رقیه یم بولود کیمین آغلارام گؤزیاشیمنان بیر جهانی داغلارام سَنسیز بابا سَرین سویی ایچمَرَم ئولؤنجه من باشه قرا باغلارام پر پر اولان یاسمنه آغلارام بولبول باغ وچمنه آغلارام خرابه ده دفن اولونان بالاما کؤینگی قاره کفنه آغلارام رقیه سن حسینیمون مارالی نیه دؤشدون اِئللروننان آرالی آنام کیمین سَنده گِئجَه یاریسی قبره گِئتدی گؤل بدنون یارالی ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #خرابه_شام #شب_سوم_محرم #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

روضه ی ناب و بسیار سوزناک از نورالذاکرین مرحوم حاج محمد باقر منصوری احوالات حضرت رقیه ┏━━ #محرم_۱۴۰۴ #خرابه_شام #شب_سوم_محرم #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

احوالات حضرت رقیه (س)باسربریده شعراز ؛؛کربلایی آذرین خلخال سبک :: آواز دشتی گوشه ی دیلمان دیدی بابا قیزون نالان دی سس ویر غریق ناله و افغان دی سس ویر منی دیندیر غریق اشک و آهم اسیرم بیکسم من بی پناهم فراقونده اورک القاندی بابا رقیون هجروه نالاندی بابا عجب وقته منه مهمان گلوبسن بومرده جیسمه والله جان گلوبسن بوجمع بی پناهی یاد ایدوبسن بو بزم اشک و آهه خوش گلوبسن نیا شمع وجودون بس سونوبدی منی دیندیر اورک قانه دونوبدی دینن کیم چهروی اولوان ایدوبدی سنی کیم قانوه غلطان ایدوبدی گلستانه خزان گویا اسوبدی دینن کیم باشوی دالدان کسوبدی دینن کیم آلدی مندن بو نگاری یتیم ایلوب اوشاقلیقدا بو زاری توکوب هانسی شقی بو خون پاکی سیلوم قوی گوزقاشوندان گرد و خاکی سنه قربان اولا بو سینه چاکون باشون بیردا هایاندا جسم پاکون عجب پیشواز ایدوبلر بو قوناقدان ویروبلار خیزران سولموش دوداقدان منه هجرانی گل سن وصلت ایله خرابه محنتیندن راحت ایله دیور زینب انیس درد و محنت دعاسی مستجاب اولدی اوساعت سونوب شمع رقیه آخدی گوزقاش الیندن تپراقا دوشدی کسیک باش پرآچدی مرغ روحی آسمانه قوناق گیتدی حسینه عاشقانه ادامه دارد ۱۴۰۳.۰۵.۱۱ #محرم_۱۴۰۴ #خرابه_شام #شب_سوم_محرم #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

#🎤حاج_ابراهیم_رهبر شام غریبان حضرت رقیه سلام الله علیها روضه بسیار سوزناک 😭😭😭😭 ┏━━ °•🍃🌸🍃•°━━┓ #محرم_۱۴۰۴ #خرابه_شام #شب_سوم_محرم #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

⚫️اربعین حسینی ⚫️سبک:دوباره مرغ روحم هوای کربلا کرد ⚫️سبک :قان یاغدی کربلاده قیرخ گوندی دوشموشم من ...سندن حسین آرالی گلدیم مزارون اوسته...قارداش اورگ یارالی دور پیشوازه قارداش...مهمانیوم حسینیم بی کس ربابی دیندیر...قربانیوم حسینیم جان یاحسین حسین جان(٢) آچ گوزلرین برادر...آی قلبیمون قراری سن سیز خزانه دونموش...گور عمریمون بهاری دیللن دیلون فداسی...خوش گلدون ایله باری سندن سورا چوخ اولدی...قارداش باشیم بلالی باغلاندی غم قطاری...یوللاندی شامه ساری من بی کسون یارالی...باش اولدی غم گساری جان یا حسین حسین جان(۲) اوچ یاشدا نازدانه...چوخ اولدی ماجراسی گلمز شماره قارداش...سایسیز اولان بلاسی اولدی رقیه عشقون...پرپرچالان هماسی ویرانه یرده قالدی...یثرب گولی مارالی آئینه حیاتین...سنگ وفایه چالدی دیلدن دوشن هَزارم...ویرانه یرده قالدی جان یا حسین حسین جان(٢) آلدی قوجاقه باشون...دیل یاره غم لی جیران قانلی دوداقون اوپدی...جان ویردی زار و نالان ال آتدی باشه قیزلار...عرشه اوجالدی افغان ای قلبیمون صفاسی...لای لای رقیه لای لای وی گوزلریم ضیاسی...لای لای رقیه لای لای جان یا حسین حسین جان(٢) قیرخ گوندی باشدا قاره...چوللر دولانمیشام من غم تیری سینم اوسته...هجرونده یانمیشام من پیراهنون حسین جان...اللردن آلمیشام من یورقون خمیده قامت...گلدیم اویان وفالی قارداش منایه گلدیم...سعی و صفایه گلدیم قان یاش آخار گوزومدن...بزم عزایه گلدیم جان یا حسین حسین جان(٢) واردور یری بو قبرین...مهمانی خاتم اولسون نوح نبی و عیسی...موسی و آدم اولدی قارداش گوروم که بیرگون...زوّارون عالم اولسون عرشه اوجالسون اوندا...بو مرقدین جلالی پایین پاده اکبر...سینونده دیلسیز اصغر مدفون اولوب یانیندا...بیرجوت کسیلمیش اللر جان یا حسین حسین جان(٢) زینب گوریدی ای کاش...برپا اولوب نمایش عزم ایلیوبدی یرمی...میلیون ایدن ستایش برپادی اربعینده...مجموعه ی همایش لبیک یا حسین دور...هرتک تکین مقالی «یرلر حسینه قوربان»... «گویلر حسینه قوربان» بو یرمی میلیون عاشق...«یکسر حسینه قوربان» جان یا حسین حسین جان(٢) کفر زمانه داعش...آچسون گوزون اویانسون وهّابیان ضاله...نار حسدده یانسون کیم ایستمز حسینی...چیخسون گوزی اوتانسین شیعه ایدوب تنومند...زینب اکن نهالی الگو دی شیعیانه...عباس،علینون اوغلی حتما حمایت ایلر...ام البنینون اوغلی جان یا حسین حسین جان(٢) لطفین عیان ایدوبدور...خلاق حی داور پایان تاپور دیرسن...«ثاقب»غیاب اکبر میثاقیدور یقینا...بو انقلاب احمر یابن الحسن اوزون گل...گوستر گوزل جمالی ای یوسف زمانه...دیللر دولاندی قانه عزت هماسی سایه...سال راس شیعیانه جان یا حسین حسین جان #اربعین۱۴۰۴ #شهادت_حضرت_رقیه_سلام_الله_علیها

▪️نوحه شهادت حضرت رقیه(س) ✍بقلم مرتضی اسکندری (ساعد زنجانی) . . #سبک_یخلوب_عباسیم . . آنا یازهرا گل ویرانۀ شامه شام غریبانه رقیّم ئولدی . قابار ایاقلارین باغلا یارالارین حسینه ریحانه رقیّم اولدی . . . . . دای الیم بوش قالدی فلک گینه سالدی بلالی زینبون باشینا قاره . بالامین قبرین من اؤزوم قازدیم اما الیم گلمور جسمون قویام مزاره . آتاسی بیر یاندا بالاسی بیر یاندا یاتوبدولار اما ائلدن کناره . بو بالانون داغی یاندوردی آفاقی شرار سوزانه رقیّم ئولدی . . . . . گیجه لر آج یاتدی آناسین آغلاتدی بلایه توش اولدی بلالی باشی . یاراسین باغلادیم اوتوردوم آغلادیم گوزوم قالدی یولدا گله قارداشی . قبرین اوزوم قازدیم اکبر آدین یازدیم نه گلدی قارداشی نه بیر یولداشی . یارالی طرلانیم سه ساله جیرانیم قالدی یانا یانه رقیّم ئولدی . . . . . یاراسین غساله گوروب ایتدی ناله دیدی بو احواله توانیم یوخدی . دیدیم ای بیچاره بو طفل بیماره ترحم قیل آیری گمانیم یوخدی . بالاما غسل ایتدی قویوب یرده گیتدی مزاره قویماقه جوانیم یوخدی . اونی قبره قویدوم بو دنیادن دویدوم باخوردی بیگانه رقیّم ئولدی #محرم_۱۴۰۴ #خرابه_شام #شب_سوم_محرم #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

🏴زبانحال حضرت زینب در کوچ از خرابه ی شام🏴 🎶سبک(من اومدم دوا بشه ،دردم) رقیه دور چاتیب باشا / هجران عمّن بو خیردا قبریوه / قربان قسمت اولوب گیداخ قیزیم / اَلآن کرب و بلایه دیمه بی بیم منی قویوب / گیتدی تَندن وفا رَختین سویوب / گیتدی عمّن دیمه سندن دویوب / گیتدی کرب و بلایه ایوای بالام ایوای بالام / ایوای ۳ ایوای بالام وای بوندانصورا نه بیر دییوب / گوللَّم خرابه ده نه چَکموسن / بوللَّم سندن اوتور شامه گینه / گللَّم قیزیم رقیًه آخر گجه گَلدون قیزیم / جانه غمدن گوزون یاشی دونوب / قانه بیر یانه دوشدون ، باشدا بیر / یانه قیزیم رقیّه باشدان باشا درد و غم و / آهَم آخر بو شَهره گلمیشوخ / باهم نِیلیم گیدیم مسافرِ / راهَم گَرک گیدَم من حسین دییوب اَشکیم اولار / جاری قافله یوللانور اونا / ساری قبرینین اوسته آغلییم / باری گَرک گیدَم من عمّه وه قبریدن قیزیم / ویر سَس دولدورا بولمز یِریوی / هیچ کَس کیمه دیوم دردیمی من /(بیکَس) ایدیم نه چاره قَمچی لر آلایندا چخان / جانی قبرون اولار روضه لره / بانی بابان دیسه رقیّه بَس / هانی ایدیم نه چاره #خرابه_شام #کوچ_از_خرابه #شهادت_حضرت_رقیه_سلام_الله_علیها التماس دعای فرج الاحقر مهدی عبادی

🏴کوچ از شام 🏴 گیدیروخ بیز اربعینه بودی نسگیلم رقیه نه دیوم بابان سوروشسا هانی سویگولوم رقیه دیمرم سوروشسا اکبر باشوا گلن بلادن دیمرم ایدردی ناله غم و ظلم کربلادن دیرم فراق و غمدن هامی یا هامی جفادن نه دیوم بابان سوروشسا هانی سویگولوم رقیه دیمرم خرابه یرده نه قدر چکوبسن ایذا دیمرم غمونده یاندی مه و مهر چرخ مینا دیرم مه مدینه بوله بو ملالی اما نه دیوم بابان سوروشسا هانی سویگولوم رقیه دیمرم که گل وجودین باجوین یوروبدی غملر دیمرم اولنجه اولدی سوزی گل علی اکبر دیرم بو اربعینه گلوب اهل بیت یکسر نه دیوم بابان سوروشسا هانی سویگولوم رقیه دیمرم بو دردی سردار عموا اورکده قالسون دیمرم دیردی گلسون منی بیر قوجاقه آلسون دیرم گلنمیوبدی اوزینی بو قبره سالسون نه دیوم بابان سوروشسا هانی سویگولوم رقیه دیمرم دل جهانه ورار اود گوزل مزارون دیمرم وطنده صغرا چکر ایندی انتظارون دیرم سوروشسا هر کیم بو اسفلی حال زارون نه دیوم بابان سوروشسا هانی سویگولوم رقیه دیمرم فراق ایوینده کسیلوبدی صبر و تابیم دیمرم یانان اورکده گنه واردی اضطرابیم دیرم غم و ملالون ولی یوخ بونا جوابیم نه دیوم بابان سوروشسا هانی سویگولوم رقیه دیمرم ئولنده یاندی شرر غمینده داغ داش دیمرم قویاندا قبره یوزه جاری اولدی قانیاش دیرم کفن سیز اولدی بو بیبون اولیدی ایکاش نه دیوم بابان سوروشسا هانی سویگولوم رقیه دیمرم خرابه یرده گلن ایلدی شمادت دیمرم غموندن ایتدی منه روز و شب شکایت دیرم قوتولدی غمدن بو غمون ایدر خجالت نه دیوم بابان سوروشسا هانی سویگولوم رقیه ✍مرحوم اعظمی تبریزی #کوچ_از_خرابه #شهادت_حضرت_رقیه_سلام_الله_علیها #اربعین۱۴۰۴ #اربعین_حسینی #کانال_باب_الحوائج http://eitaa.com/torkiy

🏴‍ کوچ از خرابه🏴 🎶سبک میگذرد کاروان... نازلی قیزیم محنتون قلبیمی القان ائدور دور یولا سال عمه وی کرب و بلایه گئدور یاتما ویرانه ده آی بالا آچیلیبدی راه کربلا کربلا..کربلا. ..سسلین هی مندن باباسین  ایستین جان رقیه...جان رقیه..جان رقیه..جان رقیه خوشدی گله قبریدن ایندی قیزیم بو جواب گوزله رقییون گلور صبر ائله غملی رباب همره اولوم من سنه اولمیا قلبون کباب کربلایه گئداخ کام آلاخ اصغره اوردا لای لای چالاق کربلا..کربلا..سسلین هی باباسین مندن ایستین جان رقیه....جان رقیه..جان رقیه...جان رقیه هجروویلن آی بالا صبریمی سن کسموسن قمچی دگدن قیزیم تیتریوب هم اسموسن سسیمه سس وئرمیسن اولما قیزیم کوسموسن کوسمه قیزیم منلن دور دانیش گئدیروخ کربلایه باریش کربلا.. کربلا...سسلین هی بابا سین مندن ایستین جان رقیه..جان رقیه...جان رقیه..جان رقیه چوخدی قیزیم نیلیوم محنت و رنج وملال یازدی قضا حکمینی گوشه ویراندا قال کرب و بلا ده سنی ائتسه حسین گر سؤال نئجه دئیوم آخدی اولدوزون ویرانه لرده ئولدی قیزون کربلا....کربلا.. سسلین هی مندن بابا سین ایستین جان رقیه...جان رقیه....جان رقیه...جان رقیه زینبوون قلبی دای هئچ دئمورم دینجلر یادیمه دوشدوقجا سن گوزلریم هی یاش الر گوزله قیزیم عمه وی بیر گونی شامه گلر ای منه غم گونی غمگسار عمه وه قال قیزیم انتظار کربلا..کربلا...سسلین مندن هی بابا سین ایستین جان رقیه..جان رقیه..جان رقیه...جان رقیه التماس دعا #کوچ_از_خرابه #شهادت_حضرت_رقیه_سلام_الله_علیها #اربعین۱۴۰۴ #کانال_باب_الحوائج http://eitaa.com/torkiy

کوچ_از_خرابهء_شام   گئدوروخ هامی وطنه قیزیم بئله یاتما سن بالا دور گئداخ بو خرابه یرده نه گورموسن قالوسان ندن بالا دور گئداخ دور ایاقه گور وطنه قیزیم گئدوروخ نه جاه و جلالیلن گئدوروخ اورک دولی قانیلن غم و غصّه، درد  و ملالیلن باجیلار آنان هامی عَمّه لر گئدوری بو باشی بلالیلن بو خرابه یرده نه گورموسن قالوسان ندن بالا دور گئداخ ................................... بالا سن دئمزدون ای عمّه جان گئدوروخ او یثربه بس هاچان او قدر وطن دئدون ایلدون هامی آل هاشمی باغریقان گئدوسن قوجاقیمه گَل گئداخ گوروسن دوشوب یولا کاروان بو خرابه یرده نه گورموسن قالوسان ندن بالا دور گئداخ نقدر واریمدی بو جاندا جان یوزه اشک آلیمی باغلارام یادیمه دوشر غم و محنتون باشیمی آچوب سینه داغلارام دییرم خرابه ده آج سوسوز قوری یرده جان وئرن آغلارام بو خرابه یرده نه گورموسن قالوسان ندن بالا دور گئداخ ................................... او بلا چولونده نلر گلوب گئدوب عزّ و جاه تالانمیشام قریلوب ائلیم بوکولوب بلیم همه جور، بلایه دایانمیشام او خدا بولر که وئرنده جان قوری یرده سن نئجه یانمیشام بو خرابه یرده نه گورموسن قالوسان ندن بالا دور گئداخ  بولوری سنون هامی شوریا بو خانم رقیّه ده وار گوزون بو قباقکه وقفه ده سعی قیل او حسین مزارینه گیت اوزون باجیسی دلیجه یقین اولور او گوزل حرمده سنون سوزون بو خرابه یرده نه گورموسن قالوسان ندن بالا دور گئداخ شادروان آقا شوری رحمةالله علیه #کوچ_از_خرابه #شهادت_حضرت_رقیه_سلام_الله_علیها #اربعین۱۴۰۴ #کانال_باب_الحوائج http://eitaa.com/torkiy

کوچ از شام ➖➖➖➖➖➖➖➖➖➖ بهار عمری اولان گول کیمی خزان بالا وای آیلمیان باشی دنیاده رنج و محنتدن نه یاتموسان گوزون آچ قبریوه بیبون قربان قوتولدی آل علی شامیده اسارتدن اویان دیوم نلر اولدی بو شام شوم ایچره خبر واریمدی سنه دیلده رد غارتدن علی اکبر آلان گوشواره وی آلدیم که غارت اولموشودی ظلم بی نهایتدن منیم یانمدا امانت قالار ئولونجه بولار ویا که صاحب اولورسان اوزون امانتدن بویور گوروم ندی تکلیفی گوشواره لرین سکوتیویله منی سالما استقامتدن بو قدر عمه وه ناز ایلمه تکلمه گل فدا اولوم سنه دیندیر منی محبتدن ایکی یولون آراسندا قالوب رباب حزین نه آیرلور  نده ایستور گچه زیارتدن علی اصغرینون قلبدن غمی چخمور اورک سوزون آچا بولمور منه نجابتدن گیدور یاراسینا گوز یاشینی ایده مرهم چیخا بو نوعیله بلکه اودا خجالتدن اوزون دور حل ایله ویرانه ده معمانی قوتارگیلان آناوین روحینی اذیتدن منه ده چاره یولون ویر نشان بویور نینیم گیدوم زیارته یا گئتمیوم بو غربتدن هوای کرب وبلا باشیمه دوشوب چخمور گچنمیرم من اوزومده همین فضیلتدن ایله دولوب اورکیم کربلاده آغلاماقا یوروبلا قلبیمی شاماتیده شمادتدن گلنده فرصت اله دوشمدی آچام باشیمی عذاریمه اَلئيَم خون دل مصیبتدن گرگ من حاضر اولام اول اربعینینده عزا او یرده اونا ساخلیام ارادتدن مصیبتین اثریندن وَرم ایدوب اورکیم سالوبدی عمه وی غربتده تاب و طاقتدن ئلوم ایاقینه من دم به دم یاخنلاشیرام چوخ آز قالور که یومام دیده، دار محنتدن دوشوبدی گوگلومه کرب و بلا رضا اولما زیارت ایلممیش من ئولم بو فرقتدن دیولّه ایله گوزل قبری واردی قارداشیمون سالوبدی روضهٔ رضوانی قدرو قیمتدن او آلتی گوشه لی قبره فدا اولا جانیم یاتوب ایاقلاری آلتندا اکبر حرمتدن اوزاخ دوشوبدی ولی قاردشیم ابوالفضلی خیامه گلمدی نهر اوسته، قالدی غیرتدن غریبه نظمه چکیلدی بو نیسکیلی (ساده) که امتناع ایلمز روضه خوان، التماس دعای فرج #کوچ_از_خرابه #خرابه_شام #شهادت_حضرت_رقیه_سلام_الله_علیها #اربعین۱۴۰۴ #کانال_باب_الحوائج http://eitaa.com/torkiy

🏴 زبانحال حضرت زینب (سلام الله علیها)🏴 دور بو خرابه شامیدن       عمّه ‌وی سال یولا قیزیم قولارووی رقیه جان        بوینوما گل دولا  قیزیم   من نجه تک قویوم سنی        شامیده  دلبریم  گیدوم بیلمورم هچ  قالوم  و  یا        خسته  کبوتریم  گیدوم قبریوین اوسته قوی نچه      شاخهءِ گل سریم گیدوم ممکنی  یوخ    زیارتون        بیرده نصیب اولا قیزیم کرب  و  بلایه  باغلانوب            قافله یِ  غمیم  بالا هارداقالوبسان ای منیم        غصه لی  همدمیم بالا اولمادی  عفو  اله  اگر          یاره وه  مرهمیم  بالا یوخسا او گل جمالووی     قویمازیدوم سولا قیزیم قافله باغلانوب گیدور           کرب  و  بلا  دیارینه من نه ایدوم قوشولماسون         سن    اُسرا  قطارینه قاره چکوب کجاویه یا بالامین مزارینه گه باخورام ساغا ولی گه باخورام صولا قیزیم (گوهری) 🍃🍃🍃🍃 زبانحال حضرت زینب سلام الله علیها ✍ به قلم گوهری 🥀🥀🥀🥀🥀🥀🥀🥀🥀 #کوچ_از_خرابه #خرابه_شام #شهادت_حضرت_رقیه_سلام_الله_علیها #اربعین۱۴۰۴ #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy