در مدح حضرت ام البنین مادر حضرت ابوالفضل العباس علیه السلام به قلم کربلایی صابر ثمودی ای ام البنین ، غیرته معنا یارانوبسان حجب و ادبین مُلکینه دریا یارانوبسان ایستور قلمیم یازماقا والا نسبوندن عاجزدی یازا شأنیده والا یارانوبسان بیر واژه دولاندیم سن اوچون یازماقا بانو هر حُسنده گوردوم سنی یکتا یارانوبسان ای عاطفه گنجینه سی ای کان عطوفت سن مهر و وفاده تک و تنها یارانوبسان دنیایه سنه تای نه گلوب نه گلجاقدی الحق اولا سن لایق مولا یارانوبسان حُسن و ادبینَن دلیم عاجزدی دانیشسین ای اُمِّ ادب مادر سقّا یارانوبسان اُول دامنِ پاکونده ادب پرورش ائتدون مریم نئدی سن مریمه اولا یارانوبسان دورت شیری بجردون هاموسی کوهِ صلابت عالمده خانیم مفخر دنیا یارانوبسان عبّاسیوی عالم تانیور قرب و مقامین نسوان آرا سن سرور حورا یانوبسان سندن صود اَمیب حضرت عباس اولوب عباس عباسیوی شیر ائتماقا با جا یارانوبسان سن گلشن زهراده خانیم خدمت ائدیبسن با جادی دییم نایب زهرا یارانوبسان هر یئرده دئدون حضرت زهرایه کنیزیم الله بگنن خصلته دارا یارانوبسان بوندان داخی چوخ یازماقا عاجزدی (ثمودی) زهرا ائوینه عاشق شیدا یارانوبسان از تمامی عزیزان التماس دعا دارم ✍ کربلایی صابرثمودی #مدح_حضرت_ام_البنین_سلام_الله_علیها

احوالات حضرت ام البنین(س) شعری جدیداز: ✍محمدرضامحمدی(ناعم) 🌴🌴🌴🌴🌴🌴🌴🌴🌴 ⛔️ کپی ونشر،بدون نام شاعر،حرام وسرقت ادبی محسوب میگردد. ▪️▪️▪️▪️▪️▪️▪️▪️▪️▪️ صاحب وشٲن وجلالتدی اباالفضل آناسی بحرپر موج کرامتدی اباالفضل آناسی معدن فضل و فضیلتدی اباالفضل آناسی بانوی بیت ولایت ئوزی محجوب و متین فاطمه آدی،مبارک لقبی ام بنین 🍁🍁🍁🍁🍁🍁 همسرشیرخدا،بانوی ارزنده مقال همنشین نجبا،صاحبهٔ جــاه و جلال اولدی زهرا ائوینین جاریه سی تاپدی کمال قدمی وئردی صفا،غمله سولان انجمنه اشتیاقیله ائدوب خدمت حسین وحسنه 🍁🍁🍁🍁 عربستانیده مشهوریدی اصل و نسبی پاکزادیدی طریقتده اونون اُمّ و اَبی نقل محفللردی طینت و زهد و ادبی بی نظیریدی او دورانیده عفتده خانیم خلقه ضرب المثل اولموشدی دیانتده خانیم 🍁🍁 دین و قرآنه اوره کدن بوخانیم شایقیدی پیرو مکتب اطهاریدی چوخ لایقیدی جان ودلدن ئوزی زهراخانیما عاشقیدی آرزوسیدی اولا بیت ولا خادمه سی اونادادرس شرافت وئره زینب ننه سی 🍁🍁🍁 اون ایله دونموشودی فاطمه نون هجرانی آناسیزلیق غمی سولدورموشودی طفلانی غصه لرتنگه گتورموشدی دل مولانی چون وصیت ائلمیشدی ئوزی زهرای بتول عزم تجدیدفِراش ایلدی دامــادِ رسول 🍁🍁🍁🍁🍁🍁 علم اَنسابیده چوخ ماهریدی شخص عقیل حیدرون قارداشی بیرفردوفادار واصیل اونا تاپشوردی خود حجت خلاق جلیل ایستورم غصه لی صرافووه گوهر تاپاسان گزه سن طایفه لردن منه همسر تاپاسان 🍁🍁🍁🍁🍁🍁 ولی وارشرطی اوقیز وصلتیمه شایق اولا ننه لیگ اولمیا،،دورت نوگلیمه عاشق اولا یاخشی تحقیق ائله،زهرا ائوینه لایق اولا شهرهٔ یثرب اولا قوم و نژادو نَسَبی اوخشیافاطمیه حجب وحیاو ادبی 🍁🍁🍁🍁🍁 گلمگیلن بو ائوه غملره پایان گتوره غصه لی قلبیمی آرام ائده درمان گتوره قدمیلن بوعزالی ائوه سامان گتــوره قویمیا فاطمه نون گللری محنتده سولا گوگلوم ایستور اوخانیمداندا منیم اوغلوم اولا 🍁🍁🍁🍁🍁🍁 بیراوغول که داریخان وقتده هواداریم اولا حسنینه قوشولا یار و مددکاریم اولا اوجابوی،اَنّی کورَک،غم گونی غمخواریم اولا عشقی قارداشلارینا بی حدوهم دائم اولا یوزی زیبا،لقبی ماه بنی هاشم اولا 🍁🍁🍁🍁🍁🍁 دیدی مولا،تانورام بیرقیزی که عالمه دی شان و شوکتده ملکلر بوقیزا خادمه دی عفتدی شهره دی یثربده،آدی فاطمه دی دخت محجوب حَزام،جدی اونون شخص کلاب یوخدی عفتده نظیری،ئوزی صدیقه مآب 🍁🍁🍁🍁🍁🍁 خواستگاری اولونوب ماحصلی گلدی گلین گلدی زهراائوینه فاطمح،محجوب ومتین پوزولان انجمــــنه وئردی صفا ام بنین گوردی بوصحنه نی نسوان مدینه سالیب های ننه لیک گلدی علینون ائوینه،زینبه وای 🍁🍁🍁🍁🍁 مطلبی بیلدی اوخاتون وفادار ونجیب دیدی یوخ ذره وجودیمده منیم حیله و ریب ایندی که اوج سعادت منیچون اولدی نصیب ظاهراً همسرسلطان حجیزم تانیــون گرقبول ایلسه زهـــرایه کنیزم تانیـــون 🍁🍁🍁🍁🍁🍁 آنداولا فاطمه نون ذکرنماز شبینه عالمی درده سالان غصه لی تاب وتبینه گرقبول ائتسه کنیــزم خانیمون زینبینه خادم منزل سردار حنینم تانیـــون فاخرم،چونکه کنیزحسنیــنم تانیون 🍁🍁🍁🍁🍁🍁 دوشنوب درگه زهرایه او بانوی گرام دورد اوغول وئردی اونا حضرت خلاق انام دیدی خوشدور اولا هر دوردیده زهرایه غلام اعتنــا ایلمــرم خلق الین همهمیــه بالالاریم هامی نوکردی بنی فاطمیه 🍁🍁🍁🍁🍁🍁🍁 گون به گون حرمتی آرتوردی او والانسبین هامی تعریف الیوردی حسنات و ادبین عاشق اولموشدی حسینه خبر آلما سببین عالم عشقیده بیرهمت شایان ائلدی فاطمه اوغلوناهردوردونی قربان ائلدی 🍁🍁🍁🍁🍁🍁 تربیت ایلدی دورداوغلونی وانفساده که فقط عشق حسیندی قالاجاق دنیاده گوزلیون قویمیاسوزتک،اونی هـــر بلواده ساتمیون عشقینی گر وئرسه له،دنیا بویی زر فاطمه یوسفینون بیر توکی دنیایه دَیَر 🍁🍁🍁🍁🍁🍁 عالم عشقیده بالمره قیامت سالدی دست زهرادن ئوزی رتبهٔ شایایان آلدی جان وئرن وقتیده افسوس اولاکه تک قالدی دیدی لبیک حسین،صون نفسیمدور ئولورم گل که گورسم یوزویی بیرده بسیمدور،ئولورم 🍁🍁🍁🍁🍁🍁🍁 نچه ایلدور بئله خدمت شالینی باغلامیشام اگنیده رخت عروسی،آنووا آغلامیشام غملرون یاده سالیب غمله جگرداغلامیشام جان وئرن لحظه نه خوشدور منی ده یادائده سن نه اولار،اوغلی ئولن بیر ننه نی شادائده سن 🍁🍁🍁🍁🍁🍁🍁 دئمورم ماتمیمه دسته گل یاسیله گل یا که قلبونده اوغول آهیله احساسیله گل اولساامکانی ملاقاتیمه عباسیله گل ایکی دلداده گلون بیرداجگر داغلاماقا گتورعباسیمی آغلار گوزیمی باغلاماقا 🍁🍁🍁🍁🍁🍁🍁 ایله زهــرایه سفارش،او انیس محنــه ایلسون عمده عنایت بوجلای وطنه باخسابیردفعه محبتله اگــر بسدی منه منی مشمول ائلسون باغ جناندا کـــرمه باغ جنتده ده اولادینه ائتسون خدمه #مدح_حضرت_ام_البنین_سلام_الله_علیها

در مدح خانم اُم البنین (س) ام العباس (ع) شعری از ناجی هشترودی ____________ من اُم بَنینم تانیون نیک تبارم آئینه ی حُجب و ادبم ، روحِ وقارم عفت منه سرمایه دی ، آرتیبدی جلالیم اُم الَادبم ، سینه ده غیرتدی مدالیم گنجینه ی ایثاریده من کَنزِ وفایم اِقلیم سَخاوتده کی تَندیس عَطایم آفاق ولانی دولانان سالک عشقم حیدردی امامیم من اوزیم مالک عشقم اِسپهر غمین شعشعه زا اَختریم من " آند اولسون علینین جانینا حیدریم من" خَلوت گهِ عرفانیده ، توحید شعارم غم مونِسی ، مَغموم شهِ نیزه سوارم وئردیم حَقه جان نقدیمی جانانه یتیشدیم زینب مَنش اولدوم سر و سامانه یتیشدیم من خادمه ام وحی اوینه گرچه عزیزم باشیم اوجالا عرشه ده زهرایه کنیزم شاهین شرف ، فتح اِئلیَن قُلّه ی جُودم محراب اطاعتده دوشن مُهرِ سُجودم تقدیر اَلی بیچدی بویوما جامه ی تقوا بختیم منه یاریدی اولام همسر مولا چون نانِ ولایت یئمیشم فخریله منده قاتدیم صودیمه غیرتی عباسیم اَمنده قاموس ازلدن پوزارام واژه ی ترسی سرمنشاء همّتدی منه فاطمه درسی من سینه ی دژخیمی یاران زهریلی تیرم قورخی یوزینه خدشه سالان پنجه ی شیرم زینب کیمی قلب ستمی داغلیارام من غیرت ایپینه مین کیشینی باغلیارام من التمای دعا ...ناجی هشترودی #مدح_حضرت_ام_البنین_سلام_الله_علیها #وفات_حضرت_ام_البنین_علیها_سلام