#کوچ_از_کربلا 🥀کوچ از کربلا بعد از اربعین سالار شهیدان حضرت اباعبدالله الحسین علیه السلام🥀 🏴🏴🏴🏴🏴🏴🏴🏴 دور ای عزیز دل مصطفی' اویان گئدورم مدینه سمتینه قارداش نوا کنان گئدورم الیمده پیرهن پاره پاره وی گوتوروب بابام مزارینه با چشم خونفشان گئدورم بیر اربعین سنه من اولموشام حسین زوار آنام زیارتینه ایندی باغریقان گئدورم بو آلتی گوشه لی قبره محالیدور بیرده دوشه یولوم بولورم ، بیله ناگران گئدورم حرملرون هامیسی دلده وای بابا سسلور دوتولدی ناله سینه گوش آسمان گئدورم بو آیریلیق بولوسن چوخ چتیندی زینبیوه ائدر رسا قد یمی فرقتون کمان گئدورم ایاقه دور یولا سال دل شکسته خواهریوی کناریمی آلا یوخ بیرجه پاسبان گئدورم نه واردی قاسمِ نو کد خدا نه وار اکبر نه واردی قارداشیم عباس دن نشان، گئدورم حجاز قافله سین یوخدی بدرقه ایلییَن عذاره گوز یاشی گور نه اولوب روان گئدورم ربابه چاره قیلیم یا کی لیلی زاره ؟؟ سریه دردی آلوب قلبیدن توان گئدورم وطن ده گوزلری یولدا قالیب مریضه قیزون یوخ ایندی کیمسه اونون گویلونی آلان گئدورم اورکده وار ولی بیر نسگلیم آنام اوغلی اولوب خدنگ غمه گور نجه نشان گئدورم سوروشسا اوغلونی اُمَّ اَلبَنین اونا نه دییم؟ نه دل لریله ائدیم بو غمی بیان؟ گئدورم سنه عنایت اولوب بو گیجه عجب "دلجو" دیار کرب و بلایه سوروش هاچان گئدورم ✍دلجو ‌‌‌ کانال باب الحوائج اشعار ناب ( مداحی،مولودی ترکی و فارسی) لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

قالدی خندان گل لریم سنده امانت کربلا من خداحافظ حسینی ساخلا راحت کربلا من گلن گوندن بورا آماج درد ایتدون منی هر مصیبت هر غمه دوتدون پسند ایتدون منی قارداشمدان آیری سالدون دردمند ایتدون منی ایتدون ئوز تپراقوی کنز سعادت کربلا ای مقدس یر ویرن ای دائما اسلامه پاس تربت پاکون جنان و کعبه اولماز قیاس سنده کی قان دجله سیندن قوزانار بیر انعکاس پخش ائدر آفاقه انوار هدایت کربلا کربلا سنده دئمه یتمیش ایکی قربان یاتوب کلمه توحیده دی بیر عده پشتیبان یاتوب جلوه گاه عشقده جانانه وئرمیش جان یاتوب اولمیبسان بی جهت محراب حاجت کربلا منکه ناچارم گئدم اکبر سنون لیلا منیم ساخلا دامادی عروسی منده واویلا منیم سنده اولدوزلار قرانلوقدان دولی دنیا منیم منده عابد سنده ده شاه شهادت کربلا چخدی اهل کینه سنده ظلمده اندازه دن سالدیلار غربتده اوراق حقی شیرازه دن آتلارا جولان وئروب منکوب ائدوبلر تازه دن سنده شاهد سن ئوزون ایله قضاوت کربلا کسدیلر سنده فرات اوستونده سقانین یولون سالدیلار ظلمیله نخلستاندا قولدان صاق صولون یاخشی شافع ایلدون زهرا ایچون بر جوت قولون یوم وانفساده اسباب شفاعت کربلا ایندی شامه عازمم قول باغلی اعدایه اسیر منله وار هشتاده دین عورت اوشاق خرد و کبیر سرپرستی بیر منم بیرده یانان تبدار امیر وار نه اندازه ولی اهل عداوت کربلا #کوچ_از_کربلا

کوچ از کربلا وداع زینب (س) با نعش برادر 🎼 سبک: ویرانه ده نازلی بالام... 📝◾️مرحوم غمکش گل پیکری عریان قالان قارداش خداحافظ نعشی قالان بی سایبان قارداش خداحافظ دشت بلانون محنتین بیز وئردوق اتمامه قانه بویاندون، کوفیان یئتدی اخا کامه عریان دوه اوسته باجون راهی اولور شامه دور سال یولا وئر بیر اذان قارداش خداحافظ آتما بیزی گؤزدن حسین ای خسرو خوبان باخ عترتین احوالینه جانیم سنه قربان منزل اوزاق عریان دوه قولدا رسن، نالان دللرده یوخ تاب و توان قارداش خداحافظ السیز ایاقسیز قیزلارون هر چند ائدر فریاد رحم ایلمز گؤزیاشلارا بو قوم بد بنیاد بیر کیمسه یوخ امداد ائده لطف ایله قیل امداد غمدن اولوبلار باغریقان قارداش خداحافظ اوّلده قارداش اولموشام من سنله هم پیمان صبر ایلرم هر محنته ای شاه مظلومان سن نیزه ده من ناقه ده شامه گئدک مهمان سن ناگران من نوحه خوان قارداش خداحافظ نیلوم برادر وئرموری مهلت منه عدوان نعشون آلام آغوشیمه افغان ائدم بیر آن جسمون کیمین گیسولریم قاندان اولا الوان فریاد ائدم وای خسته جان قارداش خداحافظ هر دم آخار رخساریمه بو غصّه دن قانیاش وئرمز اجازه زینبه بو لشکر اوباش گل جسموی کفن ایلیم دفن ایلیم قارداش بی رحمیدی بو کوفیان قارداش خداحافظ ایله نظر احوالیمه زار و گرفتارم یوخ اکبر و قاسم داخی محزون و بی یارم عفو ایله قارداش زینبی گئتماقه ناچارم شامه روانم بی امان قارداش خداحافظ «غمکش» روادی آغلاسون بو غمده روز و شب آغلاتدی یکسر عالم بالانی بو مطلب عریان دوه اوستن دؤنوب باخدی خانیم زینب گئتدیم دئدی بی پاسبان قارداش خداحافظ #محرم_۱۴۰۳ #یازدهم_محرم #کوچ_از_کربلا #کانال_باب_الحوائج

متن نوحه «کوچ از قتلگاه» من گلنده بو چوله گلمیشدیم یاوریله ایندی امّا گئدورم شمر جفا پروریله دور دعا ایله بیزی بو کسیلن اللریله قافلم بلکه یته شامه سلامت یارلی یارلی جان یارلی جان یارلی جان یارلی بو نه عالمدی حسین سن یارلی من یارلی  بیر دویونجا سنه من آغلاماغا قویمادیلار باشین اوستونده سینه‌می داغلاماغا قویمادیلار جان وئرنده گؤزیوی باغلاماغا قویمادیلار یارلی جان یارلی جان یارلی جان یارلی بو نه عالمدی حسین سن یارلی من یارلی جانیمه لرزه دوشوب بس که آغردور بو سفر هم اوزون گل همی وئر قارداشیم عباسه خبر پرچمین آلسین اله باجیلاری شامه گیدر یارلی جان یارلی جان یارلی جان یارلی بو نه عالمدی حسین سن یارلی من یارلی #محرم_۱۴۰۴ #یازدهم_محرم #کوچ_از_کربلا #شهادت_امام_حسین_علیه_السلام #کانال_باب_الحوائج http://eitaa.com/torkiy

کوچ اسرا زبانحال حضرت زینب (س) .. .. .. .. .. بلال فصیحی زاد .. .. .. .. .. ای نهر فرات اوسته یاتان قارداش ابوالفضل گل شامه کیمی اول منیله یولداش ابوالفضل ܀܀܀ ای بیکس و بیچاره لرون پشت و پناهی سنسیز اوجالور گوگلره بو زینبون آهی .. .. .. .. .. دنیاده بیری دوشسه اگر مشگله قارداش آدون گتورر صدقیله فوراً دیله قارداش زینبده دوشوب مشگله گل حلّ ائله قارداش گلسون آزالار غملری یانماز دل زینب بو غملی زماندا آچیلار مشگل زینب .. .. .. .. .. صحرای بلاده بیزه امداد ائلین یوخ غملی اورگیم غم گونی بیر شاد ائلین یوخ ویرانه اولان قلبیمی آباد ائلین یوخ یاتما سو کنارینده آی اولدوزلارا خاطر بو چولده پریشان دولانان قزلارا خاطر .. .. .. .. .. درمانده لرون ای ایلین دردینه چاره آواره قالان زینبوه ایله نظاره قویما ائلسون تیرِ محن قلبیمی یاره شامه آپارولار بیزی بو فرقه ارزل یا سدّ ائله ظلمون قاباقین یا بیزیلن گل .. .. .. .. .. یوزمین نفر اعدا دایانوب دور و بریمده با اینهمه یوخ واهمه شوریده سریمده گل شرکت ائله سنده منیم بو سفریمده گلزاریده بلبل گلونون ترکینی ائتمز سر قافله سیز قافله سرمنزله یتمز .. .. .. .. .. اشغال ائلیوب دوره نی شمریله سنان وار بیزدن بیری گر آغلاسا مین قمچی ویران وار چاره م ندی قارداش سویولان وار ویریلان وار باخسون گوروسن دوره می دلسوزلار آلوبدی یورقون جگری داغلی اوغولسوزلار آلوبدی .. .. .. .. .. ای ماه فراقونده بو اولدوزلاری قویما آواره پریشانلاری دلسوزلاری قویما اشگتری گوزلرده اوغولسوزلاری قویما شیرین دیلیله گل اولاری دیندیر اباالفضل صبریم تالانوب ناقه لره میندیر اباالفضل .. .. .. .. .. میندیردیم اوزوم محمله هر دختری قارداش هر قلبی سنان اوغلی ئولن مادری قارداش یوخ کیمسه سوار ایلیه من مضطرى قارداش کانون بلالر دوزولوب رهگذریمده افواج بلا وار بو بلالی سفریمده .. .. .. .. .. بو سینه می تیر غمیله خوشدی دَلَم من انصاف ائله گل قویما چکم درد و الم من نه سن گلوسن نه منه ممکندی گلم من قویمولّا منی گلمگه زینب باجون ئولسون علقمده سنی گورمگه زینب باجون ئولسون .. .. .. .. .. بیر عدّه غریبوک بیزیم آیا هارامیز وار عورتدی اوشاق باشدا تماماً قارامیز وار آغلار گوزوموز قلبیده سایسیز یارامیز وار ای دینینه فدیه ائلین جانین ازلدن قالمور او قدر خوردا اوشاقلار گیده الدن .. .. .. .. .. بیرعده آدامسیزلارا سردسته دی زینب افسوس جفائیله قولی بسته دی زینب قمچی اثریندن بدنی خسته دی زینب غم یورقونیام غمزدیم دیندیرنیم یوخ عریان دوه نون اوسته گلوب میندیرنیم یوخ .. .. .. .. .. القصّه گوروب گلمدی عباس صدایه عباس عوضینده آناسی گلدی هرایه فرمایش ایدوب آغلاما صبر ایله جفایه زهرا قزیسان گل منی سن مفتخر ایله آچ سینه وی پیکان بلایه سپر ایله .. .. .. .. .. عباس گلنمز بیلوسن یاره سی چوخدی گلزار وجودی باشاباش نیزه و اوخدی آیا نجه امداد ائلسون قولارى یوخدى شرمنده دی سندن سنیکه دیندیره بیلمز قولّاری دوشوبدور دویه میندیره بیلمز .. .. .. .. .. قارداشوی بو حالیده فریاده چاغورما درد و غمینی یادوه سال داده چاغورما باش وئردی بالام ظلمیله جلّاده چاغورما قارداش چاغوروب ویرمه اباالفضله خجالت باشسیز بدنی یاره لیدی قوی یاتا راحت .. .. .. .. .. فکر ایلمه قولّارون اولوب ظلمیله بسته یا ضربت قمچی ائلیوب جسموی خسته گل ناقه سوار اول ایاقون قوی دیزیم اوسته سالم گر اولیدی سیزی آتمازدی اباالفضل سیز راحت اولونجان بالا یاتمازدى اباالفضل .. .. .. .. .. قرخ ایلدی «فصیحی» ائلیور ناله و افغان گوندوز گئجه لر نوحه یازار دیده سی گریان یارب ایکی دنیاده اونی ائتمه پریشان ایستور اوره گی قبریمیزی حسرتی واردی دلدن بیزه نوکردی بیزه رقّتی واردی .. #محرم_۱۴۰۴ #یازدهم_محرم #کوچ_از_کربلا #شهادت_امام_حسین_علیه_السلام

کوچ از قتلگاه دور اذان وئر یا حسین بوزینبون شامه گئدور گور نجه ایندی دوشوبدور قوش کیمی دامه گئدور قول قنادین کسدیروب دشمن نجه گور زینبون چاتدی بو چولده اخا اعدانی گور کامه گئدور چوخ جلالیله حسین گلدیم بو دشت پرغمه مرغ اقبالیم دئدیم کی گور نجه بامه گئدور گون دولاندی دوشدی فرصت دشمن قدّاریه ئوز قویوبدور اهرمن بیر باش او اخیامه گئدور قتلگهده سن یخیلدون علقم اوسته قارداشیم قمچیلر آلتدا رقیه عمری اتمامه گئدور قانلی قنداقه باخور آغلور رباب باحیا گور پریشان حالیلن تقدیر و الهامه گئدور دور حسین جان نو عروسه وئر دعای خیری سن بخت ائوی گور هاردا قالدی ایندی گور شامه گئدور سوز تبدن گور یانور سجادیمون اعضالری ائمگه یاری بوگون قرآن و اسلامه گئدور میندیروبلر اوغلوئی بیر مرکب بی محمله باغلیدی قولاّر باشیندا یوخدی عمامه گئدور کاروان اهلین یولون بو قتلگاهه سالدیلار حالیدن قیزلار مدام بیر بیله اقدامه گئدور جسموون اوسته چاپوب آتلار بله پامال اولوب گوردو کی گوزلر سنون جسمونده یوخ جامه گئدور فرشیدن عرشه کیمی ایندی ملک آغلورسنه آغلاماق صوتی حضور رب الاکرامه گئدور سن بوچولده تک دگور سن فاطمه سندن قالوب زینبون گورتوش اولوب مین دردو آلامه گئدور زینبون قول باغلی شامه رهسپار اولدی حسین ائتمگه نیمه قالان اعمالی انجامه گئدور ✨اَللّهُمَّ عَجِّل لِوَلیِّکَ الفَرَج✨ #محرم_۱۴۰۴ #یازدهم_محرم #کوچ_از_کربلا #کانال_باب_الحوائج http://eitaa.com/torkiy

#اسارت_زمینه بند اول من از کرببلا رفتم به زور نیزه و شمشیر داداش پاشو ببین زینب چقدر داره میشه تحقیر دستامو بستن با طناب کجایی یاحسین یه فکری کن برا رباب ، کجایی یاحسین خواستم بمونم اینجا ولی نذاشت ساربان اخا المظلوم حسین جان بند دوم به روی ناقه گریانم به روی نیزه گریانی ببین اهل و عیالت رو دارن میرن به مهمانی پذیرایی ما زندان و راهِ پر عبور پذیرایی تو رو نیزه و کنج تنور بخوان قرآن برای تسلای یتیمان اخا المظلوم حسین جان بند سوم ببین سوز صدایم را ببین حالم پریشونه تو این شهر آبرو داشتم حالا جام کنج زندونه از روی بام دارن ما رو نظاره میکنن تو کوچه ها به خواهرت اشاره میکنن اسیر گشتم در این شهر بسته شدم به ریسمان اخا المظلوم حسین جان ✍سیدحسین_احمدی #محرم_۱۴۰۴ #کوچ_از_کربلا #اسارت #کانال_باب_الحوائج http://eitaa.com/torkiy