ای امام پنجمین ای باقر آل عبا جانیمز اولسون سنین تک رهبره قربان اقا باقر العلم النبی سن پیشوای اهل دین اولموسان حق اهلینه دنیا بویی حبل المتین اللی یدی ایل بو جهاندا نور ویردین عالمه ویرمه دی غم غصه بو از عمروده فرصت سنه دین و قرانین یولوندا سعی و همت ایله دین صبر ائدیب بیر عمر احیای شریعت ائله دین ایله دین تشریح قرانین گوزل احکامینی اهل دنیایه یئتیردین بعثتین پیغامینی زهد و علم و فقه و منطق ده سرامد سن اقا فخردور که وارث علم محمد سن آقا هر طرف دن هاشمی سن ای عزیز عالمین بیر طرف جدین حسندور بیر طرف جدین حسین ائیله د ی ال امیه قلبیوی القان اقا اولدی بو دنیا یوزی حق اهلینه زندان اقا دین شناسی مکتبین هر حالیده ویردین رواج شیعه لر گفتاریده سندن چوخ ائیلر احتجاج سن اوشاخلیقدان غم و اندوهلیه مانوس دین کربلانین ماجراسین شاهدیدین دلغمین سن اقا کرب بلانین مصحف گویاسی سن دورت یاشیندان محنت و اندوه و غم دریاسی سن ذهن فعالینده غملی ماجرا چوخدور سنون داغلی قلبینده یقین گیزلین یارا چوخدور سنون سن اوشاقیدون که اولدی کربلا دارالبلا خیمه گاهین دوره سین محصور ائدیب اهل جفا باغلادی سو یوللارین دشمن او چولده عترته عترت زهرانی سالدی بو سوسوزلوق زحمته سن باخیردین خیمه دن لشگر ائدوردی هلهله شاه دینین لشگری بیر بیر گئدیردی مقتله سن باخوردون دوغرویاندا لشگر کین اکبری وای نه چکدین اوخلادی دشمن علی اصغری ساخلادین کربلا داغین اورکده هر زمان یاده سالدوقجا اولوب گوزدن اورک قانی روان خیمه لر یاندی تیکانلیق چولده قاچدین چوللره بیر نفر رحم ائتدی غارتده ال حیدره بیلمیرم گوردون نجه دین گلشنی اولدی خزان قتگهده قانیینه غلطانیدی پیر و جوان ساربانلار خسته دل اهولری چوخ یوردولار کیم بابام یا قارداشیم ایوای دئینده ووردولار نیزه اوسته باشلارا باخدین غمه اولدن دچار بیر ائیله ظلم و مصیبت لر مگر یاتدان چیخار عترت زهرا همیشه دهریده مظلوم دور حق دیین لر تا ظهور منتظر مغموم دیر ایمدی ده مظلوم سن قبرین ده یوخ دور سایبان قویموری دشمن سنی ائتسین زیارت شیعیان ادامه دارد.. ادامه دارد... #مدح_امام_باقر_علیه_السلام #شهادت_امام_باقر_علیه_السلام