🐪 ای ساربان( ترکی )🐪 ای ساربان گَل بیردایان من کارواننان قالمیشام بیرخستیم،یول اوستیم،جسمیله جاننان قالمیشام اِقبالیمی سن پیلوسن هِی بو قطاری هِیلوسن رحم ایله باری بیر دایان من خانماننان قالمیشام بو قافلونده وارکسیم،چاتسا اونا یورقون سسیم منده قوشولام اِئلره ، اول مهرباننان قالمیشام داغلار بویی واردورغمیم، یاهِی لَر اولدی همدمیم ایندی یوواسیز بیر قوشام هر آشیاننان قالمیشام یازسا قلم بوسوزلری آغلار گورنلَر گوزلری گَلمور سسیم دردیم دیم آخر بیاننان قالمیشام گَلم قطارین زَنگینه ، کونلوم یانار آهنگینه بیلمم نجه آیریلمیشام اِئللرده ساننان قالمیشام دنیادی بیر غُربتسرا ، (نادر) اونا وِئرمه بها  ساتدون جَنانی بوغدیا باخ گور هایاننان قالمیشام ✨اَللّهُمَّ عَجِّل لِوَلیِّکَ الفَرَج✨ #محرم1402 #حضرت_رقیه_سلام_الله_علیها لینک کانال👇 http://eitaa.com/torkiy ---•••◇🏴🏴🏴◇•••--- @torkiy

#حضرت_زینب_در_کوفه 📝 استاد حسین کریمی مراغه ای بند 1⃣ ✅ حضرت زینب مطبخ‌کی حسینیم سنه بیت الحزن اولدی آیا دی گوروم یانیوه هچ بیر گلن اولدی؟ یا قانلی‌کولی‌قانلی‌گوزوندن سیلن اولدی؟ اما گجه نی صبحه کیمی یاتماموشام من گوزدن‌باجون‌ئولسون‌حرمون‌آتمامِشام من ✅ امام حسين خولی باجی جان دینینی دنیاسینه ساتدی قویدی‌منی مطبخده اوزی قصریده یاتدی یاتموشدوم او حالیله ننم گلدی اویاتدی سسلندی حسین عترتیوی گوزدن آتوبسان پیغمبرین اوغلی نیه مطبخده یاتوبسان؟ بند 2⃣ ✅ حضرت زینب نه حالیده گوردون ننمی ای شه خوبان شرح‌ایت‌باجووا شادیدی‌یا دیده‌سی گریان سویله ننمون حالی نجیدی سنه قربان سنموش‌قولون‌آیا یارالی سینه‌ده گوردون سندن دانشوب‌گولدی ویا غمزده گوردون ✅ امام حسين ای مهر و وفاده منه زهرایه برابر زهرا یوزی گولمز نه قدر وار بو ستملر پهلو سینه قویموشدی الین زار و مکدر ناراحتیدی چون در و دیوار اثریندن ئوپدوم یارالی سینه ده مسمار اثریندن بند 3⃣ ✅ حضرت زینب سنسن یارالی نی‌ده کسوگ باشلارا سرور باشون ائلیوب کوچه و بازاری منور سقا باشی اما آرادا یوخدی برادر چوخ ایستیورم ماه بنی هاشیمی قارداش دوزمور اورگیم‌ایستوری‌قارداشمی قارداش ✅ امام حسين هچ کیم اونون‌احوالینی مندن صورا بولمز بیر باش کی اوحاله قالا، نی ده دورا بولمز چون قاتل اونی گوردی جدایه وورا بولمز قویدی یارالی نعشینی میدان آراسیندا شامه آپارور باشینی قلخان آراسیندا ✨اَللّهُمَّ عَجِّل لِوَلیِّکَ الفَرَج✨ #محرم1402 #تنور_خولی لینک کانال👇 http://eitaa.com/torkiy ---•••◇🏴🏴🏴◇•••--- @torkiy

‍ ✔️احوالات کوفه ✔️زبانحال حضرت زینب سلام الله علیها 📝کربلایی رحیم شایان(ارومیه ) سبک :( ای منیم نازنین نگاریم) قان اولوب دیده میزده یاشلار نوک سرنیزه لرده باشلار خارجی آد قویوب ووروللار کوفیان اللرینده داشلار ظلمودن- دویمازلا مگر کوفه لیلر ایتدیلر' بیزی خونجگر کوفه لیلر حسینجانم حسینجانم آرتیریب باشیوین بلاسی هی دگور باشه داش یاراسی ایله سن مصحفی تلاوت زینبین لحنیوین فداسی یوز گوزون کوللریله آشفته‌لنوب دوداقون بس ندن دی قانه بلنوب حسین جانم حسین جانم خاطریم اولدی قارداشیم قان کاش اولیدی بو شهری ویران ایله نفرین حسین داغیلسین قانلی اول لبلریوه قربان گورمویوم که نه لر گلور باشیمیزه کوفیان کوللری الور باشیمیزه حسین جانم حسین جانم آیه کهفی ایت تلاوت بلکه بیر چکدیلر خجالت قورخورام بیلسه لر کیموخ بیز باشلانا آیری بیر جنایت حیدره دشمنان خونی دی بولار وای منه سنگسار اولوللار بالالار حسین جانم حسینجانم #محرم1402 #اسیری #کوفه ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

ای پیکری ستمله باتان قانه آی بابا باشسیز دوشن یارالی بو میدانه آی بابا گلمز شماره جسم شریفونده یاره لر قوربان اولوم بو پیکر عریانه آی بابا باشون کسوبله ظلمیله بو امت جهول قربان بو جسمه ، حنجر عطشانه آی بابا گلدیم زیارت ائیلماقا نعش اطهرین دوندی دوباره داغلی اورگ قانه آی بابا یاد ائیلییوب غریبلیقوی درد و محنتین گلم اولنجه ناله و افغانه آی بابا اولدی اسیر کوفه ده باشسیز حرملرون ابن زیاد یولادی زندانه آی بابا ابربهار تک گوزومون اشگی موج ائدیر باخدوقجا قانلی مقتله ، میدانه آی بابا نامه یازیب قوناق چاغیران آشنالرین غملی گونونده اولدولا بیگانه آی بابا وئردین رضای حقیده دارو نداریوی قربان اولوم سنون کیمی قربانه آی بابا گلدیم بو نعش اطهریوی بیر گورورم گئدیم مرهم قویوم بو سینه سوزانه آی بابا ای سو یانیندا قانه باتان تشنه میهمان باشسیز قالان جنازه سی اوخ نیزیه نشان گلدیم بو یئرده دایره غم قوورم گئدیم تورپاقه جسم اطهریوی تاپشوورم گئدیم عالمده یوخ دی سن کیمی مظلوم اولن بابا جسمین نئجه مزاره قویوم بی کفن بابا سالام خیاله یانام اولونجه بو نسگله اوچ گوندی پیکرین بابا دفن اولمیوب هله #محرم1402 #قتلگاه لینک کانال👇 http://eitaa.com/torkiy ---•••◇🏴🏴🏴◇•••--- @torkiy

کوچ از قتلگاه ائدر اعضای پراکنده حکایت یارالی نئجه بی شرم و شقی دور بو جماعت یارالی   یوخ سوزوم چوخ باجینون قارداشی دعواده ئولر رسمیدور خوش دیلیله تسلیت امّا وئره لر کیم گوروب باجینی قارداش باشی اوسته دوگلر بو ره عرفیدی یا حکم شریعت یارالی   نئجه من آغلامیوم صبراً ئولن قارداشیما قلبیمون قانی قاریشسون یئری وار گوزیاشیما بو تسلّی دی مگر قمچی ورولّار باشیما واردی بو کوفه لی لرده نه شقاوت یارالی   سن کسیک باشیله گیت دِیر نصارایه حسین دین پیغمبری تبلیغ ائله ترسایه حسین منده قولباغلی گئدوم  مجلس اعدایه حسین باجی قارداش ایلیاخ دینه حمایت یارالی   آپارور شامه باجون زینبی اشرار زمن دولدورور قلبیمی اندوه و غم و درد و محن قالمیسان یئرده حسینیم بئله بی غسل و کفن اولمادی دفنیوه زینبده فراغت یارالی   من گلنده بو چوله گلمیشدیم یاوریله ایندی امّا گئدورم شمر جفا پروریله دور دعا ایله منی بو کسیلن اللریله قافلم بلکه یته شامه سلامت یارلی   دور اوزون چاره ائله بیچاره بو بیچاره لره میندیریلّر بالاجا قیزلاریوی ناقه لره توکوری اشکین اوشاقلار باخوری نیزه لره ائدوری هر بیری بیر نوع شکایت یارالی   وئردی سعد اوغلی حسینیم بئله فرمان قوشونا ناقه ی لیلینی مشرف ائده اکبر باشینا آنا اوز اوغلونا باخسین باجی اوز قارداشینا یوخدی بو قومیده انصاف و مروّت یارالی   بیر نفر واردی «رجائی» دی سیزه نسبتی وار برگ سبزیله گلوبدور دئیوری قیمتی وار قسمت اولمور سفر کرب و بلا نیّتی وار بیرده محشره دئیور ایله شفاعت یارالی ✍رجائی(ره) #محرم1402 #کوچ_قتلگاه لینک کانال👇 http://eitaa.com/torkiy ---•••◇🏴🏴🏴◇•••--- @torkiy

کوفه🍂 ✍حاج اصغر فرشچی (عدلی تبریزی) 🎼سبک :احوالیمیز یاماندی.... ویردی صفا بو قلبه قرآن صداسی قارداش بیرده اوخی او لحنون زینب فداسی قارداش ایوای یارالی قارداش ایلدن آرالی قارداش باشون جداده قارداش عزم ایلیوبدی شامه دوندردی کوفه اهلی روشن گونومی شامه بیربیله ظلم ایدوللر یتمور نیه تمامه اول مونسیم بوچولده الله رضاسی قارداش ای یوسف مدینه قرآن تلاوت ایله منله دانش برادر مهرو محبت ایله کیم قویدی کو للراوسته باشون حکایت ایله سنده صورا کیمون وارکربوبلاسی قارداش یانّام گورنده قارداش بوداش آتان جماعت آد خارجی قویوبلار ایلور هامی شماتت نامه یازان شقی لرهیچ چکموری خجالت بو شهریده چوخ آز وار اولسون حیاسی قارداش گتمه کناره قارداش بوردا دایان بیرآز قال کهف آیه سین دوباره باشلا بوگویلومی آل ماه منیرزینب ایتمه خسوف ایشق سال سنلندی کاروانون نور و ضیاسی قارداش بو داش آتان جماعت مندن توان آلو للار بیر عدّه سی شماتت بیرعدّه کف چالوللار حیدرآتام یاراسین بوردا یادا سالوللار اولدی آتام سنون تک دینون فداسی قارداش عرشه چخان بوباشون کامه چاتوبدی قارداش دین اوسته ماسوانی گوزدن آتوبدی قارداش مطبخ سراده کوللر اوسته یاتوبدی قارداش بو باشوون نقدری وار ماجراسی قارداش گوردون دولوبدی قلبیم آلامه بس یارالی بوکوفه ایچره اولدون سن هم نفس یارالی قرآن صداسی اولدی فریاد رس یارالی وار دور تلاوتینده دردیم دواسی قارداش اولدون بو دینه قربان دین اهلی اولسون آگاه لازمدی هر مسلمان اولسون همیشه دین خواه دینه خیانت اللر اولسون گرکدی کوتاه خائین الی اولوبدی دینون بلاسی قارداش یاززینبون دیلینجه (عدلی) بو نوحه اولسون بوکاروان ایچینده بیر گل ندندی سولسون سوایستین زماندا قونداقی قانه دولسون باشین گورور بالانون آغلور آناسی قارداش اصغرباشین نی اوسته گورجاق دیوری ایوای گل سینمه صودوم وارگلمور بالا دیوروای فرض ایلوری قوجاقدا سسلور بالامدی لایلای آخرسوسوزویروب جان نازلی بالاسی قارداش #محرم1402 #کوفه #اسارت لینک کانال👇 http://eitaa.com/torkiy ---•••◇🔹️💢🔹️◇•••--- @torkiy

✔️احوالات راه شام _منزوی * قویوبلا چولده آی بابا آنام باجیم ملرمنی سالوبلا ئوزگه لر کیمین گوزیندن عمه لرمنی * * * * * * نجه ئوزین ورار سودا ساقا صولا سنق گمی او حاله قالمیشام باباگوزوم گورنده کولگمی نه آی چخور نه کهکشان ایتورمشم دوشرگمی اجل بهانه آختارور سراغ ایدوب گزر منی * * * * * * * * * * قویوب گور ایندی بو گجه فلک کیمیله باش باشا بیر اوچ یاشندا قورخولی قزی سالوبدی داغ داشا ایاق یارالی چاتمور ال نه باجیا نه قارداشا من ئولمسمده ئولدورر مشقت سفر منی * * * * * * * * بو آیدا چخمور از قضا بیر آز ایشیقدا آغلیام ایاقمون تیکانلارین چکوب جهانی داغلیام آچوب بو کهنه معجری بولوب یارانی باغلیام اورکده چوخدی طاقتیم ایاقیم اینجدر منی * * * * * * * * * ئوزوه مسند ایتموسن اوجادا نوک نیزه نی ایاقون آلتدا گورموسن ایاقلانان ضعیفه نی گوزوندن اشگ تک دوشن بالون گنه گزورسنی یتش هرایه بوشلامور سیاهی خطرمنی * * * * * غرض قضائیلن قدر سالوب اله بهانه نی گجیله زجر بیحیا تاپوپ او نازدانه نی سلام وردی تتردی گورنده تازیانه نی دیدی گوزتله ورما ایلعین فتنه گر منی * * * * * * * قلم الیمده ایستمور سوزی سوزه هدر قاتا رقیه تک هوسلنور او کاروانه تز چاتا گیدور که تیر غمزه سین گوزیله نیزیه آتا دیه دوشنده ناقه دن گوزتله مختصر منی * * * * * * * * دینمرم نه لر چکوب بو کاروانه گلمشم بو داشلقی تیکانلقی گلینجه جانه گلمیشم فقط یارالی باشوی ایدوب بهانه گلمشم دیدیم جداده سیر ایدن یارالی چوخ سویر منی * * * * * * * * * * ئوزومی موج محنت و غم و بلایه ورمشام گزوب تاننمیان یولی بو خسته جانی یورمشام قوولمشام یخلمشام گنه دوباره دورمشام بو فکریلن که زجر دون یوبانسام ئولدوررمنی * * * * * * * * بیور دمشقه بویولون نقدر وار مسافتی اگر یوخوندی ویرمیوم بو کاروانه زحمتی اوزاخدی تاپشور عمه مه دوباره بو امانتی دی کوچ ایدنده ایلسون اققلی باخبر منی * * * * * * * تیکان باتوب ایاقمه گل آچدی بلبل آغلادی دوزنمدی فراقوه یانوب شیرین دل آغلادی اولوبدی فاطمه آنام دچار مشکل آغلادی یتشدی باسدی باغرینا او زار دیده تر منی * * * * * * دوشور منیم خیالمه وطنده کی مناظریم قبیله قونشی تای توشوم مقابلیم مجاوریم او عزتیم بو ذلتیم او اولیم بو آخریم مدینه لی ئوپر منی بو کوفه لی دویر منی * * * * * * * * مدینه ده دائیلاریم ایدنده خواهش عجزیله ئوزوی راضی ایتمدون گجه گیدم دائیم گیله نجه دوزرسن ایندی سن قزوون بابا دوشه چوله حسینه سویگلی بلن ایاقلیوب گچر منی * * * * * * * * * آنام دیردی هی منه اوزاقه گیتمه گوزدیر گوزیلن اوخلار آی بالا گوزل جمالی بدنظر گوزل لیگون طراوتین خزانه ویردی قمچیلر بونیلی صورتیم داخی یتیمه بنزه درمنی * * * * * رقیه جان ضریحوه رواقوه فدا اولوم سپنمدیم مزاروه گوزوم یاشین دولوم دولوم دیر همیشه "منزوی "او قبره دوشمدی یولوم اقللی جان ویرن زمان سن ایله مفتخر من #محرم1402 #راه_شام #اسارت

"کوفه در انتظار است محمود ژولیده می روم امّا بدان جانم کنارت مانده است تا قیامت یا اخا، دل بیقرارت مانده است گر چه این گلبرگ ها را می برند از گلشنت غم مخور یک باغ پرپر در کنارت مانده است می روم با ساربان همراه خسته کاروان دست یاران بسته امّا اقتدارت مانده است بر گلویت جای بوسه، کار خود را کرده است لااقل بر حنجرت جای زیارت مانده است جسم خورشیدیت ای سالار زینب شد کبود بس که این عریان بدن زیر حرارت مانده است کوفه در راه است و ما آماده آوارگی روز روشن رفته امّا شام تارت مانده است هر یکی از دختران با دیگری نجوا کند: روی گوشت جای زخم گوشوارت مانده است وقت توزیع غنائم هستی ام تقسیم شد در حرم امّا صدای شیرخوارت مانده است بردن نام شریفت جرم زینب شد ولی با دعای خواهر شب زنده دارت مانده است نعش های پاره و عریان و بی سر جای خود بر غم ما خنده های نیزه دارت مانده است خطبه هایت گر چه این جا سنگباران شد ولی ترجمان خطبه های آشکارت مانده است ای تنت با خاک یکسان از هجوم اسب ها هر طرف عضوی ز نعش خاکسارت مانده است ای تمام آرزوی انبیا و اولیاء رفتی و عالم هماره داغدارت مانده است مانده بر لب نغمه یا لیتنا کنّا معک عقده بر دل ها از این ترک مزارت مانده است #محرم1402 #اسارت #ورود_به_کوفه

کوفه زبانحال حضرت زینب سلام الله علیها ای باشی سرنیزده معراج ایدن کچن گجه خولیه مهمان گیدن سن اوخی قرآن حسین منده دیوم جان حسین آی یری مظلوم آنامین سینه سی معرفتین سینه سی گنجینه سی توزلودی قارداش یوزون آئینه سی ویر سیلیم الان حسین حالی پریشان حسین اُفّ اولا بو کوفه نون اشرارینه ویردیلار اوت فاطمه گلزارینه گوللر اولوب توش ستم خوارینه ای گل رضوان حسین زیب گلستان حسین ای یوزینون جلوه سی نور آیه سی نه فلکی پرچمی پیرایه سی وار باشیم اوسته باشیوون سایه سی سن اوخی قرآن حسین منده دیوم جان حسین اللری ای کاش اولا شل دشمنین خواریله دولدوردولا گول دامنین یوسفیمین سویدولا پیراهنین پیکری عریان حسین سینه سی شان شان حسین شاعر ✍حاج ولی الله کلامی زنجانی ✨اَللّهُمَّ عَجِّل لِوَلیِّکَ الفَرَج✨ #محرم1402 #اسارت #احوالات_کوفه لینک کانال👇 http://eitaa.com/torkiy ---•••◇🏴🏴🏴◇•••--- @torkiy

روضه حضرت رقیه سلام الله علیها ☝️☝️ سبک بانوای کربلایی حسن نعمتی اردبیلی 😭😭😭

‍ ‍ روضه راه شام شاعر ✍لاادری شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین  یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب) ✨اَللّهُمَّ عَجِّل لِوَلیِّکَ الفَرَج✨ #محرم1402 #اسارت #راه_شام

      🔳 بسم الله الرحمن الرحیم 🔳 قالَ رَسُولُ اللّهِ (ص)  اِنَّ لِقَتْلِ الْحُسَیْنِ علیه السّلام حَرارَةً فى قُلُوبِ الْمُؤ منینَ لا تَبْرَدُ اَبَداً.    براى شهادت حسین (ع) حرارت و گرمایى در دلهاى مؤ منان است که هرگز سرد و خاموش نمى شود احوالات ورود اهل بیت به کوفه سبک نوحه خرابه چراغون امشب شاعر استاد حاج علی زلفی وفا ملکینه کوکبم من سراپا علی مکتبم من شجاعت اولار منله معنی حسین باجیسی زینبم من بیر آتشین نطقیله اهل کفری سارالتدیم بزم زیاد ایچره صوت انا الحق اوجالتدیم همان زینب قهرمانم نجابتده زهرا نشانم من زینبم زینبم زینبم من (۳) یا (۶) بار عیال حسینه کفیلم حجاب و عفافه دلیلم آنام اورگدوب درس عفت یوخ همتا منه بی بدیلم دخت بتولم جفاکاره باش اگمرم من معجر باشیمدان اولم دشمنه ویرمرم من همان زینب قهرمانم نجابتده زهرا نشانم من زینبم زینبم زینبم من (۳) یا (۶) بار او گون ایلدیم خطبه ایراد اولوب کوفیان خانه بر باد زیاد اوغلی چوخ اولدی دلگیر حرملر هامی اولدی دلشاد مرجانه اوغلون ایدن خطبم ایلوبدی رسوا تحسین ایدوب ایتدیقیم نطقه معناده طاها همان زینب قهرمانم نجابتده زهرا نشانم من زینبم زینبم زینبم من (۳) یا (۶) بار گران اولدی آلام کوفه دچار اولدی ماهیم خسوفه او شهر ایچره ایتدیم توسل خداوند حی و رئوفه سینم چکوب شعله یاندی بو آلام لردن جور و جفاییله داش آتدیلار بام لردن وروب کوفه اهلی شمادت اولوب سنگسار آل عصمت من زینبم زینبم زینبم من (۳) یا (۶) بار او گون راس شاه شهیدان اوخوردی جدا اوسته قرآن سبب اولدی سنگ عداوت او باشدان دوباره آخوب قان بو رسمیدور قاریه عالی خلعت ویرللر صد حیف اولا کوفه ده سنگسار ایلیللر بو عشقیمده نقصان قوتاردیم وروب باشی محملده یاردیم من زینبم زینبم زینبم من (۳) یا (۶) بار #محرم1402 #احوالات #ورود_به_کوفه ✨اَللّهُمَّ عَجِّل لِوَلیِّکَ الفَرَج✨