادی دین پرچمین بانوی غیرت یاحسین اربعین گلدی باجون اول کربلا صحراسینه آغلادی زینب باجون قلبینده محنت یاحسین اوندا گر غم کاروانی اولدی زائر قبریوه ایندی سیله بنزیور خیل جماعت یاحسین بو شکوه و جایگاهی دشمنان دین گورور راه عشقی سد ائدنمز پول و ثروت یاحسین کربلایه عاشقانه یوز قویان عاشقلره نوکران درگهون ایلولله خدمت یاحسین جانفدا اولسون سنه تا حشره جک پاینده سن ای اولان درگاهی چون دریای رحمت یاحسین نوکروندی(طیبی) ساخلا قاپوندا دائما قلبیده بیر دردی وار ایله عنایت یاحسین مشکلوم وار حل ائله سن بیل ننون زهرا جانی حاجتیم واردور آقا ایله اجابت یاحسین کچدی عمروم حسرتیله آغلارام صبح و مسا کربلانین وئر براتین ایله قسمت یاحسین بیرده مولا وار گناهیم قورخورام روز جزا باخ من نالایقه، ایله شفاعت یاحسین نوحه اربعین حسینی شعری بسیار زیبا و دلنشین اربعین عاشقلرون ایلور قیامت یاحسین ایلیور پیر و جوان عرض ارادت یاحسین هامّی پروانه کیمین کرب و بلایه پر ویرور چون ائدورسن عالمی عشقیله دعوت یاحسین جذبهٔ عشقون چکور دلداده‌گانی سمتووه گلمز هرکس گورمسه سندن محبّت یاحسین سن عزیز حضرت زهرا و حیدرسن آقا آدووه قربان اولوم وار سنده عزت یاحسین کربلانین زائری آخر بهشتی نینیور شیعیانه کربلادور باغ جنت یاحسین هیچ تاپیلماز شانیده هم رتبه و همتا سنه وار دلیلیم سن وئروبسن عرشه زینت یاحسین اونداکی هامی ملائک ایستدی گورسون سنی عرشیده بیربیرسنی ائتدی زیارت یاحسین درس عشقی سن ویروبسن کلّ عشّاقه آقا ظهر عاشورا ائدنده سن عبادت یاحسین قانه باتدی لشکرون اما گلایه ائتمدون شکر ائدردون قسمتوز اولدی شهادت یاحسین هر بلا گلدی او چولده زینبون تاب ایلدی ساخلادی دین پرچمین بانوی غیرت یاحسین اربعین گلدی باجون اول کربلا صحراسینه آغلادی زینب باجون قلبینده محنت یاحسین اوندا گر غم کاروانی اولدی زائر قبریوه ایندی سیله بنزیور خیل جماعت یاحسین بو شکوه و جایگاهی دشمنان دین گورور راه عشقی سد ائدنمز پول و ثروت یاحسین کربلایه عاشقانه یوز قویان عاشقلره نوکران درگهون ایلولله خدمت یاحسین جانفدا اولسون سنه تا حشره جک پاینده سن ای اولان درگاهی چون دریای رحمت یاحسین نوکروندی(طیبی) ساخلا قاپوندا دائما قلبیده بیر دردی وار ایله عنایت یاحسین مشکلوم وار حل ائله سن بیل ننون زهرا جانی حاجتیم واردور آقا ایله اجابت یاحسین کچدی عمروم حسرتیله آغلارام صبح و مسا کربلانین وئر براتین ایله قسمت یاحسین #محرم_۱۴۰۳ #اربعین #کانال_باب_الحوائج http://eitaa.com/torkiy