eitaa logo
کــانــالـ بــابـ الــحــوائجـ اشـــعــار نــاب مداحی و مولودی ترکی و فارسی
4.2هزار دنبال‌کننده
3هزار عکس
2.8هزار ویدیو
382 فایل
《هدف از ایجاد این کانال : ارائه بهترین اشعار مداحی ،روضه،مرثیه ،مولودی و... برای دسترسی هر چه سریع شما ذاکرین آل الله می باشد .》 💠خادم کانال : 💠🎤کربلائی سعید سلطانی 🔰 💠جهت ارتباط بامدیر کانال به آیدی زیر مراجعه فرمائید ⇃⇂ @saeid1370 ______☆______
مشاهده در ایتا
دانلود
(( )) آچ گوزون اویان انسان کُلّ مَن عَلیها فان ساتما عمریوی ارزان کُلّ مَن عَلیها فان گوزله اشتباه ائتمه عمریوی تباه ائتمه گلمیوب اله آسان کُلّ مَن عَلیها فان حقدن ائیلمه غفلت آزدی عمروده فرصت جان چیخوب گئدر بیر آن کُلّ مَن عَلیها فان حقی پایمال ائتمه عمریوی زوال ائتمه گوزله ائیلمه عصیان کُلّ مَن عَلیها فان بیرده ائیلمه غیبت وورما بیر کسه تهمت چوخ چتین اولار بهتان کُلّ مَن عَلیها فان صادق اول رفاقتده عادل اول قضاوتده حق اوزی قورار دیوان کُلّ مَن عَلیها فان تاپشوروب سنه قران غافل اولما ای انسان حقّیدن آپار فرمان کُلّ مَن عَلیها فان بئیله ائیلمه جولان ایتمه بیر کسی نالان تنگ اولار سنه میدان کُلّ مَن عَلیها فان هم گدا و هم دارا دون اولا وَ یا والا عاقبت اولار گریان کُلّ مَن علیها فان ایستَسَه حقِ سبحان عمریوه اولار پایان چون اوزی دییوب قرآن کُلّ مَن عَلیها فان وار ئولوم ، اونا خاطر اُول قیامته حاضر وار قاباقدا بیر طوفان کُلّ مَن عَلیها فان آچ گوزون گیلن شیدا حقیلن ائله سودا عمریوه وئرر پایان کُلّ مَن عَلیها فان اولماسا اگر خیرون درده دگمسه شعرون ائیله بو سوزه اذعان کُلّ مَن عَلیها فان ✍محمدرضاصادقی‌شیدا چهارشنبه ۳۰ فروردین ۱۴۰۱