تَرجیع بند در وصف حضرت امیرمومنان علی ع ...فقط حیدر امیرالمومنین دور .... علی شیرخدا یَعسوب دیندور رسول مُصطَفایه جانشیندور گرکدور اهل عالم اولسون آگاه فَقَط حیدر امیرالمومنیندور علیدور مَظهر عَدل و عَدالت علیدور عالَمه نور هدایَت علیدور شافع روز قیامت علی دَست خُدا عین الیَقیندور فَقَط حیدر امیرالمومنیندور علی ساقی،علی کوثَر،علی نور علی عشق و علی عاشق،علی شور علی حیدر،علی کَرّارَ مَشهور آدی پیرایه ی عَرش بَریندور فقط حیدر اَمیراَلمومنیندور علی عالم، علی عامل، علی عِلم علی جاهد، علی عاهد، علی حِلم علی صابر، علی صادق، علی سِلم علی استاد جبریل اَمیندور فقط حیدر امیرالمومنیندور علیدور مَعنیِ آیات قُرآن علیدور روح تَقوا بَحر ایمان علیدور چشمه ی جوشان عرفان حَبیب حَق امامُ المُتّقیندور فَقط حیدَر اَمیرالمومنیندور علی رهبر، علی سرور، علی شاه علی مِهر و علی اَختر ،علی ماه تاپوب عزّت اونیله عزّت و جاه ولیِّ حضرتِ جان آفریندور فقط حیدر امیرالمونیندور علیدور گلشَن دینون صَفاسی علیدور عَرش و فَرشین مُقتَداسی علی اَهل وَلانون پیشواسی رسول اَکرَمه یارِ اَمیندور فَقَط حیدر اَمیراَلمومنیندور علی مِرآت حَیّ کبریادی صَفا بَخش دِل اهل وَلادی تَمام عالمه مُشگل گُشادی نه تَک مُشگل گُشا،حَبلُ المَتیندور فَقط حیدر امیرالمومنیندور علی دَریایِ احسان و کَرامَت علی مَعنای ایثار و شَجاعت علی شالوده ی زُهد و عبادت علی نورِ خُدائیله اَجیندور فقط حیدَر اَمیرالمومنیندور علینون شَانینه عَقل بَشر مات گلوب شَانینده حَقدَن چوخلی آیات جَهانه بیرده گلسون مثلی هیهات شعار شیعه عالمده هَمیندور فَقَط حیدَر امیرالمومنیندور علینی حَق بیزه ایلوب عنایت آچوبدور خَلق ایچون باب سَعادت تاپوب زینَت همین نوریله خِلقَت جهان دلداده ی اول مَه جَبیندور فَقَط حیدر امیرالمومنیندور علیدور مالکِ مُلک ولایت سعادتدورولایَتدّن اطاعت ولایتسیز اولار باطل عبادت ولایت اَکمَل ایمان و دیندور فقط حیدر امیراَلمومنیندور ولایتدور ویرن انسانه عزّت بو عزّتله تاپار انسان سعادت عنایتدور بیزه حَقدَن بو نعمت نچونکی اَمر ختم المرسلیندور فقط حیدر امیرالمومنیندور غَدیر خُمّ دا اول گونکی طاها ایدوب اجرایِ حُکم حیّ اَعلا علینی مُسلمینه ایتدی مولا دیدی بو امرِ خلّاقِ مُبیندور فقط حیدَر امیرالمومنیندور اولون آگه بویوردی ای جماعت بوگون سیز اُمّته مندَن وَصیّت علیدن ایلییون کامل اطاعت ایکی دُنیا سیزه حِصنِ حَصیندور فقط حیدر امیرالمومنیندور علی مَدحین یازا عاجزدی خامه نَقدری شَرح اولا یِتمَز تَمامه قالوب حیران خَلایق بو مَقامه علی مَمدوحِ رَبّ العالَمیندور فقط حیدَر اَمیرالمومنیندو ............ یتیشدی فرقینه اول دَم کی یاره دوشوب محرابه قان آخدی عذاره او حالیله چاتوب وصل نگاره بو غمده اهل دین زار و حزیندور فقط حیدر امیرالمومنیندور آدیم رَزّاقی بیر عَبد ذَلیلَم مُطیع اَمر خَلّاق جَلیلَم بو درگاهه ذَلیلانه دَخیلَم امیدیم اول شَه بالا نشیندور فقط حیدَر اَمیرالمومنیندور التماس دعا خاک پای حیدریّون و حسینیان عزیز ... ✍ستار رزّاقی .... تبریز . . #ولادت_حضرت_علی_علیه_السلام #مدح_حضرت_امیر_المومنین