سلام دوستان #بداهه ✍بقلم استاد گوهری هشترودی اوچ یاشینداقیزگورون چوللرده قالسا نیلیر طاقتین الدن اونون یورقونلوخ آلسا نیلیر سن چکورسن بیلمورم ذهنونده تصویره نجه هانسی ماوا و مکانی روزِ روشن یا گئجه هر سوزه وار اعتقادیم گر زمینه اولماسا ایلمز تاثیر او اندازه ئورکلر دولماسا ایندی ای بزم عزانین با صفا بلبللری سسلیون بلکه رقیّه حلّ ایده مشکللری نیلدی شامین یولوندا آه و واویلا او قیز نیمه یِ شب قورخولی چوللرده یا زهرا او قیز چیخمامیشدی خاطریندن قتل و غارت قورخوسی اولدی اوندان باش بو مظلومین اسارت قورخوسی __________________ #محرم1402 #راه_شام #حضرت_رقیه_سلام_الله_علیها

🏴راه شام ▪️زبانحال حضرت رقیه سلام الله علیها با رأس مبارک پدر 🎼سبک : واردی باشیمدا یاحسین هوای بین الحرمین ... ای حرمینه ناز ائدن ... عطری گلور محرمون ... ✍شاعر: لاادری ای بابا گور سالوب نجه                      حاله بو ساربان منی جور و جفائیله ایدوب                      گور نجه باغری قان منی کرب و بلاده نعشیوین اوسته ایا شاه زمن قویمادی آغلیام سنه بیرجه دویونجا اوردا من گوردون اوزون عیان بابا سندن آیردی ظلمیلن ووردی او قدر قمچی چون ایلدی ناتوان منی ظلمی یتیشمیوب هنوز باشه او دونِ ناکسون ایمدیده قویمور اوج ایده ناله سی گور بو بی کسون ای باباجان سولار یوزوم هردم آلاندا من سسون بسکه ووروبدی قورخودوب ای شه انس و جان منی ظلمیله اختیاریمی الدن او ساربان آلوب نازلی قیزون سکینه گور بیر نجه حالته قالوب بابا منِ بلاکشی دشتیده ناقه دن سالوب بی کس و زار و پرخطر چولده قویوب اینان منی بحر بلاده گلمیشم موجه غمیله داشمیشام اشک بصر برهنه پا گه صول و صاقه قاچمیشام بابا بو کهنه معجری چولده باشیمدان آچمیشام باغلامیشام ایاقیمه گور شه بی کسان منی نی کیمی من او پرخطر دشتیده داده گلمیشم گه سنی سسلیوب گهی عمّه می داده گلمیشم آبله دور ایاقلاریم بس که پیاده گلمیشم گور نه فراموش ایلیوب زینب مهربان منی عترتیوی گیدنده سن جمله سپرده عمّه مه ایلدون ای شه حجاز بیر بیر او یرده عمّه مه ایله سپرده بو قیزون ای بابا بیرده عمّه مه بلکه فراموش ایتمیه بیرده او باغری قان منی چوخ ایدرم من آرزو بیر بو زمان شه جهان بیر ساق اولیدی کاش عموم یاعلی قارداشیم بو آن بیرجه ویریدیم ای بابا قمچی لرین یرین نشان تا که گوریدیلر نیدوب فرقۀ شامیان منی گه منی ساربان ووروب گاهی او زجر نابکار گه یوزیمه ووروب بابا سیلی او شمر بدشعار گور بو جهاندا من کیمی هانسی یتیم اولوبدی زار گه وورا ساربان گهی فرقۀ کوفیان منی من او سکینوم رضا اولمازیدون فغانیمه آچ بیر او گوزلریوی باخ اشکِ تر روانیمه جسمیم اولوب بنفشه تک قمچی ووروبلا جانیمه گور نجه ایلیوبدی زار آخری بو زمان منی ✨اَللّهُمَّ عَجِّل لِوَلیِّکَ الفَرَج✨ #محرم1402 #راه_شام #حضرت_رقیه_سلام_الله_علیها لینک کانال👇 http://eitaa.com/torkiy ---•••◇🏴🏴🏴◇•••--- @torkiy

🏴جوشی راه شام زبانحال حضرت رقیه(سلام الله علیها)🏴 ✍کربلایی محمد متقی تبریزی ____________________ دایان بابا_ قالوب یولدا_ رقیه ایدوروحشت_ گل زهرا_ رقیه کر دایان گئتمه دایان گئتمه باباجانم دایان گئتمه دايان گئتمه هراسانم آلوب بختیم کیمی قاره بیابانی تیکان باتدی ایاقیمون سوزور قانی یورولدوم دای خراب اولسون بودنیانی آز عمرونده گوروب ایذا رقیه منی قویدی هارا گئتدی خانم عمم هایان سمته گئدوب بولسم قطارغم الیم چاتسا بابام جانی ناز ائتمم بو جریانی ایدر معنا رقیه قرانلوق چول گوزوم گورمور بو صحرانی بویور گلسون بیبیم یا کی سقانی گوروم بیرده گوزی یاشلی اسیرانی فدا اولسون سنه مولا رقیه سالوب گوزدن بو نالانی علی اکبر دینن اکبر باجون الان سنی گوزلر سنه قربان اولا بابا دولان گوزلر سنی گوزلور غمی دریا رقیه سینمده چوخ غم الیندن کوزوم واردی شه عالم دایان گئتمه سوزوم واردی هراسانم مگر منده دوزوم واردی ندور چاره ایده ایا رقیه یارقیه الحسین،،،، #محرم1402 #راه_شام #حضرت_رقیه_سلام_الله_علیها ✨اَللّهُمَّ عَجِّل لِوَلیِّکَ الفَرَج✨ لینک کانال👇 http://eitaa.com/torkiy ---•••◇🏴🏴🏴◇•••--- @torkiy

راه شام زبانحال حضرت رقیه (س) بایاتیلار ✍سیفی اردبیلی رقییّم باشیم بلالی اولدی آرخام ائلیم مندن آرالی اولدی آینا کیمی سئندیم قضا داشیندان درد الیندن قلبیم یارالی اولدی اوچ ایل منه بهار اولدی یاز اولدی آییم گونوم نعمت اولدی ناز اولدی ارث آپاردوم دردی بُیوک ننمدن نازلی گونوم گُلَش یوزوم آز اولدی خانملقیم کربلاده یوخ اولدی منیم غمیم نَنَمدَندَه چوخ اولدی ئوز بی بیمه دینمدیم دردیمی نسگللریم قلبیمه بیر اوخ اولدی من بیر قیزام شیرین شیرین سوزوم وار کمان قاشیم شَوه کیمی گوزوم وار اوچ ایل کئچوب هله تَوّلدومدن منده نجه دوگولمگه دوزوم وار من بیر قیزام عزیزِیدیم ائللره آدیم سانیم ازبریدی دیللره یالان اولدی آیدین گونوم جفادن آتام ئولدی دوشدی یاخام اللره من بیر قیزام زمانه ساتدی منی قزل گول تک غملر سارالتدی منی ساربانلار قوللاریمی باغلادی سویقونچلار ناقه دن آتدی منی من بیر قیزام حالیمه بیر یانان یوخ یورولموشام پیکریمده توان یوخ قان سوزولور قابار ایاقلاریمدان آدامسیزام یاره می باغلیان یوخ من بیر قیزام دردیمی یوخدور بیلن غصه توزین قرا تِلیمدن سیلن ئولسم اگر بو وحشتلی دمنده کیم غسل ایدر منه کیم ایلر کفن من بیر قیزام آتدی منی ائللریم غم دیزیمیده داراخلانوب اللریم گوز اولومشام گوزدن بیله دوشمشم آلتی آیدور دارنمیوب تللریم سو آخماسا چمن لاله بترمز قورد اولماسا قویون سوری ایترمز اوچی قوان مارال کیمی ایتمیشم هیچ کیم منی ائللریمه یترمز قلبیم کیمی داغلار باشی دوماندی گوزلریمده حسرت سرشکی قاندی سنّیم اوشاق نابلدم یولارا شامون یولون تاپانمورام هایاندی #محرم1402 #راه_شام #حضرت_رقیه_سلام_الله_علیها لینک کانال👇 http://eitaa.com/torkiy ---•••◇🏴🏴🏴◇•••--- @torkiy

من بابا گلزار عزاده بیر بلبلودوم نالم سسی اینجیدی یوخسا جداده یاکه زحماتیم بی بیمه اولدی زیاده آیینه امیدیمی قویدن یره سالدوز گیتدیز ئوزوز اما منی چولدن چوله سالدوز دیله واردی بیر جذبه یتیمین هر نگاهنده یتیمه قیز هارا گیتسه گزر الله پناهینده یخان یخدی ولیکن ساخلیاندا ساخلادی زنده یامانلخ قالدی آخرساربانه ئولمدیم گلدیم سنه من نازدانیدیم هامی جان تک قوجاخلاردی وجود باغبانیله کیم آیا گل ایاقلاردی سنون ساغلقندیدی هامی گوز اوسته ساخلاردی داخی گوزدن دوشوب بو نازدانه ئولمدیم گلدیم اوحالیمده گوروب زجری اولده قاشمادم قالدم مسلمان فرض ایدیب ئوز شأنیمی گویدن یره سالدم اونامرده سلام ایدیم جوابنده ئوزوم آلدم اسور گوردوم الینده تازیانه ئولمدیم گلدیم منه زجر ایلدی حمله دیدیم رحم ایله ای ظالم منی ئولدورمه چولرده یتور ئوز عممه سالم قولومنان وردی بیر قمچی پوزولدی پوزقون احوالیم قانادم سندی اما آشیانه ئولمدیم گلدیم منه بیر بانگ وردی رعشه دوتدی بندیدن بندیم اوآتلی من پیاده پست وبالادن چخب اندیم یانمدا باغبانیم اولمادی گل تک ورقلندیم سارالوب گل کیمی دوندوم خزانه ئولمدیم گلدیم دوه لر یورقون اولاندا گرک ئولسون بالالار ایاق اوسته یومولوب گوزلری رویانی گزیر نیزه دار سر شاه شهدادندی خبر ئوزی نادان سوزی اما دل دانانی گزیر واردی بیر قیز اوقیزلاردا ولی سنی اوشاق کربلادن گوزوم اوندیدی کی هریانی گزیر نیزه اوسته باشی قویدوم یره یان یانه یاتاخ (هر شهره که وارد اولوردولار باشلاری صنوقلردن چخادردلار وروردولار نیزه لره خارج شهره چخاندا قویوردولار صندوقه دییر اوباشی فرصت اولمادی قویام صندوقه ) نیزه اوسته باشی قویدوم یره یان یانه یاتاخ گوردوم اول خرداجا قیز دوردی قضایانی گزیز منه دقتیلن باخدی هی چکولور گوره گر یاتمشام ئوز دردینه درمانی گزیر (دییر منده ئوزومی وردوم یوخویا گوروم اوبالا نیلیه جاق) پنجه سی اوسته گلوب ایلدی تعظیم اوباشا دیدی چوخداندی گوزوم بو مه تابانی گزیر دیزلرین قویدی یره الرینی صاق وصولا دیدی چوخداندی بودل بو لب ودندانی گزیر (دییر گوردوم یواش یواش یوزون قویدی باباسنین یوزونه) اوپدی عرض ایتدی خدا عمه مده قسمت ایله اودا من تک بو لب ودندانی گزیر #راه_شام

روضه راه شام تازیانه ویریلیب زجر ستمکار الینه شامه جه وردی اوظالم دینه نی دینمیه نی دولادی قمچیسینه اصغره لای لای دینی زجری گورجک ایاقا دوردی سلام ایلمگه (سلامن جوابی واجبدی، سلامن جوابنا باخ) زجر سیلیسی دینده اوانیس محنه (بیر دفعه باخدی اویان بویانا) دیدی الله عموم عباسی یتور فوری منه بیوک ال دیسه دوشر گورنه حالا خرداجا قیز (یوز اولا رقیه نین او بالاجانازلی یوزی ال اولا زجرین آغر الی ،یوزی اوستونده دوشدی تیکانلارین اوستونه، تیز دوردی ایاقا دیدی) منی ئولدورمه ردیف اسرادن چخلام بیر کسیم یوخدی پناهینده اقلا سخلام یرتیکانلخدی ویرورسان بئله ورما یخلام نجه عرب که اونون قلبی سخدیدی داشدان غذاسی مارو ملخ  بادیه نشین زاده ایاق یالین قاچا عادت ایدیبدی چولرده گچیریب عمرونی وحشیلریله بیداده اوقدری هرزه گیاهی یالین الیله قازب زغال سنگه دونوب ال ایاقی صحراده او الریله ورا رقیه نی گور نیلر گلور هوا باشما یاحسین یتیش داده قیز یامان گونده هرایه چاغرار ئوز ننه سین (گوردولر اوبالاجا بالا الین قویدی یوزونه، یوزون دولاندردی بقیعه طرف،) گل ننه یاندی یوزوم قالدی یاخام الرده سن دوشن درده دوچار اولدی بالان چولرده اوخی بو عرضه می ای سیده پاک تبار سنیلن عرصه محنتده منیم فرقیم وار (نیه بالا؟سنینده یوزوه سیلی وروبلار منیمده) ورولانان صورا سن منزلیوه گلدین آنا خیمه لریاندی ایویم یوخدی گدیم من هایانا نجه سه ساله عاشقی من اوخشادیم اوشاقلارا اوشاق مگر باخا بیلر قانا باتان دوداقلارا سلام او راه شامیده قاباراولان ایاقلارا ادبله سالک وفا رقیه دامنین دوتار رفیق زجر دیور قالمادی توان منده آلاندا قمچی سینی زجرکین شعار الینه هواده قمچینی دوتدوم اوقیز اورکلندی (دیر من که قمچینی دوتدوم ایوی داغلان نه ایشین واردی گورورسن یورولوبدی ورولوبدی قارداشی ئولوب دده سی ئولوب نیه ورورسان بوبالاجا بالا بئله بئله اورکلندی گلدی منیم مرکبیمین ترکینه دیزلریمین آلتنا دیدی آی شیخ سن یاخجی آداما اوخشورسان،قوی سنون حقینده بیر دعا ایلیوم، دییر گوردوم بالاجا الرین قاخیزدی دیدی آی عرب الله سنون بالاوی منیم گونومه قویماسون، الله بالاوی دده سیز المسین، دیدیم خانم قافله لنگه دوشوب گل سواراول ترکیمه ، باباوون یارالی باشی دایانوب سنی آختارور) ویردی جواب یاخجی مروتلی شخص سن اما بویرده منطقیوین اشتباهی وار نامحرمیله بیرآتا مینمز حسین قیزی عمم دیوب بو بیر عملین چوخ گناهی وار (دیدیم بالاجا بالا یول اوزوندی سنده ایاق یالن نینیه جکسن) دیدی بوتیکانلق آراسنان ئوزومه یول آچارام سیز سورون آتلارزی منده پیاده قاچارام #راه_شام

روضه راه شام شهدا باشی کسیلدی ورولوب نیزه لره اسرا دوشدی یولا دلده فغان چولرده کوفه دروازه سینه قافله آخشام چاتدی یاتدی قیزلار گجه نی اشک فشان چولرده ای قلم کوفه نی رد اول دیمه صبح اولدی نلر یاز گوروم قالدی رقیه نه زمان چولرده کاروان سرعتیلن باشلادی یول شامه طرف دوش نسوانه دوشوب بار گران چولرده سعی ایدور زینب کبری بالالار اینجیمیه ساربان تند گیدور ویرمور امان چولرده ام کلثوم گوزی قولسوز ابوالفضلی گزیر هی دیور یوخ باجیوی یاده سالان چولرده یتجاخ هرمنزله وقتی که یاتور توز تپراق باخوری بیر بیره قیزلار نگران چولرده هرکس ایستور یاتا فورا اوجالور بانگ رهیل یول اوزاقدی تلسور شمر و سنان چولرده حرمله غملی ربابین گوزونه گورسنمیر گیزلدیب تیرو کمانین اوخ آتان چولرده تند یلر که اسور دیسگینور اصغر آناسی آختارور اوغلونی دلده ضربان چولرده غم مسافرلری عریان دوه لر اوسته گیدور یوخ رقیه تلینه شانه وران چولرده غرق ایدوب لیلینی ئوز دردی خیال عالمینه باخور اکبر باشینا وقت اذان چولرده دیور ای آهو باخشلی بالا آچ بیر گوزوی سنه خاطر قالوب آواره آنون چولرده ایستوری فاطمه بیر نامه یازا صغرایه نیلسون یازسادا یوخ نامه رسان چولرده یوز دوتوب یثربه سسلور باجی جان خوش حالوا گر گلیدون دیری قالمازدون اینان چولرده قاسمین داغی سریه اورگیندن چخمور اوخشور آهسته اونی سینه زنان چولرده کیم ئولور اوستونه فورا قالانور تپراقلار لااقل قبرینه قویمولا نشان چولرده هانسی راویدی الینده اولا آمار دقیق کیم بولور کیمدی ئولن کیمدی قالان چولرده او ایتن قبریلری بیرگونی مهدی تاپاجاخ گوزی یاشلی گزور العاندا همان چولرده بیر شیرین دل بالانی لیک ایتیره بولمدیلر اونا خاطر گورونوب معجز عیان چولرده او گجه یولدا بلا قافله سی لنگ اولدی اوجالوب همهمه سندی خفقان چولرده نیزده دوردی حسین باشی باخدی پشت سره (گوردولر امام حسینین  یارالی باشی حرکت المیر واغردلار امام سجاد آقانی ، آقا سن بولرسن باخدی باباسینین قان دولان گوزلرینه بولمورم نه اشاره آلدی باباسینان یوزون دولاندردی عمه سینه ، عمه قیزلاری سایبسان؟ بیر بیر بالالاری چاغردی خانم زینب ایکی الی وردی باشنا رقیم چولده قالب) #راه_شام

روضه راه شام بابا خنجر سنقی اوخ سنقی ایلور اذیت قویمور یریم خار مغیلان گجه یاری عمم ده دیور بوردا سالا یارمه مرحم وار بوردا کیمیم ایلیه درمان گجه یاری تأثیر ایله دی اول بالانین حالی امامه ایتدی حرکت شاه شهیدان گجه یاری سسلندی قیزیم آغلاما گل محول زاره تک سن دیوسن آیری قوناقیمده واریمدی زهرا ده گلوبدور منه مهمان گجه یاری #راه_شام

نوحه راه شام - از ناقه افتادن حضرت رقیه س الله بوقلب زاری پیکان غم بولوبدی شامین یولی رقیه آواره دی سولوبدی ائللریندن آرالی گزور حسین مارالی قولوندا قمچی ردی ایاقلاری یارالی سه ساله قیز ، گزور یاقیز، آدامسیز یوخ پناهی بو غم کشین ، بلا کشین ، ندور مگر گناهی او خوردا قلبی غمدن دوشوبدی پیچ و تابه الی ئورک باشیندا یوزون قویور ترابه دیور منی خدایا یتور آنام ربابه باتوبدی آی یئتیشدی ستاره نین زوالی قرا گئجه اسیر دیار پر خطردی ائلیندن آشنادن نه وقتدی بی خبردی گهی دوروب ایاقه گهی یئره دوشردی قولی قانادی سئنمیش پرنده نین مثالی امان الله ، آدامسیزلیق، چتیندی هر محندن سه ساله قیز ، قالوب چولده ، دوشوب آیری چمندن قویوبلا چولده آی بابا آنام باجیم ملر منی سالوبلار اوزگه لر کیمی گوزوندن عمه لر منی بو آیدا چخمور از قضا بیر آز ایشیقدا آغلیام ایاقیمون تیکانلارون چکوب جهانی داغلیام آچوب بو کهنه معجری بولوب یارامی باغلیام #راه_شام #شهادت_حضرت_رقیه_سلام_الله_علیها

راه شام  گزورم   چولی   سیزیلدار   ایاقیم   یاراسی عمه گل   اوزون   یارامی   باغلا   الیوون  فداسی عمه نیه  تیز  بی بی دویوبسان  بو باشی بلالی قیزدان آتاسی  گیدن   الیندن   اوره گی   یارالی   قیزدان قاچان  اللری   باشیندا   یورولان   عزالی  قیزدان ئولنه   کیمی   آچیلماز   باشیمون   قراسی    عمه اوزولوب    الیم     بیلورسن    نئجه     آشیانلردن بدنیم    منیم     یورولدی     بی بی     تازیانلردن نیه   یولدا   سن     آییردون    منی     نازدانلردن نیه    کاروانون   اولدوم   غمه    مبتلاسی     عمه غم    هجرووه   دوزوم  یوخ دوتولوبدی قلب  پارم منی تک قویوب گیدوبسن گیجه گلدی  اشکبارم هایانا  گیدوب  سیخیلام  کسیلوبدی   راه   چارم گیدور    آسمانه    یردن    اورگیم   نواسی    عمه دیورم  یقین   واروندور گله  قارداشون  قیزیندان کسولوب بوچولده لطفون بله قارداشون قیزیندان چوخالوب غمی خبردوت هله قارداشون قیزیندان کیچیگه  گلوب  همیشه   بویوگون  عطاسی  عمه بی بی   باغبان ، غم   ایلر  اولا   گلستاندا  گل کم اورگیم   دوتار  دویونمه   قاباقا   دوشنده   کولگم بو گیجه  ئولوب  قوتارام   یوزیمی گورنمز  اولکم خوش  اولار سنون  الونله  قیزیوین  عزاسی عمه قاچورام   الیم   باشیمدا  سسیمه صدا ویرن یوخ دیورم    علی   اکبر   عوضینده    جان  دیین  یوخ یوزیمه آخاندا اشگیم گوزومون یاشین سیلن یوخ چوخ  اولوبدی  زندگیمده   باشیمون  بلاسی عمه فلک   آغلادور  ستمله   گوزیمی  آدامسیزام   من اثر   محن   ساراتدی    یوزیمی   آدامسیزام  من گورورم   بو  چولده  تنها  اوزیمی آدامسیزام من اورگیمی   گتدی    درده    فلکون    جفاسی  عمه ** مرحوم معزی اردبیلی #محرم_۱۴۰۳ #راه_شام #اسارت #حضرت_رقیه_سلام_الله_علیها

حسن طیبان: ✍نوحه جدید چاپ نشده راه شام 🎼در سبک اوت یاپیشدی سینمه روح وروان رقیه راحت جان رقیه چولده قالوب ساربان قلبی القان رقیه گیدون تاپون گولومی غملی   او      بلبلومی ایندی سینه سین داغلور اشکین غذاره باغلور غملی   او     بیاباندا قورخودان گولوم اغلور بو چولی گریان گزور قلبی پریشان گزور عمه سی ئولسون نجه ایندی هراسان گزور چولده رقیه قالوب صبریمی الدن اولوب بو چرخ فلک اونی منن ارالی سالوب او گول بی خاریمدی دلبر ودلداریمدی قارداشیمون بالاسی فاطمه اوخشاریمدی بالامون یوخ گناهی بو چولده دادخواهی فقط آلله دی اونون ای ساربان پناهی #محرم_۱۴۰۳ #راه_شام #حضرت_رقیه_سلام_الله_علیها

راه شام زبانحال حضرت رقیه (س) .. .. .. #سبک_خداحافظ_ای_آنام_باجی … #سبک_شیرین_سوزوم_آیدین_اولدوزوم … #سبک_عم_اوغلی_چوخ_گل_سارالار .. .. .. مرحوم فرهاد فکری اردبیلی .. .. .. .. دوشوب قزون ناقه دن یره قلبی یاره چوللرده قرا گئجه نیلیوم منِ بختی قاره چوللرده قورخی جانیمی آلدی کیم منی یره سالدی .. .. .. .. آلوب منیم قورخی جانیمی یوخدی بیرگلن داده گیدوم دل شبده بیلمورم هانسی سمته صحراده نشان ویره کیمسه یوخ یولی بو غریب و ناشاده سالوب منِ زاری گور نجه غم حصاره چوللرده قورخی جانیمی آلدی کیم منی یره سالدی .. .. .. .. اسنده یل بو بلا چولین بسکه خوفناک ایلر آلار الیمدن قراریمی زار و سینه چاک ایلر هراییمه گلمسوز منی وحشیلر هلاک ایلر قویار بو غمدیده نی بابا کیم مزاره چوللرده قورخی جانیمی آلدی کیم منی یره سالدی .. .. .. .. عذارینه دیده دن قزون خون دل الر تز گل دوشوب آیری ئوز سوروسیندن گور نجه ملر تز گل یوبانما چوخ قورخورام بابا زجر دون گلر تز گل دُچار اولام بیرده من او بی ننگ و عاره چوللرده قورخی جانیمی آلدی کیم منی یره سالدی .. .. .. .. قالا زنده بو جهانیده یوخ رقیّوین میلی یانان وقته خیمه لر ویروب زجر دون منه سیلی ویرار قمچی رحمسیزدی چوخ پیکریم اولار نیلی محالیدور رحم ایده منِ اشکباره چوللرده قورخی جانیمی آلدی کیم منی یره سالدی .. .. .. .. قرا بختیم تک قرا گئجه عالمه چکوب پرده کجاوه دن دوشموشم یره خاطریم گلوب درده الیمده یوخ چاره توش اولام من اگر او نامرده او بی حیا ظلمینی ایدر آشکاره چوللرده قورخی جانیمی آلدی کیم منی یره سالدی .. .. .. .. نه ایتمیشم بیلمورم مگر دشمنان خنّاسه آدامسیزام اکبریم ئولوب باتمیشام بوگون یاسه گلایه قوی ایلیوم بابا زجریدن من عبّاسه دیوم عمو قالمیشام عجب روزگاره چوللرده قورخی جانیمی آلدی کیم منی یره سالدی .. .. .. .. اسارتون محنتی منیم عمروی ایدوب یاری دوشم اگر دست دشمنه ئولدورر بو بی یاری منی بابا چولده قویماسون تاپشور عمّمه باری من زارى قویماسون بیبیم تا دوباره چوللرده قورخی جانیمی آلدی کیم منی یره سالدی #محرم_۱۴۰۳ #راه_شام #شهادت_حضرت_رقیه_سلام_الله_علیها

🍂راه شام از ناقه افتادن -زبانحال حضرت رقیه (س)🍂 🎶آهنگ‌ : قدم قدم با یه علم... ✍حاج علی زلفی تبریزی قدم قدم بو چوللری دولانموشام نوالی اما یول اوزاق یوخومدی یار و یاوریم ترحم ایله عمه جان ساخلا ایاق باشیم دوشدی عجب غوغایه یول سالدیم قورخولی صحرایه قاچماقا تاب یوخدور دیزده یالواررام خالق یکتایه باخ عمه یوزده کی قان یاشه غملر یوز ویردی بو کولباشه گر یتسم کاروانه وار سوز نیزه اوسته او قانلی باشه قدم قدم قورخولی چول بلا دیاری بس که تیره خوفناک ایاقلاریم آبله دی یاخوندی عمه قورخودان اولام هلاک غارتده اوت دوتوب دامانیم نار هجره یانوبدور جانیم همدمیم خار مغیلاندور ایکاش اکبر بولیدی حالیم ایلیوب خار ایاقیم یاره فاش ایتمم نجه یاندیم ناره گلسیدی بیر گورردی اکبر غارت اولدی آلان گوشواره قدم قدم چول آراسی سسیمه سس آی عمه وئرموسن ندن گور ایندی ناقه دن یره دوشوب پری سنان قوشام بو چولده من شاهد سن عمه علی اکبر اوز جانیندن منی چوخ ایستر ویر خبر قالمیشام چوللرده بس هردا قالمیسان خوش منظر کاسه چشمیمی دولدوررام خوف ایتمرم دایانام دوررام اکبر گلسه اگر پسشوازه ایاقلارینا بوسه ویررام قدم قدم دیده ترم آدیمدی ( زلفی) اهل بیته نوکرم قرا لوایه عاشقم خانم رقییه ئوزوم کلب درم #محرم_۱۴۰۳ #راه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

زبانحال حضرت رقیه سلام الله علیها الاحقر شعرا اصغر فرشچی ( عدلی تبریزی) سبک :استخاره کردم امشب ... ای وئرن ویرانه یرده ... عمه بو ویران سراده ... گلپونه ها . . اهل عالم من رقیه ساکن ویران سَرایم بلبل شیدای عشقِ گلشنِ آل عَبایم اهل عالم. ....اهل عالم.. . میوۀ باغ ولایت مادرم اِنسیّه حورا من سه ساله دخترم که نور چشم مرتضایم . دختر شیرین زبان شاهدکرب و بلایم کعبۀ ایوان عصمت عفّت و شرم و حیایم . سلسله جنبان موجم کوکب رخشان دینم زادۀ خون خدایم بحر جودم هم سخایم . دستگیر پیر و بُرنا هر علیل و ناتوانم مستمندان را پناهم چاره ساز بی نوایم . من به شطرنج محبّت فاتح قلعه . حصارم مُهرۀ ماهر به مات و فاتح شاه و گدایم . پرچم فتحم به گُنبد می وزد در اهتزاز است سالک راه حقیقت من کلیم بی عصایم . کربلا بودم چو غارت رفته از گوش گوشوارم همره دردم هنوزم صابرم درد آشنایم . گوشۀ ویرانۀ شام گشته با اشکم گلستان زخم سر تاج سرم شد درگهِ دارالشِفایم . مثل شمع دراین خرابه سوختم با درد و غصّه آرزوی وصل جانان شد در این وادی دُعایم . شام ویرانه اگر چه مدفن من گشته لیکن منصبم باب الحوائج بر همه مشکل گشایم . عطرخوشبوی مزارم عطر دلجوی حسین است زان سبب در این خرابه خاکِ پاکِ باصفایم . من به سیلی خوردن ازدون هم قرین مام خویشم غم مخور (عدلی) چو زهرا شافع یُوالجزایم #محرم_۱۴۰۳ #راه_شام #شهادت_حضرت_رقیه_سلام_الله_علیها #کانال_باب_الحوائج http://eitaa.com/torkiy

راه شام -  درد دل زهرای سه ساله ✍ شعراز: محمدی ناعم من حسینون  قیزیام  ، چوللری  مضطر گزورم قالمیشام یئرده، منی ترک ائدوب ائللر، گزورم نه غذا  ایستیورم من ،نه ده  سو تشنه سی ام نیمه  شب ، غرق تَعَب ، یاره لی بیر سَرگزورم "مرغ    باغ    ملکوتم    نیَم    از    عالم    خاک"   که  سینوب  بال و پریم  چوللری بی پر گزورم بیر    یارالی     باجیام      نازیمی    لطفیله   آلا علی  اکبر   کیمی   بیر    نازلی   برادر    گزورم التفاتین    کسوب    اکبر    ندور     آیا    سببی کوسوب اکبر   دیه سن ،صود امر اصغر گزورم زینب    عمّمده    ایتیردی    منی   بو  صحراده بو   محن  سالدی   منیم   قلبیمه   آذر ، گزورم بو تیکانلار نه تیکان، خنجره  چوخ  بنذری  وار ایاقیم   آلتدا   باخوب   چکمگه   نِشتَر  گزورم ائله   غارت   زدیَم    معجریمی  دشمن   آلیب یارامی    باغلاماقا    بیر   قره   معجر    گزورم بو  گئجه   آیدا   کَسوب  نورینی  بو   بادیه دن نیزه    باشیندا    ولی   بیر   مهِ    انور    گزورم بو  قرا بختیمه  باخ   یوخدی بیر  اولدوز گویده یولومی    تاپماقا    نورانی    بیر   اَختر   گزورم گئدوب   عمّم   چاغیرام داده  گرک  فاطمه نی ذکر  یا   فاطمه    دلده    ائدوب   اَزبر   گزورم نه آتام  وار نه ده  قارداش قره  بختم   قره یاز سسلورم    فاطمه نی   غصه لی  مادر   گزورم یل    اسنده   بوریور   صورتیمی  گرد   و   غبار بیر    نقاب    ایلیه    سیمانی    مُسَتَّر    گزورم یورقونام  ،  یاره لیَم  ،  یوخدی  توانیم    یِریَم اَبَدی   یاتماقا    مدتدی    که   بستَر     گزورم خوش اولار بوردا  ئولَم ،یِل  اَسَه، تپراق سُوؤرا دفن   اولا   تپراقون   آلتیندا   بو   پیکر گزورم مرقدیم  گیزلین   اولا    اَلده  ئولَن  فاطمه تک اولا    دردیم      او    دلارایه    برابر     گزورم (( ناعمم ))  نام   رقیه    منی   عرشه    یتوروب خانیمون  مرحمتین    عرصه   ٔ محشر  گزورم ** ✍محمدرضامحمدی(ناعم) #محرم_۱۴۰۳ #راه_شام #حضرت_رقیه_سلام_الله_علیها #کانال_باب_الحوائج http://eitaa.com/torkiy

‍ زبانحال به حضرت امام حسین (ع) گیدنده شامه دیده گریان علی قیزی ئورکده افغان ورد اولمیشدی دیلده هر آن حسین یارالاریوا قربان اسیر بالالاریوا قربان بلالی زینبه فکاره کسیلدی هر نه راه چاره دییردی اللرینده یاره حسین یارالاریوا قربان اسیر بالالاریوا قربان ئورکده واردی غم هواسی پوزولدی قاسمین حناسی عروس مضطرین صداسی حسین یارالاریوا قربان اسیر بالالاریوا قربان صولوبدی گلستان دا گوللر اوخا نشان اولوبدی اصغر رباب بختی قاره سسلر حسین یارالاریوا قربان اسیر بالالاریوا قربان اوشاخلارین اوزونده حاله ائدردیلر فغان و ناله نوای دختر سه ساله حسین یارالاریوا قربان اسیر بالالاریوا قربان رقیه قورخودان اَسردی قولون طناب کین کسردی ویراندا ساربان دییَردی حسین یارالاریوا قربان اسیر بالالاریوا قربان جدا باشیندا شبه طاها ناقه لر اوسته غملی لیلا بوییدی ذکری دیلده گویا حسین یارالاریوا قربان اسیر بالالاریوا قربان ** ✍کربلایی امیر حسامی تبریزی #محرم۱۴۰۲ #راه_شام #اسارت #کانال_باب_الحوائج http://eitaa.com/torkiy

راه شام منه  دی  نیزه    باشیندا    نلر    اولدی   بابا  جان نیه  اوچ   یاشدا   بالون  در به در اولدی  بابا جان بیزه   بیر قطره ده   سو  اولمادی قسمت  باباجان زینبون  توکدی   یوزه   گریه ی حسرت   باباجان بیر گیجه   یاتماموشام  خیمه ده   راحت  باباجان نیه  عمه م   تالانیب خون جگر  اولدی   بابا جان یاغدیریب      تیر      بلا     اکبریوه     قوم    دنی دشت   محنتده      اونون   نیزلر    اولدی     کفنی بویانیب       قانه     بابا    اصغریون   گول    بدنی جانثارون    نیه  بس   صود امر   اولدی   بابا جان اهل  کین   قویمادیلار    قارداشیوی   سو   گتیره سویی    مخیمده     یانان    طفل  و    بناته  یتیره اولدی  عباسین   او دم   غیرت  و   ایمانه    گوره نیه   سقانی   ویران   مین  نفر  اولدی   بابا  جان نوجوان     قاسمی    ظلمیله    الین     دوغرادیلار قلب    زهرانی      گینه      کوفه لیلر    داغلادیلار قیزلارین    زینبیلن   سینه   وییریب     آغلادیلار کفنی    قاسمه     آیا   سپر    اولدی      بابا   جان تلیدن    مقتله    زینب    نگران    باخدی   اوگون قانلی میدانی گوروب   قلبینه   قان  آخدی  اوگون حالیوه   آغلادی گوی  ایلدیریمی شاخدی  اوگون نیه   قسمت   بیزه   آه  و  شرر   اولدی  بابا  جان هانسی    یئرده     بئله   مهمانه جفا   اولدی   بابا هانسی  پیکر   نچه  گون  چولده   رها اولدی  بابا دهریده   کیم   سنی تک  دینه  فدا   اولدی    بابا منی تک    هانسی   بالا دیده  تر اولدی  بابا جان سن  گیدنن  سورا   من صبح و  مسا  آغلاموشام اکبری   یاده   سالیب  سینمی چوخ   داغلاموشام دادیمه   یوخدی   یتن  عمه مه  بئل   باغلاموشام هانسی جیران  بئله  چولده   ملر  اولدی  بابا جان نیزه    اوسته    منیلن   هم   سفریدین   بابا جان بیلیرم   حالیمه    سن    با  خبریدون     بابا  جان دشت و صحراده  گیجه  چون قمریدین  بابا جان هانسی ملت  بیزه   تای  در به در اولدی  بابا جان اُسرا     ایچره    بابا   بیر گون  ایتیردیم   یولومی تانیا   بیلمدیم  اول  دشتیده   من  ساق  صولومی اشقیا    قمچی لری    یاره   ائدیب   ال    قولومی نیه    بو  غملی  سفر   پر خطر   اولدی    بابا جان گولدی  شام  اهلی   بیزه  خارجی  اولدی  آدیمیز عرشه   چاتدی   بو   مصیبتده  بیزیم   فریادیمیز حب    اولاد    علی     اولدی     بیزیم    ایرادیمیز نیه   محنت   بیزیلن  هم سفر    اولدی   بابا جان ** ✍عبادی طارمی #محرم_۱۴۰۳ #راه_شام #حضرت_رقیه_سلام_الله_علیها #کانال_باب_الحوائج http://eitaa.com/torkiy

از ناقه افتادن حضرت رقیه به قلم کربلایی صابر ثمودی سبک ای شمع حرم خانه 🏴🏴🏴 بو قورخولی صحراده قالدیم بی بی جان گئتمه بی یاور و تنهایم بو چولده دایان گئتمه واگیر دردیمین درمانی گئتمه آی عمه گوزلرون قربانی گئتمه آی عمه 🏴🏴🏴 بیردن بو دل شبده عمه گوزومی آچدیم ال باشه قویوب عمه هر سمته طرف قاچدیم غمللر یوکونی عمه غملی سینمه ساچدیم ای غم گونی گونی یولداشیم ای جسمیمه جان گئتمه 🏴🏴🏴 وحشتلی بیاباندا قالدیم بی بی آواره   بو قورخولی صحراده عمه گزورم چاره قاچدیم او قدر عمه اولدی ایاقیم یاره آخدی یارالاریمدان ایندی بی بی قان گئتمه 🏴🏴🏴 سن مهر وفا رختین علّت نه اولوب سویدون ایستکلی رقیه نن بو تئزلیقا سن دویدون بو غمکش دورانی چوللرده مللر قویدون اولدوم بو بیاباندا مین درده نشان گئتمه 🏴🏴🏴 سویله عموم عبّاسه چوللرده بالام قالدی بو ظلمت شب مندن آرام و توان آلدی باشیمی فلک عمه مین درد و غمه سالدی بو چرخ فلک وئرمور بیر لحظه امان گئتمه 🏴🏴🏴 بو قورخولی صحراده گلدیم بی بی افغانه گوز یاشیم آخور عمه دیدمده یانا یانه لطف ایله قدم ساخلا رحم ایله بو نالانه اولدوم بو بیاباندا من اشک فشان گئمه 🏴🏴🏴 عالم بیلیر آی عمه محنتلی اسیرم من غم قافله سی ایچره دُردانه امیرم من شامه یئتیشم سالم اوچ یاشلی سفیرم من تختدن یئره ظلامی وقریله سالان گئتمه 🏴🏴🏴 بیر بیله غمه دوشسه نِینَلرَ آدام سیزلار واضحدی قالار چولده عمه آتاسیز قیزلار احوالیمه بو چولده قان آغلیار اولدوزلار ای قیدیمه هر یئرده مِهریلَه قالان گئتمه 🏴🏴🏴 گل عمه ایاقیمدا تئز یاره لری باغلا آل سن منی آغوشه احوالیمه یان آغلا بو غمده( ثمودی) گل آغلا سینوی داغلا آغلور بو مصیبتده هر پیر و جوان گئتمه 🏴🏴🏴 #محرم۱۴۰۳ #راه_شام #حضرت_رقیه_سلام_الله_علیها

🔰ورود به شام ✍مرحوم میرزا محمد صادق کاتب اردبیلی . غم قافله سی یتدی چو دروازۀ شامه دوندی اسرانون گونی بیر لیل ظلامه . حکم اولدی منادیلر ائده جار او گونده شام اهیلینی ائتسونله خبردار او گونده زینت وئریله کوچه و بازاره او گونده چخسونلا تماشادن اؤتؤر غرفه و بامه . شام اهلینه یوز وئردی او گون آیری بیر حالت هر کوچه ده بر پا اولونوب مجلس عشرت سازنده و بازنده ائدوب زیور و زینت گیمیشدیله عشرتدن اؤتؤر قرمزی جامه . باغلانمشیدی بیر ایپه اولاد پیمبر سر سلسله ده عابد دلخسته و مضطر یوز وئردی او گون زینبه چوخ محنت و غملر گوردی که سالوب شمر اولاری طرفه نظامه . یارا هانی شرح ائتمگه دروازۀ ساعت تعطیل اولونوب قافله اوردا نچه ساعت یوز وئردی نلر سید سجّاده او ساعت قول باغلی اؤرک داغلی بدنده غل و جامه . شام اهلی تماشایه چخوب دسته به دسته رأس شه دین نیزه ده زینب دوه اوسته محنت کش و ماتم زده و قلبی شکسته بنزردی او گون زینبیچون روز قیامه . بیر غرفه ده اگلشمیشیدی بیر نفر عورت گوردی او زمان بیر باش ائدر آیه تلاوت خوف ایلمیوب حقدن او ملعونه او ساعت بیر داش گوتوروب وئردی او دم فرق امامه . داش دگدی شه دین باشینا جاری اولوب قان بو حالی گوروب زینب اولوب حالی پریشان باشینی ووروب محمله با ناله و افغان قان جاری اولوب عارض خاتون گرامه . عورتلر ائدوب طعن شماتت اُسَرایه بعضیسی گولوب عترت شاه شهدایه ناگه بیری اود توکدی سر زین العبایه بیر وقت گوروبلر آلشوب یاندی عمامه . القصّه ائدوب حکم او زمان زادۀ سفیان ترتیبیله ائتسونله یریش لشگر عدوان باشلار دالیسینجا گئده لر فوج اسیران اولاد علی وارد اولا مجلس عامه . صدقیله یاپوش «کاتب» حسینون اتگینه آغلا نقدر عمرون اولا اوُل شه دینه قیل توشه سرشک بصری روز پسینه دنیاده گورونموب ائده بیر کیمسه اقامه #محرم۱۴۰۳ #راه_شام #شام #کانال_باب_الحوائج http://eitaa.com/torkiy

من بیر قیزام الله یوزوم گولمدی اورگیمون دردین بیرکس بولمدی زجرلعین سیلی ووردی آغلادیم بیرکس گلوب گوزیاشیمی سیلمدی من بیر قیزام فلک منه غم ساتار هاردا یتیم خرابه ده تک یاتار چکدی باشیم آزسنّیده چوخ جفا دئدیم الله ئولدور منی تئز قوتار من بیر قیزام بختیم غلط چالشدی کوفه نی گورجگیم قلبیم آلشدی بیرسوز دیوم قوی عَمَّمَه سوونسون بابام خرابه ده منّن باریشدی من بیرقیزام باباما چوخ آغلادیم بابام باشین گوروب سینه داغلادیم ایاقلاریم بَلَشدی چولده قانا  معجریمی بولوب یارا باغلادیم من بیر قیزام شیعه منه آغلیار آدیم گلنده سینه سین داغلیار بیر سوز دیوم اورگلریز آلیشسین اوچ یاشیندا نجه یارا باغلیار من بیرقیزام بولوت تکین دولموشام اوچ یاشیمدا الله یتیم اولموشام بابام باشین خرابه ده گورنده فغانیلن ساچلاریمی یولموشام من بیر قیزام جفا گوروب چوخ باشیم گئدوب الدن ایکی گوزل قارداشیم بس که بابام فراقینده آغلادیم قانه دوندی خرابه ده گوز یاشیم من بیر قیزام غملر آشوب باشیمدان شامون یولون چخاتمارام یادیمدان هر کیم دؤیه خلوصیلن قاپیمی محالیدور بوش قیترم قاپیمدان #محرم۱۴۰۳ #راه_شام #خرابه_شام #حضرت_رقیه_سلام_الله_علیها #کانال_باب_الحوائج http://eitaa.com/torkiy

خرابه قلبینی سیخان خرابه قلبینی سیخان رقییه سلام اولا خرابه قلبینی سیخان رقیّیه سلام اولا یزیدی تختیدن سالان رقیّیه سلام اولا .ایاقلارین تیکان ئوپن گل پیمبره درود باشینا قمچیلر دگَن یتیمه دختره درود خرابه ده افول ایدن ایشیقلی اختره درود وئرن قوری یر اوسته جان رقیّیه سلام اولا . فلک لحاف و بالشین حصیر و پاره خشت ائدن رضای حقیدن ئوزون رضای سرنوشت ائدن خرابه یرده جان وئرن خرابه نی بهشت ائدن چراغ و چشم کهکشان رقیّیه سلام اولا آناسی فاطمه کیمی جمالی نیلگون اولان جفا و ضرب سیلیدن گوزل گوزونه قان دولان سموم ظلم و جوریدن گل چمن کیمی صولان غمینده عمه سی یانان رقیّیه سلام اولا . دیلینده اکبرین آدی یاواش یاواش دیین اذان عزیزه دوتدوقی آدی خرابه خاکینه یازان گوزل آدی یازیب ئوپن گوزل آدی ئوپوب پوزان یزیدی تختیدن سالان رقیّیه سلام اولا شاعر ✍لاادری #محرم_۱۴۰۳ #راه_شام #خرابه_شام #حضرت_رقیه_سلام_الله_علیها #کانال_باب_الحوائج http://eitaa.com/torkiy

🏴حضرت رقیه سلام الله علیها🏴 🎶(سبک : اصغریم ای شیرین زبانیم) گل بابا سلب اولوب توانیم عرشه اوج ایلوری فغانیم یاخجی وقته بابا گلوبسن گور چیخور هاردا خسته جانیم قلبیمی تیر درد و غمله بولورم گل دوشوبدور نفس شماره ئولورم مظلوم بابا روزگاریم بابا قرادی دوشموشم درده بی دوادی هیچ سنی بیله گورمه میشدیم وای منه لبلرون یارادی کیم سنی سالدی بیله احواله بابا قان چکوب گول جمالیوه حاله بابا مظلوم بابا ای اولان غملره نشانه گلمیشم نی کیمی فغانه گوزلریندن ایراق یارالی چوخ یوروبدی منی زمانه فرقتونده غم اوسته غم آلدی قیزین گل بابا گور نه گونلره قالدی قیزین مظلوم بابا شامیان بزم قوروبلا کینه اوسته بابا دوروبلا کربلادن یتونجه شامه آغلیاندا بابا ویروبلا زجر ویردی ئوزومه بیر سیلی بابا آچ گوزین باخ ئوزیم اولوب نیلی بابا مظلوم بابا چوخ محن وار بابا سوزیمده چوخ اثر ایلیوب اوزومده ضربت سیلدن آنام تک قان قالوبدی بابا گوزیمده عمه مین حالینی مراعات ایلورم معجرین آتدا ئوزیمی گیزلیرم مظلوم بابا آچ گوزین ای سوسوز قوناقیم گور داغلمیش نئجه تفاقیم بس کی قاچدیم تکانلار اوسته آبله باغلیوب ایاقیم یولدا چوخ دویدوله منی قوم دنی گتدیلر پا پیاده شاماته منی مظلوم بابا قوی ائدیم بو غمه اشاره ایلین یوخ بو درده چاره کاش بابا غارت اولمییدی دست ظلمیله گاهواره چوخ گیجه غصه تیر غم قلبه ساچوب حال رویاده گورم اصغر دل آچوب مظلوم بابا غم منی ایلیوبدی ((دلگیر )) اولموشام باش و جانیدن سیر آز قالور جان چیخا دوداقدان گردنیمده قالوبدی زنجیر یوخ دین شمره دردیمی سان ویریرم تا بو زنجیری آچا من جان ویرورم مظلوم بابا ** ✍حسین علیزاده(دلگیر) #محرم_۱۴۰۳ #راه_شام #خرابه_شام #حضرت_رقیه_سلام_الله_علیها #کانال_باب_الحوائج http://eitaa.com/torkiy

🏴نوحه شهادت حضرت رقیه(سلام الله علیها)🏴 🎶(سبک :لایلای گوزیمون نوری ...) دگموش ئوزینه سیلی ، زهرایه نشان لایلای اولموش ایاقی یاره ، بند اولمادی قان لایلای گول ئوزون هر گیجه قویدون ترابه جان وئردون مسکنون اولدی خرابه لای لای رقیه ایوای رقیه (۲) وورموشدولا چوخ قمچی جسمی گورن لایلای اوچ یاشدان آنام مثلی ، غم غصه گورن لایلای یاننام غمیوه هر آن اللرده ئولن لایلای قمچی گودن جسمین قالموبدی توان لایلای گول ئوزون هر گیجه قویدون ترابه جان وئردون مسکنون اولدی خرابه لای لای رقیه ایوای رقیه (۲) گوردون آتاوون باشین نه حاله قیزیم قالدون ئوپدون یارالی ئوزدن ، آغوشیون سن آلدون قانلی لبینی ئوپدون الدن باشینی سالدون یاننام غمیوه وئردین ویرانه دن جان لایلای گول ئوزون هر گیجه قویدون ترابه جان وئردون مسکنون اولدی خرابه لای لای رقیه ایوای رقیه (۲) یاننام غمیوه ئولدون آرتوب محنیم لایلای لای لای دیرم ایوای الده ئولنیم لایلای غسلون وئررم الده یوخوور کفنیم لایلای قانه بویانوب قالموب بیر قبری قازان لایلای گول ئوزون هر گیجه قویدون ترابه جان وئردون مسکنون اولدی خرابه لای لای رقیه ایوای رقیه (۲) قدیم بوکولوب غمدن سینی ده گلوب بیر باش اهل حرم آغلاشدی منده دئدیم آی قارداش ئولدی قیزون اللرده گوزدن آخوری قانیاش (( صاحب )) یانوری غصه ، آرامین آلان لایلای گول ئوزون هر گیجه قویدون ترابه جان وئردون مسکنون اولدی خرابه لای لای رقیه ایوای رقیه (۲) ** ✍عباسعلی دهقان(صاحب #محرم_۱۴۰۳ #راه_شام #خرابه_شام #حضرت_رقیه_سلام_الله_علیها #کانال_باب_الحوائج http://eitaa.com/torkiy

دیر راهب (سبک میگذرد کاروان...) ای    شه     گلگون     قبا زینت    عرض    و    سما راهبون   اولسون  کسیک باشیوه         جانی      فدا رهبریم   سروریم    یاحسین یاوریم     دلبریم     یاحسین مظلوم حسین (3) دیریمه     وئردین     صفا من   سنه     قربان      آقا قوی     دولانیم     باشیوه ای     آدی      درده    دوا اوچماقا   شه  پریم  یاحسین یاش توکر گوزلریم  یاحسین مظلوم حسین (3) حقه        طرفدار    اولان گلشنی   غمدن    صولان یاره      دییب        آغزینا سو    یرینه   قان   دولان پر   بها   گوهریم    یاحسین دینه   ای   مظهریم  یاحسین مظلوم حسین (3) سینمی     من    داغلارام سن    شه   دل   باغلارام تا    نفسیم     وار     سنه قاره     گیوب       آغلارام سن سن تاج سریم یاحسین شافع    محشریم    یاحسین مظلوم حسین (3) ای    در    نایاب   حسین گل  یوزی شاداب حسین فاطمه نون          یوسفی عالمه      ارباب    حسین محو اولدی غملریم  یاحسین یوخ    یار   دیگریم  یاحسین مظلوم حسین (3) طالب       احسان      منم عاشق      قرآن         منم وار      کرمونده     گوزوم تازه      مسلمان        منم ای   آدی    ازبریم   یاحسین ای جاندان  بهتریم  یاحسین مظلوم حسین (3) ای       نوه  ی    مصطفی سن    گوزله     من    گدا باشی     دوشن        اللره مدفنی        قانلی        منا نو   گل   حیدریم     یاحسین شاه   کم لشگریم   یاحسین مظلوم حسین (3) ای    گل        باغ       ولا تشنه     لب            کربلا داغ        غمونده    سنون دیریمه     چکدیم      قرا قاندی  اشگ تریم  یاحسین ای   وفا   گستریم   یاحسین مظلوم حسین (3)  (( عارف ))    دل  خسته ام مهریوه    دل       بسته ام قوما         قاپونان      منی چون    سنه      وابسته ام شاه    نیکو  فریم    یاحسین سنده دی گوزلریم   یاحسین مظلوم حسین (3) ** ✍عارف زنجانی #محرم_۱۴۰۳ #اسارت #راه_شام #دیر_راهب #کانال_باب_الحوائج http://eitaa.com/torkiy

‍ دیر راهب آچ گوزلریوی راهب اولا جانیوه قربان عیسی ئوزی حق اوسته آخان قانیوه قربان بو دیر نصارایه شرافت گتیروبسن الله ئوزی شاهددی کی عزت گتیروبسن بیر عده باشوندا اوشاق عورت گتیروبسن قول باغلی گلن غمزده طفلانوه قربان ناخوشدی چوخی حیف اولا بسترلری یوخدی قول باغلیدیلار اوچماقا شهپرلری یوخدی گیسولری روبندیدی معجرلری یوخدی عفتلی نجابتلی اسیرانیوه قربان بعضی سی دئیور قافله سالاریمیز ئولدی بعضی سی دئیور طفل لبن خواریمیز ئولدی بعضی سی دئیور قولسوز علمداریمیز ئولدی منده دئیورم طفلووه اصلانیوه قربان توکدوم سو گوزل لبریوون قانین آپاردی بیر منظره گوردوم ولی غم قلبیمی یاردی گوردوم قوریان قانووین آلتدا یارا واردی بیردن دئدیم ای وای لب و دندانیوه قربان علت نَدی شام اهلی عناد اوسته دوروبلار دنیایه گوره رشته ی ایمانی قیروبلار آیا نیه سر نیزیه قرآنی ووروبلار داوود اولا بو لهجه ی قرآنیوه قربان بو خادم رنجوره غنیمتدی وصالون قویدون منه منت ننه وین شیری حلالون سر مست ایلیوبدی منی نورانی جمالون حوریلر اولا صورت نورانیوه قربان آزدور نَقَدَر نوکرون ائتسه سنه خدمت سن بیل او کلیسایه گَلَن غمزده عورت وئر بو قوجالان نوکریوه قول شفاعت احسان ائله ئوز خادمیوه جانیوه قربان * ✍حاج حسین غفاری اردبیلی #محرم_۱۴۰۳ #اسارت #راه_شام #دیر_راهب #کانال_باب_الحوائج http://eitaa.com/torkiy